[᭕᭒ 52 B]
᭕᭒
ᬯᭀᬲᬂ᭟ᬧᬹᬃᬡ᭄ᬦᬓᬬᬸᬦ᭄ᬳᬶᬤᬭᬤᬾᬦ᭄ᬤᬾᬯᬶ᭞ᬢᬹᬃᬫᬶᬤᬃᬣ᭞ᬓᬯᬶᬢ᭄ᬓᬧᬃᬢᬫ᭞ᬫᬘᬸᬦ᭄ᬤᬸᬓ᭄ᬢᭂᬗᬄᬕ᭄ᬯᬦᬾ᭞ᬲᬤᬸᬓ᭄ᬫᬬᬸᬤ᭄ᬥᬓᬧᬗ᭄ᬕᬸᬄ᭞ᬓᬾᬯᬦ᭄ᬢᭂᬦ᭄ᬳᬦ᭄ᬢᬸᬓ᭄ᬳ
ᬚ᭄ᬭᬶᬄ᭞ᬓᬦ᭄ᬢᬸᬢᬦ᭄ᬳᬾᬮᬶᬂᬭᬶᬂᬭᬕ᭞ᬲᬕᬾᬢ᭄ᬭᬶᬂᬧᬸᬭᬶᬲᬫ᭄ᬧᬸᬦ᭄᭞ᬢᬍᬃᬳᬶᬤᬫᬫ᭄ᬩᬯᭀᬲᬂ᭞ᬲᬧ᭄ᬭᬢᬶᬗ᭄ᬓᬄ᭞ᬳᬶᬘᬸᬧᬓ᭄ᬫᬭᬶᬂᬧᬸᬭᬶ᭞ᬫᬓᬫᬶᬯᬄᬦ
ᬭᬦᬣ᭟ᬭᬯᬸᬄᬧᬫᬸᬢᬸᬲ᭄ᬰ᭄ᬭᬶᬪᬸᬧᬢᬶ᭞ᬓᬧᬶᬤᬃᬣ᭞ᬫᬓᬶᬦ᭄ᬓᬶᬦᬦ᭄ᬧᬘᬂ᭞ᬫᬫᭂᬦ᭄ᬤᬓ᭄ᬳᬶᬕ᭄ᬭᬦ᭄ᬢᬂ᭞ᬤᭀᬦᬶᬂᬳᬶᬤᬢᬢᬲ᭄ᬯ᭄ᬭᬸᬄ᭞ᬲᬳᬶᬦ᭄ᬤᬶᬓ᭄ᬳᬶᬕ᭄ᬭ
ᬦ᭄ᬢᬂᬲᬫᬶ᭞ᬧᬗᬾᬓᬦ᭄ᬳᬾᬦ᭄ᬳᬶᬘᬸᬧᬓ᭄᭞ᬲᬓᬶᬂᬫᬦᬄᬤᬸᬤᬸ᭞ᬗᬸᬦᬶᬗᬂᬳᬶᬕ᭄ᬭᬦ᭄ᬢᬂᬧ᭄ᬚᬄ᭞ᬓᬓᬯᭀᬦᬂ᭞ᬳᬦ᭄ᬢᬸᬓ᭄ᬩᭂᬦᬭᬸᬦᬾᬰᬓ᭄ᬢᬶ᭞ᬲᬂᬦᬣᬗᭂᬕ
[᭕᭓ 53 A]
ᬳᬶᬘᬸᬧᬓ᭄᭟ᬓᭀᬘᬧ᭄ᬳᬶᬕ᭄ᬭᬦ᭄ᬢᬂᬫᬶᬭᬕᬶᬫᬗ᭄ᬓᬶ᭞ᬦ᭄᭞ᬫᬭᬶᬂᬫᬦᬄ᭞ᬫ᭄ᬭᬲᬫᬤᬸᬓᬦ᭄᭞ᬲᬸᬓᬳᬗᭂᬦ᭄ᬮᬦ᭄ᬲᭂᬥᬶᬳᬾ᭞ᬳᭂᬦ᭄ᬘᬾᬦ᭄ᬓᬾᬧᬢᬸᬢ᭄ᬢᬸᬯᬸ
ᬢ᭄᭞ᬲᬢ᭄ᬫᬓᬫᬗ᭄ᬕᬶᬳᬶᬦ᭄ᬫᬃᬕ᭄ᬕᬶ᭞ᬫᬲ᭄ᬧᬓ᭄ᬫᬶᬤᭂᬄᬳᬶᬤᬳᬦ᭄᭞ᬯᬲ᭄ᬢᬸᬯ᭄ᬢᬸᬩᬶᬗᬸᬂ᭞ᬮᬫᬶᬫᬧᬶᬦᭂᬄᬭᬶᬂᬫᬦᬄ᭞ᬭᬲᬭᬲ᭞ᬓᬤᬶᬫᬶᬭᬧᬶᬸᬕᬶᬧᬯᬶᬲᬶ
ᬓ᭄᭞ᬗᬯᬾᬕᬮᬂᬫᬭᬶᬂᬫᬦᬄ᭟ᬲᬕᬾᬢ᭄ᬫᬘᬦ᭄ᬤᬲᬮᬶᬂᬕ᭄ᬮᬶᬮᬶᬗᬶᬦ᭄᭞ᬢ᭄ᬗᬄᬲ᭄ᬓᬃ᭞ᬫᬓᬾᬄᬧᬸᬲ᭄ᬧᬋᬩᬄ᭞ᬓ᭄ᬦᬶᬢᬫ᭄ᬧ᭄ᬮᬶᬕ᭄ᬤᬸᬓ᭄ᬫ᭄ᬭᬸᬓᭂᬢᬾ᭞
ᬲᭀᬢᬦᬶᬂᬦᭂᬫ᭄ᬩᬾᬫᬢ᭄ᬫᬸ᭞ᬢ᭄ᬭᬸᬡᬫᬗ᭄ᬕᬶᬄᬢ᭄ᬭᬸᬡᬶ᭞ᬦᬫ᭄ᬢᬫᬶᬂᬓᬮᬗᬦ᭄᭞ᬯᬂᬚ᭄ᬭᭀᬦᬾᬮᬫᬶᬦᬸᬗ᭄ᬕᬸ᭞ᬲ᭄ᬫᬸᬢᬦ᭄ᬗᬦ᭄ᬢᭀᬲ᭄ᬫᬦ᭄ᬕᬓ᭄᭞ᬦᬾᬧᭀᬗᬳᬦ᭄
Page:Bali-lontar-cupak-grantang-400ppi.pdf/53
This page has been proofread.
