[᭗ 7 B]
᭗
ᬳᬗ᭄ᬮᬶᬂᬥᬃᬫ᭄ᬫ᭞ᬭᬢᬸᬫᬮᬯᬧᬢᬶ᭞ᬳᬶᬗ᭄ᬲᬸᬦ᭄ᬓᬂᬳᬦ᭄ᬫᬸᬱ᭄ᬝ᭞ᬭᬩᬶᬫᬸᬫᬬᬂᬲᭂᬓᬃ᭞ᬋᬩᬸᬢ᭄ᬢᭂᬦ᭄ᬬᬾᬦ᭄ᬲᬶᬭᬯᬦ᭄ᬦᬶ᭞ᬲᬂᬤᬦᬯᬾᬦ᭄ᬤ᭄ᬭ᭞ᬓ᭄ᬭᭀᬥᬫᬯᬶᬗᬯᭂᬗᬶᬲ᭄᭛ᬫᬸᬱ᭄ᬝᬶᬮᬶᬫ᭄ᬧᬸᬂᬲᬶᬭᬲᬂᬋᬓ᭄ᬱᬲᬤᬶᬧ᭞ᬯᬸᬲ᭄ᬫᬶᬦ᭄ᬦᬦ᭄ᬢ᭄ᬭᬦ᭄ᬳᬦᬸᬮᬶ᭞ᬮᬸᬫᭂᬧᬲ᭄ᬮᬶᬃᬓᬶᬮᬢ᭄᭞ᬳ᭠
ᬗ᭄ᬮᬶᬂᬥᬃᬫ᭄ᬫᬧ᭄ᬭᬬᬶᬢ᭄ᬦ᭞ᬧᬶᬦ᭄ᬦᬦ᭄ᬥᭂᬂᬮᬶᬫ᭄ᬧᬸᬂᬦᬶᬭᬵᬚᬶ᭞ᬫᬸᬬ᭄ᬯᬲᬳᬲ᭞ᬤᬦᬧᬾᬦ᭄ᬤ᭄ᬭᬳᬦᬸᬤᬶᬂ᭛ᬬᬾᬦᬵᬮᬶᬫ᭄ᬧᬸᬂᬗᬾᬫᬸᬲ᭄ᬦᬢᬦ᭄ᬢᬸᬫᭂᬓ᭄ᬓᬾᬂᬮᬯᬦ᭄᭞ᬤᬳᬢ᭄ᬩ᭄ᬭᬫᬢ᭄ᬬᬦᬸᬮᬶ᭞ᬫᬸᬲᬸᬲ᭄ᬚᬚᬦ᭄ᬦᬶᬭ᭞ᬳᬦ᭄ᬢᬭᬫᬶᬚᬶᬮ᭄ᬲᬂᬧ᭄ᬧ᭞ᬖᭀᬭᬬᬳᬲᬯᬂᬯᬸᬓᬶᬃ᭞ᬦᬦ᭄ᬥᭂᬃᬲᬂ
ᬦᬵᬣ᭞ᬧᬶᬦᬦ᭄ᬥᭂᬂᬢᬦ᭄ᬗᭂᬦᬦ᭄ᬦᬶ᭛ᬰᬶᬃᬡ᭄ᬦᬾᬂᬫᬃᬕ᭄ᬫᬕᭂᬮ᭄ᬲᬂᬋᬓ᭄ᬱᬲᬦᬵᬣ᭞ᬤ᭄ᬬᬦ᭄ᬫᭂᬤᬮ᭄ᬮᬓᭂᬦ᭄ᬫᬮᬶᬄ᭞ᬧ᭄ᬭᬩᬢᬕᬭᬸᬤ᭞ᬕᭂᬂᬗᬶᬭᬲᬧ᭄ᬭᬩᬢ᭞ᬲᬶᬦᬫ᭄ᬩᭂᬃᬳᬗ᭄ᬮᬶᬂᬥᬃᬫ᭄ᬫᬵᬚᬶ᭞ᬧᬶᬦᬦ᭄ᬥᭂᬂᬤᬳᬢ᭄᭞ᬧ᭄ᬭᬧ᭄ᬢᬰᬶᬃᬡ᭄ᬦᬳᬶᬂᬫᬃᬕ᭄ᬕᬶ᭛ᬕᬸᬲᬶᬲ᭄ᬫᬸᬮᬢ᭄ᬲᬯᬤ᭄ᬬ᭠
ᬤᬦᬯᬭᬵᬚ᭞ᬫᬸᬲᬸᬲ᭄ᬳᬲ᭄ᬢᬲᬂᬬ᭄ᬬᬵᬗ᭄ᬭᬶᬓ᭄᭞ᬫᬸᬶᬳᬸᬫᬶᬚᬶᬮ᭄ᬤᬄᬳᬦ᭞ᬫᬭᬦ᭄ᬦᬶᬳᬗ᭄ᬮᬶᬂᬥᬃᬫ᭄ᬫ᭞ᬧᬶᬦᬦ᭄ᬥᬳᭂᬂᬰᬶᬃᬡ᭄ᬦᬓᬂᬗᬕ᭄ᬦᬶ᭞ᬰ᭄ᬭᬷᬧᬜ᭄ᬘᬤ᭄ᬬᬦ᭞ᬳᬲ᭄ᬭᬸᬤᬾᬦ᭄ᬦᬶᬭᬳᬗ᭄ᬮᬶᬂ᭛ᬲᬃᬬ᭄ᬬᬫᬭᬄᬳᬾᬄᬳᬗ᭄ᬮᬶᬂᬥᬃᬫ᭄ᬫᬫᬶᬍᬲ᭄ᬲ᭞ᬫᭂᬢᭀᬓ᭄ᬓᬕᬸᬩᬲᭂᬓ᭄ᬢᬶ᭞
[᭘ 8 A]
ᬳᭂᬦ᭄ᬢᬾᬓ᭄ᬦᬓᬸᬭᬄᬳᬦ᭄᭞ᬫᬹᬶᬢᬫᬓ᭄ᬦᬫᬭᬂᬳᬶᬂᬗ᭄ᬯᬂ᭞ᬰ᭄ᬭᬷᬪᬹᬧᬢᬶᬳᬦᬳᬸᬃᬭᬶ᭞ᬮᬄᬤᬾᬦ᭄ᬧ᭄ᬭᬬᬶᬢ᭄ᬦ᭞ᬲᬸᬦ᭄ᬯᬍᬲ᭄ᬬ᭄ᬯᬕᬸᬫᬶᬗ᭄ᬲᬶᬃ᭛ᬫᭂᬦ᭄ᬢᬂᬮᬗ᭄ᬓᬧ᭄ᬧᬲᬸᬧᬢᬶᬯᬸᬲ᭄ᬫᬶᬦᬦ᭄ᬢ᭄ᬭᬦ᭄᭞ᬮᬸᬫᭂᬧᬰᬶᬂᬚᭂᬫ᭄ᬧᬭᬶᬂ᭞ᬢᭂᬗ᭄ᬕᭂᬓ᭄ᬦ᭄ᬬᬓᬂᬓᭂᬦ᭄ᬦ᭞ᬭᬸᬄᬓᬂᬤᬦᬯᬾᬦ᭄ᬤ᭄ᬭ᭞ᬲᬸᬓ
ᬯ᭄ᬯᭀᬂᬫᬮᬯᬧᬢᬶ᭞ᬲᬸᬭᬓ᭄ᬕᬸᬫᭂᬭᬄ᭞ᬮᬶᬃᬳᭀᬫ᭄ᬩᬓ᭄ᬓᬶᬂᬚᬮᬤ᭄ᬭᬶ᭛ᬫᬯᬸᬃᬩᬸᬩᬃᬯᬤ᭄ᬬᬳᬶᬂᬲᬶᬫ᭄ᬩᬃᬫᬜᬸᬭ᭞ᬯ᭄ᬭᬸᬄᬕᬸᬲ᭄ᬢᬶᬦ᭄ᬦᬗᭂᬫᬲ᭄ᬲᬶ᭞ᬫᬸᬂᬯᬤ᭄ᬬᬤᬦᬯ᭞ᬯᬶᬮ᭄ᬳᭀᬜ᭄ᬚᬾᬂᬗᭀᬜ᭄ᬚᬾᬂᬲᬫ᭄ᬬ᭞ᬧᬸᬧᬸᬮᬶᬄᬫᬗ᭄ᬲᬄᬳᬶᬂᬚᬸᬭᬶᬢ᭄᭞ᬫᭂᬦ᭄ᬢᬲ᭄ᬓᬲᭀᬃᬭ᭠
ᬦ᭄᭞ᬳᬃᬱᬩᬾᬮᬳᬶᬂᬕᬸᬲ᭄ᬢᬶ᭛ᬭᬤᬾᬦ᭄ᬳᬗ᭄ᬮᬶᬂᬓᬸᬲᬸᬫᬤ᭄ᬬᬦ᭄ᬥᬦᬹᬃᬯᬾᬦ᭄ᬥ᭞ᬧᬋᬂᬗᭂᬢᬩ᭄ᬢᬸᬭᬗ᭄ᬕᬶ᭞ᬫᬗ᭄ᬲᬄᬳᬶᬂᬧᬬᬸᬥᬦ᭄᭞ᬮᬦ᭄ᬳᬶᬬ᭄ᬬᬯᬶᬚᬦᬃᬓ᭄ᬓ᭞ᬫᬗᬸᬜ᭄ᬚᬬᬪᬝᬶᬓ᭄ᬫᬥ᭄ᬭᬶᬫ᭄᭞ᬤᭂᬫᬂᬳᬸᬭᬄᬳᬦ᭄᭞ᬦᬬᬦ᭄ᬦᬶᬂᬭᬵᬢ᭄ᬢᬦ᭄ᬓᬭᬶ᭛ᬫ᭄ᬬᬂᬲᬸᬗ᭄ᬕᬯᬳ᭠
ᬤᬶᬧᬢᬶᬫᭀᬜ᭄ᬘᬧ᭄ᬭᬚ᭞ᬤᬦᬯᬰᬹᬭᬲᭂᬓ᭄ᬢᬶ᭞ᬭᬫᬾᬕᭂᬫ᭄ᬧᬸᬃᬭᬦ᭄᭞ᬢᬦ᭄ᬳᬦᬓᬂᬮᬸᬫᬚᬃ᭞ᬤᬦᬯᬯᬸᬲ᭄ᬳᬫ᭄ᬩᭂᬕ᭄ᬧᬢᬶ᭞ᬳᬢᬸᬢᬸᬫ᭄ᬧᭂᬲᬦ᭄᭞ᬮᬶᬃᬲᬶᬦ᭄ᬦᬫ᭄ᬩᭂᬃᬭᬶᬂᬧᭂᬓ᭄ᬱᬶ᭛᭜᭛ᬰᬶᬃᬡ᭄ᬦᬕᭂᬫ᭄ᬧᬂᬢᬦ᭄ᬓᬭᬶᬲᬯᬶᬚᬶ᭞ᬳᬶᬓᬂᬲᬫ᭄ᬬᬳᬯᬃᬡ᭄ᬦᬶᬤᬦ᭠
Page:Bali-lontar-gaguritan-anging-kusuma-250ppi.pdf/8
This page has been proofread.
