[᭔᭖ 46 B]
᭔᭖
ᬮ᭄ᬬ᭞ᬗᬢᬸᬃᬓᭂᬦ᭄ᬘᬾᬝᬶᬲᬂᬧ᭄ᬭᬪᬸ᭞ᬳᬫ᭄ᬪᬭᬯᬢᬷᬓᬂᬢᬸᬯ᭛ᬳᬶᬓᬂᬳᬦᬾᬫ᭄ᬭᬾᬓᬯᬢᬷ᭞ᬓᬢᬸᬃᬭᬶᬲᬂᬦᬵᬣᬧᬸᬢ᭄ᬭ᭞ᬫ᭠ᬯᬵᬗᬦ᭄ᬫᬦ᭄ᬦᬯᬶᬓᬗ᭄ᬕᬾ᭞ᬓᬂᬚᬮᬸᬧᬸᬦ᭄ᬧᬜ᭄ᬘᬤ᭄ᬬᬡ᭄ᬦ᭞ᬓᬢᬸᬃᬭᬫᬦᬓᬯᬦ᭄᭞ᬭᬤᬾᬦ᭄ᬓᬮᬶᬄᬗᬦ᭄ᬥᬶᬓᬓᬵᬭᬹᬫ᭄᭞ᬳᬶᬗ᭄ᬕᬶᬄ᭠
ᬫᬦ᭄ᬦᬶᬭᬢᬭᬶᬫ᭛ᬲᬶᬄᬳᬶᬂᬳᬦ᭄ᬥᬶᬓᬭᬶᬂᬓᬫᬶ᭞ᬧᬫᬦ᭄ᬳᬚᬶᬧᬶᬦ᭄ᬢᭂᬦ᭄ᬪᬭ᭞ᬲᬕᭂᬤ᭄ᬫᬗ᭄ᬲᬸᬮ᭄ᬮᬶᬳᬶᬂᬢᭂᬫ᭄ᬩᬾ᭞ᬲᬂᬤᬾᬯᬶᬰᬺᬗ᭄ᬕᬡ᭄ᬦᬋᬢ᭄ᬦ᭞ᬲᬶᬦᬸᬂᬲᬢ᭄ᬫᬶᬢᬾᬂᬝᬓ᭞ᬯᭂᬥᬓ᭄ᬳᬫᬭᬦ᭄ᬦᬶᬕᬸᬧᬸᬄ᭞ᬫ᭄ᬭᬶᬂᬧᬸᬢ᭄ᬭᬷᬧᬭᬂᬕᬸᬩᬃᬚ᭛ᬦᬫ᭄ᬩᬸᬢ᭄ᬳᬲ᭄ᬢᬲᬃᬬ᭄ᬬᬳᬗ᭄ᬮᬶᬂ᭞ᬬᬬᬶᬧ᭠
ᬬᭀᬫᬭᬶᬂᬯᬶᬰ᭄ᬫ᭞ᬳᬫᬸᬂᬲᬶᬭᬓᬤᬂᬳᬶᬗᭀᬂᬭᬾᬯᬂᬲᬥᬳᬗᬳᬸᬮ᭞ᬲᬂᬤ᭄ᬬᬄᬤᬢᬦᬼᬗ᭄ᬕᬦ᭄ᬦ᭞ᬳᬫ᭄ᬪᬭᬯᬢᬷᬢᬸᬫᬸᬭᬸᬦ᭄᭞ᬦᭀᬃᬭᬕᬫᬶᬘᬭᬾᬂᬦᬮ᭛ᬯ᭄ᬯᭀᬂᬗᬶᬓᬶᬳᬬᬸᬮᬶᬦᬸᬯᬶᬄ᭞ᬳᬫᬸᬦ᭄ᬦᬶᬗ᭄ᬲᬸᬦ᭄ᬫᬫᬭᬸᬯ᭞ᬫᭀᬗ᭄ᬲᬫᭂᬦ᭄ᬦᬗᬫᬚ᭠
ᬤ᭄ᬥᬾ᭞ᬍᬳᭂᬂᬳᬶᬗ᭄ᬲᬸᬦ᭄ᬗᬲᭀᬃᬭᬦ᭄ᬦ᭞ᬲᬶᬦᬳᬸᬳᬫᬯ᭄ᬯᭀᬂᬗᬦ᭄᭞ᬰ᭄ᬭᬗ᭄ᬕᬡ᭄ᬦᬯᬢᬷᬳᬕᬸᬧᬸᬄ᭞ᬫᬭᬦ᭄ᬦᬶᬓᬾᬦ᭄ᬭᬾᬓᬯᬢ᭄ᬬ᭛ᬓᬶᬦᬦ᭄ᬢᬶᬯᬶᬦ᭄ᬦᬯᬾᬂᬧᬦ᭄ᬢᬶ᭞ᬓᬮᬶᬄᬯᬸᬲ᭄ᬧᬶᬦ᭄ᬦᬭᬶᬧᬹᬃᬡ᭄ᬦ᭄᭞ᬲᬶᬦ᭄ᬦᬳᭀᬲ᭄ᬓᭂᬦ᭄ᬫ᭄ᬭᬶᬂᬓᬓᬸᬗᬾ᭞ᬫᬓ᭄ᬱᬶᬄᬩᬸᬚᬦᬦᬾᬂᬚᬩ᭞ᬓᬮ
[᭔᭗ 47 A]
ᬯᬦ᭄ᬧᬭᬦᬵᬣ᭞ᬢᬦ᭄ᬓᬯᬃᬡ᭄ᬦᬮᬫᬶᬦ᭄ᬦᬶᬧᬸᬦ᭄᭞ᬦᬵᬣᬳᬶᬂᬧᬭᬂᬕᬸᬩᬃᬚ᭛ᬬᬾᬦᬵᬦᬶᬭᬳᬶᬂᬗᬃᬘ᭄ᬘᬫᬦ᭄ᬦᬶᬓ᭄᭞ᬳᬧᬫᬶᬢ᭄ᬲᬫ᭄ᬧᬸᬦ᭄ᬓᬮᬶᬮᬦ᭄᭞ᬩᬸᬤᬮ᭄ᬲᬯᬤ᭄ᬬᬩᬮᬦ᭄ᬦᬾ᭞ᬳᬢ᭄ᬫᬚᬚᬮᬸᬢᬶᬦ᭄ᬦᬶᬮᬃ᭞ᬮᬦ᭄ᬫᬦ᭄ᬢ᭄ᬭᬶᬧᬶᬦᬶᬢᬸᬯ᭞ᬲᬶᬓᭂᬬᬶᬂᬧ᭄ᬭᬯᭀᬮᬸᬂᬗᬢᬸ
ᬲ᭄᭞ᬫᬓᬸᬯᭀᬦ᭄ᬲᬭᬶᬂᬗᬶᬂᬗᬃᬕ᭄ᬕ᭛ᬭᬤᬾᬦ᭄ᬓᬮᬶᬄᬮᬗ᭄ᬓᬸᬂᬳᬲᬶᬄ᭞ᬫ᭄ᬭᬶᬂᬳᬶᬧᬾᬦ᭄ᬤ᭄ᬬᬦ᭄ᬧᬜ᭄ᬘᬤ᭄ᬬᬡ᭄ᬦ᭞ᬦᬳᬦ᭄ᬕᭂᬦ᭄ᬢᬯᬶᬦ᭄ᬦᬭᬳᭀᬲ᭄᭞ᬦᬵᬕᬭᬳᬶᬂᬩᬭᬢ᭄ᬫᬤ᭄ᬬ᭞ᬩᬶᬰᬾᬓᬦ᭄ᬦᬶᬭᬭᬵᬚ᭞ᬚᬮᬲᬗᬭᬲᬂᬧ᭄ᬭᬪᬸ᭞ᬓᬾᬂᬲᭂᬃᬲᬓᬶᬂᬧ᭄ᬭᬚᬦ᭄ᬦᬶᬭ᭛ᬫᬓᬸᬯᬾ
ᬦ᭄ᬳᬦᬾᬂᬯᬓᬵᬤ᭄ᬭᬶ᭞ᬮᬦ᭄ᬯᬤ᭄ᬬᬦ᭄ᬦᬶᬭᬲᬤᬬ᭞ᬲᬸᬫᬃᬫ᭄ᬫᬢᬶᬮᬃᬧ᭄ᬭᬚᬦ᭄ᬦᬾ᭞ᬓᬲᭀᬃᬳᬶᬂᬧ᭄ᬭᬂᬮᬯᬦ᭄ᬤᬶᬢ᭄ᬬ᭞ᬳᬶᬂᬳᬶᬮᬶᬂᬯᭂᬲᬶᬧ᭄ᬭᬚ᭞ᬤᬦᬯᬭᬵᬚᬵᬓᬸᬓᬸᬯᬸ᭞ᬳᬦᬾᬂᬓᬶᬢᬩᬭᬢ᭄ᬫᬤ᭄ᬬ᭛ᬭᬦ᭄ᬭᬵᬚᬓᬵᬮᬯᬺᬤᬢᬶ᭞ᬫᬶᬮᬳᬗ᭄ᬭᬩᬱᬾᬧ᭄ᬭᬚ
ᬯᬶᬢ᭄ᬢᬶᬦᬫ᭄ᬧᬶᬓ᭄ᬧᬗ᭄ᬮᬫᬭᬾ᭞ᬭᬶᬓᬵᬮᬩᭂᬥᬕ᭄ᬓᬂᬧ᭄ᬭᬚ᭞ᬤᬾᬭᬾᬂᬓᭀᬗ᭄ᬲᬶᬳᬬᬸᬤ᭄ᬥ᭞ᬦᬸᬚᬸᬯᬬᬄᬢᭂᬗᬄᬤ᭠ᬮᬸ᭞ᬕᬸᬕᬸᬧ᭄ᬫᬯᬸᬃᬲᬫᬶᬕᬶᬮ᭛ᬲᬓᬯᬦ᭄ᬧᬸᬢ᭄ᬭᬦᬃᬧᬢᬶ᭞ᬳᬶᬓᬂᬓᬓᬮᬶᬄᬯᬦᭀᬤ᭄ᬬ᭞ᬍᬧ᭄ᬫᬦᬯᬋᬂᬚᬸᬮᬸᬓ᭄ᬓᬾ᭞ᬧᬸᬱ᭄ᬧᬶ
Page:Bali-lontar-gaguritan-anging-kusuma-250ppi.pdf/47
This page has been proofread.
