[᭓᭗ 37 B]
᭓᭗
ᬦᬸᬦ᭄ᬤᬾᬦᬂᬫᬗᬮᬧ᭄᭞ᬳᬶᬩᬸᬂᬫ᭄ᬩᬂᬫᬜᬳᬸᬢᬶᬦ᭄ᬓᬸᬤ᭄ᬬᬂᬗᬮᬧᬼᬫᬄ᭞ᬬᬦ᭄ᬢᬦ᭄ᬧ᭄ᬢᭂᬂᬤᬩ᭄ᬤᬩᬂᬓᭀᬭᬢᬸᬫᬦᬶᬫ᭄ᬩᬮ᭄ᬳᬭᬶᬲ᭄᭞ᬚᬦᬶᬤᬬᬦᬂᬕᬳᬾᬦᬂᬕᬸᬦᬸᬂᬳᬧᬶ᭟ᬳᬭᬶᬢ᭄ᬣᬦᬾᬢᭀᬳᬮᬶᬳᬂ᭞ᬲᬸᬩᭂᬧᬤᬵᬗᬮᬶᬄᬳᬭᬶᬢᬦ᭄ᬳᬫ᭄ᬩᭂᬗᬦ᭄᭞ᬓᭀᬭ
ᬢᬸᬫᬦ᭄ᬤᬩ᭄ᬤᬩᬂᬲᬸᬭᬓ᭄ᬱᬸᬭᬓ᭄ᬫᬦᬸᬜ᭄ᬚᭂᬮᬶᬦ᭄᭞ᬲᬓ᭄ᬱᬡ᭄ᬦᬳᭀᬜᭂᬳᬶᬦᬦ᭄ᬢᬩ᭄ᬯᬦᬾᬫᬢᬶ᭟ᬲᬕᬾᬢ᭄ᬓᭂᬳᬶᬕᬸᬦ᭄ᬢᬂᬫᬫᬸᬭᬂᬫᬸᬭᬂ᭞ᬓ᭄ᬜᭂᬫ᭄ᬓᭂᬜᭂᬫ᭄ᬫᬫᬸᬜᬶᬤ᭄ᬩᬕᬸᬲ᭄ᬢ᭄ᬬᬂᬫ᭄ᬩᬳᬦ᭄᭞ᬦᬧᬶᬦᬶᬓᬶᬳᬤᬜᭂᬗᬚᬓ᭄ᬧᬦᬓ᭄ᬘᭂᬦᬶᬓ᭄ᬘᭂᬦᬶᬓ᭄᭞ᬓᭀᬯᭂᬳᬢᬸᬦᬶᬫ᭄ᬩᬮ᭄ᬲᬶᬜᭂ
ᬘᬭᬸᬓ᭄ᬘᬸᬓᬸᬦᬶᬂ᭟ᬳᬭᬄᬦᬾᬦ᭄ᬢᭂᬦ᭄ᬕᬶᬄᬢᬓᭂᬳᬾᬳᬚᬓ᭄ᬫᬓ᭄ᬚᬂ᭞ᬳᬶᬩᬸᬗ᭄ᬩᬂᬫᬜᬳᬸᬢᬶᬦ᭄᭞ᬲᬶᬜᭂᬢᬾᬍᬮᬯᬄ᭞ᬢᬸᬲᬶᬂᬳᬶᬢ᭄ᬭᬸᬧ᭄ᬦᬶᬫ᭄ᬩᬮ᭄ᬦᬄᬕᬕᬄᬮᬓᬃᬩᬮᬶᬳᬶᬦ᭄᭞ᬓᭀᬭᬢᬸᬜ᭄ᬫᬓ᭄ᬳᬧᬸᬄᬓᭀᬬᬗᬶᬦᬶᬓᬶ᭟ᬧᬤᬵᬓ᭄ᬤᬾᬓ᭄ᬳᬶᬘᬫ᭄ᬘ᭄ᬬᭀᬲᬕᬾᬢ᭄ᬓᭀ
ᬜᭀᬗ᭄ᬓᭀᬓ᭄ᬗᬢᬸᬭᬂᬩ᭄ᬤᬶᬮ᭄ᬓᭀᬭᬢᬸᬗᬦ᭄ᬤᬶᬓᬵ᭞ᬦᬄᬮᬳᬸᬢᬂᬕᬕᬳᬂᬳᬶᬲᬶᬦᬶᬦ᭄ᬳᬧᬗᬵᬧᬲ᭄ᬝᬶ᭞ᬤᬶᬦᬶᬓᭂᬧ᭄ᬮᬕᬂᬩ᭄ᬤᬶᬮ᭄ᬫᬮᬸᬕᬲ᭄ᬕᭂᬮᬶᬲ᭄᭟ᬲᬕᬾᬢ᭄ᬗᭂᬦᬄᬧᬦᬓᬓᬲᬶᬄᬩ᭄ᬤᬶᬮᬾᬜᬭᬩ᭄᭞ᬭᬭᬧ᭄ᬫᬲᭀᬘᬵᬗᭂᬦ᭄ᬤᬶᬄᬤᬥᬸᬧᬓ᭄ᬫᬲ᭄ᬯᬬᬄ᭞ᬳᬦᬸᬢ᭄ᬚ᭄ᬦᭂᬂᬲ
[᭓᭘ 38 A]
ᬫᬧ᭄ᬝᬮᬦ᭄ᬢᬂᬕ᭄ᬥᬾᬦᬾᬦᬶᬭᬸᬓ᭄ᬝᬶ᭞ᬫᬶᬳᬶᬓ᭄ᬫᬶᬫ᭄ᬧᬸᬕᬦ᭄ᬫᬳᬸᬲᬧ᭄ᬳᬫ᭄ᬩᬃᬲᬳᬶ᭟ᬫᬸᬍᬓᬾᬢᭀᬢᬶᬗ᭄ᬓᬄᬗᬗ᭄ᬕᭀᬳᬚᬶᬢᬾᬫ᭄ᬩᬓ᭄᭞ᬩ᭄ᬤᬶᬮᬾᬤᬩ᭄ᬤᬩ᭄ᬱᬳᬶᬳᬸᬭᬸᬢ᭄ᬳᬸᬲᬧ᭄ᬳᬸᬲᬧ᭄᭞ᬲᬢ᭄ᬫᬓᬬᬂᬫᬗᬚᬓ᭄ᬲᭀᬫᬄᬦᬾᬲᬬᬂᬕᬢᬶ᭞ᬳᬗ᭄ᬕᭀᬦ᭄ᬩᬩᬗ᭄ᬕᬦ᭄᭞
ᬧ᭄ᬝᭂᬂᬍᬫᬄᬲᬸᬮᬶᬗ᭄ᬮᬶᬦ᭄᭟ᬬᬦ᭄ᬫᬦ᭄ᬕᬓ᭄ᬳᬧᬂᬧ᭄ᬚᬂᬤᬶᬧᬩᬶᬦᬦ᭄᭞ᬓᬍᬫ᭄ᬤᭂᬫ᭄ᬚᬗ᭄ᬓᬸᬢᬶᬦ᭄ᬲᬳᬶᬬ᭄ᬬᬳᬯᬭᬂ᭞ᬩᬬᬸᬦ᭄ᬳᬯᬓᬾᬧ᭄ᬚᬂᬲᬸᬲᬸᬧᬂᬢ᭄ᬓᬾᬦᬶᬂᬩ᭄ᬤᬶᬮ᭄᭞ᬳᬧᬗᭂᬢᬸᬗ᭄ᬕᬮ᭄ᬱᬓ᭄ᬦᭂᬄᬗᬸᬤᬸᬄᬤᬤᬶ᭟ᬮᬸᬢ᭄ᬧᬶᬤᬾᬦᬶᬦ᭄ᬩᬳᬦ᭄ᬱᭀᬫᬄᬦᬾᬲᬬᬗᬂ᭞ᬳᬗ᭄ᬕᭀᬦ᭄ᬱᬲᬃᬭ
ᬦ᭄ᬩᭂᬤᬶᬮ᭄ᬬᬦ᭄ᬱᬶᬤᬵᬩᬦ᭄ᬦᬶᬢᬄ᭞ᬫᬶᬫᬶᬲ᭄ᬳᭀᬩᬢᬾᬗᬫ᭄ᬩᬄᬓᬩᭀᬮᭀᬂᬲᬸᬩᭂᬗᬾᬤᬦᬸᬶᬦᬸ᭄ᬤᬶ᭞ᬬ᭄ᬬᬳᬲ᭄ᬢᬺᬢᬸᬮ᭄ᬬᬧᬸᬢᬸᬲᬶᬂᬢᬾᬫ᭄ᬩᬓ᭄ᬍᬯᬶᬄ᭟ᬳᬶᬤᬵᬩᬕᬸᬲ᭄ᬗᬸᬭᬄᬢᭀᬂᬩᬓᬢ᭄ᬓ᭄ᬦᭂᬳᬂ᭞ᬲᬸᬩᬧᬸᬢᬸᬲᬶᬂᬳᬚᬶᬳᬲ᭄ᬢᬺᬢᬸᬮ᭄ᬬᬫᬯᬓ᭄᭞ᬲᬶᬤᬵᬲᬓᬫᬵ
ᬓᬫᬵᬤᬾᬦᬶᬂᬲᬸᬩᬢᬢᬲ᭄ᬳᬸᬦᬶᬂ᭞ᬫᬲᬸᬓ᭄ᬯᭂᬢ᭄ᬯᬂᬲᬧᬺᬓᬭᬜᭂᬲᬫᬶ᭟ᬳᬶᬘᬫ᭄ᬘ᭄ᬬᭀᬲᬸᬩᭂᬫᭂᬦ᭄ᬧᭂᬦ᭄ᬫᬶᬫᬶᬲ᭄ᬳᭀᬩᬢ᭄᭞ᬧᬢ᭄ᬭᬸᬫ᭄ᬧᬧᬾᬭᬾᬲ᭄ᬲᬫᬶ᭞ᬫᬶᬯᬄᬧᬜ᭄ᬘᬭᬸᬢ᭄ᬣ᭞ᬳᭂᬓᬾᬧ᭄ᬱᬸᬩᭂᬗᬢᬸᬭᬂᬓᭀᬭᬢᬸᬗᬫ᭄ᬩᭂᬮᬶᬦ᭄ᬓᬮᬶᬲ᭄᭞ᬧᬺᬢᬫᬾᬂᬮᬫᬢ᭄ᬱᬸᬩᬗᭂᬫ᭄ᬩᬢᬂᬩ᭄ᬤᬶ
Page:Bali-lontar-gaguritan-cokoratu-02-250ppi.pdf/38
This page has been proofread.
