[᭓᭕ 35 B]
᭓᭕
ᬧᬾᬢ᭄ᬫᬧᬸᬚᬵᬫᬮᬸᬫᬸᬮᬶᬄᬧᬤᬦ᭄ᬤᬦᬶᬫ᭄ᬩᬮ᭄᭞ᬫᬗ᭄ᬓᬶᬦ᭄ᬤᬸᬫᬸᬦ᭄ᬳᬦ᭄ᬢᭀᬲ᭄ᬮᬶᬗ᭄ᬕᬶᬄᬳᬶᬤᬾᬯᬕᬸᬂ᭞ᬫᬳᬯᬶᬦᬦ᭄ᬓᬤᬶᬲ᭄ᬭᬦ᭄ᬢᭂ᭞ᬥᬸᬃᬫ᭄ᬫᬗ᭄ᬕᬮᬦᬶᬂᬧᬫᬃᬕ᭄ᬕᬶ᭟ᬤᬸᬃ᭟ᬳᬶᬤᬯᬕᬸᬂᬲᬫ᭄ᬧᬸᬦ᭄ᬩᬸᬤᬮ᭄ᬲᬓᬶᬂᬢᬫᬦ᭄᭞ᬕᬕᬜ᭄ᬘᬗᬦ᭄ᬫᬫᬃᬕ᭄ᬕᬶᬫᬜ᭄ᬚᬸᬃᬫᬳᬾᬦ᭄ᬤ᭄ᬭ᭞ᬢ
ᬲ᭄ᬲᬄᬤ᭄ᬩᬕᬸᬲ᭄ᬗᬸᬭᬄᬗᬫᭂᬃᬳᬶᬤᬾᬯᬕᬸᬂᬳᬚᬶᬲᬶᬂᬓᬶᬘᬾᬦ᭄ᬩᭂᬮᬲ᭄᭞ᬢᬺᬲ᭄ᬡᬦ᭄ᬓᬬᬸᬦᬾᬍᬩᬶᬄ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬫᬳᬦ᭄ᬤ᭄ᬭᬲᬫᬶᬦᬧᬓ᭄᭞ᬧᬤᬦ᭄ᬤᬫᭂᬦ᭄ᬤᬓ᭄ᬕ᭄ᬮᬶᬲ᭄ᬫᭂᬧᭂᬲ᭄ᬫᬦᬸᬦᬲᬂ᭞ᬫᬯᬶᬦᬦ᭄ᬓᬤᬶᬲ᭄ᬭᬦ᭄ᬢᬵᬳᬶᬤᬾᬯᬕᬸᬂᬦᬶᬫ᭄ᬩᬮ᭄ᬳᬭᬶᬲ᭄᭞ᬢᬶᬢ᭄ᬬᬂᬫᬭ
ᬬ᭄ᬬᬦ᭄ᬯᬾᬦ᭄ᬢᭂᬦ᭄ᬭᬳᭀᬲᬂᬓᬶᬤᬶᬓ᭄᭟ᬧ᭄ᬭᬦ᭄ᬥᬵᬗᬸᬭᬄᬓᬕ᭄ᬬᬢ᭄ᬓᬬᬸᬦᬾᬓᬮᬶᬦ᭄ᬢᬂ᭞ᬓᬫᬵᬢᭂᬗ᭄ᬕᭂᬗᭂᬦ᭄ᬗᬓ᭄ᬱᬶᬦᬬᬦᬾᬤᬸᬫᬶᬮᬄ᭞ᬩᬕᬸᬲ᭄ᬫᬦᬶᬲ᭄ᬫᬩ᭄ᬗᬤ᭄ᬰᬺᬗ᭄ᬕᬭᬵᬧᬺᬢᬫᬾᬂᬩᬸᬤᬶ᭞ᬧᬶᬢᬓᭂᬄᬳᬶᬤ᭄ᬥᬵᬳᬦᬓ᭄ᬫᬗ᭄ᬮᬄᬕᬸᬫᬶ᭟ᬭᬭᬶᬲ᭄ᬗᭂᬳᭂᬤ᭄ᬫᭂᬧᭂᬲ᭄ᬫᬢᬸᬃᬫᬦᬸᬦᬲᬂ᭞
ᬯᬘᬡ᭄ᬦᬵᬭᬸᬫᬵᬫᬦᬶᬲ᭄ᬧᬧᭂᬲᭀᬦᬾᬕ᭄ᬢᬃᬳᬶᬗ᭄ᬕᬶᬄᬢᬶᬢ᭄ᬬᬂᬦᬸᬦᬲᬂᬤᬢ᭄ᬗᬦ᭄ᬲᬓᬶᬂᬧᬸᬦᬧᬶ᭞ᬗ᭄ᬭᭀᬩ᭄ᬭᬢᬸᬢᬶᬢ᭄ᬬᬂᬢᭂᬫ᭄ᬩᬾᬧ᭄ᬥᭂᬓ᭄ᬫᬭᬶᬓᬶ᭟ᬳᬶᬤᬾᬯᬕᬸᬂᬮᬾᬤᬂᬭᬱᬵᬓᬤᬶᬩᬗ᭄ᬕᬵ᭞ᬓ᭄ᬜᭂᬫ᭄ᬭᬭᬶᬲ᭄ᬫᬗᬓ᭄ᬱᬶᬤᬦᬾᬕᬸᬲ᭄ᬢᬶᬗᬸᬭᬄ᭞ᬘᬾᬱ᭄ᬝᬓᬭᬦᬶᬂᬲᬶᬧ᭄ᬝᬵ᭞ᬢᬸᬳᬸᬧ
[᭓᭖ 36 A]
ᬢᬶᬄᬫᬗ᭄ᬓᬸᬩᬸᬫᬶ᭞ᬯᬶᬤᬕ᭄ᬥᬾᬂᬲ᭄ᬫᬶᬢ᭄ᬣᬓ᭄ᬜᭂᬫ᭄ᬫᬳᬢᬸᬃᬳᬭᬶᬲ᭄᭟ᬳᬶᬗ᭄ᬕᬶᬄᬢᬶᬢ᭄ᬬᬂᬧᬤᬦ᭄ᬤᬵᬫᬗ᭄ᬓᬶᬦ᭄ᬫᬶᬤᬃᬢ᭄ᬣ᭞ᬲᬫ᭄ᬧᬸᬦ᭄ᬓᬯ᭄ᬥᬃᬲᬫᬶᬢᬦ᭄ᬳᬦᬵᬳᬦᬗ᭄ᬲᬸᬮ᭄᭞ᬧᬤᬦ᭄ᬥᬵᬳᬶᬤᬲᬫ᭄ᬬᬦ᭄᭞ᬓᬫᬵᬢᭂᬗ᭄ᬕᭂᬗᬦ᭄ᬢᬦ᭄ᬲᬶᬧᬶᬫᬧ᭄ᬯᬭᬮᬶᬬᬂ᭞ᬧᬤᬦ᭄ᬤᬫᬤᬾᬓ᭄ᬜᬶᬂ᭟ᬳᬦ
ᬓᬼᬫᬸᬄᬩᬶᬱᬵᬦᬢᬓ᭄ᬧᬓᬬᬸᬦᬦ᭄᭞ᬫᬜᬧᬵᬭᬸᬫᬵᬫᬦᬶᬲ᭄᭞ᬤ᭄ᬩᬕᬸᬲ᭄ᬢᬸᬮᬸᬲᬂᬲ᭄ᬯᬾᬘᬫᬜᬫᬵᬢᬶᬢ᭄ᬬᬂ᭞ᬳᬧᬂᬧᬕᭂᬄᬳᬶᬤᬵᬤ᭄ᬭᬶᬓᬶ᭞ᬲᬫ᭄ᬧᬸᬦᬂᬦᬶᬗ᭄ᬕᬮ᭄ᬮᬶᬗ᭄ᬕᬶᬄᬳᬶᬤ᭄ᬯᬕᬸᬂᬳᬚᬶ᭟ᬲᬳᬸᬃᬫᬦᬸᬓ᭄ᬧᬤᬦ᭄ᬤᬧᬲᬮᬶᬂᬢᬶᬫ᭄ᬩᬮ᭄᭞ᬤᬕᬶᬂᬫᬗᭂᬦ᭄ᬤᭂᬓ᭄ᬱᬫᬶ
ᬓᭀᬭᬢᬸᬢᬦ᭄ᬧᬜ᭄ᬚᬂ᭞ᬓ᭄ᬜᭂᬫ᭄ᬫᬳᬢᬸᬃᬗᬲᬩ᭄ᬢᬦ᭄ᬜᬦ᭄ᬤᬂᬩᬳᭀᬲᬂᬫᬮᬶᬄ᭞ᬲᬫ᭄ᬧᬸᬦ᭄ᬗᭀᬩᭂᬢᬂᬢᬶᬢ᭄ᬬᬂᬮᬶᬦ᭄ᬢᬂᬲᬸᬩᬓ᭄ᬝᬶ᭟ᬳᬶᬤᬾᬯᬕᬸᬂᬳᬚᬶᬮᬾᬤᬗᬾᬓᬮᬶᬦ᭄ᬢᬂ᭞ᬫᬃᬫ᭄ᬫᬵᬫᬃᬫ᭄ᬫᬵᬫᬗᬓ᭄ᬱᬶ᭞ᬳᬓᬶᬢ᭄ᬓᬾᬂᬢ᭄ᬯᬲ᭄ᬬᬬᬵᬳᬧᬳᬸᬮᬸᬦᬦ᭄᭞ᬳᬫᭂᬫ᭄ᬱ᭄ᬫᬶᬢ᭄ᬣ
ᬗᬦ᭄ᬤᬶᬓᬵᬭᬶᬲ᭄ᬦᬸᬦᬲ᭄ᬫᬲᬶᬭᬫ᭄ᬤᬵᬕ᭄ᬥᬾᬲᬋᬂᬲᬫᬶ᭟ᬧ᭄ᬭᬡ᭄ᬥᬵᬕ᭄ᬥᬾᬲᬋᬂᬲᬫᬶᬲᬫ᭄ᬧᬸᬦ᭄ᬫ᭄ᬯᬾᬤ᭄ᬥᬵᬫ᭄ᬓᬤᬶᬤᬶᬤ᭄ᬯᬕᬸᬂᬳᬚᬶ᭞ᬳ᭄ᬦᭂᬗᬗᬸᬘᬧᬂᬓᭀᬭᬢᬸᬘᬭᬶᬢᬬᬂᬗᬚᬓᬶᬦ᭄ᬳᬶᬩᬸᬂᬫ᭄ᬩᬂᬫ᭄ᬮᬮᬶ᭞ᬯᬢᭂᬓ᭄ᬦᬾᬩᬚᬂᬕᬶᬭᬂᬧᬤᬵᬫᬗᬶᬭᬶᬂ᭟ᬤᬾᬦᬶᬂᬳᬰᬶᬄᬧᬤ
Page:Bali-lontar-gaguritan-cokoratu-02-250ppi.pdf/36
This page has been proofread.
