[᭑᭙ 19 B]
᭑᭙
ᬫᬶᬮᬶᬄᬳᬶᬂᬧᬤᬸᬓ᭞ᬫᬾᬦ᭄ᬥᬄᬳᬸᬘᬧᬶᬂᬧ᭄ᬭᬚᬵᬕᬸᬂ᭞ᬯᬶᬦᬲ᭄ᬢᬳᬕᬾᬕᬾᬕᬾᬫᭀᬗ᭄ᬲ᭛ᬲᬂᬭᬵᬫᬗᬦ᭄ᬥᬶᬓᬫᬮᬶᬄ᭞ᬬ᭄ᬯᬍᬗ᭄ᬕᬦᬳᬶᬗ᭄ᬲᬸᬦ᭄ᬥᬃᬫ᭄ᬫ᭞ᬢᬦ᭄ᬭᬳᬃᬚ᭄ᬚᬳᬶᬂᬚᭂᬦ᭄ᬦᭂᬂᬗᬾ᭞ᬭᬤᬾᬦ᭄ᬫᬢᬸᬃᬢᬦᬼᬗ᭄ᬕᬦ᭄ᬦ᭞ᬕᬸᬫᬦ᭄ᬢᬶᬫᬤᭂᬕ᭄ᬦᬵᬣ᭞ᬬᬾᬦ᭄ᬧᬤᬸᬓᬲᬫ᭄ᬧᬸᬦ᭄ᬲᬸᬭᬸ᭠
ᬤ᭄᭞ᬳᬶᬂᬫᬗ᭄ᬓᬾᬤᬾᬭᬾᬂᬲᬫ᭄ᬪᬤ᭄ᬥ᭛ᬦᬤ᭄ᬬᬦ᭄ᬫᬤᭂᬕ᭄ᬕᬦᬃᬧᬢᬶ᭞ᬬᬾᬦ᭄ᬲᬫ᭄ᬧᬸᬦ᭄ᬫᬶᬭᬶᬩ᭄ᬧᬤᬸᬓ᭞ᬳᬫᬗ᭄ᬕᬶᬄᬧ᭄ᬭᬓᬭᬾᬯᭀᬄ᭞ᬢᬦ᭄ᬓᬾᬯ᭄ᬭᬦ᭄ᬳᬶᬂᬭᬾᬄᬮᬷᬂᬡ᭄ᬦ᭞ᬬᬾᬦ᭄ᬳᬫ᭄ᬩᬤᬾᬭᬾᬂᬤᬶᬩ᭄ᬬ᭞ᬫᬗ᭄ᬕᬶᬄᬧᬓᬾᬯᬸᬄᬤᬢᬦ᭄ᬯᬸᬦ᭄᭞ᬓᬂᬬ᭄ᬬᬤᬸᬓᬶᬢᬦ᭄ᬦᬶᬂᬤ᭄ᬭᬶᬬ᭛ᬮ
ᬫᬸᬦ᭄ᬢᬦ᭄ᬲᬶᬗᬶᬢ᭄ᬤᬤ᭄ᬬᬵᬚᬶ᭞ᬳᬓᬃᬬ᭄ᬬᬮᬶᬗ᭄ᬲᭂᬫ᭄ᬫᬶᬂᬧ᭄ᬭᬚ᭞ᬬᬾᬦ᭄ᬳᬸᬮᬸᬦ᭄ᬫᬤᭂᬕ᭄ᬕᬓᬢᭀᬂ᭞ᬳᬶᬂᬢ᭄ᬬᬲ᭄ᬫᬓ᭄ᬱᬶᬄᬤᬳᬢ᭄ᬫᬹᬥ᭞ᬢᬗᬾᬄᬯ᭄ᬭᬶᬦ᭄ᬳᬶᬂᬮᬸᬓᬶᬢ᭞ᬲᬬᭂᬓ᭄ᬢᬶᬳᬲᬲᬃᬤᬸᬲᬸᬃ᭞ᬢᬸᬫ᭄ᬧᬂᬲᬸᬄᬫᬢ᭄ᬭᬧ᭄ᬧᬶᬂᬓᬃᬬ᭄ᬬ᭛ᬲᬸᬲᬄᬢ᭄ᬬᬲ᭄ᬲᬾᬧᬭᬫᬦ᭄ᬢ᭄ᬭᬶ᭞ᬲᬂᬦᬵᬣᬵᬫᬶᬘ
ᬭᬾᬂ᭞ᬤ᭄ᬭᬶᬬ᭞ᬩᭂᬦ᭄ᬦᭂᬃᬓᬶᬧᬸᬢ᭄ᬭᬳᬢᬸᬃᬭᬾ᭞ᬳᬤᬶᬧᬢᬶᬯᬶᬚᬦᬃᬓ᭄ᬓ᭞ᬫᬢᬸᬃᬭᬶᬂᬭᬵᬚᬧᬸᬢ᭄ᬭ᭞ᬤᬸᬄᬳᬗ᭄ᬕᬾᬃᬬᭀᬕ᭄ᬬᬢᬶᬦᬸᬭᬸᬢ᭄᭞ᬓᬃᬱᬦ᭄ᬦᬾᬭᬵᬫᬧᬤᬸᬓ᭛ᬧᬸᬗ᭄ᬕᬯᬲᬫ᭄ᬬᬧᬸᬦ᭄ᬦᬕᬶ᭞ᬬᬾᬦ᭄ᬳᬗ᭄ᬕᬾᬃᬫᬤᭂᬕ᭄ᬦᬭᬾᬦ᭄ᬤ᭄ᬭ᭞ᬮᬫᬸᬦ᭄ᬯᭀᬦ᭄ᬢᭂᬦ᭄ᬫᭂᬗ᭄ᬲᬄᬭᬯᭀᬄ᭞
[᭒᭐ 20 A]
ᬓᬳᬸᬮᬳᬶᬓᬂᬦᬗ᭄ᬕᬸᬮᬂ᭞ᬫᬫ᭄ᬭᬶᬄᬳᬬᬸᬦ᭄ᬦᬶᬂᬧ᭄ᬭᬚ᭞ᬗᬦ᭄ᬥᬶᬓᬲᬂᬭᬵᬚᬲᬸᬦᬸ᭞ᬧᬫᬦ᭄ᬦᬶᬱ᭄ᬝᬦ᭄ᬦᬶᬂᬦᬭᬾᬦ᭄ᬤ᭄ᬭ᭛ᬬᬾᬦ᭄ᬳᬦᬹᬢ᭄ᬳᬢᬸᬃ᭠ᬭᬶᬂᬤᬲᬶᬄ᭞ᬬᬾᬓᬸᬭᬢᬸᬢᬦ᭄ᬧᬦᬮᬃ᭞ᬤᬢᬦ᭄ᬓᬾᬭᬶᬗᬜ᭄ᬚᭂᬦ᭄ᬦᭂᬂᬗᭀᬂ᭞ᬳᬾᬗ᭄ᬕᬮ᭄ᬩᬶᬦᭀᬩᭀᬢ᭄ᬢᬶᬂᬗᬧ᭄ᬭᬂ᭞ᬦᬵᬣᬫᬾᬲᭂᬫ᭄ᬳᬶᬂᬤ᭄ᬭᬶᬬ
ᬧᬸᬢ᭄ᬭᬓᬂᬗᬦ᭄ᬦᬾᬫ᭄ᬢᬶᬦᬸᬦ᭄ᬢᬸᬦ᭄᭞ᬫᬢᬸᬃᬭᬤ᭄ᬬᬦ᭄ᬥᬦᬹᬃᬯᬾᬦ᭄ᬥ᭛ᬫᬾᬦ᭄ᬥᬄᬳᬸᬘᬧ᭄ᬧᬶᬂᬦᬵᬕᬭᬷ᭞ᬲᬶᬦᭂᬩᬸᬢ᭄ᬤᬢᬦ᭄ᬧᬗ᭄ᬭᬲ᭞ᬓᬤᬂᬲᭂᬧᬸᬄᬮᬫᬸᬦ᭄ᬫᬓ᭄ᬱᬾᬄ᭞ᬳᬗ᭄ᬮᬫ᭄ᬧᬄᬳᬶᬓᬯ᭄ᬮᬲ᭄ᬳᬃᬱ᭞ᬓᬂᬗᬦᬶᬫ᭄ᬲᬸᬓᬯᬶᬬ᭄ᬬ᭞ᬲᬶᬦ᭄ᬦᭂᬩᬸᬢ᭄ᬢᬶᬂᬯᬤ᭄ᬬᬳᬕᬸᬂ᭞ᬧᬜ᭄ᬚᭂᬂᬦ᭄ᬦᭂᬗ
ᬦ᭄ᬭᬢᬸᬫᬹᬃᬓ᭄ᬓ᭛ᬧᬭᬦ᭄ᬓᬯᬸᬮᬳᬫᬹᬓ᭄ᬢᬶ᭞ᬬᬦ᭄ᬧᬋᬂᬮᬯᬦ᭄ᬓᬓᬂᬫᬵᬲ᭄᭞ᬓᬤ᭄ᬬᬧᬗ᭄ᬕᬶᬄᬳᬧᬧᬦ᭄ᬦᬾ᭞ᬲᬫ᭄ᬧᬸᬦ᭄ᬧᬶᬲᬄᬓᬤᬂᬢᬸᬯ᭞ᬦᬤ᭄ᬬᬦ᭄ᬧᭂᬚᬄᬕᭂᬲᬂᬗ᭞ᬢᬸᬫᬸᬢᬸᬃᬳᬶᬂᬓᬤᬂᬲᭂᬧᬸᬄ᭞ᬧᬸᬦ᭄ᬦᬶᬓᬤᬸᬦᬸᬂᬗᬶᬂᬲᭂᬫ᭄ᬩᬄ᭛ᬩ᭄ᬭᬫᬦ᭄ᬢ᭄ᬬᬦ᭄ᬢ᭄ᬬᬲ᭄ᬲᬶᬭᬂᬗᬚᬶ᭟ᬧᬸᬳ᭠
ᬭᬳᬭᬶᬲ᭄ᬗᬦ᭄ᬥᬶᬓ᭞ᬮᬄᬧᬥᬭᬩᬶᬬᬩᬳᬾ᭞ᬧᬶᬮᬶᬄᬳᬦᬓᬂᬧ᭄ᬭᬬᭀᬕ᭞ᬧᬸᬢ᭄ᬭᬶᬳᬶᬂᬦᬸᬲ᭄ᬯᬚᬯ᭞ᬯᬃᬡ᭄ᬦᬦ᭄ᬦᬶᬭᬳᬬᬸᬳᬬᬸ᭞ᬫᬶᬯᬄᬧᬭᬧᬸᬢ᭄ᬭᬷᬲᬩ᭄ᬭᬂ᭛ᬓᬩᬾᬄᬧᬥᬧᬸᬢ᭄ᬭᬷᬳᬤᬶ᭞ᬲᭀᬮᭀᬓᬂᬳᬫ᭄ᬪᭀᬦ᭄ᬲᬫ᭄ᬪᬯ᭞ᬫᬓᬲᬃᬩᬸᬕᬶᬲ᭄ᬢᭂᬃᬦᬾ
Page:Bali-lontar-gaguritan-anging-kusuma-250ppi.pdf/20
This page has been proofread.
