[᭓᭖ 36 B]
᭓᭖
ᬢᬺᬱ᭄ᬡᬓᬢ᭄ᬓᬾᬂᬢ᭄ᬯᬲ᭄᭞ᬓᭀᬭᬢᬸᬗᬦ᭄ᬤᬶᬓᬵᬭᬶᬲ᭄᭞ᬩᬶᬄᬘᬫ᭄ᬘ᭄ᬬᭀᬓ᭄ᬫᭂᬩ᭄ᬤᬶᬮᬾᬫᬮᬸᬚ᭄ᬫᬓ᭄᭞ᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬳᬩᭂᬫᬳᬶ᭞ᬮᬯᬸᬢ᭄ᬫᬚᬮᬦ᭄ᬲᬶᬂᬳᬤᬵᬳᬦᬓ᭄ᬳᬸᬦᬶᬂ᭟ᬢᬶᬗ᭄ᬓᬄᬜᬦᬾᬫᬗ᭄ᬕᬕᬦᬵᬗᬫ᭄ᬩᬄᬢᬯᬂ᭞ᬓᭀᬭᬢᬸᬲᬋᬂᬲᬫᬶᬧᬤᬵᬫᬦ᭄ᬤᬃ
ᬳᬦ᭄ᬤᬃ᭞ᬫᬫᬃᬕ᭄ᬕᬶᬫᬗᬗᬶᬦᬂ᭞ᬳᬶᬕᬭᬾᬂᬫᬦᬸᬳᬸᬢ᭄ᬳᬶᬤᬶᬂ᭞ᬧᬦ᭄ᬚᬼᬫᬵᬢᬫ᭄ᬫᬵᬲᬳᬶᬫ᭄ᬦᬾᬓᬶᬦ᭄ᬢᬗ᭄ᬓᬶᬤ᭄᭟ᬲ᭄ᬳᭂᬩ᭄ᬱ᭄ᬳᭂᬩ᭄ᬳᬲᬶᬂᬕᭀᬳᭀᬓ᭄ᬤ᭄ᬮᭀᬓᭀᬜ᭞ᬳᬤᭂᬭᬲᬾᬫᬗᭂᬧᬶᬮ᭄ᬗᬚᬓ᭄ᬧᬦᬓ᭄ᬧᬢ᭄ᬧᬢ᭄᭞ᬳᬶᬕᬭᬾᬂᬫᬗᬢᬸᬭᬂᬦᬶᬓᬶᬫᬾᬢᭀᬂᬭ
ᬢᬸᬫᬸᬗ᭄ᬕᬶᬮ᭄ᬓᭀᬭᬢᬸᬜᬕ᭄ᬚᬕ᭄ᬗᬸᬗᬲ᭄ᬳᭂᬩᭀᬦᬾᬫᬶᬳᬶᬓ᭄᭟ᬘᭀᬓᭀᬭᬢᬸᬗᬯᬸᬓᬶᬦ᭄ᬳᬶᬤᬤᬾᬅ᭄ᬳᭀᬓᬵ᭞ᬫᬳᬶᬄᬧᬤᬵᬢᬸᬮᬸᬗᬶᬦ᭄ᬳᬶᬢ᭄ᬭᬸᬧ᭄ᬫᬜᬕ᭄ᬚᬕ᭄᭞ᬩᬋᬂᬗᬚᬓ᭄ᬳᬶᬕᬸᬦ᭄ᬢᬂ᭞ᬮᬶᬬᬸᬧᬤᬵᬫᬦᬸᬮᬸᬗᬶᬦ᭄᭞ᬳᬶᬕᬭᬾᬂᬜ᭄ᬫᬓ᭄ᬫᬾᬫᬾᬦ᭄ᬜᬦᬾᬗ
ᬚ᭄ᬗᬶᬢ᭄᭟ᬲᬸᬭᬓ᭄ᬱᬸᬭᬓ᭄ᬫᬓᬢᬂᬭᬲᬾᬮᬮᬶᬫ᭄ᬫᬵ᭞ᬓᭀᬭᬢᬸᬗᬦ᭄ᬤᬶᬓᬵᬭᬶᬲ᭄ᬓ᭄ᬫᭂᬢᬸᬦ᭄ᬤᬾᬦ᭄ᬗᬩᭂ᭞ᬫᬮᬸᬓᬧᬲᬗ᭄ᬕ᭄ᬭᬳᬦ᭄᭞ᬚᬮᬄᬫᬮᬸᬩᬶᬦ᭄ᬫᬮᬮᬶᬧᬂᬤᬵᬓᬫᭂᬕᬦ᭄ᬧᬤᬦ᭄ᬤᬢᬸᬬᬸᬄᬗᬶᬭᬶᬂ᭟ᬫᬮᭀᬦ᭄ᬮᭀᬦᬦ᭄ᬧᬫᬃᬕ᭄ᬕᬶᬦᬾᬫᬗᬚᬦᬂ᭞ᬳᬶᬕᬭᬾᬂᬫᬧᬸᬘᬸ
[᭓᭗ 37 A]
ᬓᬶᬦ᭄᭞ᬳᬶᬤᬤᬾᬅ᭄ᬩᬸᬂᬫ᭄ᬩᬂᬳᬕᭂᬢ᭄ᬫᬧᬲ᭄ᬓᬍᬲᬶᬄ᭟ᬓ᭄ᬜᭂᬓᬜᭂᬗᬫᬄᬲ᭄ᬫᬸᬢ᭄ᬮᬸᬢ᭄ᬓᬲᬫ᭄ᬧᬃ᭞ᬩᬸᬗ᭄ᬓᭂᬃᬬ᭄ᬬᬫᬗᬮᬶᬦ᭄ᬢᬶᬓ᭄ᬤᬶᬢᬸᬬ᭄ᬬᬓᬚ᭄ᬫᬓ᭄᭞ᬲᬸᬭᬓ᭄ᬱᬸᬭᬓ᭄ᬗ᭄ᬯᬗ᭄ᬲᬶᬢᬂ᭞ᬮᬶᬬᬸᬧᬤᬵᬫᬜ᭄ᬚᬕ᭄ᬚᬕᬶᬦ᭄᭞ᬳᬶᬤᬤᬾᬅ᭄ᬳᭀᬓᬵᬫᭂᬦ᭄ᬤᭂᬧ᭄ᬗᬶᬢᬶᬧ᭄ᬫᬗᭂᬧᬶᬮ᭄᭟ᬳᬤ
ᬓᬾᬓᬾᬃᬫᬚᬸᬮᬸᬓ᭄ᬳᬚᬓ᭄ᬢᬶᬫ᭄ᬧᬮᬵ᭞ᬲ᭄ᬗᬶᬢ᭄ᬧᬲᬮᬾᬦᬵᬕ᭄ᬧᬦ᭄ᬢᬶᬂᬫ᭄ᬭᬸᬓᭂᬢ᭄ᬫᬧᬸᬦ᭄ᬢᭂᬮᬦ᭄᭞ᬤᬶᬢᬸᬮᬦ᭄ᬢᬲ᭄ᬓᬚ᭄ᬫᬓ᭄ᬲᬶᬤᬵᬫᬓᬤᬤ᭄ᬯᬓ᭄ᬦᬶ᭞ᬮᬯᬸᬢ᭄ᬫᬲᬸᬭᬢ᭄ᬤ᭄ᬩᬕᬸᬲ᭄ᬢ᭄ᬬᬂᬧᭀᬮᬶᬄ᭟ᬘᭀᬓᭀᬃᬭᬢᬸᬓ᭄ᬜᭂᬫ᭄ᬩᬸᬓᬵᬗ᭄ᬘᭀᬃᬕᬸᬮᬵ᭞ᬜᭂᬜᭂᬃᬫᬫᬸᬜᬶᬫᬦᬶᬲ᭄ᬳᬭᬄ
ᬤᬫ᭄ᬧᬸᬓ᭄ᬱᬬᬂ᭞ᬜᬦᬦ᭄ᬧᬤᬵᬳᬢᬸᬭᬂᬧᬓᭀᬮᬶᬳᬦᬾᬫᬮᬮᬶ᭞ᬳᬧᬂᬤᬵᬲᬮᬄᬲᬸᬩᬗᬩᭂᬧᬶᬓᭀᬮᬶᬄ᭟ᬲᬕᬾᬢ᭄ᬫᬸᬳᬸᬕ᭄ᬩ᭄ᬥᬳᬸᬄᬬᬲᬸᬭᬓ᭄ᬱᬸᬭᬓ᭄᭞ᬧᬤᬵᬧᬲᬮᬶᬂᬢᬭᬶᬢᭀᬂᬧ᭄ᬮᬸᬢ᭄ᬩᬦ᭄ᬥᬬᬾ᭞ᬢᬩ᭄ᬯᬦᬾᬤᬶᬧᭀᬄᬧ᭄ᬭᬯ᭄ᬯ᭞ᬳᬶᬦᬦ᭄ᬜᬦᬾᬗ᭄ᬭᬶ
ᬬᬸᬂᬲᬫᬶᬫᬓᬾᬘᬫ᭄ᬓᬾᬘᬦ᭄ᬗ᭄ᬦᬄᬳᬸᬮᬶᬩ᭄ᬤᬗᬶᬦ᭄᭟ᬳᬶᬤᬵᬩᬕᬸᬲ᭄ᬗᬸᬭᬄᬓ᭄ᬜᭂᬫ᭄ᬫᬗᬦ᭄ᬤᬶᬓᬵ᭞ᬚᬮᬄᬓ᭄ᬫᭂᬚᬕ᭄ᬚᬕᬶᬦ᭄ᬳᬧᭂᬳᬸᬬᬸᬢ᭄ᬢᬗᭂ᭞ᬧᬤᭂᬕᭀᬗ᭄ᬲᭀᬃᬗᬯᬸᬳᬂ᭞ᬳᬶᬤᬵᬫᬢᬸᬃᬚ᭄ᬭᬶᬄᬢ᭄ᬚᭂᬭᬶᬢ᭄᭞ᬭᬢᬸᬕ᭄ᬮᬶᬲᬂᬢᬩ᭄ᬯᬦ᭄ᬳᬕᭂᬂᬫᬗ᭄ᬮᬦ᭄ᬢᬶᬂ᭟ᬳᬶᬤᬵᬩᬕᬸᬲ᭄ᬗᬸᬭᬄ
Page:Bali-lontar-gaguritan-cokoratu-02-250ppi.pdf/37
This page has been proofread.
