[ ᭓ 3B]
᭓᭞
ᬤᬫᬳᭂᬧ᭄ᬓᬓᬾᬂᬢᭂᬩᬾᬦ᭄ᬦᬾᬧᬮᬶᬂᬓᭂᬢᬸᬢ᭄ᬗᬓᭂᬩᬶᬦ᭄ᬗᭂᬮᬸᬢ᭄ᬩᬯᭀᬂᬢᬸᬗ᭄ᬕᬮ᭄ᬗᭂᬦ᭄ᬤᬸᬲᬶᬦ᭄ᬓᭀᬘᭀᬓᬂ᭟ᬳᬶᬓᭂᬢᬸᬢ᭄ᬩᬗᬸᬦ᭄ᬗᬸᬮᬾᬧᬢ᭄ᬕᬸᬢ᭄ᬕᬸᬢ᭄ᬢᬸᬫᬫᬗᬢᭂᬓᬶᬄᬫᬗ᭄ᬮᬶᬂᬢᭀᬂᬤᬤᬶ
ᬓᭀᬘᭀᬓ᭄ᬫᬗᬸᬮᬮᬂᬫᬗᬸᬮᬶᬮᬶᬂᬦᬾᬮᬾᬦᬦ᭄ᬧᬥᬗᭂᬮᬶᬂᬳᬤᬗ᭄ᬭᬓ᭄ᬓᬯᬸᬓ᭄ᬓᬯᬸᬓ᭄ᬮᬾᬦᬾᬫᬦ᭄ᬤᭀᬳᭀᬂᬤᬾᬳᬾᬂᬦᬾᬦᬾᬲ᭄ᬭᬓ᭄ᬲᭂᬗᬶᬲᭂᬗᬶ᭞ᬦᬾᬦᬾᬩᬾᬳᬾᬂᬕᭂ
ᬭᬾᬂᬕᭂᬭᬾᬂᬤᬶᬢᭂᬩᬾᬦᬦ᭄᭟ᬳᬤᬫᬫᭂᬘᬸᬓ᭄ᬲᭀᬓ᭄ᬲᭀᬓᬦ᭄ᬫᬕᬸᬬᬂᬦᬕᬶᬄᬩᬾᬕᬸᬮᬶᬂᬦᬾᬫᬜᬶᬂᬓ᭄ᬮᬃᬫᬕᬦ᭄ᬤᭀᬂᬗᬸᬲᬸᬤ᭄ᬩᬯᭀᬂᬫᬗᬸᬭᬶᬜᬶᬢᬦᬶᬫᬦᬶᬗᭂᬄᬫᬸᬜᬶᬫᬗᭂᬮᬶᬂ᭠
ᬫᬗᬸᬮᬸᬦ᭄ᬳᬸᬮᬸᬦ᭄ᬦᬕᬶᬄᬲᬲᬢᬾᬘᬮᭀᬦ᭄ᬦᬾᬩᬗ᭄ᬓᭂᬂᬓᭀᬯᬢ᭄ᬫᬫᭂᬗ᭄ᬤᬶᬮ᭄ᬧ᭄ᬦᬄᬩᭂᬓᬸᬢ᭄ᬦᬕᬶᬄᬩᬮᬸᬂᬕᬕᭀᬭᬾᬗᬦ᭄᭟ᬦᬾᬮᬦᬂᬩᬗᬸᬦ᭄ᬫᬦᬮᬩᬂᬩᬯᬸᬓᭂᬥᬢ᭄ᬦ
[ ᭔ 4A]
ᬦᬕᬶᬄᬓᬲᬶᬳᬤᬫᬋᬩᬸᬢᬶᬦ᭄ᬜᭀᬜᭀᬫᬕᬸᬚᭂᬂᬧᬥᬫᬗᭂᬮᬶᬂᬮᬾᬦᬾᬫᬗᬸᬭᬶᬂᬳᬸᬭᬶᬂᬫᬘᬭᬫᬦ᭄ᬢᬶᬕᬂᬩᬸᬩᬸᬃᬳᬲᬶᬂᬗᭀᬘᭀᬓ᭄ᬓᬓᭀᬘᭀᬓᬂᬦᬾᬜᭀᬫᬦᬗ᭄ᬕ
ᬲ᭄ᬕᬲ᭄ᬤᬶᬦ᭄ᬤᬶᬂᬫᬩᬶᬬᬬᬸᬳ᭄ᬮᬶᬗᬾᬫᬢᬭᬬᬸᬗᬦ᭄᭟ᬓᬕᬾᬢ᭄ᬗᭂᬦ᭄ᬤᬸᬲᬶᬦ᭄ᬗᬭᬫᬂᬫᬦ᭄ᬤᬶᬗᭂᬄᬧ᭄ᬬᬦᬓᬾᬗᭂᬮᬶᬂᬓᬧᬸᬧᬸᬗᭂᬦ᭄ᬳᭀᬬᭀᬂᬳᭀᬬᭀᬂᬳᬸᬲᬧ᭄ᬫᬢᬦᬾᬦᬸᬓᬧᬶ
ᬢ᭄ᬓᭀᬭᬾᬲ᭄ᬫᬗᭂᬦ᭄ᬢᬄᬕᭂᬦᬶᬢ᭄ᬫᬕᬲ᭄ᬕᬲᬦ᭄ᬕᭂᬭᬓ᭄ᬕᭂᬭᬸᬓ᭄ᬢᬧᬶᬳᬾᬩᭂᬓ᭄ᬫᬢᬸᬫᬩᬸᬓᬢᭀᬂᬓᬸᬯᬂᬳᬓᭂᬢᬶᬮᬾᬦ᭄ᬫᬢᬮᬄᬧ᭄ᬬᬦᬓ᭄ᬜᬦᬾᬬᬫᬩᬸᬬᬕ᭄᭟ᬳᬸᬓᬸᬄ
ᬩᬗᬸᬦ᭄ᬚᬦᬶᬮᭀᬕᬲ᭄ᬦᬸᬫᬢᬸᬫᬵᬲᬶᬓ᭄ᬲᬶᬓ᭄ᬓᬸᬢᬸᬦᬾᬢᭂᬓᭂᬤ᭄ᬓᬩᬯᭀᬂᬧᬕᬸᬭᬬᬂᬧᬕᬸᬭᬶᬤᬶᬧ᭄ᬕᬸᬭᬾᬲ᭄ᬬᬓ᭄ᬧᬢᬶᬲᬶᬓ᭄ᬲᬶᬓ᭄ᬮᬶᬫᬦ᭄ᬜᬦᬾᬫᭂᬦᬾᬓ᭄ᬢᬸᬳᬸᬦ᭄ᬚᬦᬶᬫᬫᬶ
Page:Bali-lontar-gaguritan-berayut-01-300ppi.pdf/4
This page has been proofread.
