[᭒᭗ 27 B]
᭒᭗
ᬮᬂᬫᬋᬭᬯᭀᬲᬦ᭄᭞ᬯᭀᬂᬤᬾᬱᬵᬮᬶᬬᬸᬫᬗᬶᬭᬶᬂ᭟ᬩᬸᬓᬵᬳᬭᬤᬢ᭄ᬓᭂᬓᬢᬳᬸᬭᬦ᭄ᬧᬤᬵᬲᬮᬶᬂᬮᬗ᭄ᬓᬸᬗᬶᬦ᭄᭞ᬢᬺᬲ᭄ᬡᬩᬓ᭄ᬢᬶᬦ᭄ᬜᬦᬾᬢ᭄ᬭᬸᬲ᭄᭞ᬧᬤᬗᬩᬳᬢᬸᬭᬦ᭄᭞ᬳᬤᬵᬦᬸᬳᬸᬃᬦ᭄ᬤᬯᭂᬕᬂᬗᬢᬸᬭᬶᬦ᭄ᬢᬸᬤᬸᬦ᭄᭞ᬲᭀᬭᭀᬄᬓᬮ᭄ᬬᬂᬧᬳᬸᬫᬦ᭄᭞ᬓᬲᬶ
ᬦᭀᬫᬦ᭄ᬓᬸᬳᬸᬤᬾᬲᬶ᭟ᬲᬶ᭟ᬳᬦᬵᬳᬶᬗᬦ᭄ᬲ᭄ᬮᬳᬾᬤᬶᬦᬵᬢ᭄ᬓᭂᬗᭂᬧᭂᬧ᭄ᬤᬶᬧᭀᬄᬕᬤᬶᬂ᭞ᬲᬳᬶᬫᬧᬶᬓᬢ᭄ᬫᬩᭀᬭᭀᬲ᭄ᬢ᭄ᬯᬭᬵᬤᬓ᭄ᬯᬗᬦ᭄ᬩᬸᬓ᭄ᬢᬶ᭞ᬢ᭄ᬯᬶᬓᬤᬤᬾᬦ᭄ᬍᬯᬶᬄᬚᬦᭂᬦᬸᬭᬕ᭄ᬕᬵᬫᬦᬸᬮᬲ᭄᭞ᬫᬕᬳᬾᬍᬕᬦ᭄ᬫᬦᬄᬕᬸᬫᬶᬦᬾᬫᬓ᭄ᬚᬂᬳᬰᬶᬄ᭞ᬦ᭄ᬗᬓ᭄ᬦᭂᬤᬶᬦ᭄ᬕ
ᬭᬵᬘᬭᬶᬢ᭄ᬣᬬᬂ᭟ᬩᬳᬸᬫᬭᬗᬮᬶᬗ᭄ᬲᬶᬭᬂᬧᬤᬵᬫᬤᬩ᭄ᬤᬩᬦᬗ᭄ᬓᬶᬮ᭄᭞ᬩ᭄ᬭᬳ᭄ᬫᬵᬦᬵᬲᬢ᭄ᬭ᭄ᬬᬵᬧᬸᬗ᭄ᬕᬯ᭄ᬯᬵ᭞ᬫᬓᬲᬶᬳᬶᬕᬸᬲ᭄ᬢᬶᬧᬢᬶᬄ᭞ᬫᬩ᭄ᬭᬶᬬᬸᬓ᭄ᬱᬫᬶᬗ᭄ᬭᬭᬶᬲ᭄ᬭᬶᬂᬲᬸᬫᭂᬦ᭄ᬤᭂᬧ᭄ᬢ᭄ᬩᭂᬂᬲᬫ᭄ᬧᬸᬦ᭄᭞ᬧᬋᬓᬦ᭄ᬫᬶᬯᬄᬭᭀᬩᬦ᭄ᬫᬓᬤᬶᬘᭀᬓᭀᬃᬤ᭄ᬥᬵᬭᬳᬶ᭞ᬕᬸᬲ᭄ᬢᬶᬗᬸᬭᬄ
ᬲᬫᬶᬤᬶᬦᬢᬳᬾᬳᬢᬧ᭄᭟ᬳᬶᬤᬾᬯ᭄ᬯᬕᬸᬂᬳᬚᬶᬓᭀᬤᬮ᭄ᬥᬶᬩᬮᬾᬘᬶᬡ᭄ᬦᬵᬫᬮᬶᬗ᭄ᬕᬶᬄ᭞ᬧᬤᬡ᭄ᬥᬵᬭᬭᬶᬲ᭄ᬫᬸᬗ᭄ᬕᬳᬦ᭄᭞ᬯᬢᭂᬓ᭄ᬩᬩ᭄ᬘᬶᬓᬾᬲᬫᬶ᭞ᬳᬢᬧᬲᬸᬩᬫᬮᬶᬗ᭄ᬕᬶᬄᬳᬶᬤᬾᬯᬕᬸᬂᬗᬦ᭄ᬤᬶᬓᬳᬮᬸᬲ᭄᭞ᬓ᭄ᬫᭂᬧᬢᬶᬄᬫᬤᬩ᭄ᬤᬩᬦ᭄ᬫᬦ᭄ᬤᬸᬲ᭄ᬓᬫᬳᬾᬦ᭄ᬤ᭄ᬭᬵ
[᭒᭘ 28 A]
ᬫᬦᬶ᭞ᬳᬶᬯᭀᬂᬤᬾᬱᬵᬧᭀᬄᬕᬤᬶᬂᬓᬸᬦ᭄ᬥᬾᬜ᭄ᬜᬯᬶᬲᬂ᭟ᬕᬸᬲ᭄ᬢᬶᬗᬸᬭᬄᬫ᭄ᬧᭂᬲ᭄ᬜᬸᬫ᭄ᬩᬄᬲᬮᬾᬤᬂᬢᬶᬢ᭄ᬬᬂᬲᬳᬶᬭᬶᬂ᭞ᬳᬶᬤᬾᬯᬕᬸᬂᬫᬗᬦ᭄ᬤᬶᬓᬵᬭᬶᬂᬧᬋᬱᬸᬮᬶᬗ᭄ᬕᬶᬄᬲᬫᬶ᭞ᬳᬶᬤᬵᬕ᭄ᬥᬾᬗ᭄ᬮᬸᬗᬦᬶᬦ᭄ᬩᬾᬦᬵᬚᬂᬲᬫ᭄ᬩᬶᬮ᭄ᬫᬩᬸᬩᬸᬭᬸ᭞ᬩᬸᬂᬫ᭄ᬩᬸᬂᬓ᭄ᬥᬶᬲᬾᬳᬩᬵᬳᬶᬩᬸᬫ᭄ᬩᬂᬳᬢᬸ
ᬭᬾᬳᬭᬶᬲ᭄ᬳᬶᬗ᭄ᬕᬶᬄᬤ᭄ᬯᬕᬸᬂᬲᬕᬾᬢ᭄ᬓᬧᬗᬸᬧ᭄ᬬᬦ᭄᭟ᬫᬥᬸᬮᬸᬃᬋᬦ᭄ᬥᬂᬲᭂᬓᬯᬦ᭄ᬫᬫᬤᬶᬲᬦ᭄ᬲᬃᬯ᭄ᬯᬵᬍᬯᬶᬄ᭞ᬯ᭄ᬬᬓ᭄ᬝᬶᬗ᭄ᬮᬾᬤᬗᬶᬦ᭄ᬢᬗ᭄ᬓᬶᬮᬦ᭄᭞ᬲ᭄ᬓᬬᬸᬦ᭄ᬲᬸᬩᭂᬫᬳᬶᬲᬶ᭞ᬮᬮᬕᬭᬦ᭄ᬢᬦ᭄ᬫᬭᬶᬳᬶᬦᬸᬫ᭄ᬳᬶᬦᬸᬫ᭄ᬫᬦ᭄ᬫᬢᬸᬭᬸᬢ᭄᭞ᬓ᭄ᬭᬡᬵᬢᭀᬂᬢᬳᬾᬦ᭄ᬢᭂᬮ
ᬕ᭄ᬧᬤᬦ᭄ᬤᬲᬳᬶᬫᬦᬗ᭄ᬓᬶᬮ᭄᭞ᬓᬗ᭄ᬰᬾᬩᬦ᭄ᬢᬸᬗᭂᬜ᭄ᬚᬳᬶᬦ᭄ᬲᬃᬯ᭄ᬯᬵᬳᬓ᭄ᬱᬭᬵ᭟ᬢᬸᬢᬸᬃᬫ᭄ᬯᬂᬮᬶᬦᬶᬂᬳᬕᬫᬵᬩᬩᬲᬦ᭄ᬜᬩ᭄ᬭᬦ᭄ᬯ᭄ᬗᬶ᭞ᬯᬶᬭᬾᬄᬫᬗ᭄ᬭᬯᭀᬲᬶᬦ᭄ᬚᬕᬢ᭄ᬳᬦᬓ᭄ᬥᬓᬮᬶᬄᬗᭂᬦ᭄ᬢᭀᬲᬶᬦ᭄᭞ᬫᬯᬶᬦᬦ᭄ᬮᬦ᭄ᬤᬸᬄᬢᬺᬧ᭄ᬢᬶᬫᬮᬶᬂᬳᬶᬮᬂᬢ᭄ᬯᬭᬳ᭄ᬦᬸ
ᬧᬤᬵᬗᬗ᭄ᬕᭀᬓᬤᬃᬫ᭄ᬫᬦ᭄ᬫᬩ᭄ᬭᬢ᭄ᬣᬫᬗᬸᬮᬄᬩ᭄ᬘᬶᬓ᭄᭞ᬲᬗ᭄ᬓᬦ᭄ᬓᬲᬸᬩ᭄ᬦ᭄ᬕᬭᬦᬾᬤᬶᬓᭀᬭᬶᬧᬦ᭄᭟ᬳ᭄ᬦᭂᬗᬂᬚᬦᬶᬗᬸᬘᬧᬂᬤᬶᬧᭀᬄᬕᬤᬶᬂᬩᬦ᭄ᬩᬮᬶᬓᬶᬦ᭄᭞ᬓᭀᬭᬢᬸᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬲᬳᬶᬫᬗ᭄ᬮᬗ᭄ᬮᬂᬓᬭᬲ᭄ᬫᬶᬦ᭄᭞ᬲᭀᬭᭀᬄ
Page:Bali-lontar-gaguritan-cokoratu-02-250ppi.pdf/28
This page has been proofread.
