[᭒᭘ 28 B]
᭒᭘
ᬩᬚᬂᬗᬾᬗᬶᬭᬶᬂᬫᬧᬶᬓᬢ᭄ᬮᬾᬦ᭄ᬫᬩᬸᬩᬸᬭᬸ᭞ᬓᬮᬗᬦ᭄ᬤᬤᬯᬸᬳᬦ᭄ᬳᬸᬮᬶᬦ᭄ᬕᬭᬦᬾ ᬫᬦᬶ᭞ᬳᬶᬤᬾᬯᬕᬸᬂᬢ᭄ᬤᬸᬦ᭄ᬫᬗ᭄ᬤᬾᬫᬘᬯᬶᬲᬦ᭄᭟ᬤᬤᬶᬫ᭄ᬩᬳᬦ᭄ᬓᬮᬵᬤᬾᬱᬵᬩᬸᬓᭂᬧᬶᬢᬸᬤᬸᬳᬶᬂᬯᬶᬤᬶ᭞ᬫᬗ᭄ᬤᬾᬦᬾᬧᬬᬸᬫᬋᬓᬦ᭄ᬦᬤᬓ᭄
ᬳᬶᬤᬾᬯᬕᬸᬂᬳᬚᬶ᭞ᬢ᭄ᬥᬸᬦ᭄ᬧᬘᬂᬫᬲᬸᬘᬶᬮᬾᬤᬂᬓᭀᬭᬢᬸᬦᬾᬫᬸᬧᬸᬢ᭄᭞ᬢ᭄ᬯᬭᬩᬓᬢ᭄ᬓᭂᬦᭂᬳᬂᬫᬰᬶᬄᬫᬶᬦᭂᬄᬤᬶᬚ᭄ᬭᭀᬯᬺᬥᬶ᭞ᬫᬗ᭄ᬤᬾᬧᬗᬸᬲ᭄ᬳᬦ᭄ᬢᬸᬓ᭄ᬗᬢᬸᬭᬂᬧᬶᬤᬃᬢ᭄ᬣ᭟ᬫᬤᬓ᭄ᬳᬤᬵᬳᬶᬘᬦ᭄ᬤᬾᬯᬦ᭄ᬤᬸᬮᬸᬭᬶᬦ᭄ᬢᬶᬢ᭄ᬬᬂᬳᬶᬲ᭄ᬤᬶᬄ᭞ᬳᬤᬵᬕᬢ᭄ᬭ
ᬦ᭄ᬧ᭄ᬓᬬᬸᬦᬦ᭄ᬫᬗᭂᬦ᭄ᬤᭂᬓ᭄ᬢᬶᬢ᭄ᬬᬂᬳᬶᬭᬶᬓᬶ᭞ᬲᬶᬤᬵᬋᬓᭀᬓᬧᬗ᭄ᬕᬶᬄᬓᬾᬢᭀᬧᬶᬢ᭄ᬓᭂᬢᬾᬫᬮᬸ᭞ᬤᬸᬓᬾᬤᬶᬕᬶᬮᬶᬳ᭄ᬫᬲ᭄᭞ᬚᬦᬶᬲᬶᬤᬵᬲᬸᬩᬤᬶᬦᬶ᭞ᬦᬄᬳᬓᬾᬢᭀᬧᬧᬶᬦᭂᬄᬳᬶᬤᭂᬓᬥᬸᬃᬫᬦ᭄᭟ᬤᬸᬃ᭟ᬯᬂᬤᬾᬱᬵᬦᬾᬤᬶᬧᭀᬄᬕᬤᬶᬂ
ᬧᬤᬕᬾᬯᬃ᭞ᬫᬦ᭄ᬤᬶᬗᭂᬄᬳᭀᬃᬢ᭄ᬣᬵᬚᬢᬶᬬᬦ᭄ᬓᭀᬭᬢᬸᬩᬸᬤᬮ᭄᭞ᬩᬶᬦ᭄ᬫᬦᬶᬓᬦ᭄ᬕᬭᬵᬢ᭄ᬯᬩᬚᬂᬧᬤᬵᬲ᭄ᬤᬶᬄᬢᭀᬓ᭄ᬭᬡ᭄ᬦᬳ᭄ᬬᬫᬫᬋᬓ᭄ᬧᬋᬓᬦᬶ᭟ᬫᬳᬢᬸᬭᬦ᭄ᬳᬲᬶᬂᬕ᭄ᬮᬄᬳᬗᭂᬚᬸᬫᬄ᭞ᬳᬤᬵᬗᬢᬸᬭᬂᬧᬶᬧᬶᬲ᭄ᬳᬤᬵᬗᬩᬵᬩᬳ
[᭒᭙ 29 A]
ᬳᬲ᭄᭞ᬮᬾᬦ᭄ᬫᬗᬩᭂᬯᭀᬯᭀᬳᬦ᭄ᬲᬮᬓ᭄ᬦᬗ᭄ᬓᬵᬤᬸᬭᬾᬦ᭄ᬫᬗ᭄ᬕᬶᬲ᭄ᬫᬾᬜ᭄ᬘᭀᬗᬾᬜ᭄ᬘᭀᬗᬦ᭄ᬧᬤᬵᬲᬮᬶᬂᬳᬚᬓᬶᬦ᭄᭟ᬢᬦ᭄ᬘᬭᬶᬢ᭄ᬣᬢᬶᬗ᭄ᬓᬄᬜᬦᬾ ᬫᬳᬢᬸᬃᬭᬦ᭄᭞ᬓᭀᬭᬢᬸᬓᭀᬘᬧ᭄ᬚᬦᬶᬦᬶᬲ᭄ᬥᭂᬓ᭄ᬤᬶᬧᬫᬺᬫᬦ᭄᭞ᬫᬗᬸᬫᬗᬸᬓᭀᬲᭂᬓᬦ᭄ᬧᬺ
ᬧᬜ᭄ᬘᬧᬘᬂᬦᬶᬗ᭄ᬕᬮᬶᬦ᭄᭞ᬗᬶᬭᬶᬂᬲᬳᬸᬭᬄᬳᬭᬶᬄᬓᬸᬤ᭄ᬬᬂᬧᬘᬂᬮᭀᬕᬲ᭄᭞ᬤᬾᬦᬶᬂᬜᬦ᭄ᬤᬂᬲᬬᬗᬂᬕᭀᬩᭂᬕᬸᬶᬫ᭄ᬮᬄᬢᬗ᭄ᬓᭂᬧ᭄ᬓᬮᬶᬲ᭄᭞ᬚᬕᬼᬕ᭄ᬳᬲᬄᬩᬸᬫᬭᬫ᭄ᬦᬾᬓ᭄ᬮᬶᬄ᭟ᬲᬸᬩᬧ᭄ᬝᭂᬂᬳᬶᬗᬦ᭄ᬳᬤᬵᬤᬯᬸᬄᬢᬶᬗ᭄ᬕᬵ᭞ᬓᭀᬭᬢᬸᬦᬸᬫᬢᬗᬶᬧᬓ᭄ᬫᬶᬢᬾᬦᬵᬗ
ᬫ᭄ᬩ᭄ᬬᬃ᭞ᬧᬸᬍᬲ᭄ᬧᬤᬵᬧᬚ᭄ᬮᬾᬫ᭄ᬧᬂᬯᬶᬭᬾᬄᬳᬤᬢ᭄ᬘᬭᬢᬦᬶᬲ᭄ᬮᬶᬤ᭄ᬱ᭄ᬮᬶᬤᬦ᭄ᬧᬸᬍᬲ᭄ᬧᬤᬵᬧᬕ᭄ᬭᬶᬲ᭄᭞ᬘᭀᬓᭀᬃᬭᬢᬸᬗᬦ᭄ᬤᬶᬓᬵᬓᬾᬦᬾᬦᬾᬤᬤ᭄ᬯ᭞ᬚᬮᬄᬧᬤᬵᬤ᭄ᬮᭀᬓᬶᬦ᭄ᬲ᭄ᬧᬶᬲᬶᬜᬩᬸᬤᬮ᭄᭞ᬧ᭄ᬱᬸᬫᬶᬭᬶᬂᬗᬶᬭᬶᬗᬦ᭄ᬓᭀᬭᬢᬸᬮᬾᬤᬂᬫᬗᬓ᭄ᬱᬶ
ᬲᬳᭂᬦᬭᬾᬓᬂᬩᬶᬄᬲᬚᭂᬳ᭄ᬬᬲᬸᬩᬓ᭄ᬢᬶ᭟ᬚᬦᬶᬳᬤᬵᬧᬘᬂᬳᬗ᭄ᬕᭀᬧᬜᬳᬂ᭞ᬳᬶᬧᬲᭂᬓ᭄ᬫᬜᬳᬸᬢᬶᬦ᭄ᬤᬸᬭᬸᬲᬂᬳᬶᬭᬶᬓᬵ᭞ᬭᬢᬸᬲᬋᬗᬶᬦ᭄ᬜᭂᬫ᭄ᬧᬂᬫᬓᬵᬢᬳᬸᬃᬭᬦᬶᬂᬩᬓ᭄ᬝᬶᬓᭀᬭᬢᬸᬜᭂᬦ᭄ᬤᬢ᭄ᬳᬶᬧᬸᬗ᭄ᬓᬸᬃᬫᬢ᭄ᬭᬸᬕᭂᬦ᭄ᬤᬶᬲ᭄᭟ᬧᬂ᭟ᬦᬄᬦᬾᬲᬸᬩᬬ
Page:Bali-lontar-gaguritan-cokoratu-02-250ppi.pdf/29
This page has been proofread.
