[᭓᭘ 38 A]
᭓᭘
ᬮ᭄᭟ᬭᬱᬩ᭄ᬯᬶᬦ᭄ᬗᬯᬸᬯᬸᬳᬶᬦ᭄ᬓᬫᬦᬶᬲᬦ᭄᭞ᬕᬗ᭄ᬲᬃᬗᭂᬧ᭄ᬮᬕᬂᬩ᭄ᬥᬶᬮ᭄ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬩ᭄ᬯᬶᬦ᭄ᬳᬶᬲᬶᬦᬶᬦ᭄ᬳᬾᬗ᭄ᬕᬮ᭄ᬳᬶᬘᬫ᭄ᬘᬶᬬᭀᬫᬦ᭄ᬤᬕᬶᬗᬶᬦ᭄᭞ᬲᬸᬩᬗᬢᬸᬭᬂᬓᭀᬭᬢᬸᬩᬶᬦ᭄ᬫᬢᬶᬢᬶᬲ᭄᭟ᬤᬤᬾᬅ᭄ᬩᬸᬂᬫ᭄ᬩᬂᬩ᭄ᬗᭀᬂᬢ᭄ᬯᬭᬦᬯᬂᬓᬦ᭄ᬥᬵ᭞ᬳᬶᬢ᭄ᬭᬸᬧ᭄ᬫᬗ᭄ᬮᬶᬬᬢᬶᬦ᭄
ᬕᬶᬕᬸᬦ᭄ᬢᬂᬦᬓᭀᬦᬂ᭞ᬳᬧᬵᬲᬶᬩᬓᬮ᭄ᬳᬤᬵᬳᬭᬄᬳᬾᬫᭂᬂᬕᬢᬶᬕᬢᬶ᭞ᬲᬶᬜᬢᬾᬳᬾᬤᬦ᭄ᬲᬗ᭄ᬓᬅ᭄ᬲᬸᬳᬸᬂᬩ᭄ᬤᬶᬮᬶᬦ᭄᭟ᬳᬲᬓ᭄ᬱᬡᬵᬲᬕᬾᬢ᭄ᬳ᭄ᬤᬫᬗᭂᬦ᭄ᬢᬾᬯᬂ᭞ᬕ᭄ᬥᬾᬕ᭄ᬥᬾᬓᬓᬮᬶᬄᬘᬮᬶᬂᬜᬦᬾᬭᬾᬗ᭄ᬕᬄ᭞ᬓᭀᬭᬢᬸᬓ᭄ᬜᭂᬫ᭄ᬜᬶᬗᬓ᭄ᬳᬶᬕᬸᬦ᭄ᬢᬂ
ᬦᬼᬩᬂᬫ᭄ᬮᬳᬶᬩ᭄᭞ᬢᭀᬂᬤᬤᬶᬚᭂᬧᬢ᭄ᬧᬢ᭄ᬮᬗ᭄ᬓᭂᬩ᭄ᬫᭂᬮᬳᬶᬩ᭄᭟ᬩ᭄ᬯᬶᬦ᭄ᬗᭂᬦᬄᬩᬢᬶᬲ᭄ᬮᬦ᭄ᬢᬂᬯᬂᬕ᭄ᬮᬾᬯᬂ᭞ᬢᬦ᭄ᬤᬸᬓ᭄ᬜᬦᬾᬫᬳᬶᬗᬶᬤ᭄ᬢᬸᬃᬫᬘᬗ᭄ᬕᬄ᭞ᬲᬸᬫᬶᬗ᭄ᬓᬶᬦ᭄ᬧᬢᬶᬤ᭄ᬭᬸᬫ᭄ᬧᬓ᭄ᬳᬤᬗᬗ᭄ᬲᬳᬂᬫᬮᬳᬶᬩ᭄᭞ᬓᬲᬗ᭄ᬕ᭄ᬭᬳᬦ᭄ᬫ᭄ᬭᬾᬗᬂᬓᬯᬸ
ᬲ᭄ᬢᬦ᭄ᬲᬶᬧᬶ᭟ᬳᬶᬤᬾᬯᬕᬸᬂᬲᬫ᭄ᬧᬸᬦ᭄ᬢᭂᬤᬸᬦ᭄ᬲᬓᬶᬂᬫ᭄ᬯᬾᬤᬵ᭞ᬧᬤᬡ᭄ᬥᬵᬳᬸᬲᬦ᭄ᬲᬫᬶᬳᬶᬤ᭄ᬯᬕᬸᬂᬗᬦ᭄ᬤᬶᬓᬵ᭞ᬳᬶᬧᬭᬄᬳ᭄ᬬᬓᬶᬚᬵᬕᬸᬲ᭄ᬢᬶᬗᬸᬭᬄᬫᬢᬹᬃᬳᬭᬶᬲ᭄᭞ᬯᬳᬸᬗᬗᬶᬦᬂᬧᭀᬮᬶᬄᬭᬲᬾᬧᬸᬦᬶᬓᬶ᭟ᬲᬕᬾᬢ᭄ᬓᬳᬶᬓᬳᬸᬲ᭄ᬩᭂᬂᬓᬸᬲ᭄ᬬ᭞ᬧᬤᬦ᭄ᬤᬵ
[᭓᭙ 39 A]
ᬫᬦᬓᬾᬦᬶᬦ᭄ᬓᬾᬦ᭄ᬓᬾᬦ᭄ᬓ᭄ᬭᬡᬵᬋᬗᬲ᭄᭞ᬳᬶᬧᬸᬦ᭄ᬫᭂᬧᭂᬲ᭄ᬗᬢᬸᬭᬂᬲᬢᬶᬗ᭄ᬓᬄᬜᬦᬾᬦ᭄ᬧᬸᬓᬶᬦ᭄᭞ᬓᬢᬹᬃᬫᬓ᭄ᬚᬂᬳᬶᬤ᭄ᬯᬕᬸᬂᬗ᭠ᬦ᭄ᬤᬶᬓᬵᬭᬶᬲ᭄᭟ᬳᬶᬤ᭄ᬥᬕ᭄ᬥᬾᬦᬸᬦᬲ᭄ᬧᬭᬦᬶᬦ᭄ᬫᬭᬶᬓᬵ᭞ᬧᬤᬡ᭄ᬥᬵᬫ᭄ᬧᭂᬲᬫᬶᬤᬕᬶᬂᬫᬗᬶᬭᬶᬗᬂ᭞ᬲᬫ᭄ᬧᬸᬦ᭄ᬳᬶᬤᬵᬫᬫᬃᬕᬵᬧᬤᬡ᭄ᬥᬵ
ᬳᬶᬤᬗ᭄ᬭᬶᬳᬶᬦᬶᬦ᭄᭞ᬲᬢ᭄ᬬᬵᬧᬸᬗ᭄ᬕᬯ᭄ᬯᬧᬺᬫᬜ᭄ᬘᬗᬶᬭᬶᬂᬲᬫᬶ᭟ᬲᬫ᭄ᬧᬸᬦ᭄ᬭᬯᬸᬄᬤᬶᬢ᭄ᬕᬮᬾᬓᬦ᭄ᬢᭂᬦ᭄ᬢᬶᬗ᭄ᬕᬃ᭞ᬮᬸᬭᬄᬮᬸᬭᬄᬦᬶᬂᬤᬲᬶᬮᬗᭂᬮ᭄ᬯᬶᬃᬲᬶᬮᬸᬫᬦ᭄᭞ᬕᭂᬕ᭄ᬕᭂᬃᬕ᭄ᬕᭂᬃᬮᭀᬃᬯᬾᬢᬦ᭄ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄᭞ᬢᬶᬢ᭄ᬬᬂᬫᬭᬬ᭄ᬬᬦ᭄ᬧᬤᬡ᭄ᬥᬵᬘᬦ᭄ᬤᭂᬕ᭄ᬱᬫᬶ
᭟ᬳᬶᬤᬩᬕᬸᬲ᭄ᬗᬸᬭᬄᬜᬶᬗᬓ᭄ᬘᬢᬺᬓᭂᬫ᭄ᬩᬃ᭞ᬓ᭄ᬜᭂᬃᬫ᭄ᬫᬫᬸᬜᬶᬦᭀᬮᬶᬄᬗᬚᬓᬶᬦ᭄ᬳᬶᬩᬸᬂᬫ᭄ᬩᬂ᭞ᬚᬮᬦ᭄ᬧᬤᬵᬫᬗᭂᬦᬄᬧᬓᭀᬮᬶᬳᬾᬦᬾᬳᬶᬢᬸᬦᬶ᭞ᬧᬤᬵᬳᬢᬸᬭᬂᬫᬚᬮᬦ᭄ᬲᬮᬶᬂᬢᭀᬮᬶᬄ᭟ᬤᬤᬾᬅ᭄ᬳᬦ᭄ᬢᬶᬓ᭄ᬦᬤ᭄ᬢᬤ᭄ᬩᬳᬢᬾᬓᬮᬶᬯᬢ᭄᭞ᬫᭀᬓᭀᬄ
ᬜᬦᬾᬢᬦ᭄ᬲᬶᬧᬶᬍᬫᬸᬄᬫᬕᬾᬜᭀᬮᬦ᭄᭞ᬩᬸᬂᬗ᭄ᬓᭂᬃᬢᭀᬂᬤᬤᬶᬳᬸᬫᬤ᭄ᬳᬶᬤᬤᬾᬅ᭄ᬳᭀᬓᬓᬓᬮᬶᬄ᭞ᬓᬾᬓᬾᬃᬳᬩᬜᬲᬸᬩᬧᬤᬵᬫᬢᬮᬶ᭟ᬤᬤᬾᬅ᭄ᬭᬳᬶᬗᬩᭂᬫᬜᭀᬗ᭄ᬓᭀᬓ᭄ᬓ᭄ᬤᬶᬲ᭄ᬧᬸᬄᬘ᭄ᬦᬶᬓ᭄ᬫᬶᬂᬓ᭄ᬮᬶᬂᬗᬚᬓ᭄ᬧᬦᬓ᭄ᬥᬤ᭄ᬯ᭞ᬓᭀ
Page:Bali-lontar-gaguritan-cokoratu-02-250ppi.pdf/39
This page has been proofread.
