[᭓᭔ 34 B]
᭓᭔
ᬩᬯᬸᬦᬾᬓᬶᬯ᭞ᬰᬷᬖ᭄ᬭᬤᬾᬦ᭄ᬳᬜ᭄ᬘᬧ᭄ᬯᬦ᭄ᬦᬶ᭛ᬓᬧᬺᬚᬬᬓᬢᬶᬕᬲᬳᬸᬢ᭄ᬢᬫᭀᬕ᭄ᬕ᭞ᬩᬶᬦᬸᬯᬂᬚᬶᬦᬃᬬᬸᬦ᭄ᬘᬶ᭞ᬭᬤ᭄ᬬᬦ᭄ᬳᬲ᭄ᬭᬸᬫᭀᬚᬃ᭞ᬳᬾᬄᬯ᭄ᬯᭀᬂᬧᬭᬂᬕᬸᬩᬃᬚ᭞ᬢᭀᬦ᭄ᬢᭀᬦ᭄ᬦᭂᬦ᭄ᬧᬢᬶᬦ᭄ᬦᬶᬂᬧᬢᬶᬄ᭞ᬓᬃᬬ᭄ᬬᬦ᭄ᬦᭂᬦ᭄ᬢᭂᬯ᭞ᬳᬸᬮᬤᬳᬶᬂᬗᬚᬸᬭᬶᬢ᭄᭛ᬲᬧᬳᬃᬱᬫ
ᬢᬶᬳᬗ᭄ᬲᬄᬳᬭᬶᬂᬭᬡ᭄ᬦ᭞ᬧᭂᬭᬧᬸᬗ᭄ᬕᬯᬓᬂᬓᬢᬶ᭞ᬩᬸᬩᬃᬳᬕᬶᬕᬶᬭᬶᬲ᭄᭞ᬓᬮᬫᬸᬦ᭄ᬳᬃᬱᬳᬸᬭᬶᬧ᭄᭞ᬧᬥᬮᬸᬫᬬᬸᬯ᭞ᬢᬸᬢᬸᬃᬭᬭᬢᬸᬦ᭄ᬦᬶᬭ᭞ᬧᬭᬧᬸᬗ᭄ᬕᬯᬓᬂᬓᬭᬶ᭞ᬩᬸᬩᬃᬳᬕᬶᬭᬶᬲ᭄᭞ᬚᬸᬭᬸᬤᭂᬫᬸᬂᬲᬸᬫᬶᬮᬶᬄ᭛᭜᭛ᬧᬯᬸᬯ᭄ᬯᭀᬂᬧᬭᬂᬕᬸᬩᬃᬚ
ᬢᬦ᭄ᬦᬦᬫᬗᬸᬓᬶᬄᬓᬶᬯᬸᬮ᭄᭞ᬯᬤ᭄ᬬᬮᬾᬦ᭄ᬧ᭄ᬭᬯᬷᬭ᭞ᬮᬭᬸᬢ᭄᭞ᬮᬶᬃᬲᬾᬢᬸᬲᬶᬦ᭄ᬭᬂᬗᬶᬂᬧᬲᬂ᭞ᬭᬸᬗ᭄ᬓᬤ᭄ᬧᬧᬢᭀᬓ᭄ᬮᬚᭂᬃᬂᬲ᭄ᬬᬸᬄ᭞ᬧᭀᬓᬄᬧᬮᬮᬗᬾᬋᬫ᭄ᬧᬓ᭄᭞ᬫᬸᬳᭂᬃᬭᬫ᭄ᬓᬾᬯᬮᬓᬦ᭄ᬢᬸᬦ᭄᭞᭛ᬢᬦ᭄ᬢᬭᬵᬓᬸᬓᬸᬤ᭄ᬲᬤᬬ᭞ᬧᬸᬢᬸᬢ᭄ᬓᬮᬶᬄᬗ᭄ᬭᬗ᭄ᬓᬸᬮ᭄ᬲᬸᬓᬸ᭞
ᬦᬸᬗ᭄ᬓᭂᬫᬶᬲᬃᬯ᭄ᬯᬶᬳᬫᬸᬯᬸᬲ᭄᭞ᬥᬸᬄᬕᬸᬲ᭄ᬢᬶᬓᬂᬯᬶᬤᬶᬕ᭄ᬥᬬ᭞ᬓᬂᬗᬲᬶᬄᬳᬶᬂᬓᬯ᭄ᬮᬲ᭄ᬳᬬᬸᬦ᭄᭞ᬓᬬᬧᬶᬢᬸᬮᬸᬂᬗᬶᬂᬤᬾᬯ᭞ᬫᬦ᭄ᬤᬄᬓᬢᬸᬭᬂᬲᬂᬯᬶᬓᬸ᭛ᬓᬲᬫ᭄ᬩᬸᬢᬦ᭄ᬓᬃᬬ᭄ᬬᭀᬢ᭄ᬢᬫ᭞ᬢᬸᬮᬸᬲ᭄ᬲᬓᬫᬦ᭄ᬯᭀᬂᬯᬶᬓᬸ᭞ᬭᬳᬤᬾᬦ᭄ᬳᬭᬶᬲ᭄ᬳᬫᬸᬯᬸᬲ᭄᭞ᬳᬗᬼᬗ᭄ᬓᬭ
[᭓᭕ 35 A]
ᬲᬂᬧᬵᬡ᭄ᬥᬶᬢ᭞ᬲᬸᬤᬶᬳᬶᬗᭀᬂᬓᬯ᭄ᬮᬲ᭄ᬳᬬᬸᬦ᭄᭞ᬘᭂᬓᬓ᭄ᬩᬸᬤ᭄ᬥᬶᬦᬶᬱ᭄ᬝᬵᬥᬫ᭞ᬳᬶᬓᬂᬯᬃᬡ᭄ᬦᬳᬶᬓᬂᬦᬬᬸ᭛ᬓᬸᬲᬸᬫᬳᬶᬂᬗᬃᬘ᭄ᬘᬫᭀ᭠ᬮᬄ᭞ᬳᬸᬫᬢᬸᬃᬳᬾᬦ᭄ᬤᬄᬓᬮᬗ᭄ᬓᬸᬂ᭞ᬓᬲᭀᬃᬧᬭᬲᬸᬭᬯᬥᬸ᭞ᬓᬓᬮᬶᬄᬳᬬᬸᬳᬸᬢ᭄ᬢᬫ᭞ᬰᬺᬗ᭄ᬕᬡ᭄ᬦᬋᬢ᭄ᬦᬓᬂᬲᭂᬧᬸᬄ᭞ᬓᬂᬗᬦᭀ
ᬫ᭄ᬰᬺᬗ᭄ᬕᬡ᭄ᬦᬲᭂᬓᬃ᭞᭛ᬤ᭄ᬬᬤ᭄ᬥᬦᬹᬃᬯᬾᬦ᭄ᬥᬲᬸᬫᬫ᭄ᬩᬸᬂ᭞᭛ᬳᬧᬳᬶᬓᬸᬯᬃᬡ᭄ᬦᬦ᭄ᬦᬶᬭ᭞ᬓᬂᬗᬦᭀᬫ᭄ᬢᬦ᭄ᬦᬬᬾᬂᬯᬶᬓᬸ᭞ᬧᬸᬢᬸᬢ᭄ᬓᬃᬣᬶᬲᭀᬫᬫᬢᬸᬃ᭞ᬲᬩ᭄ᬬᬓ᭄ᬢᬳᬾᬦ᭄ᬤᬄᬓᬂᬘᬶᬢ᭄ᬭ᭞ᬦᬶᬃᬘᬘᬤ᭄ᬲᬨᬮᬫᬸᬮᬸᬲ᭄᭞ᬫᭂᬤᬦ᭄ᬦᬶᬓᬸᬫ᭄ᬪᬲᬭᬡ᭄ᬦ᭞ᬭᬭᬾᬓᬧᬶᬤᭂᬓ᭄ᬱᬭᬸᬭᬸᬄ᭛
ᬳᬘᬾᬫᬶᬓᬤᬸᬓ᭄ᬚᬢ᭄ᬫᬶᬓ᭞ᬫᬦᬶᬲ᭄ᬯᬥᬦ᭄ᬦᬦᬯᬂᬭᬹᬫ᭄᭞ᬧ᭄ᬭᬓ᭄ᬳᬢᬶᬭᬭᬲ᭄ᬯᬾᬄᬕᬦ᭄ᬥ᭄ᬭᬸᬂ᭞ᬤᬾᬭᬾᬂᬫ᭄ᬭᬶᬓ᭄ᬱᬂᬭᬵᬚᬧᬸᬢ᭄ᬭ᭞ᬓ᭠ᬲ᭄ᬫᬭᬦ᭄ᬳᬶᬂᬯᬃᬣᬫᬸᬬᬸ᭞ᬓᬶᬓᬃᬣᬶᬭᬕᬫᬗᬺᬧ᭞ᬕᬸᬲ᭄ᬢᬶᬬᬾᬦ᭄ᬧᬶᬦᬸᬤ᭄ᬬᬾᬂᬓᬬᬸᬦ᭄᭛ᬲᬸᬯᬯᬶᬲᬸᬫᭂᬗ᭄ᬓᬾᬂᬗᬃᬕ᭄ᬕ᭞ᬢᬸᬦ᭄ᬥᬸᬓ᭄ᬓᬮ᭠
ᬯᬦ᭄ᬲᬂᬯᬶᬓᬸ᭞ᬤᬾᬕᬸᬲ᭄ᬢᬶᬦᬗ᭄ᬕᬸᬮᬂᬓᬾᬯᬸᬄ᭞ᬤᭀᬦ᭄ᬦᬶᬂᬫᬫᬜ᭄ᬘᬲ᭄ᬬᬸᬤ᭄ᬥ᭞ᬧᬭᬦ᭄ᬢᬧᬢᬸᬯᬲ᭄ᬳᬶᬧᬸᬦ᭄᭞ᬢᬦ᭄ᬧᬗ᭄ᬕᬶᬄᬳᬮᬦ᭄ᬲᬂᬢᬧ᭞ᬭᬳᬤᬾᬦ᭄ᬳᬭᬶᬲ᭄ᬳᬫᬸᬯᬸᬲ᭄᭛ᬓᬓᬶᬧᬸᬢᬸᬢ᭄ᬲᬸᬦ᭄ᬢᬭᬶᬫ᭞ᬬᬾᬦᬵᬫᬸᬗ᭄ᬕᬳᬶᬂᬗᬃᬕ᭄ᬕᬳᬶᬂᬫ᭄ᬧᬸ᭞ᬲᬶᬦᬸᬩᬲᬸᬩᬾ
Page:Bali-lontar-gaguritan-anging-kusuma-250ppi.pdf/35
This page has been proofread.
