[ ᭗ 7B]
᭗᭞
ᬫ᭄ᬩᬄᬓᬾᬬᬕᬶᬦᬶᬜ᭄ᬚ᭄ᬭᬶᬂᬓᬳᬤ᭄ᬳᬸᬤᬂᬲᭂᬩᬶᬢᬦ᭄ᬤᬾᬦ᭄ᬮᬳᬤ᭄ᬮᬶᬫᬦᬾᬫᬳᬶᬗᬶᬤ᭄ᬬᬓᬾᬘᬦ᭄ᬤᬦᬾ ᬓᬯᬶᬲᬧᬸᬢ᭄ᬘᬫ᭄ᬧᬓᬵᬯᬯᬓᬸᬮ᭄ᬬᬦ᭄ᬢᬗᬶᬓᬭᬂᬕᭀᬜ᭄ᬘᭀᬂᬫᬾᬖᬫᭂᬦ᭄ᬤᬸᬂ
ᬓᬾᬲᬸᬭᬶᬡ᭄ᬥᬶᬢ᭄ᬲᬸᬩᬮᬸᬳᬸᬂᬓᬓᭂᬚᬂᬲᬩᬶᬓᬲ᭄ᬩᬶᬓᬲ᭄᭟ᬬᬦ᭄ᬫᬗᭂᬡ᭄ᬥᬓᬾᬩᭂᬤ᭄ᬩᭂᬤᬦ᭄ᬦᬾᬦᬾᬩᬓᬮᬗ᭄ᬕᭀᬦ᭄ᬢᬧᬶᬘᬘᬫ᭄ᬧᬓᬦᬾᬚ᭄ᬯᬓᬗ᭄ᬕᭀᬧᬧᬢᭀᬮᬦ᭄ᬘᬾᬫ᭄ᬧ᭄ᬮᭀᬂ
ᬳᭀᬃᬢ᭄ᬢᬶᬲᬩᬶᬓᬲ᭄ᬩᬶᬓᬲ᭄ᬢᬧᬶᬄᬩᬸᬓᬵᬢᬶᬤᭀᬂᬦᬶᬭᬓᬾᬗ᭄ᬕᬸᬄᬬᬓᬾᬦᬸᬦᬸᬦ᭄ᬓᬲ᭄ᬓᬂᬳᬗ᭄ᬕᭀᬦ᭄ᬢᬸᬢᬸᬩᬾᬤᬶᬚᬦᬶᬫᬓᬵᬢᭂᬮᬸᬦ᭄ᬧᬭᬕᬢ᭄ᬳᬗ᭄ᬕᬦ᭄ᬮᬶᬫᭀᬮᬲ᭄᭟ᬍᬯᬶᬄᬕᬸᬡᬦᬾᬫᬜᬸ
ᬮᬫ᭄ᬩᬜᬸᬫᬲ᭄ᬳᬗ᭄ᬕᭀᬦᬭᬧᬶᬦ᭄ᬢᬸᬢᬸᬩ᭄ᬜᬦᬾᬲᬸᬢ᭄ᬭᬳᬶᬚᭀᬲᬸᬢ᭄ᬭᬩᬭᬓᬾᬬᬾᬦ᭄ᬢᬗᬶᬢᭂᬭᬯᬂᬧᬢ᭄ᬭᬲᬭᬶᬓᬭᬂᬲᬶᬫ᭄ᬩᬃᬓᬾᬩᬦ᭄ᬢᬸᬮᬸᬬᬦ᭄ᬕᬗᭀᬂᬭᬭᬾᬦ᭄ᬢᬾᬗᬦ᭄ᬤᬩ᭄ᬤᬩ᭄ᬳᬮᬸᬲ᭄ᬩᬸ
[ ᭘ 8A]
ᬓᬢᬸᬮᬶᬲ᭄ᬕᭂᬥᬄᬋᬫ᭄ᬧᬸᬄᬗ᭄ᬕᬾᬦ᭄ᬧᬳᭂᬮᭀᬓ᭄ᬓᬸᬫᬭᬜᬩ᭄᭟ᬳᬶᬤᭀᬂᬲᬦ᭄ᬳᬶᬭᬫᬫ᭄ᬩᭀᬩᬩ᭄ᬫᬗᬓᬸᬩᬶᬱᬤᬶᬚᬦᬶᬤᬸᬕᬦᬶᬭᬦᬾᬦᬸᬳᭂᬜᭀᬫ᭄ᬢᬶᬤᭀᬂᬩᬸᬓᬓᬮᬶᬚᬦᬶᬳᬶ
ᬩᬭᬬᬸᬢ᭄ᬦᬸᬘᭂᬭᬶᬓ᭄ᬳᬾᬗ᭄ᬕᬮᬦ᭄ᬤᬤᬶᬜᬮᬶᬬᬸᬧᬥᬢᭀᬂᬤᬤᬶᬢᬸᬳᭀᬓ᭄ᬦᬶᬭᬫᬓᬸᬮᬂᬫᬓᬮᬶᬂᬫᬜ᭄ᬘᬂᬫᬶᬜ᭄ᬘᬸᬂᬗᬬᬳᬶᬦ᭄ᬫᬓᬭᬾᬜ᭄ᬘᭀᬗᬦ᭄᭟ᬫᬧᬫᬕᬯᬾᬤᬶᬩᭂᬦᬂᬬᬾ
ᬦ᭄ᬢᭀᬗᬶᬤᬫ᭄ᬫᬦᬓ᭄ᬩᭂᬮᬶᬂᬩᬸᬓᬵᬢᭀᬂᬢᬳᬾᬦ᭄ᬓᬭᬸᬭᭀᬦ᭄ᬍᬓᬤ᭄ᬳᬶᬤᬸᬧᬘᬮᬶᬲ᭄ᬘᬶᬄᬕᬺᬕᭂᬢ᭄ᬳᬢᬶᬦᬾ ᬧᭂᬤᬶᬄᬫᬓᬶᬢᬜᬥᬓ᭄ᬫᬗᬸᬯᬸᬢ᭄ᬗᬮᬶᬳᬂᬩᬮ᭄ᬬᬦ᭄ᬳᬾᬧᭀᬢ᭄ᬫᬦ᭄ᬩᬸᬭᬬᬸᬢ᭄ᬫᬶᬢᬸ
ᬢᬸᬭᬶᬦ᭄ᬲᬶᬬᬸᬢᬳᬸᬦ᭄ᬦᬭᬓᬦ᭄ᬜᬦᬾᬢᭂᬫᭀᬓᬂ᭟ᬚᬦᬶᬤᭀᬂᬦᬶᬭᬓᬾᬮᬶᬓᬤ᭄ᬓᬾᬦᬾᬲᬮᬄᬓᬾᬦ᭄ᬢᭀᬧᭂᬮᬶᬄᬬᬾᬦᬶᬭᬧᬓ᭄ᬱᬵᬦᬭᭀᬩᭀᬲ᭄ᬓᬢᭀᬦ᭄ᬢᬦᬶᬗᬶ
Page:Bali-lontar-gaguritan-berayut-01-300ppi.pdf/8
This page has been proofread.
