[᭑᭘ 18 B]
᭑᭘
ᬓᬢᭀᬂ᭞ᬧᬸᬢ᭄ᬭᬦ᭄ᬦᬶᬗ᭄ᬲᬸᬦ᭄ᬭᬤᬾᬦ᭄ᬲᬓᬭᭀᬫ᭄ᬫᬾ᭞ᬧᬸᬢ᭄ᬭᬤᬍᬫ᭄ᬩᭀᬢᭂᬦ᭄ᬓᬯᬶᬕᬶᬕ᭄ᬭᬶᬕ᭄᭞ᬲᬂᬰ᭄ᬭᬷᬦᬭᬧᬢᬶ᭞ᬗᬦ᭄ᬥᬶᬓᬳᬶᬂ᭠ᬓᬮ᭄ᬪᬸ᭛ᬤᬾᬦ᭄ᬦᬾᬦᭀᬭᬓᬬᬳᬶᬓᬶᬫᬦ᭄ᬢ᭄ᬭᬶ᭞ᬓᬮᬶᬯᬢ᭄ᬳᬯᬗ᭄ᬓᭀᬢ᭄᭞ᬢᭂᬫ᭄ᬩᬾᬢᬸᬫᭀᬦ᭄ᬳᬶᬗ᭄ᬲᬸᬦ᭄ᬮᬕᬶᬫᬗ᭄ᬓᬾ᭞ᬧ᭄ᬭᬶᬬᬚ᭄ᬭᬶᬄᬳ
ᬭᬩᬶᬧᬯᬾᬲ᭄ᬢ᭄ᬭᬷ᭞ᬓᬭᭀᬓᬓᬶᬫᬦ᭄ᬢ᭄ᬭᬶ᭞ᬳᬧᬢᬦ᭄ᬧᬓᬮ᭄ᬪᬸ᭛ᬢᬦ᭄ᬓᬩᬩᬧᬦ᭄ᬲᬭᬫ᭄ᬩᬸᬢ᭄ᬫᬶᬭᬶᬩ᭄᭞ᬳᬶᬗ᭄ᬲᬸᬦ᭄ᬤᬸᬓ᭄ᬫᬓ᭄ᬧᬶᬦ᭄ᬦᭀᬫ᭄᭞ᬳᬜᬢ᭄ᬭᬶᬬᬲᭂᬥᭂᬂᬩᭂᬩᭂᬕᬾᬃᬭᬾ᭞ᬮᬫᬸᬦ᭄ᬳᬶᬗ᭄ᬲᬸᬦ᭄ᬫᬸᬮᬢ᭄ᬲᬶᬧᬶᬓᬸᬦ᭄ᬦᬶᬂ᭞ᬫᭂᬦ᭄ᬢᬲ᭄ᬤᬾᬦ᭄ᬧᬸᬧᬸᬃᬭᬶ᭞ᬳᬕᬾᬓᬸᬤᬸᬗᬫ᭄ᬩᬸᬂ᭞
᭛ᬤᬗᬸᬢᬦ᭄ᬧᬳᬗ᭄ᬮᬶᬂᬰ᭄ᬭᬷᬪᬹᬧᬢᬶ᭞ᬯᬶᬫ᭄ᬩᬸᬄᬕᬶᬂᬢ᭄ᬬᬲ᭄ᬓᬾᬧᭀᬦ᭄᭞ᬳᬃᬱᬤᬸᬓᬭᬶᬂᬧᬭᬭᬵᬚᬦ᭄ᬦᬾ᭞ᬚ᭄ᬭᬶᬄᬲᬶᬲᬶᬓᬸᬳᬶᬂᬤᬾᬯᬮᬶᬦ᭄ᬦᭂᬯᬶᬄ᭞ᬤᬸᬤᬸᬓᬳᬶᬂᬲᬶᬯᬶ᭞ᬓᬩ᭄ᬬᬓ᭄ᬢᬦ᭄ᬲᬶᬄᬳᬶᬧᬸᬦ᭄᭛ᬤᬳᬢ᭄ᬳᬾᬫᭂᬂᬗᬶᬂᬤ᭄ᬭᬶᬬᬲᬂᬗᬚᬶ᭞ᬳᬗᬦ᭄ᬥᬶᬓᬳᬮᭀ
ᬦ᭄᭞ᬳᬾᬄᬓᬶᬭᬤᬾᬦ᭄ᬢᬶᬫ᭄ᬩᬮᬦ᭄ᬦᬩᬳᬾ᭞ᬧᬸᬢ᭄ᬭᬦ᭄ᬦᬶᬗ᭄ᬲᬸᬦ᭄ᬓᬭᭀᬗᬃᬱᬳᭂᬦ᭄ᬢᬶᬂ᭞ᬮᬾᬗ᭄ᬲᬾᬃᬳᬯᭀᬢ᭄ᬲᬭᬷ᭞ᬯ᭄ᬯᭀᬂᬕᬦ᭄ᬥᬾᬓ᭄ᬮᬸᬫᬓᬸ᭛ᬢᬦ᭄ᬳᬦ᭄ᬢᬭᬳᬶᬂᬓᬧᬸᬢ᭄ᬭᬦ᭄ᬧ᭄ᬭᬧ᭄ᬢᬶ᭞ᬘᬭᬓᬯᬸᬲ᭄ᬧᬗ᭄ᬕᭀᬄ᭞ᬮᬯᬦ᭄ᬭᬤᬾᬦ᭄ᬤ᭄ᬬᬦ᭄ᬳᬦ᭄ᬤᬯᬸᬄᬳᬓᬾ᭞ᬩᬕ᭄ᬬᬦ᭄ᬦᬶᬭᬭᬶᬲᬂ
[᭑᭙ 19 A]
ᬫᬶᬰᬸᬥᬾᬂᬲᬶᬄ᭞ᬲᬦ᭄ᬥᬶᬓᬤ᭄ᬬᬦ᭄ᬓᬮᬶᬄ᭞ᬫᬗ᭄ᬓᬢ᭄ᬳᬲ᭄ᬫᬸᬯᬸᬬᬸᬂ᭛᭜᭛ᬳᬶᬂᬧᬕ᭄ᬮᬭᬦ᭄ᬳᬸᬯᬸᬲ᭄ᬧ᭄ᬭᬧ᭄ᬢᬶ᭞ᬧᬶᬬᬓ᭄ᬧᬭᬫᬦ᭄ᬢ᭄ᬭᬶᬲᬾᬩ᭞ᬮᬶᬃᬳ᭄ᬬᬂᬗᬲ᭄ᬫᬭᬘᬶᬢ᭄ᬭᬦ᭄ᬦᬾ᭞ᬭᬾᬫᬫᬳᬸᬃᬓᬧᬯᬦᬦ᭄᭞ᬳᬘᬸᬫ᭄ᬮᬝᬶᬢᬦ᭄ᬫᬸᬘᬂ᭞ᬧ᭄ᬭᬳᭀᬦ᭄ᬥᬲᬸᬗ᭄ᬓᬯᬾᬂᬓᬮ᭄ᬪᬸ᭞ᬯᬲ᭄ᬢ᭄ᬭᬮᬸᬗ᭄ᬲᭂᬤ᭄ᬢ᭠
ᬦ᭄ᬯᬶᬦᬹᬃᬬ᭄ᬬᬦ᭄᭛ᬧ᭄ᬭᬧ᭄ᬢᬗᬃᬱᬦ᭄ᬦᬶᬂᬭᬵᬫᬵᬚᬶ᭞ᬭᬤᬾᬦ᭄ᬓᬮᬶᬄᬳᬯᭀᬢ᭄ᬲᭂᬓᬃ᭞ᬫᬭᬂᬧᬤᬦ᭄ᬦᬶᬭᬓᬢᭀᬂ᭞ᬳᬶᬂᬲᬂᬧᬡ᭄ᬥᬸᬭ᭠ᬢᬦ᭄ᬦᬩ᭄ᬥ᭞ᬢᭂᬮᬢᬸ᭄ᬫᬶᬲ᭄ᬫᬸᬮᬢ᭄ᬫ᭄ᬭᬶᬂᬧᬸᬢ᭄ᬭ᭞ᬧᬸᬳᬭᬗᬦ᭄ᬥᬶᬓᬧ᭄ᬭᬪᬸ᭞ᬓᬭᭀᬯᬸᬲ᭄ᬧᬥᬤᬶᬯᬲ᭛ᬲᭂᬥᭂᬂᬗᬾᬫᬯᬶᬳᬓ᭄ᬭᬫᬶ᭞ᬳᬶᬗᬸ
ᬦ᭄ᬳᬶᬓᬶᬯᬸᬲ᭄ᬳᬢᬸᬯ᭞ᬬᬾᬦ᭄ᬢᬫᬗ᭄ᬕᬸᬄᬳᬲᬺᬗᬾᬗᬾ᭞ᬯᬬᬄᬲᬗᭂᬦ᭄ᬥᬧ᭄ᬧᬶᬂᬗᬃᬱ᭞ᬯᬸᬲ᭄ᬮᬸᬂᬲᬾᬂᬩᬭᬂᬓᬃᬬ᭄ᬬ᭞ᬳᬲᭂᬧᬓ᭄ᬫᬗ᭄ᬲᬾᬦ᭄ᬦᬾᬲᬸᬭᬸᬧ᭄᭞ᬓᬓᬶᬲᬶᬭᬳᬸᬫᬶᬜ᭄ᬚᭂᬫ᭄ᬫ᭛ᬧᬜ᭄ᬚᭂᬦ᭄ᬦᭂᬂᬗᬦ᭄ᬦᬶᬗ᭄ᬲᬸᬦ᭄ᬳᬚᬶ᭞ᬳᬶᬗ᭄ᬲᬸᬦ᭄ᬳᬃᬱᬳᬫᬕᬯᬵᬦ᭄᭞ᬳᬢᬧᬳᬶᬂᬳ᭠
ᬦ᭄ᬥᬓᬦ᭄ᬦᬾ᭞ᬳᬦᭂᬦ᭄ᬦᭂᬥᬳᬶᬂᬚᬯᬢ᭞ᬬᬦ᭄ᬦᬦᬮᬸᬯᭀᬯᬸᬢ᭄ᬢᬶᬭ᭞ᬫᬸᬯᬄᬬᬾᬦ᭄ᬦᭂᬫᬸᬧᬓᬾᬯᬸᬄ᭞ᬫᬸᬫ᭄ᬧᬸᬂᬫᬓ᭄ᬱᬶᬄᬚᭂᬦ᭄ᬦᭂᬂᬗᬶᬂ᭠ᬗ᭄ᬯᬂ᭛ᬫᬸᬗ᭄ᬕᬄᬓᬃᬱᬦ᭄ᬦᬶᬗ᭄ᬲᬸᬦ᭄ᬳᬶᬓᬶ᭞ᬓᬬᬳᬕᬾᬓᬮᬓᭀᬦ᭄ᬦ᭞ᬓᬂᬧᬸᬢ᭄ᬭᬵᬢᬸᬃᬧ᭄ᬭᬡᬢᬦ᭄ᬦᬾ᭞ᬳᬦᬸᬳᬸᬦ᭄ᬤᬸᬓᬍᬗ᭄ᬕᬦ᭄ᬦ᭞ᬲᬸ᭠
Page:Bali-lontar-gaguritan-anging-kusuma-250ppi.pdf/19
This page has been proofread.
