[᭑᭐ 10B]
᭙
ᬢᬶᬧᬶᬲᬂ᭟ᬧᬸᬯᭂᬲ᭄ᬤᬸᬩᬂᬮᬸᬮᬸᬦ᭄ᬧᬩ᭄ᬯᬦ᭄᭞ᬓᬲᬸᬦᬚᬗᬸᬳᬕᭀᬳᬶᬦ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬳᭀᬤᬓ᭄ᬘᭀᬓᭀᬃ᭞ᬕᬢᬶᬕᬢᬸᬯᬂᬫᬦᬸᬮᬸᬂ᭞ᬓᬓᬶᬫᬲ᭄ᬯᬶᬳᭂ
ᬜ᭄ᬘᬓᬂ᭞ᬳᬧᬂᬕᬢᬶ᭞ᬓᬓᬶᬩᬮ᭄ᬬᬦ᭄ᬗᭂᬍᬓᬲ᭄᭟ᬲᬃᬯ᭄ᬯᬲᬦ᭄ᬥᬶᬩᬚ᭄ᬭᬲᬗ᭄ᬓᬭ᭞ᬲᬂᬳ᭄ᬬᬂᬓᬸᬮ᭄ᬧᬸᬢᬶᬄᬫᬗᬚᬶ᭞ᬥᬤᬸᬓᬸᬦ᭄ᬰᬓ᭄ᬢᬶᬫᬫᬶᬸᬭᬕ᭞ᬧᬦᬯᬃᬓᬲ᭄ᬬᬧ
ᬢᬸᬭᬸᬦ᭄᭞ᬢᬢᬸᬮᬓ᭄ᬧᬗᬲᬶᬄᬮ᭄ᬬᬓ᭄᭞ᬳᬚᬶᬭᬶᬫ᭄ᬭᬶᬫ᭄᭞ᬚᬕᬢ᭄ᬩᭂᬕᬧᬫᬸᬗ᭄ᬓᭂᬫ᭄ᬮ᭄ᬬᬓ᭄᭟ᬢ᭄ᬮᬲ᭄ᬲᬫᬶᬓᬳᬸᬜ᭄ᬘᬭᬂ᭞ᬦᬶᬲᭀᬓᭀᬳᬱ᭄ᬝᬶᬓᬳᬶᬮᬶᬳᬶ
ᬦ᭄᭞ᬤᬸᬮᬸᬭᬶᬦ᭄ᬧᬯᬗ᭄ᬲᬸᬮ᭄ᬳᬢ᭄ᬫ᭞ᬕᬶᬲᬶᬩᬳᬦ᭄ᬧᬦᬸᬦ᭄ᬢᬸᬦ᭄ᬩᬬᬸ᭞ᬧᬜᬫ᭄ᬧᭂᬢ᭄ᬦᬾᬫᬯᬶᬱᬾᬲ᭞ᬫᬦᬯᭂᬗᬶᬦ᭄᭞ᬗᭂᬫ᭄ᬧᭂᬢᬶᬦ᭄ᬲᬂᬫᬃᬕ᭄ᬕᬲᬗ᭄ᬳ᭟ᬮᬶ
[᭑᭑ 11A]
ᬯᬢ᭄ᬲᬶᬤ᭄ᬥᬶᬓᬓᬶᬩᬮ᭄ᬬᬦ᭄᭞ᬦᬶᬲᭀᬓᭀᬳᬱ᭄ᬝᬶᬗ᭄ᬮᬶᬮᬶᬂ᭞ᬫᬗᬸᬲᬧᬸᬲᬧ᭄ᬯᬤᬦ᭞ᬯᬃᬡ᭄ᬦᬮᬸᬫ᭄ᬮᬸᬫ᭄ᬲᬯᬂᬓᭂᬘᬸᬤ᭄᭞ᬫᬳᬶᬭᬶᬚᬲᬧᬳᭂᬓᬂ᭞ᬫᬦ᭄ᬧᭂᬢᬶᬦ᭄᭞ᬯᬯᬸ
ᬲᬓᬶᬢᬾᬭᬭᬤᬦ᭄᭟ᬦᬶᬭᬶᬚᬲᬜᬯᬸᬧ᭄ᬗᬭᬲ᭄᭞ᬫᬗᬾᬮᬶᬂᬫᬗᬲᬶᬄᬳᬲᬶᬄ᭞ᬤᬸᬄᬳᬶᬫ᭄ᬩᭀᬓ᭄ᬲᬬᬗᬂᬢᬶᬢ᭄ᬬᬂ᭞ᬧᬸᬦᬧᬶᬲᬓᬶᬢᬾᬭᬢᬸ᭞ᬦᬶ
ᬲᭀᬓᭀᬳᬱ᭄ᬝᬶᬗᬸᬘᬧ᭄ᬳᬮᭀᬦ᭄᭞ᬳᬤᬸᬄᬳᬤᬶ᭞ᬳᬯᬓᬾᬩᬸᬓᬚᭂᬧᬶᬢ᭄᭟ᬗᬜ᭄ᬘᬸᬓ᭄ᬳᬜ᭄ᬘᬸᬓ᭄ᬚᭀᬄᬤᬶᬢ᭄ᬗᬄ᭞ᬩᬸᬓᬳ᭄ᬯᬧ᭄ᬩᬸᬩᬶᬸᬓᬮᬶᬮᬶ
ᬢ᭄᭞ᬳᬸᬮᬸᬦ᭄ᬳᬢᬶᬩᬸᬓᬲᬫ᭄ᬧᭂᬢᬦ᭄᭞ᬭᬭᬶᬲ᭄ᬬᬫᬦᭀᬗ᭄ᬕᬾᬓ᭄ᬢᬸᬯᬸᬦ᭄᭞ᬓᬓᬶᬩᬮ᭄ᬬᬦ᭄ᬗᬸᬘᬧ᭄ᬩᬦ᭄ᬩᬦ᭄᭞ᬳᬤᬯᬶᬤ᭄ᬥᬶ᭞ᬤᬸᬫᬤᬓ᭄ᬳᬶᬤᬲ᭄ᬯᬾᬘ᭄ᬙ᭟
Page:Bali-lontar-gaguritan-basur-02-400ppi.pdf/11
This page has been proofread.
