[ ᭘ 8B]
᭘᭞
ᬥᭂᬧ᭄ᬫᬸᬜᬶᬦᬾᬩᬸᬓᬮᬶᬚᬦᬶᬓᬢᭀᬦ᭄ᬢᭀᬦᬦ᭄ᬢᬦᬶᬫᬫ᭄ᬧᬸᬄᬜᬾᬦ᭄ᬚᬯᬦᬾᬦᬾᬲᬮᬳᬂᬧᬦ᭄ᬩᬸᬭᬬᬸᬢ᭄ᬓᬬᬂᬚᬦᬶᬩᬲ᭄ᬓᬤᬸᬭᬸᬲ᭄ᬳᬸᬮᬶᬩᬯᬸᬧᬗᬦ᭄ᬢᬾᬦᬦ᭄᭟ᬩᬲ᭄ᬫᬗ᭄ᬕᬯᬾᬲᬦ᭄ᬢᬸᬢᬸ
ᬭᬦ᭄ᬓᭀᬯᬢ᭄ᬬᬭᬦᬶᬗᭂᬄᬫᬸᬜᬶᬯᬗ᭄ᬓᬶᬤᬶᬦ᭄ᬳᬧᬶᬲᬦ᭄ᬧᬶᬦ᭄ᬤᭀᬬᬾᬦ᭄ᬓᬧᬶᬲᬕᬫᬮᬮᬶᬢᭂᬓᬵᬢᬸᬯᬄᬫᬗᭂᬫ᭄ᬩᬸᬲᬶᬦ᭄ᬳᬫ᭄ᬧᬃᬬᬾᬦ᭄ᬤᬧᭂᬢᬂᬦᬸᬦᬸᬦ᭄ᬬᬾᬦ᭄ᬓᬢᭂᬧᬸᬓ᭄ᬤᬶᬧᬳᭀᬦ᭄ᬳᬶᬭ
ᬫᬗᭂᬦ᭄ᬤᬶᬳᬂᬳᬧᬶᬢ᭄ᬯᬄᬦᬭᬸᬭᬸᬂᬢᭀᬂᬦᬸᬲᬶᬦ᭄ᬩᬸᬳᬸᬂᬫᬜ᭄ᬚᬓᬦ᭄᭟ᬓᬾᬦ᭄ᬢᭀᬫᬸᬜᬶᬦ᭄ᬜᬦᬾᬧᭀᬗᬄᬦᬦᬗᬫᬗᬮᬶᬄᬢᬗ᭄ᬓᬶᬲ᭄ᬬᬫᬗᬸᬥᬵᬲᬶᬕᬓᬾᬦ᭄ᬢᭀᬬᬾᬦ᭄ᬓᭀᬮᬲᬮᬳᬂᬦᬶᬦᬶ
ᬢᬸᬯᬄᬲᬶᬕᬢᭀᬯᬶᬚᬦᬶᬫᬗᬶᬤᭂᬫ᭄ᬗᬫᬄᬓᬬᬸᬬᬸᬬᬦᬾᬫᬦᬓᬦ᭄ᬓᬦ᭄ᬤᭀᬦ᭄ᬲᬶᬜᬬᬫᬗ᭄ᬮᬳᬶᬦ᭄ᬲᬗ᭄ᬓᬦ᭄ᬮᬶᬬᬸᬧ᭄ᬬᬦᬓᬾᬫᬓᬋᬜᭂᬤᬦ᭄᭟ᬤᬤᬶᬳᭂᬦ᭄ᬤᬶᬄᬫᬓᬤᬤ᭄ᬯᬧᬥ
[ ᭙ 9A
ᬫᬗ᭄ᬮᬕᬬᬂᬳᬢᬶᬢᬦ᭄ᬓᭀᬘᬧ᭄ᬲᬸᬩᬫᬓᭂᬮᭀᬧ᭄ᬬᬦᬓ᭄ᬜᬦᬾᬧᬥᬓᭂᬮᬶᬄᬦᬾᬫᭀᬯᬦᬶᬫᭀᬯᬦᬶᬫᬓᬲ᭄ᬓᬬᬧᬥᬫᬫ᭄ᬧᬸᬄᬧᬥᬫᬗᬶᬥᭂᬧ᭄ᬢᬸᬩᬥᬄᬦᬾᬮᬸᬄᬮᬸᬄᬲᬸᬩᬓᭂ
ᬮᬶᬄᬳᬬᬸᬳᬬᬸᬮᬶᬬᬸᬳᬦᬓᬾᬜᬯᬸᬫᬂ᭟ᬜᬳᬶᬧᬫ᭄ᬩᬬᬸᬦᬾᬓᭀᬘᬧ᭄ᬩᬲ᭄ᬫᭂᬮᬄᬗᭂᬜᬸᬤᬂᬳᬢᬶᬳᭂᬩᭀᬓᬾᬗ᭄ᬮᬶᬯᬢᬶᬦ᭄ᬫᬗ᭄ᬓᭀᬂᬳᬮᬶᬲᬾᬢᬚᬶᬧ᭄ᬫᬳᬶᬗᬶᬤ᭄ᬳᬸᬍᬲ᭄ᬫᬲ
ᬯᬂᬢᬗᬶᬫᬤᬧᬦ᭄ᬳᬗ᭄ᬕᭀᬓᬵᬳᬸᬗᬸᬬᬾᬦ᭄ᬜᬭᬾᬭᬾᬫᬮᬶᬬᬢ᭄ᬫᬲᬍᬤᬾᬢ᭄ᬩᬸᬓᬢᬢᬶᬢ᭄ᬬᬦ᭄ᬫᬢᭂᬫᬸᬧᬧᬦ᭄ᬢᭂᬲᬾᬢ᭄ᬯᬄᬤᬋᬫᬦ᭄᭟ᬍᬯᬶᬄᬕᭀᬩᬦᬾᬫᬤᬾᬦᬦ᭄ᬩᬸᬓᬳᭂ
ᬫᬲᬾᬫᬳᬸᬓᬶᬃᬫᬗᬭᬜᬩ᭄ᬭᬯᬶᬢ᭄ᬓᭀᬓᭀᬃᬳᬸᬦ᭄ᬢᬸᬦᬾᬫᬕᬶᬯᬂᬗᭂᬦ᭄ᬤᬶᬄᬗᬭᬾᬤᬾᬧ᭄ᬩᬸᬓᬢᬢᬶᬢ᭄ᬢᬢᬶᬗ᭄ᬕᬮᬾᬦᬸᬜ᭄ᬚᬸᬂᬩᬶᬭᬸᬳᬮᬶᬲ᭄ᬢᬚᭂᬧ᭄ᬫᬩᬶᬗᭂᬤ᭄ᬗᬲᭀᬭᬂᬓᬫ᭄ᬧᬶᬤ᭄ᬲᬸ
Page:Bali-lontar-gaguritan-berayut-01-300ppi.pdf/9
This page has been proofread.
