[᭓᭕ 35 B]
᭓᭕
ᬲᬂᬯᬶᬓᬸ᭞ᬓᬾᬄᬓᬂᬓᬭᬶᬧᬭᬂᬫᬸᬓ᭞ᬫᬦᬯᬲᬸᬦ᭄ᬧ᭄ᬭᬂᬓᬧᬸᬧᬸᬄ᭞ᬦᭀᬭᬳᬗᭂᬦ᭄ᬢᬲᬶᬓᬃᬬ᭄ᬬ᭞ᬫᬾᬦ᭄ᬥᬄᬳᬸᬘᬧ᭄ᬧᬭᬶᬂᬧᬸᬗ᭄ᬓᬸᬃ᭛᭜᭛ᬤᬤ᭄ᬬᬦ᭄ᬗᭀᬂᬧᬗ᭄ᬕᬶᬄᬳᬮᬯᬦ᭄᭞ᬲᬂᬯᬶᬓᬸᬬᬾᬦ᭄ᬯᬸᬰ᭄ᬰᬶᬃᬡ᭄ᬦᬫᬸᬗ᭄ᬲᬸᬄᬳᬶᬓᬶ᭞ᬫᬃᬫ᭄ᬫᬾᬂᬲᬸᬦ᭄ᬦᬗ᭄ᬕᬸᬮᬂᬧᬸᬧᬸᬄ᭞ᬢᬸᬫᬸ
ᬮᬸᬂᬳᬶᬂᬲᬶᬦ᭄ᬬᬃᬤ᭄ᬥ᭞ᬢᬦ᭄ᬧᬤᭀᬱᬮᬦ᭄ᬳᬸᬧᬬᬂᬫᬃᬕ᭄ᬕᬾᬂᬮᬫ᭄ᬧᬸᬲ᭄᭞ᬳᬦᭂᬤ᭄ᬬᬗᬸᬓᬶᬄᬧ᭄ᬭᬤᬦ᭞ᬳᬗᬼᬗ᭄ᬓᬭᬳᬶᬂᬲᬂᬬᭀᬕᬶ᭛ᬳᬃᬱᬳᬫᬸᬧᬸᬯ᭄ᬯᭀᬂᬧᬧ᭞ᬳᬲᬫ᭄ᬪᬯᬯ᭄ᬯᭀᬂᬗᬮᬲ᭄ᬓ᭄ᬭᬫᬾᬂᬧᬸᬢ᭄ᬭᬷ᭞ᬧᬸᬢᬸᬢ᭄ᬓᬮᬶᬄᬦᭂᬫ᭄ᬩᬄᬫᬢᬸᬃ᭞ᬓᬸᬮᬫᬶᬗ᭄ᬕᬄᬧ᭄ᬭᬬᭀ
ᬗ᭄ᬕ᭞ᬳᬶᬂᬗᬘᬮᬃᬳᬸᬦ᭄ᬦᬶᬂᬗᬳᬶᬂᬲᬂᬯᬶᬓᬸ᭞ᬬᬾᬦ᭄ᬧᬤᬸᬓᬫᬕᬸᬢ᭄ᬢᬶᬂᬧ᭄ᬭᬂ᭞ᬢᬦ᭄ᬧᭂᬫᬸᬓ᭄ᬱᬢ᭄ᬭᬶᬬᬓᬮᬶᬄ᭛ᬧᬬᭀ᭠ᬳᬶᬗ᭄ᬲᬸᬦ᭄ᬢᬸᬤᬸᬄᬳᭂᬦ᭄ᬦ᭞ᬧᬓᬸᬯᭀᬦ᭄ᬦᬾᬧᬭᬂᬕᬸᬩᬃᬚᬳᬚᭂᬂ᭞ᬧᬸᬦ᭄ᬦᬶᬓᬲᬓᬶᬂᬤᬸᬮ᭄ᬕᬸᬦᬸᬂ᭞ᬳᬭᬳᬭᬫᬦ᭄ᬥᬮ᭞ᬮᬄᬢᬧ
ᬬᭀᬧᬶᬦᬭᬦ᭄ᬤᬸᬮᬸᬦ᭄ᬦᭂᬦ᭄ᬦᬶᬗ᭄ᬲᬸᬦ᭄᭞ᬦᬗ᭄ᬓᬸᬮᬂᬬᬸᬤ᭄ᬥᬦ᭄ᬦᬶᬂᬭᬵᬚ᭞ᬲᬸᬭᬓᭂᬦ᭄ᬲᬓᬾᬄᬳᬶᬂᬯᬸᬭᬶ᭛ᬬᬾᬦ᭄ᬋᬫᬓ᭄ᬱᬶᬭᬩᬦ᭄ᬥᬦ᭄ᬦ᭞ᬮᬫᬸᬦ᭄ᬦᬶᬂᬗ᭄ᬲᬸᬦ᭄ᬮᬸᬫᬬᬸᬳᬶᬂᬗᬚᬸᬭᬶᬢ᭄᭞ᬘᬘᬄᬳᭂᬦ᭄ᬢᬶᬂᬢᬺᬦ᭄ᬢᬂᬲᬗᬸᬢ᭄᭞ᬰᬷᬖ᭄ᬭᬧᬋᬂᬮᬸᬫᬫ᭄ᬧᬄ᭞ᬓᬯᬃᬡ᭄ᬦᬳᬲᬂ᭠
᭓᭖
ᬦᬵᬣᬲᭂᬥᭂᬂᬗᬦᬬᬸᬩ᭄᭞ᬮᬦ᭄ᬲᬕᬸᬂᬗᬶᬂᬧᬭᬭᬵᬚ᭞ᬳᬦᬾᬦᬵᬕ᭄ᬧᬓᬸᬯᭀᬦ᭄ᬲ᭄ᬫᬭᬢᬶ᭛ᬓᬲᬭᬸᬳᬶᬂᬧ᭄ᬭᬧ᭄ᬢᬦ᭄ᬦᬶᬭ᭞ᬬᬳᬶᬤᭂᬫᬂᬧᬫᬮᬢ᭄ᬭᬶᬳᬶᬕᬶᬧᬶᬄ᭞ᬓᬥᭂᬧᭂᬓ᭄ᬦᭂᬫ᭄ᬩᬄᬳᬸᬫᬢᬸᬃ᭞ᬓᬳᬸᬮᬢᬸᬃᬳᬸᬦ᭄ᬦᬶᬗ᭞ᬯᬤ᭄ᬬᬳᬶᬓᬂᬫᭂᬤᬮ᭄ᬳᬶᬂᬲᬮᬾ᭠
ᬭᬦ᭄ᬕᬸᬦᬸᬂ᭞ᬮᬭᬸᬤ᭄ᬓᬢᬄᬳᬶᬓᬂᬧᭂᬚᬄ᭞ᬓ᭄ᬬᬧᬢᬶᬄᬲᬫ᭄ᬧᬸᬦ᭄ᬗᭂᬫᬲ᭄ᬲᬶ᭛ᬢᬦ᭄ᬦᬧᬶᬤᭂᬫᬂᬫᬦᬮ᭞ᬫᬹᬃᬥᬦ᭄ᬦᬶᬧᬸᬦ᭄ᬲᬫ᭄ᬬᬓᬶᬦᬃᬬ᭄ᬬᬳᬸᬦ᭄ᬥᬶ᭞ᬓᬕ᭄ᬬᬢ᭄ᬲᬂᬦᬵᬣᬳᬩᭂᬦ᭄ᬥᬸ᭞ᬤᬾᬦ᭄ᬦᬾᬧᬢᬶᬄᬳᬾᬧᭂᬚᬄ᭞ᬧᬶᬭᬓᬾᬄᬯ᭄ᬯᭀᬂᬗᬃᬕ᭄ᬕᬓᬶᬤᭂᬫᬂᬫᬢᬸᬃ
᭞ᬯᬢᬯᬶᬲ᭄ᬯᭀᬦ᭄ᬢᭂᬦ᭄ᬧᬦᬫ᭄ᬪᬂ᭞ᬲᬫ᭄ᬧᬸᬦ᭄ᬓᬲᭀᬭᬦ᭄ᬳᬶᬂᬚᬸᬭᬶᬢ᭄᭛ᬦᬸᬦ᭄ᬢᭂᬦ᭄ᬯᭀᬦ᭄ᬢᭂᬦ᭄ᬭᬭᬾᬳᬮᬲ᭄᭞ᬫᬸᬂᬓᬓᬮᬶᬄᬲᬫ᭄ᬬᬦᬗ᭄ᬕᬸᬮᬂᬳᬸᬭᬶᬢ᭄᭞ᬳᬲᭂᬓ᭄ᬢᬶᬓᬮᬗ᭄ᬓᬸᬂᬮᬗ᭄ᬓᬸᬂ᭞ᬓᭂᬩᬢ᭄ᬘᬓᬢ᭄ᬮᬶᬃᬓᬶᬮᬢ᭄᭞ᬳᬦ᭄ᬫᭂᬚᬳᬶᬯᬤ᭄ᬬᬮᬶᬢ᭄ᬳᬶᬓᬂᬢᬶᬦᬸ᭠
ᬚᬸ᭞ᬧᬭᬫᬗ᭄ᬕᬮᬓᬾᬯᬮ᭞ᬯᬤ᭄ᬬᬫᬯᬸᬄᬢ᭄ᬤᬾᬦ᭄ᬲᬸᬫ᭄ᬩᬃᬭᬶ᭛ᬫᬄᬭᬵᬚᬰᬸᬭᬯᬶᬰᬾᬱ᭞ᬲ᭄ᬭᬸᬩ᭄ᬭᬫᬢ᭄ᬬᬤᭂᬫᬂᬧᬩᬮᬶᬓ᭄ᬭᬳᬶ᭞ᬲᬶᬦ᭄ᬦᬯᬣᬶᬂᬲ᭄ᬭᬫ᭄ᬧᬂᬭᬸᬫ᭄ᬧᬸᬂ᭞ᬳᬦ᭄ᬦᬶᬩᬓ᭄ᬱᬧᬶᬲᬦ᭄ᬦᬦ᭄᭞ᬦᬵᬣᬫᭀᬚᬃᬓᬧᬳᬸᬂᬳᬸᬗ᭄ᬕᬂᬫᬸᬗ᭄ᬲᬸᬄ᭞ᬧᬦ᭄ᬢᭂ
Page:Bali-lontar-gaguritan-anging-kusuma-250ppi.pdf/36
This page has been proofread.
