[᭕᭓ 53 B]
᭞ᬗ᭄ᬮᬕᬲᬂᬩᬗᬸᬦ᭄ᬫᬗᬶᬦ᭄ᬢᬶᬧ᭄᭞ᬫᬭᬶᬂᬫᬦᬄᬓ᭄ᬢᬸᬕ᭄ᬓᭂᬢᬸᬕ᭄᭟ᬯᬮᬸᬬᬩ᭄ᬤᬓᬾᬲᬸᬕᬶᬦᬶᬦ᭄᭞ᬫᬗ᭄ᬢᭀᬦᬂ᭞ᬭᬤᬾᬦ᭄ᬤᬾᬯᬶᬤᬩ᭄ᬤᬩ᭄᭞ᬫᬩᬶᬦ᭄ᬭᬶᬂᬳᬶᬕ᭄ᬭᬦ᭄ᬢᬂ
᭞ᬭᬶᬂᬲᭀᬃᬲ᭄ᬓᬭᬾᬭᬶᬫ᭄ᬩᬸᬦ᭄᭞ᬫᬲᬤᬄᬓᬢᭂᬫ᭄ᬧᬸᬄᬳᬗᬶᬦ᭄᭞ᬲᬃᬯ᭄ᬯᬶᬫᬮᬮᬶᬲ᭄ᬓᬃ᭞ᬬᬦᬶᬂᬢᬸᬦᬓᬸᬓᬸᬄ᭞ᬫᬾᬳᬦ᭄ᬳᬾᬮᬄᬧᬗᬸᬗᬲᬦ᭄᭞ᬲᬭᬶᬂᬳᬭᬲ᭄
᭞ᬧᬤᬢᬦ᭄ᬓᬲᭀᬭᬦ᭄ᬢᬗ᭄ᬓᬶᬲ᭄᭞ᬩᬕᬸᬲᬾᬚ᭄ᬕᬾᬕ᭄ᬗᬮᬯᬦ᭄᭟ᬲᬂᬫᬗᬶᬦ᭄ᬢᬶᬧ᭄ᬫᬢᬶᬗ᭄ᬕᬮ᭄ᬕᭂᬮᬶᬲ᭄᭞ᬢᬸᬃᬜ᭄ᬭᬶᬢᬬᬂ᭞ᬭᬶᬂᬢᬶᬫ᭄ᬧᬮ᭄ᬜᬲᬫ᭄ᬬᬦ᭄᭞ᬲ
ᬦᬾᬓᬧᬗ᭄ᬕᬶᬄᬳᬶᬦ᭄ᬤᬶᬓᬾ᭞ᬲᬂᬫᬶᬭᬕᬶᬩᬶᬸᬓᭂᬩ᭄ᬬᬄᬓᭂᬩ᭄ᬬᬄ᭞ᬫᬾᬄᬮᬫ᭄ᬧᬳᬶᬦ᭄ᬜ᭄ᬮᬾᬳᬢᬶ᭞ᬢᬦ᭄ᬫᬮᬶᬄᬓᬘ᭄ᬭᬶᬢᬦᬦ᭄᭞ᬫᬭᬶᬂᬢ᭄ᬗᬄᬢᬫᬦ᭄ᬲᬫ᭄ᬩᬸᬂ᭞ᬭ
[᭕᭔ 54 A]
ᬤᬾᬦ᭄ᬤᬾᬯᬶᬫᬲᬾᬦ᭄ᬢᭀᬤᬦ᭄ᬫᬜᬶᬂᬳᬸᬮᬢ᭄᭞ᬫᬾᬄᬭᬶᬂᬭᬕᬢᬦ᭄ᬳᬾᬮᬶᬂ᭞ᬓᬬᬸᬦᬾᬫᬗᬯᬂᬳᬯᬂ᭟ᬬᬦᬶᬂᬳᬲᬧᬸᬦᬧᬶᬲ᭄ᬯᬾᬦ᭄ᬲᬂᬓᬮᬶᬄ᭞ᬫᬭᬭᬲᬦ᭄
᭞ᬭᬤᬾᬦ᭄ᬤᬾᬯᬶᬓᭀᬘᬧ᭄᭞ᬫᬯᬘᬦᬧᬦ᭄ᬤᬶᬓᬦᬾ᭞ᬳᬸᬤᬸᬄᬩ᭄ᬮᬶᬤᭀᬦᬶᬂᬲᬫ᭄ᬧᬸᬦ᭄᭞ᬮᬫᬶᬢᬶᬢ᭄ᬬᬂᬳᬶᬭᬶᬓᬶ᭞ᬦᬾᬫᬗ᭄ᬓᬶᬦ᭄ᬫᬧᬫᬶᬢ᭄ᬢᬶᬢ᭄ᬬᬂ᭞
ᬮᬾᬤᬗᬂᬳᬸᬕᬶᬭᬶᬂᬓᬬᬸᬦ᭄᭞ᬢᬶᬢ᭄ᬬᬂᬯᬦ᭄ᬢᬄᬫᬶᬲᬸᬗ᭄ᬓᬦ᭄᭞ᬲᬲᬸᬳᬸᬦᬦ᭄᭞ᬳᬢᬸᬃᬳᬶᬕ᭄ᬭᬦ᭄ᬢᬂᬕ᭄ᬮᬶᬲ᭄᭞ᬲᬭᬮᬾᬤᬂᬧᬓᬬᬸᬦᬦ᭄᭟ᬭᬭᬶ
ᬲ᭄ᬭᬤᬾᬦ᭄ᬤᬾᬯᬶᬫᬗᬶᬸᬢᬗᬶ᭞ᬗᬮᬧ᭄ᬲ᭄ᬓᬃ᭞ᬫᬜᬶᬂᬧᭀᬮᬄᬢᬤᬄ᭞ᬩᬩᬾᬓᬶᬢ᭄ᬕᭂᬄᬲ᭄ᬓᬭᬾ᭞ᬢᬸᬫᬸᬮᬶᬗᬦ᭄ᬤᬶᬓᬳᬮᬸᬲ᭄᭞ᬤᭀᬂᬳᬦ᭄ᬘᭀᬕᬂ
Page:Bali-lontar-cupak-grantang-400ppi.pdf/54
This page has been proofread.
