[᭓᭒ 32 B]
᭓᭒
ᬦᬶᬦ᭄ᬤᬯᬓ᭄ᬩᬜ᭄ᬘᬸᬓ᭄ᬫᬧᬶᬫᬧᬶᬓᬯᬶᬲ᭄ᬯᬭᬵ᭟ᬫᬜᬸᬗ᭄ᬓᭂᬮᬶᬢ᭄ᬳᬶᬚᬬᬵᬮᬩᭂᬧᬚ᭄ᬜᭂᬗᬦ᭄ᬲᬓᬶᬂᬕᬶᬮᬶ᭞ᬳᭂᬦ᭄ᬢᭀᬫᬸᬭᬸᬩ᭄ᬩᬦ᭄ᬱᬲᭀᬘᬦ᭄ᬢᬶᬕᬧᭀᬄᬳᬶᬦ᭄ᬫᬲ᭄ᬮᬶᬃ᭞ᬲᭀᬭᭀᬄᬚᬶᬲᬶᬬᬸᬭᬶᬗ᭄ᬕᬶᬢ᭄ᬤᬸᬫᬶᬮᬄᬘᬬᬦᬾᬫᬸᬭᬸᬩ᭄᭞ᬳᬦᬸᬢᭂᬓᬾᬦ᭄ᬤᬗ
ᬦᬦ᭄ᬚ᭄ᬦᭂᬂᬕᬕᬭᬧᬾᬘ᭄ᬧᬶᬂ᭞ᬢᬓᭂᬄᬩᬕᬸᬲ᭄ᬮᬶᬓᬶᬂᬧᬓᬸᬧᬚᬚᬯᬦ᭄᭟ᬫᬲᭀᬫᬭᬄᬧᬓ᭄ᬭᬜᬩ᭄ᬲ᭄ᬮᬸᬢ᭄ᬫᬬᭂᬂᬩᬭᬓ᭄ᬗᭂᬦ᭄ᬤᬶᬄ᭞ᬘᭀᬓᭀᬃᬦᬾᬫᬸᬗ᭄ᬕᬄᬓᬘᬃᬘ᭄ᬘᬃᬫᬩᬸᬗ᭄ᬓᬸᬂᬢᬫ᭄ᬬᬂᬤᬶᬓᬘᬶᬂ᭞ᬚ᭄ᬭᬶᬚᬶᬭᬸᬭᬸᬲ᭄ᬗᬾᬤᬦᬶᬦ᭄ᬦᬓᬵᬓᬤᬶᬫᬡ᭄ᬦᬓ᭄ᬩᬜᬸ
ᬮᬸᬢ᭄ᬫᬗᭂᬘᭀᬭᬂᬳᬫ᭄ᬩᬃᬫᬭᬢᬸᬲ᭄ᬚ᭄ᬩᬤ᭄ᬓᬲ᭄ᬢᬸᬭᬶ᭞ᬫᬶᬳᬶᬓ᭄ᬫ᭄ᬮᬸᬕ᭄ᬧᬸᬕ᭄ᬳᭂᬩᭀᬦᬾᬫᬶᬬᬸᬭᬶᬬᬸᬭᬦ᭄᭟ᬓ᭄ᬜᭂᬫ᭄ᬩᬸᬓᬵᬗ᭄ᬘᭀᬃᬕᬸᬮᬵᬜᬭᬾᬭᬾᬗᬦ᭄ᬤᬶᬓᬵᬳᬭᬶᬲ᭄᭞ᬭᭀᬓᭀᬦᬾᬳᭂᬜ᭄ᬚᬶᬢᬂᬳ᭄ᬬᬂᬓᬫ᭄ᬧᬾᬓᬾᬧᬤᬵᬳᬶᬲᬶᬦᬶᬦ᭄᭞ᬤᭀᬓ᭄ᬦᭀᬗᭀᬲ᭄ᬫ
ᬮᬸᬤᬶᬦᬶᬘᬫ᭄ᬘᬶᬬᭀᬤᭀᬕᬾᬦᬵᬧᬂᬫᬶᬮᬸ᭞ᬮᭀᬅ᭄ᬳᬤᬾᬅ᭄ᬦᭀᬗᭀᬲ᭄ᬚᬸᬫᬄᬤᭂᬧᬢᬶᬕᬜ᭄ᬚᬄᬫᬮᬮᬶ᭞ᬲᬕᬾᬢ᭄ᬓᭀᬦᬂᬕᬸᬭᬦ᭄ᬤᬸᬢ᭄ᬦ᭄ᬕᭂᬦ᭄ᬲᬳᬂ᭟ᬧᬤᬓ᭄ᬜᬦᬾᬫᬓᭂᬤᬤ᭄ᬯᬜᬗ᭄ᬓᬶᬮ᭄ᬧᬓᬸᬢ᭄ᬓᬾᬦ᭄ᬩ᭄ᬮᬶᬂᬫ᭄ᬩᬶᬂ᭞ᬓᭀᬭᬢᬸᬭᬭᬶᬲ᭄ᬗᬦ᭄ᬤᬶᬓᬵᬚᬦᬶᬧ
[᭓᭓ 33 A]
ᬬᬸᬩᬳᬂᬜᬶᬮᬶᬄ᭞ᬳᬶᬕᬸᬭᬦ᭄ᬤᬸᬢ᭄ᬗᬗ᭄ᬕᬸᬢᬶᬦ᭄ᬳᭂᬗ᭄ᬕᬶᬄᬳᬚᬓ᭄ᬦᬶᬓᬵᬭᬢᬸ᭞ᬩ᭄ᬬᬦᬵᬧ᭄ᬮᬸᬢ᭄ᬩᬳᬦ᭄ᬢ᭄ᬬᬂᬫ᭄ᬩᬳᬂᬗᬫᬄᬲᬳᬶᬲᬳᬶ᭞ᬓᬸᬢᬶᬂᬢ᭄ᬬᬂᬤᬭᬶᬓᬶᬩᬬᬂᬧᬸᬗ᭄ᬓᬸᬭᬦ᭄᭟ᬧᬂ᭟ᬮᭀᬅ᭄ᬳᬤᬾᬅ᭄ᬓ᭄ᬜᭂᬫ᭄ᬦᬭᬾᬓᬂᬳᬭᬄᬚ᭄ᬗᬄᬗᬸᬤᬵᬗᬚᬓ᭄ᬫᬫ᭄ᬤᬶ᭞
ᬮᭀᬅ᭄ᬗᬄᬓ᭄ᬜᭂᬫ᭄ᬫᬲᬳᬸᬢ᭄ᬥᬢ᭄ᬣᬧ᭄ᬧᬓ᭄ᬚ᭄ᬗᬄᬳᬂ᭞ᬳᬦᬓᬮᬶᬲ᭄ᬓᭀᬭᬢᬸᬫᬶᬋᬗᬂᬓ᭄ᬜᬸᬂ᭞ᬲᬸᬩᬬ᭄ᬬᬓᬳᬶᬘᬦ᭄ᬳᬤᬦ᭄᭞ᬳᬶᬕᬭᬾᬂᬢ᭄ᬓᬾᬦ᭄ᬳᬶᬕᬭᬶᬢ᭄᭟ᬭᬭᬶᬲ᭄ᬓᭀᬤᬮ᭄ᬗᬚᬩᬬᬂᬲ᭄ᬫᬂᬲ᭄ᬫᬂᬩᬸᬲᬦ᭄ᬫᬦᭀᬮᬶᬄ᭞ᬳᬶᬘᬫ᭄ᬘᬬᭀᬲᬸᬩᬵᬧᬯᬸᬢ᭄ᬫ
ᬗᬩᭂᬧᬦᬗᬦ᭄᭞ᬩᬩᬾᬤᬦᬾᬢᭀᬦᬾᬤᬤ᭄ᬯᬧᬤᬵᬫᬶᬮᬸ᭞ᬲᬸᬩᭂᬢ᭄ᬓᭂᬤᬶᬚᬩᬬᬦ᭄ᬓᬮ᭄ᬬᬂᬲᬸᬩᬵᬫᬗᬦ᭄ᬢᬶ᭟ᬓᭀᬭᬢᬸᬓ᭄ᬜᭂᬫ᭄ᬗᬦ᭄ᬤᬶᬓᬵᬚᬮᬦ᭄ᬩᬧᬵᬚᬦᬶᬧᬤᬵᬫᭂᬦ᭄ᬤᬓᬶᬦ᭄᭞ᬲᬢ᭄ᬓᭂᬤ᭄ᬢᭂᬓᭂᬤᬦ᭄ᬮᬓᬸᬧᬂᬫᬲᬶᬄᬓᬘᬶᬗᬓᬦ᭄᭞ᬳᬶᬓᬮ᭄ᬬᬂ
ᬫ᭄ᬧᭂᬲ᭄ᬧᬤᬵᬫᬩ᭄ᬭᬶᬬᬸᬓ᭄᭞ᬫᬗᬶᬭᬶᬂᬫᬕᬕᬗ᭄ᬲᬭᬦ᭄᭞ᬲᬸᬩᬾᬫᬗ᭄ᬮᬶᬯᬢ᭄ᬧᭀᬄᬕᬤ᭄ᬥᬶᬂ᭟ᬫᬦ᭄ᬤᭂᬕ᭄ᬤᬶᬚᬩᬬᬦ᭄ᬢᬫ᭠ᬦ᭄ᬲᬸᬩᭂᬧᬳᭂᬓ᭄ᬢᬢ᭄ᬗᭂᬃᬓᬮ᭄ᬳᬶᬫ᭄ᬧᬲᬶᬦ᭄᭞ᬢᬫ᭄ᬩᬸᬃᬩ᭄ᬤᬶᬮ᭄ᬫᬫᬲ᭄ᬭᬳᬸᬄᬜᭀᬗ᭄ᬓᭀᬓ᭄ᬳᬚᬓ᭄ᬫᬓ᭄ᬚᬂ᭞ᬳᬶᬤᬾᬯᬕᬸᬂᬘᬦᭂᬕ᭄ᬜᬶᬗᬓ᭄ᬘᬬᬵᬫᬸᬭᬸ
Page:Bali-lontar-gaguritan-cokoratu-02-250ppi.pdf/33
This page has been proofread.
