[᭓᭐ 30 B]
᭓᭐
ᬲᬶᬲᬶᬧ᭄᭟ᬫᬦᬯᬶᬯᭂᬦ᭄ᬢᭂᬦ᭄ᬩᬜ᭄ᬘᬦ᭞ᬤᭀᬱᬦ᭄ᬢᬶᬢ᭄ᬬᬂ᭞ᬭᬶᬂᬫᬥᬸᬦ᭄ᬢᬶᬢ᭄ᬬᬂᬭᬶᬳᬶᬦ᭄᭞᭠ᬰ᭄ᬭᬶᬪᬕᬯᬦ᭄ᬲᬳᬸᬃᬳᬮᬸᬲ᭄᭞ᬤᬸᬦᬶᬦᬶᬰ᭄ᬭᬶᬦᬦ᭄ᬤ᭄ᬬᬵ᭞ᬲᬶᬭᬵᬳᬕᬸᬂ᭞ᬲ᭄ᬯᬃᬕ᭄ᬕᬦᬶᬂᬲᬢ᭄ᬬᬮᬓᬶ
ᬓᬸ᭞ᬧᬕᭂᬄᬲᬶᬭᬵᬫᬗᬯᬸᬮᬵ᭞ᬭᬶᬂᬮᬓᬶᬦᬶᬭᬳᬜᬶᬯᬶ᭟ᬓᬲᬸᬯᬾᬦᬤ᭄ᬯᬂᬦᬮᬶᬓᬵ᭞ᬓᬜ᭄ᬘᬶᬢ᭄ᬭᬯᬸᬄ᭞ᬯᬢᭂᬓ᭄ᬬᬫᬵᬩᬮᬵᬧ᭄ᬭᬧ᭄ᬢᬶ᭞ᬲᬮ᭄ᬯᬶᬃᬳᬳᬾᬂᬭᬹᬧᬦᬶᬧᬸᬦ᭄᭞ᬳᬓ᭄ᬭᬓᬵᬂ
ᬲᬓ᭄ᬯᬾᬳᬶᬂᬧᬧ᭞ᬦ᭄ᬭᬓᬵᬳᬶᬓᬵ᭞ᬓᬍᬩᬸᬭᬶᬂᬓᬯᬄᬳᬶᬓᬸ᭞ᬮᬓᬶᬦᬶᬭᬵᬫᬥᬸᬦᬶᬭᬵ᭞ᬳᬶᬓᬸᬬᬫᬩᬮᬕᬢᬶ᭟ᬳᬦ᭄ᬤᬤ᭄ᬬᬓᭂᬦ᭄ᬕ᭄ᬦᬶᬫᬸᬦ᭄ᬢᬩ᭄᭞ᬧᬘᬂᬳᬶᬓᬸ᭞ᬳᬸᬗ᭄ᬕ᭄ᬯᬦᬶᬂᬗ᭄ᬮᬵ
ᬩ᭄ᬮᬩ᭄ᬲᬮ᭄ᬯᬶᬃᬦᬶᬂ᭞ᬧᬧᬵᬦᬭᬓᬵᬳᬶᬓᬸ᭞ᬩᬬᬮᬸᬯᬸᬂᬲᬢᬶᬗ᭄ᬓᬄ᭞ᬓᬜ᭄ᬘᬶᬢ᭄ᬭᬯᬸᬄᬬᬫᬵᬩᬮᬵᬲᬲᬶᬓᭂᬨᬶᬧᬸᬦ᭄᭞ᬮᬾᬦ᭄ᬳᬤᬵᬗᬯᬵᬩᬤᬫᬵ᭞ᬮᬾᬦ᭄ᬫᬗᬯᬵᬰᬸᬮᬵᬯᭂᬲᬶ
[᭓᭑ 31 A]
᭟ᬫᬸᬯᬄᬳᬦᬵᬗᬯᬵᬳᬗ᭄ᬓᬸᬱᬵ᭞ᬮᬾᬦ᭄ᬫᬦᬶᬓᬸᬮ᭄᭞ᬲᬶᬓᭂᬧ᭄ᬥᬡ᭄ᬥᬓᬚᬚᭂᬭᬶᬄ᭞᭠ᬫᬲᭀᬮᬄᬫᬲᬸᬭ᭄ᬬᬓ᭄ᬳᬸᬫᬸᬂ᭞ᬕᬸᬫᬸᬭᬸᬄᬩᬸᬓ᭄ᬗ᭄ᬮᬶᬫᬸᬢ᭞ᬮᬾᬦ᭄ᬢᬫᬓᭀ᭞ᬩᬯᬂᬚ
ᬳᬾᬧᬸᬡ᭄ᬥᬸᬢᬶᬧᬸᬦ᭄᭞ᬳᬸᬬᬄᬳᬲᭂᬫ᭄ᬮᬾᬦ᭄ᬫᬘᬸᬓᬵ᭞ᬬᬫᬵᬩᬮᬵᬦᬾᬫᬘᬶᬭᬶ᭟ᬓᬺᬜ᭄ᬘᬂᬓᬺᬜ᭄ᬘᬶᬂᬬᬫᬚᬮᬦ᭄᭞ᬤᭂᬗ᭄ᬓᭂᬮᬓ᭄ᬤᭂᬗ᭄ᬓᭂᬮᬸᬓ᭄ᬧᬓᭂᬘᬧᬥᬵᬤᬸᬢ᭄ᬤᬸᬢᬶᬦ᭄᭞ᬫᬗ
ᬧᬾᬃᬧᬕᭂᬭᬾᬂᬳᬸᬬᬸᬢ᭄᭞ᬧᬳᬸᬮᬧ᭄ᬬᬦᬕᬶᬄᬫᬓ᭄ᬧᬓ᭄᭞ᬦᬕᬶᬗᬸᬮᬸᬄ᭞ᬓᬕᬶᬕᬶᬮᬵᬗᬯᬾᬢᬓᬸᬢ᭄᭞ᬓᬯᭂᬥᬶᬳᬘᬺᬂᬧᭀᬮᬄᬜ᭞ᬯᬸᬲ᭄ᬧᬥᬵᬫᬮᬓ᭄ᬱᬡᬵᬲᬫᬶ᭟ᬳ
ᬦᬵᬢᬶᬦᭂᬓ᭄ᬢᭂᬓ᭄ᬭᬶᬦᬚᬂ᭞ᬮᬾᬦ᭄ᬫᬳᬶᬫ᭄ᬧᬸᬲ᭄᭞ᬓᬂᬧᬭᬵᬢ᭄ᬫᬵᬧᬧᬵᬲᬦᬶ᭞ᬲᬶᬂᬢᬶᬦᬕᭂᬫ᭄ᬬᬓᬧᬸᬧᬸᬄ᭞ᬕᬥᬵᬯᭂᬲᬶᬬᬫᬶᬥᬡ᭄ᬥᬵ᭞ᬧᬢᬶᬲᬫ᭄ᬩᬸᬭᬵᬢ᭄᭞ᬧᬭᬵᬢ᭄ᬫᬓᬓᬾᬄᬫᬮᬬᬸ᭞
Page:Bali-lontar-gaguritan-atma-prasangsa-300ppi.pdf/31
This page has been proofread.
