[᭔᭗ 47 B]
᭔᭗
ᬢᬯᬢᬷᬳᬹᬶᬭᬶᬦ᭄ᬦᬶᬭ᭞ᬲᬢᭂᬗᬄᬳᬶᬭᬧ᭄ᬭᬬ᭞ᬭᬤ᭄ᬬᬦ᭄ᬫᬬᬂᬓᬭᬩᬕᬸᬲ᭄᭞ᬘᬭᬸᬚᬸᬤ᭄ᬬᬦ᭄ᬯᬶᬚᬂᬓᬭ᭛ᬧᭂᬧᬓ᭄ᬧ᭄ᬭᬯᬷᬭᬳ᭠ᬚᬸᬭᬶᬢ᭄᭞ᬫᬦ᭄ᬢ᭄ᬭᬶᬧᬸᬗ᭄ᬕᬯᬲᬢ᭄ᬭᬶᬬ᭞ᬫᬗ᭄ᬓᬦᬲᬂᬦᬣᬫᬶᬬᭀᬲ᭄᭞ᬲᬶᬦ᭄ᬦᬾᬯᬓᬾᬂᬯᬤ᭄ᬬᬦ᭄ᬦᬶᬭ᭞ᬤᬾᬦ᭄ᬦ᭄ᬬᬫᬸᬂᬲᬸᬄᬤᬦᬯ᭞ᬳ
ᬭᬶᬲ᭄ᬓᬦ᭄ᬥᬶᬓᬲᬂᬧ᭄ᬭᬪᬸ᭞ᬳᬾᬄᬧᬢᬶᬄᬚᬬᬍᬓ᭄ᬱᬡ᭄ᬦ᭛ᬧᬭᬦ᭄ᬤᬬᬦ᭄ᬦᬶᬭᬫᬗ᭄ᬓᬶᬦ᭄᭞ᬫ᭄ᬭᬶᬄᬚᬬᬳᬗᬺᬩᬸᬢ᭄ᬧ᭄ᬭᬚ᭞ᬧᬬᬸᬧᬥᬫᬋᬋᬫ᭄ᬧᭀᬦ᭄᭞ᬲᬸᬦ᭄ᬳᬦ᭄ᬢᭂᬩᬄᬳᬦᬾᬂᬯᬦ᭞ᬍᬕᭂᬂᬗᬦ᭄ᬢᭂᬧ᭄ᬳᬳᬸᬤ᭄ᬥ᭞ᬓᬶᬧᬢᬶᬄᬦᭂᬫ᭄ᬩᬄᬳᬸᬫᬢᬸᬃ᭞ᬓᬳᬸᬮᬳᬦᬸᬳᬸ᭠
ᬦ᭄ᬤᬸᬓ᭛ᬲᬶᬦ᭄ᬢᭂᬦ᭄ᬳᬶᬂᬗᬤᭂᬕ᭄ᬦᬚᬸᬭᬶᬢ᭄᭞ᬫᬦ᭄ᬢ᭄ᬭᬶᬧᬸᬗ᭄ᬕᬯᬲᬢ᭄ᬭᬶᬬ᭞ᬢᬦ᭄ᬓᬾᬗᬶᬂᬳᬶᬂᬗᬦ᭄ᬤᭂᬮ᭄ᬮᬓ᭄ᬦᬾ᭞ᬲ᭄ᬯᬯᬶᬓᬶᬦ᭄ᬫᬦ᭄ᬥᬓ᭞᭠ᬭᬶᬲᬂᬤᬦᬯᬭᬵᬚ᭞ᬢᬶᬦᭀᬜ᭄ᬚᭀᬓ᭄ᬱᭂᬭᬢ᭄ᬧᬗᬶᬫᬸᬓ᭄᭞ᬓᬳᬸᬓᬳᬸᬫᬓ᭄ᬱᬡ᭄ᬦ᭛ᬳᬫᬦ᭄ᬥᬶᬲᭂᬭᬢ᭄ᬦᬃᬧᬢᬶ᭞ᬳᬢ᭄ᬫᬚᬾ
ᬦ᭄ᬤ᭄ᬭᬤᬶᬦᬸᬢᬳ᭞ᬗᬫ᭄ᬩᬶᬮ᭄ᬲ᭄ᬭᬬᬧᬯᬃᬣᬶᬦ᭄ᬦᬾ᭞ᬳᬶᬂᬗᬃᬘ᭄ᬘᬫᬦ᭄ᬦᬶᬓ᭄ᬧ᭄ᬭᬕᬢ᭞ᬓᬥᭂᬗᬦ᭄ᬲᬢ᭄ᬭᬶᬬ᭞ᬮᬮᬦᬳᬦ᭄ᬥᭀᬦ᭄ᬧ᭄ᬭᬂ᭠ᬧᬸᬧᬸᬄ᭞ᬧᬸᬢ᭄ᬭᬦᬵᬣᬳᬶᬂᬫᬮᬯ᭛ᬓᬫ᭄ᬮᬶᬮ᭄ᬫᬦ᭄ᬢᬸᬳᬶᬂᬲᬂᬬᭀᬕᬶ᭞ᬦᬕᬯᬵᬦ᭄ᬲᬦ᭄ᬳᬦᬸᬫᬹᬃᬢ᭄ᬬ᭞ᬫᬶᬮᬓᬫᬦ᭄ᬢᬸᬧᬹᬃᬯ᭄ᬯᬦ᭄ᬦᬾ᭞
[᭔᭘ 48 A]
ᬲᬂᬯᬶᬓᬸᬤᬃᬩᬾᬳᬢ᭄ᬫᬚ᭞ᬳᬾᬲ᭄ᬢ᭄ᬭᬷᬳᬬᬸᬳᬸᬢ᭄ᬢᬫ᭞ᬳᬶᬂᬧᬭᬂᬕᬸᬩᬃᬚᬧ᭄ᬭᬪᬸ᭞ᬧ᭄ᬦᬶᬓᬳᬤᬃᬩᬾᬓᬃᬱ᭛ᬫ᭄ᬭᬶᬂᬲᬂᬤ᭄ᬬᬄᬳᬶᬂᬗᬃᬘ᭄ᬘᬫᬦᬶᬓ᭄᭞ᬮᬶᬦᬫᬃᬢᬦ᭄ᬲᬶᬦ᭄ᬦᬦ᭄ᬫᬣᬦ᭄᭞ᬫᬾᬭᬂᬢ᭄ᬬᬲ᭄ᬲᬶᬭᬲᬂᬓᬢᭀᬂ᭞ᬲᬓ᭄ᬱᬡᬮᬸᬫᬸᬭᬸᬕ᭄ᬫᬭᬂ᭞ᬳᬶᬂᬯᬸᬓᬶᬃᬗᬃ᭠
ᬘ᭄ᬘᬫᭀᬮᬄ᭞ᬭᬶᬦᭀᬩᬦ᭄ᬯᬤ᭄ᬬᬓᬶᬦᭂᬧᬸᬂ᭞ᬢᬶᬬᬂᬗᬃᬕ᭄ᬕᬲᭀᬭᬶᬂᬗᬹᬶᬳᬹᬶᬬᬸᬤ᭄ᬥ᭛ᬧᬸᬢ᭄ᬭᬳᬶᬂᬫᬮᬯᬧᬢᬶ᭞ᬓᬓ᭠ᬮᬶᬄᬲᬫᬶᬧ᭄ᬭᬯᬷᬭ᭞ᬦᬸᬮ᭄ᬬᬢᬸᬢᬸᬮᬸᬂᬬᬸᬤ᭄ᬥᬦ᭄ᬦᬾ᭞ᬗᬫᬹᬓ᭄ᬓᬮᬯᬦ᭄ᬜᬭᬶᬕ᭞ᬓᬂᬲᭂᬧᬸᬄᬗ᭄ᬮᬶᬂᬓᬸᬲᬸᬫ᭞ᬤᬦᬹᬃᬯᬾᬦ᭄ᬥᬳ
ᬭᬶᬦ᭄ᬦᬶᬧᬸᬦ᭄᭞ᬢᬸᬳᬸᬬᬾᬦ᭄ᬢᬦ᭄ᬧᬲᬶᬮᬶᬄᬳᬦ᭄᭛ᬧᬸᬢ᭄ᬭᬳᬶᬂᬫᬮᬯᬧᬢᬶ᭞ᬫᭂᬗ᭄ᬲᬄᬫ᭄ᬭᬶᬂᬧᬭᬂᬕᬸᬩᬃᬚ᭞ᬲᬫ᭄ᬧᬸᬦ᭄ᬓᬲᭀᬃᬳᬶᬂᬬᬸᬤ᭄ᬥᬦ᭄ᬦᬾ᭞ᬦᬸᬗ᭄ᬕᬸᬮ᭄ᬳᬩᬦ᭄ᬥᬫ᭄ᬫ᭄ᬭᬶᬂᬭᬤ᭄ᬬᬦ᭄᭞ᬲᬃᬣᬵᬢᬸᬃᬧᬸᬢ᭄ᬭᬦ᭄ᬦᬶᬭ᭞ᬳᬭᬶᬲ᭄ᬗᬦ᭄ᬥᬶᬓᬲᬂᬧ᭄ᬭᬪᬸ᭞ᬧᬢᬶᬄ
ᬳᬶᬓᬂᬮᬸᬯᬶᬄᬧ᭄ᬭᬬᭀᬕ᭛ᬯᬸᬲ᭄ᬤᬤ᭄ᬬᬋᬫ᭄ᬮᬕ᭄ᬦᬸᬮᬶ᭞ᬧᬢᬶᬄᬧᬶᬦᬭᬶᬂᬗᬲᬭᬵᬢ᭄᭞ᬫᬗ᭄ᬓᬢ᭄ᬮᬦ᭄ᬧᬸᬗ᭄ᬕᬯᬮᭀᬭᭀ᭞ᬧᬸᬢ᭄ᬭᬚᬯᬳᬸᬤᬶᬦᬸᬳ᭞ᬫ᭄ᬭᬶᬂᬗᬃᬕ᭄ᬕᬗᬃᬘ᭄ᬘᬫᭀᬮᬄ᭞ᬳᬫᬸᬦ᭄ᬥᬶᬦᬯᬮᬧ᭄ᬭᬪᬸ᭞ᬓᬂᬩᬤᬾᬓᬢᬸᬃᬲᬂᬤ᭄ᬯᬚ᭛ᬳᬶᬗᬶᬭᬶᬂ
Page:Bali-lontar-gaguritan-anging-kusuma-250ppi.pdf/48
This page has been proofread.
