[ ᭔ 4B]
᭔᭞
ᬗ᭄ᬲᭂᬕ᭄ᬗᬾᬧᬾᬢ᭄ᬧ᭄ᬬᬦᬓ᭄ᬜᬦᬾᬫᬗᬺᬩᬸᬢᬶᬦ᭄᭞ᬮᬾᬦ᭄ᬫᬫᬸᬗ᭄ᬕᬢ᭄ᬮᬫᭂᬢ᭄ᬩᬸᬗᬸᬢ᭄ᬧᬫᬶᬧᬶᬲᬦ᭄᭟ᬩᬸᬓᬢᭀᬂᬫᬦᬯᬂᬳᬾᬜᬓᬮᬶᬬᬸᬦᬦ᭄ᬜᬫᬳᭂᬦ᭄ᬢᬶᬧ᭄ᬚᬦᬶᬧᭂᬲᬸᬬᬫ
ᬯᭀᬩᭀᬂᬧ᭄ᬬᬦᬓ᭄ᬜᬦᬾᬫᬦᬸᬢᬸᬢᬶᬦ᭄ᬫᬤᬦ᭄ᬤᬦ᭄ᬩᬶᬮᬂᬲᬫ᭄ᬧᬶᬂᬤᬶᬤᬸᬭᬶᬳᬦᬤᬶᬫᬮᬸᬮᬾᬦᬾᬫᬜᭂᬫᬓ᭄ᬜᭀᬜᭀᬳᬤᬗᭂᬮᬸᬢ᭄ᬦᬶᬫᬦ᭄ᬧᬶᬧᬶᬕᬾᬭᬾᬜ᭄ᬘᬾᬂᬭᭀ
ᬩᭂᬦ᭄ᬩᬶᬮᬂᬳᬢᬶᬦ᭄ᬤᬓᬦ᭄᭟ᬢᭀᬂᬚᬦᬶᬢᬦᬶᬫᬚᬮᬦ᭄ᬳᬶᬓᭂᬢᬸᬢ᭄ᬲᭂᬭᬶᬫᬗ᭄ᬯᬶᬤᬶᬗᬚᬓᬶᬦ᭄ᬫᬩᬮᬶᬄᬩᬭᭀᬂᬦᬾᬮᬾᬦᬦ᭄ᬕᬶᬭᬂᬫᬦᬕᬶᬄᬧᬥᬬᬳᭂᬫ᭄ᬩᬶᬳᭂᬫ᭄ᬩᬶᬦᬦᬗᬮᬸᬯ
ᬲ᭄ᬫᬗᬗ᭄ᬕᬸᬃᬩᬦ᭄ᬢᭂᬦᬾᬳᬗ᭄ᬕᭀᬦᬸᬗ᭄ᬓᬸᬮᬂᬧᬭᬶᬥᬂᬧᬥᬫᬢᬦ᭄ᬤᬶᬂᬲᭀᬓ᭄ᬳᬶᬢᬸᬢ᭄ᬲᬗ᭄ᬓᭀᬮ᭄ᬳᬚᬓᬓᬫ᭄ᬩᬸᬮᬦ᭄᭟ᬧᬭᬶᬤᬂᬩᬦ᭄ᬢᭂᬦ᭄ᬓᬫ᭄ᬩᬸᬮᬦ᭄ᬳᭀᬜᬂᬫᬓᬢᭂᬮᬸᬂᬢᬦ᭄ᬤᬶᬂᬜᬭᬶᬕ᭄ᬚᬶᬕ᭄ᬳᬩᬵ
[ ᭕ 5A]
ᬓᬧᬳᭀᬦ᭄ᬩᬯᬸᬢᭂᬓᬓᬗᬶᬦᭂᬩ᭄ᬓᭀᬭᬶᬮᬦ᭄ᬢᬲ᭄ᬗᬕᬄᬲᭀᬓ᭄ᬓᬲᬶᬫᬳᬶᬲᬶᬚᭂᬫ᭄ᬩᬸᬂᬧᬭᬸᬂᬧᬸᬂᬘᭀᬩᬾᬓᬾᬓᬄᬓᬄᬫᬳᭀᬂ᭞ᬳᭂᬮᬸᬤᬶᬦ᭄ᬳᬶᬮᬂᬳᬢᭂᬩᬶᬄ᭞ᬧᬳᬸᬬᬗᬦ᭄ᬳᬧᬦᬸᬳᬧᬢ᭄ᬮᬸ
ᬯᬦ᭄᭟ᬗ᭄ᬕᭀᬕᭀᬘᬮᬂᬗᬮᬶᬄᬳᬸᬬᬄᬲᬸᬩᬬᬲᬸᬳᬸᬤ᭄ᬫᬲᬕᬶᬫᬗᬸᬗ᭄ᬓᬩ᭄ᬳᬦᬾᬧᬗᬭᭀᬦ᭄ᬤᬶᬓᬸᬫᬭᬢᭀᬫᬳᬶᬲᬶᬍᬢᬼᬢ᭄ᬲᬲᬢᬾᬕᬸᬦ᭄ᬢᬶᬂᬩᬮᬸᬂᬮᬦ᭄ᬤᬤᭂᬍᬕ᭄ᬫᬭᬸᬲ᭄ᬳᬶᬕᬲᬲ
ᬢᬾᬘᬮᭀᬦ᭄ᬮᬾᬦ᭄ᬓᬓᬸᬯᬸᬂᬚᭂᬧᬶᬢ᭄ᬩᬩᬶᬳᬸᬮᬫ᭄ᬳᬗ᭄ᬓᬸᬓ᭄ᬲᭀᬗ᭄ᬕᭀᬦᬾᬗ᭄ᬕᬾᬦ᭄ᬋᬋᬩᬲᬦ᭄᭟ᬩᬦᬾᬜᬫᬸᬢ᭄ᬓᬤᬳᬢᬦ᭄ᬳᭀᬜᬗ᭄ᬕᬾᬦ᭄ᬳᬫᬳᬂᬦᬲᬶᬳᬚᬓ᭄ᬧ᭄ᬬᬦᬓᬾᬤᬶᬧ
ᬳᭀᬦ᭄ᬦᬾᬦᭂᬫ᭄ᬓᭂᬮᬲ᭄ᬫᬗᬸᬭᬶᬜᬶᬤᬶᬯᬗᬦ᭄ᬳᬜ᭄ᬘᬓ᭄ᬲᬚᬶᬫᬗᭂᬮᬶᬂᬧᬥᬫᬲᭂᬕᬸᬢᭀᬂᬩᬳᬗᬓᬧᬳᭀᬦ᭄ᬳᬶᬩᬸᬭᬬᬸᬢ᭄ᬫᬗ᭄ᬯᬾᬮᬶᬦ᭄ᬲᬶᬓ᭄ᬱᬶᬓᬸᬲᬸᬂᬓᬾᬢᭀᬓᬾᬳᬦᬓᬾᬫᬦᬓ᭄᭟
Page:Bali-lontar-gaguritan-berayut-01-300ppi.pdf/5
This page has been proofread.
