[᭔᭒ 42 B]
᭔᭒
᭞ᬳᬶᬤᬵᬫᬤᬾᬫ᭄ᬧᭂᬲ᭄ᬗᬶᬭᬶᬂᬧᬓᬬᬸᬦᬦ᭄᭟ᬳᬶᬤ᭄ᬯᬕᬸᬂᬩ᭄ᬬᬂᬘᬭᬶᬢᬬᬂᬤᬶᬦᬢᬳᬾᬳᬶᬤᬵᬫ᭄ᬮᬶᬗ᭄ᬕᬶᬄ᭞ᬧᬋᬓᬦ᭄ᬢ᭄ᬩᭂᬂᬗᬫ᭄ᬩ᭄ᬬᬃᬫᬓᬤᬶᬯᬢᭂᬓ᭄ᬧᬺᬓᬶᬮᬶ᭞ᬤᬶᬳᬚᭂᬂᬳᬶᬦ᭄ᬥᬫ᭄ᬮᬶᬗ᭄ᬕᬶᬄᬳᬶᬤᬾᬯᬕᬸᬂᬫᬤᬾᬭᬳᬸᬄ᭞ᬓᬳᬶᬭᬶᬂᬩᬦ᭄ᬓᬧ᭄ᬲᬃᬬ᭄ᬬᬧᬸᬢ᭄ᬭᬶᬢ᭄ᬭᬗ᭄ᬕᬦᬸᬦᬾᬲᬫᬶ
᭞ᬫᬩ᭄ᬭᬶᬬᬸᬓ᭄ᬳ᭄ᬩᭀᬦᬾᬫᬬᬸᬃᬳᬶᬬᬸᬭᬦ᭄᭟ᬲᭀᬢᬦᬶᬂᬧ᭄ᬭᬢᬫᬾᬂᬭᬭᬲ᭄ᬲᬸᬩᬫᬧᬳᬸᬢ᭄ᬤᬶᬘᭂᬃᬫ᭄ᬫᬶ᭞ᬫᬘᬘᬸᬦ᭄ᬤᬸᬓ᭄ᬕᬕᭂᬫ᭄ᬧᭀᬮᬦ᭄ᬦᬗᬶᬂᬢᬦ᭄ᬧᬓ᭄ᬬᬲᬸᬲᬸᬭᬶ᭞ᬭᬾᬳᬶᬂᬢᬗ᭄ᬓᬶᬮᬦ᭄ᬯᭂᬗᬶᬓᬾᬯᬮᬵᬳᭂᬩᭀᬫᬲ᭄ᬧᬸᬓ᭄᭞ᬫᬲᬗ᭄ᬓᬸᬳᬸᬗ᭄ᬓᬘ᭄ᬬᬮ᭄ᬓᬫ᭄ᬩᭂᬦ᭄ᬧᬢᬸᬄᬧ
ᬤᬵᬩᬢᬶᬓ᭄ᬢᬦᬄᬳᬮᬸᬲ᭄ᬲᭀᬭᭀᬄᬦᬾ ᬫᬋᬩᭀᬂᬜᭀᬜᬄ᭟ᬢᬗ᭄ᬓᬶᬮᬦ᭄ᬲᬫᬶᬓᬯ᭄ᬗᬦ᭄ᬫᬗᬸᬗᬲ᭄ᬳᭂᬩᭀᬦᬾᬫᬶᬳᬶᬓ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬫᬜᬶᬗᬓ᭄ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬭᬶᬲ᭄᭞ᬫᬳᬶᬧᬳᭂᬓᬂᬤᬶᬦᬶᬳᬧ᭄ᬱᬭᬶᬦᬾᬧᬂᬫᬸᬧᬸᬦ᭄ᬤᬸᬄ᭞ᬜᬦᬦ᭄ᬫᬗᬮᬶᬄ
ᬳᭀᬃᬢ᭄ᬣᬵᬓᭀᬘᬧ᭄ᬳᬤᬵᬢᬫ᭄ᬬᬸᬲᬓ᭄ᬝᬶ᭞ᬩ᭄ᬯᬶᬦ᭄ᬓᬲᬸᬩ᭄ᬩᬕᬸᬲᬾᬲᬶᬂᬧᬤᬵᬧᬤᬵ᭟ᬳᬶᬤᭂᬯᬕᬸᬂᬫᬤᬾᬜᭂᬫ᭄ᬩᬄᬯᬢᭂᬓ᭄ᬢᬺᬗ᭄ᬕᬦᬸᬦᬾᬲᬫᬶ᭞ᬫ᭄ᬧᭂᬲ᭄ᬧᬤᬵᬲᬳᬸᬃᬲᭂᬫ᭄ᬩᬄᬲᬕᬾᬢ᭄ᬳᬶᬤᬾᬯᬕᬸᬂᬳᬚᬶ᭞ᬗᬤᭂᬕ᭄ᬓ᭄ᬜᬶᬂᬗᬶᬗᬓᬶᬦ᭄ᬢᬗ᭄ᬓᬶᬮᬦᬾᬗᬫ᭄ᬩ᭄ᬬᬃᬳᬦᬸ᭠
[᭔᭓ 43 A]
ᬢ᭄᭞ᬳᬢᬧ᭄ᬫᬚᬚᬃᬚᬚᬃᬧᬗᬬᬄᬦᬶᬓᬸᬮ᭄ᬧᬶᬲᬮᬶᬦ᭄᭞ᬳᬶᬤᬾᬯᬕᬸᬂᬲᬸᬩᬫᬲᬮᬶᬦᬦ᭄ᬯᬲ᭄ᬢ᭄ᬭ᭟ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬓᬢᬸᬦ᭄ᬤᬾᬦᬂᬦᬩ᭄ᬤᬩᬂᬓᭀᬧᬶ᭞ᬓᬲᬸᬫ᭄ᬦᭂᬨᬩᭂᬳᬾᬗ᭄ᬕᬮ᭄ᬦᬾᬫ᭄ᬮᬄᬫ᭄ᬮᬄᬯᬤᬳᬶᬦ᭄ᬫᬫᬦᬶᬲᬦ᭄ᬧᬶᬮᬶᬳᬶᬦ᭄ᬳᬶᬤᬾᬯᬕᬸᬂᬩ᭄ᬬᬂ
ᬫᬢᬸᬃᬗ᭄ᬕᬶᬄᬓᬾᬢᬸᬢᬸᬭᬶᬦ᭄ᬢ᭄ᬬᬂᬢᬫ᭄ᬬᬸᬓᬾᬦ᭄ᬓᬾᬦᬦ᭄ᬓᬓᬚᬶ᭞ᬳᬶᬤᬾᬯᬕᬸᬂᬳᬚᬶᬗᬦ᭄ᬤᬶᬓᬵᬫᬶᬤᬃᬢ᭄ᬣ᭟ᬲᬶ᭟ᬓᭀᬘᬧ᭄ᬳ᭄ᬬᬳᬸᬮᬶᬤᬶᬤ᭄ᬳᭂᬦᬾ ᬫᬮᬸᬤᬸᬓ᭄ᬜᬦᬾᬘ᭄ᬦᬶᬓ᭄᭞ᬩᬋᬂᬓ᭄ᬩᬸᬃᬭᬂᬭᬓ᭄ᬱᬱᬫᬗᬶᬭᬶᬂᬓᬩᬸᬦ᭄ᬢᬂᬩᬦ᭄ᬢᬶᬂ᭞ᬩᬋᬂᬳᬶᬧᬸᬦ᭄ᬓᬲᬩᬶᬢ᭄ᬤᬤᬶᬮᬩᬸᬄ
ᬧᬚᬩᬸᬕ᭄ᬩᬸᬕ᭄᭞ᬢᬸᬃᬫᬩ᭄ᬮᬲ᭄ᬩᭂᬮᬲᬦ᭄ᬓ᭄ᬭᬡ᭄ᬦᬵᬳᬶᬧᬸᬦ᭄ᬥᬤᬶᬧᬮᬶᬂ᭞ᬫᬗᬼᬮᬦᬵᬫᬲ᭄ᬋᬧ᭄ᬜ᭄ᬚᬂᬚᬄᬤᬾᬱᬵ᭟ᬢᭀᬓ᭄ᬭᬡ᭄ᬦᬵᬢ᭄ᬬᬂᬗᭂᬦ᭄ᬤᭂᬓᬂᬳᬧᬗᭂᬫᬦᭀᬗᭀᬲ᭄ᬤᬶᬦᬶ᭞ᬩᬋᬂᬦᬦ᭄ᬤᬗᬶᬦ᭄ᬤᬸᬄᬓᬶᬢ᭄ᬣᬳᬶᬤ᭄ᬯᬕᬸᬂᬩ᭄ᬬᬂᬲ᭄ᬫᬸᬢᬗᬶᬲ᭄᭞ᬳᬾᬮᬶᬂᬤᬸᬓᬾᬦᬾᬭᬶ
ᬳᬶᬶᬦ᭄ᬧᬦ᭄ᬢᬗᬶᬲᬾᬲᬬᬦ᭄ᬳᬲ᭄ᬭᬸᬄ᭞ᬳᬲ᭄ᬭᬸᬄᬫᬢ᭄ᬣᬦᬾ ᬫᭂᬫ᭄ᬩᬄᬳᬶᬤ᭄ᬯᬕᬸᬂᬳᬚᬶᬗᬺᬋᬫᬶᬄᬲᬧᬶᬢᬸᬢᬸᬃᬢᬗ᭄ᬓᬶᬮᬦ᭄ᬦᬗᬶᬲ᭄ᬫᬓ᭄ᬚᬂ᭟ᬳᬶᬤ᭄ᬯᬕᬸᬂᬩ᭄ᬬᬂᬫᬶᬦᭂᬳᬂᬩᬬᬧᬦᬶᬢᬳᬶᬂᬯᬶᬤᬶ᭞ᬲᬸᬩᬲᬸᬩᬓᬃᬫᬾᬂᬦᬸᬡ᭄ᬦᬵᬢᬦ᭄ᬤᬤᬶᬳᬸᬮᬄᬓ᭄ᬮᬶᬤᬶᬦ᭄᭞ᬢᬸᬯᬶᬓᬯᭀᬗᬦ᭄ᬍᬯᬶᬄ
Page:Bali-lontar-gaguritan-cokoratu-02-250ppi.pdf/43
This page has been proofread.
