[᭒᭙ 29 B]
᭒᭙
ᬦᬶᬧᬸᬦ᭄᭞ᬭᬯᬸᬄᬓᬦ᭄ᬭᬓᬵᬮᭀᬓᬫᬗ᭄ᬓᬶᬦ᭄᭞ᬢᬢᬶᬕᬵᬳᬢ᭄ᬫᬵᬓᬾᬄᬳᬶᬧᬸᬦ᭄᭞ᬲ᭄ᬢ᭄ᬭᬶᬓᬮᬶᬄᬮᬦᬂᬢᬸᬗ᭄ᬕᬮ᭄᭞ᬮ᭄ᬯᬶᬃᬦᬶᬂᬮᬸᬗ᭄ᬕᬸᬄ᭞ᬫᬲᬦ᭄ᬤᬶᬂᬭᬶᬂᬧᬧᬳᬶᬓᬸ᭞ᬰ᭄ᬭᬶᬪᬕᬯᬵᬦ᭄ᬳᬶᬤᬵ
ᬜᬶᬗᬓ᭄᭞ᬯᭂᬦ᭄ᬢᭂᬦ᭄ᬳᬢ᭄ᬫᬵᬯᬯᬸᬧ᭄ᬭᬧ᭄ᬢᬶ᭟ᬓᬢᭀᬦ᭄ᬢᬾᬚᬦ᭄ᬦᬶᬰ᭄ᬭᬶᬦᬦ᭄ᬤ᭄ᬬᬵ᭞ᬗᬥᭂᬕ᭄ᬦᬸᬮᬸ᭞ᬧᬜ᭄ᬚᬂᬮ᭄ᬯᬶᬃᬕᬮᬄᬮᬸᬳᬸᬭᬶᬂ᭞ᬫᭂᬦᭂᬂᬰ᭄ᬭᬶᬪᬕᬯᬦ᭄ᬤᬸᬮᬸ᭞ᬓᬾᬯᬮᬵᬧ᭄ᬢᬺᬱ᭄ᬡᬵᬭᬶᬗᬃᬱ᭞ᬫ
ᬜᬶᬗᬓᬶᬦ᭄᭞ᬓᬮ᭄ᬯᬶᬳᬦᬶᬰ᭄ᬭᬶᬦᬦ᭄ᬤᬶᬓᬸ᭞ᬗ᭄ᬳᬶᬂᬰ᭄ᬭᬶᬪᬕᬯᬦ᭄ᬯᬸᬲ᭄ᬢᬢᬲ᭄᭞ᬓᬵᬤᬶᬩ᭄ᬬᬵᬘᬓ᭄ᬱᬸᬭᬶᬂᬗᬢᬶ᭟ᬯ᭄ᬭᬸᬄᬳᬶᬤᬵᬲᬧᬥᬕᬶᬗᬦ᭄᭞ᬩ᭄ᬯᬦᬳᬶᬓᬸ᭞ᬫ᭄ᬯᬂᬳᬮᬵᬳᬬᬸᬧ᭄ᬭᬯᬺᬢ᭄ᬢᬶ᭞ᬗ᭄ᬳᬶᬂ᭠
ᬓᬃᬬ᭄ᬬᬵᬲ᭄ᬢᬶᬓᬂᬯᬸᬯᬸᬲ᭄᭞ᬦᭂᬳᭂᬃᬰ᭄ᬭᬶᬦᬦ᭄ᬤᬶᬫᬢᬹᬭᬵ᭞ᬲᬶᬗ᭄ᬕᬶᬄᬧᬤᬸᬓᬵ᭞ᬰ᭄ᬭᬶᬪᬕᬯᬦ᭄ᬤᬾᬯᬦᬶᬗ᭄ᬲᬸᬦ᭄᭞ᬫᬢᬶᬦ᭄ᬢᬶᬢ᭄ᬬᬂᬳᬦ᭄ᬢᬸᬓ᭄ᬓᬤ᭄ᬕ᭞ᬤᬾᬲᬂᬲ᭄ᬯᬫᬶᬳᬫᬢ᭄ᬬᬦᬶ᭟ᬤ᭄ᬯᬦᬶᬂᬤᬸᬦᬸᬗᬶᬂᬦᬭ
[᭓᭐ 30 A]
ᬓᬵ᭞ᬮᬾᬓᬵᬢᬶᬗ᭄ᬲᬸᬦ᭄᭞ᬰ᭄ᬭᬶᬪᬕᬯᬦ᭄ᬫᬜᬯᬸᬭᬶᬦ᭄᭞ᬲᬳᬵᬤᭀᬱᬦ᭄ᬫᬦᬶᬭᬾᬓᬶ᭞ᬦᬯ᭄ᬬᬵᬓᬤᬹᬃᬰᬶᬮᬦ᭄ᬲᬶᬭ᭞ᬫᬃᬯ᭄ᬯᬓᬳ᭄ᬬᬸᬦ᭄᭞ᬲᬤᬹᬃᬰᬶᬮᬦᬶᬂᬳᬶᬲ᭄ᬢ᭄ᬭᬶᬓᬸ᭞ᬬᬦ᭄ᬲᬶᬭᬮᬵ
ᬫ᭄ᬧᬳᬓᭂᬦ᭞ᬦᬶᬰ᭄ᬭᬶᬦᬦ᭄ᬤᬶᬫᬢᬹᬭᬭᬶᬲ᭄᭟ᬲᬶᬗ᭄ᬕᬶᬄᬳᬶᬤᬰ᭄ᬭᬶᬪᬕᬯᬵᬦ᭄᭞ᬤᬾᬯᬵᬦᬶᬗ᭄ᬲᬸᬦ᭄᭞ᬲ᭄ᬯᬾᬘ᭄ᬘᬵᬪᬕᬯᬵᬦ᭄ᬢᭀᬲᬶᬦ᭄᭞ᬦᭀᬭᬾᬗ᭄ᬲᬸᬦᬳᬸᬮᬄᬳᬶᬓᬸ᭞ᬤᬹᬰᬶᬮᬦᬶᬂ
ᬯᬯᬤᭀᬦᬦ᭄᭞ᬫᬗ᭄ᬭᭀᬓᬬᬸᬦ᭄᭞ᬗᬯᬾᬢᬶᬗ᭄ᬕᬮᬶᬂᬳᬮᬓ᭄ᬬᬓᬸ᭞ᬳᬸᬗ᭄ᬲᬸᬦ᭄ᬳᬲ᭄ᬢᬶᬢᬶᬭᬶᬂᬮᬓ᭄ᬬᬵ᭞ᬧᬶᬂᬲᬧ᭄ᬢᬵᬜᬦ᭄ᬫᬓᬧᬗ᭄ᬕᬶᬄ᭟ᬫᬢᭂᬫᬸᬭᬶᬂᬢᬶᬢ᭄ᬬᬂᬳᬸᬕ᭞ᬫᬗ᭄ᬤᬾᬲᬋᬂ᭞ᬳ
ᬮᬵᬳᬬᬸᬓᬧᬗ᭄ᬕᬶᬄ᭞ᬰ᭄ᬭᬶᬪᬕᬯᬵᬦ᭄ᬲᬳᬸᬃᬓᭂᬜᬸᬂ᭞ᬤᬸᬄᬧᬭᬦᬶᬦᬶᬓᬭᬡᬵ᭞ᬫᬢᬶᬳᬶᬓᬸ᭞ᬤᬾᬦᬶᬂᬮᬓᬶᬦ᭄ᬢᬧᬸᬦᬶᬓᬸ᭞ᬰ᭄ᬭᬶᬦᬦ᭄ᬤᬶᬦᭂᬫ᭄ᬩᬄᬫᬢᬹᬭᬵ᭞ᬢᬦ᭄ᬳᬸᬦᬶᬂᬳᬶᬗ᭄ᬲᬸᬦ᭄ᬭᬶᬂ᭠
Page:Bali-lontar-gaguritan-atma-prasangsa-300ppi.pdf/30
This page has been proofread.
