[᭘ 8 B]
᭘
ᬯ᭞ᬧᬭᬭᬵᬚᬫᬵᬦᬸᬂᬱ᭄ᬯᬦ᭄ᬦᬾ᭞ᬲᬤᬬᬲᬫᬶᬦᬸᬗ᭄ᬓᬸᬮ᭄᭞ᬲᬸᬯᬯᬶᬳᬗᬢᬸᬃᬭᬶᬂᬧᬸᬢ᭄ᬭᬷ᭞ᬫᬳᬵᬭᬵᬚᬵᬗ᭄ᬮᬶᬂᬥᬃᬫ᭄ᬫ᭞ᬯᬸᬲ᭄ᬢᭂᬥᬓ᭄ᬳᬮᬸᬗ᭄ᬕᬸᬄ᭞ᬳᬶᬂᬤᬫ᭄ᬧᬃᬰᬷᬖ᭄ᬯᬳᬸᬫᬭᬓ᭄᭞ᬪᬝᬶᬓ᭄ᬫᬥ᭄ᬭᬶᬫ᭄ᬦᬸᬗ᭄ᬓᭂᬫᬶᬧᬤᬫᬦᬗᬶᬲ᭄᭞ᬳᬫᬶᬦ᭄ᬢᬧᬗᬓ᭄ᬱᬫ᭛ᬳᬤᬸᬄᬕᬸ
ᬲ᭄ᬢᬶᬰ᭄ᬭᬷᬦᬵᬣᬧᬢᬶ᭞ᬕᭂᬕᭂᬩᬮ᭄ᬮᬾᬳᬢᬸᬃᬧᭂᬚᬄᬕᭂᬲᬂ᭞ᬧᬸᬦ᭄ᬫᬥ᭄ᬭᬶᬫ᭄ᬲᬫᭀᬗ᭄ᬕᬳᬶᬂᬭᬾᬄ᭞ᬚᬶᬦᬸᬭᬓᬤᬶᬭᬡᬸ᭞ᬢᬦ᭄ᬳᬗ᭄ᬕ᭄ᬭᬦ᭄ᬢᭂᬲ᭄ᬓᬢᬺᬧ᭄ᬧᬶᬂᬗᬤᬶᬮ᭄᭞ᬲᬸᬫᭀᬗ᭄ᬕᬳᬶᬂᬗᬩᬄᬳᬦ᭄᭞ᬲᬓᬃᬱᬲᬂᬧ᭄ᬭᬪᬸ᭞ᬲᬓᬶᬂᬕᬸᬂᬤᭀᬱᬓᬳᬸᬯᬹᬶᬮ᭞ᬦᬭᬦᬵ
ᬣᬓᬮᬗ᭄ᬓᬸᬂᬳᬗᬺᬲ᭄ᬲᬶᬂᬕᬮᬶᬄ᭞ᬤᬤ᭄ᬬᬵᬭᬶᬲ᭄ᬳᬗᬦ᭄ᬥᬶᬓ᭛ᬳᬶᬬᬳᬶᬗ᭄ᬲᬸᬦ᭄ᬳᬫ᭄ᬧᬸᬭᬦᭂᬦ᭄ᬫᬥ᭄ᬭᬶᬫ᭄᭞ᬬᬤ᭄ᬬᬦ᭄ᬳᬓᬾᬄ᭠ᬓᬮᬸᬧᬸᬢ᭄ᬢᬦ᭄ᬦᬶᬭ᭞ᬦᬗ᭄ᬳᬶᬂᬳᬚᬫᬦ᭄ᬦᬾᬄᬫᬦ᭄ᬦᬾᬄ᭞ᬳᬜᬶᬤ᭄ᬭᬦ᭄ᬦᬶᬫᬭᬶᬂᬲᬸᬦ᭄᭞ᬪᬝᬶᬓ᭄ᬫᬥ᭄ᬭᬶᬫ᭄ᬫᬢᬸᬃᬗᬜ᭄ᬚᬮᬶ᭞ᬳᬗᬢᬸᬃ᭠
ᬳᬢᭂᬦ᭄ᬢᭀᬫ᭄ᬪᬢ᭄᭞ᬳᬶᬂᬲᬢᬸᬭᬸᬦ᭄ᬦᬶᬗ᭄ᬲᬸᬦ᭄᭞ᬗᬦ᭄ᬥᬶᬓᬦ᭄ᬦᬶᬭᬦᬭᬾᬦ᭄ᬤ᭄ᬭ᭞ᬳᬶᬬᬲᬶᬭᬳᬲᬶᬄᬳᬮᬶᬗ᭄ᬕᬶᬄᬧᬧᬢᬶᬄ᭞ᬫᬥ᭄ᬭᬶᬫ᭄ᬳᬗᭂᬫᭂᬓ᭄ᬫᬸᬃᬤ᭄ᬥ᭛ᬰ᭄ᬭᬶᬦᬭᬾᬦ᭄ᬤ᭄ᬭᬳᬗᬦ᭄ᬥᬶᬓᬫᬮᬶᬄ᭞ᬯᬶᬚᬦᬃᬓ᭄ᬓᬮᬯᬦ᭄ᬫᬗᬸᬦ᭄ᬚᬬ᭞ᬳᬜ᭄ᬚᬭᬄᬳᬦᬩ᭄ᬭᬡᬦ᭄ᬦᬾ
[᭙ 9 A]
᭞ᬲᬶᬧᬜ᭄ᬘᬤ᭄ᬬᬡ᭄ᬦᬧ᭄ᬭᬪᬸ᭞ᬫ᭄ᬬᬂᬭᬩᬶᬦ᭄ᬦᬾᬳᬬ᭄ᬯᬦᬓᬭᬶ᭞ᬓᬮᬶᬄᬦ᭄ᬬᬦᭂᬫ᭄ᬩᬄᬫᬾᬦ᭄ᬢᬃ᭞ᬦᬭᬦᬵᬣᬓᭀᬦ᭄ᬤᬸᬃ᭞ᬫ᭄ᬭᬶᬂᬧ᭄ᬭᬚᬲ᭠ᬕᬃᬯ᭄ᬯᬧᬸᬢ᭄ᬭ᭞ᬲᬳᬯᬤ᭄ᬬᬾᬂᬳᬫᬳᬶᬂᬩᭀᬚᬦᬵᬕᬭᬷ᭞ᬮᬯᬦ᭄ᬓᬃᬣᬦᬵᬕᬭ᭛ᬓᬮᬶᬄᬳᬶᬭᬗᬢᬸᬭᬦ᭄ᬳᬶᬂᬦᬵᬕ᭄ᬭᬷ᭞ᬫᬗᬸᬦ᭄ᬲᬸ
ᬓᬳᬶᬲᬂᬫᬃᬕ᭄ᬕᬫᬃᬕ᭄ᬕ᭞ᬫᬺᬤᭀᬗ᭄ᬕᬳᬸᬫ᭄ᬬᬂᬲ᭄ᬯᬭᬦ᭄ᬦᬾ᭞ᬳᬾᬕᬃᬯᬤ᭄ᬬᬩᬮᬵᬕᬸᬂ᭞ᬳᬲᬸᬲᬸᬕᬸᬦ᭄ᬥᬲᬶᬄᬕᬸᬂᬗᬮᬶᬢ᭄᭞ᬓᬃᬬ᭄ᬬᬳᬰ᭄ᬭᬶᬦ᭄ᬦᬶᬂᬫᬃᬕ᭄ᬕ᭞ᬭᬯᬸᬄᬳᬲᬂᬧ᭄ᬭᬪᬸ᭞ᬯ᭄ᬯᭀᬂᬤᬍᬫ᭄ᬓᬭᬕᬦ᭄ᬭᬕᬦ᭄᭞ᬓᭂᬭᬶᬕ᭄ᬯᬶᬚᬶᬮ᭄ᬳᬫᭂᬝᬸᬓ᭄ᬳᬦᬾᬦᬵᬕ᭄ᬲᬶᬢᬶᬗ᭄ᬕᬶᬮ᭄᭞ᬢ᭠
ᬦ᭄ᬢᬭᬦᬵᬣᬧ᭄ᬭᬧ᭄ᬢ᭛ᬫᬶᬗ᭄ᬕᬄᬤᬢᭂᬂᬫᬗᬸᬦ᭄ᬢᬸᬃᬲᬶᬦ᭄ᬦᬶᬯᬶ᭞ᬧᬭᬫᬦ᭄ᬦᬶᬓ᭄ᬓᬂᬲᬓᬶᬂᬚ᭄ᬭᭀᬧᬸᬭ᭞ᬳᬦ᭄ᬥᬶᬢᭂᬓᭂᬦ᭄ᬧᬸᬦ᭄ᬦᬕᬶᬦ᭄ᬦᬾ᭞ᬓᬃᬲ᭄ᬯᬧᬤᬧ᭄ᬭᬪᬸ᭞ᬫ᭄ᬬᬂᬧᬤᬦ᭄ᬦᬾᬕᬭᬶᬡ᭄ᬦᬷᬓᬯ᭄ᬭᬶ᭞ᬤᬾᬯᬶᬫᬬᬂᬓᬸᬲᬸᬫ᭞ᬓᬂᬧᬫᭂᬓᬲᬶᬧᬸᬦ᭄᭞ᬳᭂᬫ᭄ᬩᬦ᭄ᬳᬶᬜᬵᬯᬸᬲ᭄ᬳᬸᬫᬶᬬᬢ᭄᭞
ᬧᬦᬃᬓ᭄ᬓᬦ᭄ᬦᬾᬕᬸᬲ᭄ᬢᬶᬦ᭄ᬦᬶᬭᬮᬫᬶᬧ᭄ᬭᬧ᭄ᬢᬶ᭞ᬫᬸᬳᬸᬂᬲ᭄ᬦ᭄ᬦᬾᬲ᭄ᬢᭂᬦᬕ᭛ᬰ᭄ᬭᬷᬦᬭᬾᬦ᭄ᬤ᭄ᬭᬮᬸᬗ᭄ᬕ᭄ᬯᬾᬂᬧᬤ᭄ᬫᬕᬥᬶᬂ᭞ᬤᬾᬦ᭄ᬦᬧᬶᬢ᭄ᬢᬶᬂᬕᬭᬶᬡ᭄ᬦᬷᬢᬶᬕ᭞ᬧ᭄ᬭᬫᬦ᭄ᬦᬶᬓ᭄ᬳᬦᬾᬂᬯᬸᬭᬶᬦ᭄ᬦᬾ᭞ᬲᬂᬦᬵᬣᬓᬮᬶᬄᬭᬯᬸᬄᬳᬶᬗᬢᬸᬃᬭᬦ᭄ᬫᬶᬗ᭄ᬕᬄᬲᬶᬢᬷᬗ᭄ᬕᬶᬮ᭄᭞ᬭᬵᬚᬥᬃᬫᬯᬶᬄᬰᬾᬱ᭞ᬩᬰᬸᬦᭀ
Page:Bali-lontar-gaguritan-anging-kusuma-250ppi.pdf/9
This page has been proofread.
