[᭓᭔ 34 B]
᭓᭔
ᬜᭀᬗ᭄ᬓᭀᬓ᭄ᬜᬸᬫ᭄ᬩᬄᬲ᭄ᬩᭂᬂᬓᬮᬶᬲ᭄ᬢ᭄ᬯᬭᬫᬢᬺᬓᬩᬶᬮ᭄ᬩᬶᬮ᭄᭞ᬳᬶᬤᬾᬯᬕᬸᬂᬗᬦ᭄ᬤᬶᬓᬵᬮᬸᬲ᭄ᬫᬳᬶᬤᬶᬦᬶᬧᬳᭂᬓᬂ᭞ᬦᬄᬢᬸᬢᬸᬭᬶᬦ᭄ᬯ᭄ᬯᬢᬶᬗ᭄ᬓᬄᬦᬾᬫᬮᬸ᭞ᬤᬸᬓᬾᬫᬭᬓᬓ᭄ᬩᭂᬭᬂᬓᭀᬭᬢᬸᬫᬗᭂᬫ᭄ᬩᭂᬂᬢᬗᬶᬲ᭄᭟ᬲᬬᬦ᭄ᬗ᭄ᬭᬯᬸᬳᬂᬲᬸᬗ᭄ᬓᬯᬵ᭞ᬦ᭄ᬤᬦ᭄ᬘᭂᬢ᭄ᬳᬾᬮᬶᬂᬤᬸᬓᬾ
ᬳᬶᬘᬮ᭄ᬭᬶᬂᬗᬸᬦᬶ᭞ᬳᭂᬦ᭄ᬢᭀᬓ᭄ᬭᬡ᭄ᬦᬵᬫ᭄ᬦᭂᬂᬗᬸᬦ᭄ᬢᬸᬓ᭄ᬢᭀᬬᬦ᭄ᬳᬓ᭄ᬱᬶᬦᬾᬫᭂᬫ᭄ᬩᬄ᭞ᬳᬶᬤᬾᬯᬕᬸᬂᬳᬚᬶᬫᬰᬶᬄᬩᬸᬓᬵᬤᬸᬤᬸᬢ᭄᭞ᬳᬾᬮ᭄ᬮᬶᬂᬓᬾᬦ᭄ᬧᬸᬢ᭄ᬭᬦᬾᬳᬶᬘᬮ᭄᭞ᬦᬾᬦᬾᬭᬶᬳᬶᬦ᭄ᬧᬮᬶᬂᬳᬮᬶᬢ᭄᭟ᬢᭀᬬᬦ᭄ᬳᬓ᭄ᬱᬶᬦᬾᬧᬢᬺᬩᭂᬲ᭄᭞ᬤ᭄ᬓᬲ᭄ᬤᭂᬓᭂᬲ᭄ᬱ᭄ᬯᬩᬯ᭄ᬯᬩᬓ᭄ᬩᬶᬳᬶᬂ᭞ᬢᬗ᭄ᬓᬶ
ᬮᬦᬾᬲᬦᬾᬤᬶᬢᬸᬗ᭄ᬮᬶᬂᬧᬤᬵᬫᬓ᭄ᬚᬂ᭞ᬘᭀᬓᭀᬃᬭᬢᬸᬗᬾᬩ᭄ᬭᬲᬂᬫᬳᬢᬸᬃᬳᬮᬸᬲ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬢᬸᬭᬂ᭞ᬧᬶᬓᬦ᭄ᬤᭂᬳᬶᬘᬮᬾᬭᬶᬳᬶᬦ᭄᭟ᬯᬾᬦ᭄ᬢᭂᬦ᭄ᬕ᭄ᬭᬸᬤ᭄ᬥᬵᬫᬗᬼᬫ᭄ᬩᬬᬂ᭞ᬓᬦ᭄ᬢᭂᬦ᭄ᬳᭂᬫᬲ᭄ᬤᬾᬯᬾᬓ᭄ᬳᬶᬧᬸᬦᬾᬯ᭄ᬬᬓ᭄ᬝᬶ᭞ᬫᬲᬲᭀᬘᬦ᭄ᬗᭂᬦ᭄ᬤᬶᬄᬫᬸᬭᬸᬩ᭄᭞ᬭᬳᬸ
ᬓᬩᬶᬦᬵᬩᬶᬦᬵ᭞ᬲᬶᬂᬗᬦ᭄ᬢᭂᬦᬂᬲᬫᬶᬳᭀᬳᭀᬦ᭄ᬓᬤᬶᬳ᭄ᬮᬸᬲ᭄᭞ᬳᬶᬤᬭᬶᬦ᭄ᬘᭀᬓᭀᬃᬳᬶᬤᬾᬯ᭄ᬯᬭᬶᬂᬳᬫ᭄ᬩᬾᬦᬾᬲᬋᬂᬲᬫᬶ᭟ᬳᬲᬓ᭄ᬱᬡ᭄ᬦᬵᬧ᭄ᬢᭂᬂᬧᬶᬲᬦ᭄᭞ᬲᬩᭂᬄᬳᬗᬶᬦ᭄ᬕ᭄ᬮᬧ᭄ᬓ᭄ᬭᬸᬕᬾᬢᬶᬢᬶᬃ᭞ᬫᬕ᭄ᬚᭂᬭᬦ᭄ᬓᬤᬶᬮᬶᬦᬸᬄᬫᬲᬼᬤᬾᬢ᭄ᬫᬲ᭄ᬮᬶᬯᭂᬭᬦ᭄᭞ᬕᬸᬲ᭄ᬢᬶᬗᬸᬭᬄᬫ
[᭓᭕ 35 A]
ᬗ᭄ᬮᬵᬕ᭄ᬫᬳᬢᬸᬃᬳᬮᬸᬲ᭄᭞ᬳᬶᬤᬵᬩᬕᬸᬲ᭄ᬦᬸᬚᬸᬤᬶᬚᬵ᭞ᬓᭀᬭᬢᬸᬫᬲᬳᬸᬃᬳᬭᬶᬲ᭄᭟ᬢᬶᬢ᭄ᬬᬂᬗᬶᬭᬶᬂᬫᬗᬼᬫ᭄ᬩᬬᬂ᭞ᬭᬢᬸᬳᬓᬾᬄᬳᬮᬶᬢ᭄ᬳᬮᬶᬢ᭄ᬓᬲᬩᬶᬢ᭄᭞ᬲᬫᬶᬢ᭄ᬮᬲ᭄ᬧᬘᬩᬸᬕ᭄ᬩᬸᬕ᭄ᬢᬶᬩᬵᬗᬶᬂᬫᬩ᭄ᬮᬲᬦ᭄᭞ᬲᬓᬾᬫᬳᭀᬦ᭄ᬢᬶᬢ᭄ᬬᬂᬲᬋᬂᬜᬫᬵᬭᬢᬸ᭞ᬢᬶ
ᬩᭂᬭᬶᬂᬢ᭄ᬗᬄᬳᬶᬂᬳᬮᬲ᭄᭞ᬬᬦ᭄ᬳᬓᬸᬤᬂᬓᬸᬤᬂᬲᬰᬶᬄ᭟ᬢᬦ᭄ᬯᬾᬦ᭄ᬢᭂᬦ᭄ᬫᬗ᭄ᬕᬶᬄᬫᬦᬸᬱᬵᬢᬗ᭄ᬓᬶᬮᬦᬾᬫᬓ᭄ᬚᬂᬦᬗᬶᬲ᭄ᬗ᭄ᬮᬶᬂ᭞ᬫ᭄ᬓᬤᬶᬜᬳᬶᬤᬾᬯᬕᬸᬂᬢᭀᬂᬤᬤᬶᬫᬯᬘᬡ᭄ᬦᬵ᭞ᬲᬓᬾᬯᬮᬳᬰ᭄ᬭᬸᬫᬢ᭄ᬣᬫᭂᬫ᭄ᬩᬄᬫ᭄ᬢᬸ᭞ᬓᭀᬭᬢᬸᬫᬢᬸᬃᬗ᭄ᬢᬭᬂ᭞ᬤᬕᬶᬂᬗᬢᬸᬭᬂᬧᬓᬾᬮᬶᬂ᭟ᬤ
ᬤᬶᬮᬶᬧᬸᬃᬳᬲᬓ᭄ᬱᬡ᭄ᬦᬵ᭞ᬳᬶᬤᬾᬯᬕᬸᬂᬳᬚᬶᬗᬦ᭄ᬤᬶᬓᬳᬭᬶᬲ᭄᭞ᬘᬳᬶᬳᭂᬦ᭄ᬤᭂᬓ᭄ᬯ᭄ᬯᬩᬕᬸᬲ᭄ᬳ᭄ᬤᭂᬩᬶᬦ᭄ᬦᬕᬶᬄᬮ᭄ᬯᬲ᭄᭞ᬦᭀᬗᬶᬲ᭄ᬤᬶᬦᬶᬢᬦ᭄ᬤᬗᬶᬦ᭄ᬩᬋᬂᬲᬢᬸᬳᬸᬓ᭄᭞ᬦᬗᬶᬂᬓᬾᬢᭀᬳᬫᭀᬯᬸᬭᬬᬂ᭞ᬯ᭄ᬯᬦᬶᬲ᭄ᬢᭂᬢᬸᬃᬳᬶᬡ᭄ᬦᬩᬸᬤᬶ᭟ᬳ᭄ᬦᭂᬗᬂᬦᬾᬤᬶᬫᬳᬾᬦ᭄ᬤᬺᬳᬶᬤ
ᬳᬸᬘᬧᬂᬚᬦᬶ᭞ᬤᬳᬢ᭄ᬤᬸᬳᬸᬢ᭄ᬫ᭄ᬭᬄᬫ᭄ᬭᬸᬄᬩᬦᬾᬢ᭄ᬗᬳᬶᬧᬶᬲᬦ᭄᭞ᬢᭀᬦ᭄ᬤᬾᬦ᭄ᬫ᭄ᬯᬾᬤ᭄ᬥᬵᬗᬦ᭄ᬢᭀᬲ᭄ᬳᬶᬤᬵᬳᬶᬤᬾᬯᬕᬸᬂ᭞ᬩᬶᬮᬂᬳᬤᬵᬳᬦᬓ᭄ᬢ᭄ᬓᭂ᭞ᬢᬓᭀᬦᬶᬦ᭄ᬗᬓᬸᬲᬶᬂᬳᬸᬦᬶᬂ᭟ᬫᬗ᭄ᬭᬯᭀᬲ᭄ᬧᬤᬦ᭄ᬤᬵ᭞ᬫᬃᬕᬶᬄᬫᬸᬮᬶᬄᬓᬾᬦᬾᬲᬸᬩᭂᬢ᭄ᬗᬳᬶ᭞ᬫᬃᬕᬶ
Page:Bali-lontar-gaguritan-cokoratu-02-250ppi.pdf/35
This page has been proofread.
