[᭑᭑ 11B]
᭑᭐
ᬩᬂᬕ᭄ᬬᬂᬓᬾᬲᬦᬾᬮᬶᬦ᭄ᬢᬂ᭞ᬢᭀᬂᬢᬳᬾᬦ᭄ᬓᬓᬶᬫᬶᬦ᭄ᬢᭀᬳᬶᬦ᭄᭞ᬚᬦᬶᬤᬤᬶᬗᬼᬧᬸᬧᬶᬲᬦ᭄᭞ᬢᬸᬗ᭄ᬕᬮ᭄ᬫᬫᬦ᭄ᬢ᭄ᬭᬬᬧᬸᬬᬸᬂ᭞ᬲᬶᬦᬄᬳᬤᬳᬦᬓ᭄ᬫᬼᬕᬾᬦ᭄ᬤᬳᬂ᭞ᬗᬫᬸᬲᬸ
ᬳᬶᬦ᭄᭞ᬗᬶᬂᬳ᭄ᬤᬲᬸᬯᬸᬤ᭄ᬫᬗᬲ᭄ᬢᬯ᭟ᬓᬶᬧᭂᬓᬂᬭᬕᬦᬾᬤᬾᬯ᭄ᬯ᭞ᬩᬾᬄᬢᬸᬦ᭄ᬤᬸᬦᬾᬓᬫᬦ᭄ᬢ᭄ᬭᬦᬶᬦ᭄᭞ᬦᬶᬲᭀᬓᭀᬳᬱ᭄ᬝᬶᬫᬓᬶᬬᭀᬯᭂᬓᬦ᭄᭞ᬫᬦ᭄ᬢ᭄ᬭᬦᬶᬦ᭄ᬧᬦᬸᬮᬓ᭄ᬢᬸᬚᬸ
᭞ᬳᬓᬳᬦ᭄ᬲᬕᬾᬢ᭄ᬬᬳᬶᬮᬕ᭄᭞ᬤᬳᬢ᭄ᬰᬓ᭄ᬢᬶ᭞ᬓᬓᬶᬩᬮ᭄ᬬᬦ᭄ᬦᬸᬦ᭄ᬤᬸᬂᬮᬭ᭟ᬳᬶᬥᬾᬩᬲᬹᬃᬤᬸᬯᬸᬃᬜᭂᬗᭀᬗᬓ᭄᭞ᬲᬸᬩᬫᬓᬶᬢᬫᬕ᭄ᬤᬶ᭞ᬓᬓᬶᬩ
ᬮ᭄ᬬᬦ᭄ᬓᬢᭀᬦ᭄ᬓᬯᭀᬢ᭄᭞ᬳᭂᬦ᭄ᬤᬶᬄᬫᬸᬭᬸᬩ᭄ᬓᬤᬶᬕᬸᬦᬸᬂ᭞ᬫᬮᬶᬄᬳᬤᬩᬮᬸᬯᬦ᭄ᬢᭂᬓ᭞ᬗᬓᬸᬭᬶᬭᬶᬄ᭞ᬓᭂᬫᬸᬓ᭄ᬓᭂᬫᬸᬓ᭄ᬕᬫ᭄ᬧᬂᬕᬫ᭄ᬧᬂ᭟ᬭᬭᬶᬲ᭄ᬬᬫᬗᬸᬩᬂᬭ
[᭑᭒ 12A]
ᬯᭀᬲ᭄᭞ᬭᬯᭀᬲ᭄ᬜᬦᬾᬢᬶᬤᭀᬂᬕᬶᬕᬶᬲ᭄ᬕ᭄ᬭᬓ᭄ᬕ᭄ᬭᬓ᭄ᬕᬫ᭄ᬧᬂᬕᬫ᭄ᬧᬂ᭞ᬲ᭄ᬕᭂᬢᬶᬦ᭄ᬩᬳᬦ᭄ᬦᬲᬶᬩᬸᬩᬸᬄ᭞ᬓᬧᭀᬗᭀᬃᬳᬸᬮᬶᬤᬶᬲᬗ᭄ᬕᬄ᭞ᬫᬸᬢᬂᬕᬸᬮᬶᬂ᭞ᬳᬕ᭄ᬫᬂᬦ
ᬯᬸᬃᬩ᭄ᬯᬶᬦ᭄ᬧ᭄ᬯᬦ᭄᭟ᬚᬦᬶᬳᬾᬗ᭄ᬕᬮᬂᬗᬯᬾᬦᬂ᭞ᬍᬗᬯᬗᬶᬩᬸᬭᬢ᭄ᬯᬗᬶ᭞ᬧᬼᬓᬸᬢᬸᬲ᭄ᬚ᭄ᬯᬓᬃᬬ᭄ᬬᬦᬂ᭞ᬲᬶᬦᬄᬲ᭄ᬕᭂᬃᬩ᭄ᬯᬶᬦ᭄ᬢᭂᬮᬸᬦ᭄᭞ᬲᬭᬶᬦᬶᬦ᭄ᬧᬤᬳᬲᭀᬮᬲ᭄
᭞ᬲᬦ᭄ᬢᬸᬦ᭄ᬲᬶᬓᬶ᭞ᬲᭀᬭᭀᬄᬲᭀᬮᬲᬾᬓᬃᬬ᭄ᬬᬦᬂ᭟ᬳᬗ᭄ᬕᭀᬦ᭄ᬫᬗᭂᬮᬸᬲ᭄ᬢᬮᬶᬦ᭄ᬜ᭞ᬦᬶᬲᭀᬓᭀᬳᬱ᭄ᬝᬶᬫᭂᬢᬮᬶ᭞ᬳᭂᬚᬸᬓ᭄ᬩᬸᬝᬵᬤᬶᬧ᭄ᬤᭂᬫᬦ᭄᭞ᬚᬦᬶᬫ
ᬫᬦ᭄ᬩᬓᬮ᭄ᬗᭂᬮᬸᬲ᭄᭞ᬗᬸᬤᬬᬢᭀᬂᬳᭂᬗ᭄ᬕᬮ᭄ᬯᬭᬲ᭄᭞ᬫᬓᬲᬫᬶ᭞ᬩᬦ᭄ᬢᭂᬦᬾᬓᬳᬮᬧ᭄ᬩᬸᬗ᭄ᬓᬧ᭄᭟ᬧᬫᬦ᭄ᬲᬸᬩᬧᭂᬧᭂᬲ᭄ᬗᬸᬯᭂᬤᬂ᭞ᬲᬓᬶᬢᬾᬢ᭄ᬯᬭᬫᬳᬃᬢᬶ
Page:Bali-lontar-gaguritan-basur-02-400ppi.pdf/12
This page has been proofread.
