[᭓᭓ 33 B]
᭓᭓
ᬦ᭄ᬥᬶᬓ᭞ᬫ᭄ᬭᬶᬂᬧᬸᬢᬸᬢ᭄ᬲᬸᬫᬶᬂᬓᬶᬃᬭ᭞ᬳᬶᬗ᭄ᬲᬸᬦ᭄ᬤᬾᬯᬾᬓᬂᬤᬤᬄᬳᬶ᭞ᬲᬃᬯ᭄ᬯᬶᬳᬦ᭄ᬤᬸᬧᬓ᭄᭞ᬩᬩᬦ᭄ᬥᬦ᭄ᬧᬸᬢᬸᬢ᭄ᬓᬲᬶᬄ᭛ᬓᬃᬣᬶᬭᬕᬮᬦ᭄ᬓᬃᬣᬶᬲᭀᬫᬓᬲᬶᬗ᭄ᬲᬮ᭄᭞ᬳᬸᬤᬃᬳᬶᬓᬂᬢᬢᬮᬶ᭞ᬲᭂᬗ᭄ᬓᬮᬓ᭄ᬫᬸᬍᬲᬢ᭄᭞ᬦᬸᬫᬕᬂᬓᬂᬧ᭄ᬭᬯᬷᬭ᭞ᬓᬶᬧᬢᬶᬄᬳᬲᬶᬓᭂᬧ᭄ᬩᬶ᭠
ᬦ᭄ᬥᬶ᭞ᬦ᭄ᬭᭀᬥᬫᬗᬶᬯ᭞ᬕᬸᬫ᭄ᬭᬸᬤᬸᬕ᭄ᬧᬭᬫᬦ᭄ᬢ᭄ᬭᬶ᭛ᬳᬦᬶᬲᬶᬓᭂᬧ᭄ᬮᬶᬫ᭄ᬧᬸᬂᬧᭂᬤᬂᬮᬯᬦ᭄ᬭᬚᬂ᭞ᬤᬸᬤᬸᬓ᭄ᬕᬦ᭄ᬥᬶᬲᬸᬮᬶᬕᬶ᭞ᬧᬭᬲᬸᬲᬭᬫ᭄ᬧᬂ᭞ᬭᬳᬤᬾᬦ᭄ᬓᬶᬦᭂᬫ᭄ᬩᬸᬮ᭄ᬮᬦ᭄᭞ᬕᬶᬦᬭᬸᬫᬸᬂᬳᬶᬂᬧ᭄ᬭᬫᬦ᭄ᬢ᭄ᬭᬶ᭞ᬲᬸᬥᬶᬭᬧᬗ᭄ᬕᬄ᭞ᬲᬫᬶᬦᬭᬶᬓ᭄ᬓᭂᬭᬶᬲ᭄᭛ᬳᬫᬹᬓ᭄ᬦᭂᬗᬄᬲᬶᬗᬓ
ᬢ᭄ᬭᬚᬂᬲᬸᬮᬬᬄ᭞ᬳᬓᬾᬄᬫᬦ᭄ᬢ᭄ᬭᬶᬗᭂᬫᬲ᭄ᬲᬶ᭞ᬳᬸᬤᬺᬕ᭄ᬫᬳᬸᬭᬄᬳᬦ᭄᭞ᬲ᭄ᬯᬭᬦ᭄ᬦᬶᬂᬩ᭄ᬭᬚᬋᬫᬓ᭄᭞ᬳᬫᭀᬃᬲᬫ᭄ᬩᬢ᭄ᬢᬶᬂᬯ᭄ᬯᭀᬂ᭠ᬓᬦ᭄ᬦᬶᬦ᭄᭞ᬧᬢᬶᬂᬲᬸᬮᬬᬄ᭞ᬓᬤ᭄ᬬᬩᬩᬦ᭄ᬥᬦ᭄ᬧᬘᬶᬂ᭛ᬲᬶᬂᬫᬦ᭄ᬥᬦ᭄ᬦᬶᬘᬸᬭᬶᬕᬓᬂᬓᬫ᭄ᬧᬤ᭄ᬧᭂᬚᬄ᭞ᬳᬶᬓᬂᬓᬩᭂᬲᬾᬃᬫᬵᬢᬶ᭞᭠
ᬓᬂᬓᬧᬜ᭄ᬘᬲ᭄ᬧᭂᬚᬄ᭞ᬳᬧᬢᬶᬄᬮᬾᬗ᭄ᬕᭀᬢ᭄ᬪᬯ᭞ᬫᬭᬲ᭄ᬫᭀᬚᬃᬳᬦᬸᬤᬶᬂᬗᬶ᭞ᬳᬾᬄᬩᭀᬘᬄᬳᬮᬲ᭄᭞ᬩᬬᬩᭀᬲᭂᬦ᭄ᬦᬳᬸᬭᬶᬧ᭄᭛ᬦᭀᬢᬳᬸᬭᬸᬂᬲᬶᬭᬧᬮᬲ᭄ᬢ᭄ᬭᬤᬾᬦ᭄ᬦᬶᬂᬗ᭄ᬯᬂ᭞ᬤᬦ᭄ᬲᬶᬦ᭄ᬦᬳᭂᬢ᭄ᬳᬶᬂᬩᬶᬦ᭄ᬥᬶ᭞ᬭᬳᬤᬾᬦ᭄ᬫᬮᬸᬫ᭄ᬧᬢ᭄᭞ᬳᬓᭂᬲᬶᬢ᭄ᬮᬶᬃ᭠
[᭓᭔ 34 A]
ᬤ᭄ᬬᬸᬢ᭄ᬢ᭞ᬧᬶᬦᬸᬧᬸᬄᬧᬸᬧᬸᬄᬢᬦ᭄ᬓᭂᬦ᭄ᬦᬶ᭞ᬳᬗ᭄ᬮᬶᬂᬓᬸᬲᬸᬫ᭞ᬫᬮᬸᬫ᭄ᬧᬢ᭄ᬳᬜ᭄ᬚᬗ᭄ᬓᬄᬳᬶ᭛ᬦ᭄ᬭᬂᬳᬦᬤᬸᬓ᭄ᬚᬚᬳᬦ᭄ᬭᬸᬲ᭄ᬲᬶᬂᬯᬮᬶᬳ᭠ᬢ᭄᭞ᬧᬢᬶᬄᬦᬶᬩᬗᭂᬫᬲ᭄ᬲᬶ᭞ᬢᬶᬦ᭄ᬦᬶᬕᬲ᭄ᬫᬸᬤ᭄ᬭᬦ᭄ᬦ᭄ᬬ᭞ᬩᬶᬦᬸᬯᬂᬓᭂᬦ᭄ᬫ᭄ᬭᬶᬂᬫᭂᬗ᭄ᬲᬄ᭞ᬲᬸᬲᬸᬫ᭄ᬩᬃᬭᬳᬤᬾᬦ᭄ᬓᬮᬶᬄ᭞ᬧᬋᬂᬗᬫᬭ᭞ᬋᬩᬸ
ᬢ᭄ᬢᭂᬦ᭄ᬳᬶᬂᬗᬚᬸᬭᬶᬢ᭄᭛ᬳᬶᬂᬗ᭄ᬲᬸᬦ᭄ᬧᬸᬢ᭄ᬭᬳᬶᬂᬫᬮᬯᬢᬫᬾᬦᬵᬕ᭄ᬗᬧ᭄ᬭᬂ᭞ᬯᬶᬥᬶᬕ᭄ᬥ᭄ᬬᬳᬶᬗᬚᬸᬭᬶᬢ᭄᭞ᬳᬶᬦᬸᬤᬂᬧ᭄ᬭᬯᬷᬭ᭞ᬫᬃᬫ᭄ᬫᬳᬦ᭄ᬥᭀᬦ᭄ᬮᬮᬦ᭞ᬲᬓᬶᬂᬤᬾᬦ᭄ᬦᬶᬂᬓᬸᬭᬂᬢᬦ᭄ᬥᬶᬂ᭞ᬧᬋᬂᬗᬫᬭ᭞ᬲᬧᬳᬃᬱᬗᭂᬫᬲ᭄ᬲᬶ᭞᭛ᬯ᭄ᬯᭀᬂᬕᬸᬩᬃᬚᬧᬧᬗ᭄ᬕᭂᬦ᭄ᬦᬢᬦ᭄ᬥᬶᬂᬗᬶᬂᬗ᭄ᬯᬂ
ᬢᬗ᭄ᬓᭂᬧ᭄ᬧᬲᬾᬯᬸᬲᬶᬲᬶᬄ᭞ᬲᬍᬓ᭄ᬱᬳᬶᬂᬗᬃᬱ᭞ᬳᬦᬧᬸᬗ᭄ᬕᬯᬰᬹᬭ᭞ᬳᬶᬂᬕᬸᬩᬃᬚᬵᬦ᭄ᬤᭂᬮ᭄ᬮᬶᬂᬚᬸᬭᬶᬢ᭄᭞ᬢᭂᬕᬸᬄᬧ᭄ᬭᬯᬷᬭ᭞ᬢᬢᬾᬗᬸᬯᬶᬲ᭄ᬲᬶᬓᬃᬤ᭄ᬥᬶ᭛ᬳᬭᬦ᭄ᬥᬫᬂᬚᬦ᭄ᬦᬮᬫᬗ᭄ᬲᬄᬳᬶᬂᬬᬸᬤ᭄ᬥ᭞ᬲᬶᬓᭂᬧ᭄ᬮᬶᬫ᭄ᬧᬸᬲᬸᬮᬶᬕᬶ᭞ᬧᬶᬦᬧᬧ᭄ᬧᬓ᭄ᬱᬦ᭄ᬦ᭞ᬫ᭄ᬭᬶᬂᬭ᭠
ᬤᬾᬦ᭄ᬥᬦᬹᬃᬯᬾᬦ᭄ᬥ᭞ᬮᬶᬫ᭄ᬧᬸᬂᬮᬸᬫᬭᬧ᭄ᬢᬶᬦᬗ᭄ᬓᬶᬲ᭄᭞ᬳᬶᬂᬗᬲ᭄ᬢᬓᬶᬯ᭞ᬫᬍᬘᬢ᭄ᬚᬸᬯᬸᬄᬫᬮᬶᬄ᭛ᬢᬶᬦᬤᬄᬳᬦ᭄ᬳᬶᬂᬗᬲ᭄ᬢᬲᬫ᭄ᬧᬸᬦ᭄ᬓᬋᬩᬢ᭄᭞ᬭᬤ᭄ᬬᬦ᭄ᬳᬲ᭄ᬭᬸᬤᬾᬦ᭄ᬦ᭄ᬬᬵᬗ᭄ᬮᬶᬂ᭞ᬮᬄᬢᬶᬭᬸᬦ᭄ᬦᭂᬂᬦ᭄ᬦᬶᬂᬗ᭄ᬯᬂ᭞ᬲᬶᬓᭂᬧ᭄ᬮᬶᬫ᭄ᬧᬸᬂᬳᬦᬸᬮ᭄ᬬ᭞ᬲᬦᬩᭂᬢ᭄ᬢᬦ᭄ᬦᬮᬓᭂᬦ᭄ᬦᬶ᭞᭠
Page:Bali-lontar-gaguritan-anging-kusuma-250ppi.pdf/34
This page has been proofread.
