[᭔᭓ 43 B]
᭔᭓
ᬢᬦ᭄ᬓᬭᬓᭂᬢᬦᬶᬂᬍᬢᬸᬄ᭞ᬍᬯᬶᬄᬢᬦ᭄ᬧᬳᬸᬧᬫᬵᬦ᭄ᬮ᭄ᬯᬶᬃᬲ᭄ᬕᬭᬵᬢᬦ᭄ᬧᬢ᭄ᬧᬶ᭞ᬤᬤᬶᬮᬶᬧᬸᬃᬳᬶᬤ᭄ᬯᬕᬸᬂᬳᬚᬶᬗᬯᬾᬤᬂ᭟ᬋᬫ᭄ᬧᬸᬄᬯᬶᬚᬶᬮᬶᬂᬯᬘᬡ᭄ᬦᬳᬕᬸᬂᬗ᭄ᬕᬶᬄᬓᬾᬩᬋᬂᬗᭀᬧᬶ᭞ᬢ᭄ᬬᬂᬲᬫ᭄ᬧᬸᬦ᭄ᬫᬭᬢᬸᬦ᭄ᬬᬦ᭄ᬗ᭄ᬕᬶᬄᬢ᭄ᬬᬂᬦ᭄ᬤᬯᭂᬕᬂᬫᬦᬶ᭞ᬢᬫ᭄ᬬᬸᬦᬾᬳᬚᬓ᭄
ᬫ᭄ᬭᬶᬓᬶᬢ᭄ᬬᬂᬫᬶᬮᬸᬗᭂᬦ᭄ᬤᭂᬓ᭄ᬳᬶᬧᬸᬦ᭄᭞ᬩᬦᬾᬳᬸᬮᬶᬤᬶᬤ᭄ᬳᭂᬳᬶᬤ᭄ᬯᬕᬸᬂᬳᬚᬶᬗᬤ᭄ᬬᬦᬶᬦ᭄᭞ᬗ᭄ᬕᬶᬄᬩᬶᬦ᭄ᬫᬦᬶᬢ᭄ᬬᬂᬗᬚᬓ᭄ᬫ᭄ᬳ᭄ᬬᬫᬗ᭄ᬦᬄ᭟ᬯ᭄ᬗᬶᬳ᭄ᬦᭂᬗᬂᬢᬬᬂᬢᬗ᭄ᬓᬶᬮᬦᬾᬩᬸᬤᬮ᭄ᬲᬫᬶ᭞ᬳᬶᬤ᭄ᬯᬕᬸᬂᬲᬫ᭄ᬧᬸᬦ᭄ᬫᬸᬗ᭄ᬕᬳᬦ᭄ᬓᬕ᭄ᬥᭀᬂᬩᬦᬸᬗ᭄ᬭᬭᬶᬲ᭄᭞ᬳᬶᬤ᭄ᬯᬕᬸᬂᬩ᭄ᬬᬂᬢᬦ᭄ᬫᬭᬶᬫ
ᬢᬸᬦ᭄ᬢᬸᬦ᭄ᬲᬋᬂᬫᬍᬩᬸ᭞ᬤᬶᬲᬸᬫ᭄ᬦᬧ᭄ᬳᬸᬘᬧᬂᬓᭀᬭᬢᬸᬮᬶᬬᬸᬗᬸᬜᬳᬶᬦ᭄᭞ᬤᬤᬶᬫᬸᬳᬸᬕ᭄ᬭᬳᭀᬲᬾᬧᬲᬮᬶᬂᬢᬶᬫ᭄ᬩᬮ᭄᭟ᬓᭀᬭᬢᬸᬕ᭄ᬢᬃᬦᬓᭀᬦᬂᬳᬶᬤᬵᬳᬶᬤᬾᬯᬕᬸᬂᬓᬮᬶᬄ᭞ᬮᬸᬗᬦᬾᬫᭂᬮᬾᬦ᭄ᬳᭂᬮᬾᬦᬦ᭄ᬳᬧᭂᬲᬶᬓᬃᬬ᭄ᬬᬦᬾᬕᬢ᭄ᬣᬶ᭞ᬦᬄᬢᬸᬢᬸᬭᬂ
ᬳᬓᬶᬓᬶᬢ᭄ᬳᬶᬩᬸᬂᬫ᭄ᬩᬂᬓ᭄ᬜᭂᬫ᭄ᬫᬲᬳᬸᬢ᭄᭞ᬗ᭄ᬕᬶᬄᬢ᭄ᬬᬂᬫᬗᬢᬸᬭᬂᬳᬶᬤ᭄ᬯᬕᬸᬂᬕ᭄ᬥᬾᬫᬗᬶᬭᬶᬂ᭞ᬳᬶᬩᬸᬫᬦ᭄ᬢᬸᬓ᭄ᬭᬶᬂᬦ᭄ᬕᬭᬵᬚᬗ᭄ᬕᬭᬕ᭄ᬕ᭟ᬓᭀᬘᬧ᭄ᬫᬦᬳᬸᬃᬩᬲᬫ᭄ᬫᬵᬮᬫᬶᬯᬾᬦ᭄ᬢᭂᬦ᭄ᬢᬶᬕᬂᬲᬰᬶᬄ᭞ᬳᬶᬧᬶᬤᬦ᭄ᬗᬢᬸᬭᬂᬲᬸᬭᬢ᭄ᬫᬧᬫᬶᬢ᭄ᬳᬶᬭᬶᬓᬵᬓᬭᬶ᭞ᬳᬸᬲᬦᬾᬫ
[᭔᭔ 44 A]
ᬗᭀᬤᬮᬶᬦ᭄ᬭᬶᬂᬧᬫ᭄ᬭᬚᬦ᭄ᬚᬕᬫᬦ᭄ᬢᬸᬓ᭄᭞ᬦᬧᬶᬚᬕᭂᬩᬳᭀᬲᬂᬦᬾᬓᬾᬫᬦ᭄ᬲᬸᬩᭂᬫᬗᬶᬭᬶᬂ᭞ᬫᬗ᭄ᬓᬶᬦ᭄ᬓᬤᭀᬓᬳᬸᬗᬾᬓᬸᬯᬗᬦ᭄ᬳᬫᬄ᭟ᬓᭀᬭᬢᬸᬓ᭄ᬜᭂᬫ᭄ᬫᬦᬶᬫ᭄ᬩᬮ᭄ᬳᬭᬄᬦᬄᬢᬸᬢᬸᬭᬂᬩ᭄ᬯᬶᬦ᭄᭞ᬳᬶᬢᭂᬭᬸᬧ᭄ᬚᭂᬗᬾᬅ᭄ᬫᬦᬶᬫ᭄ᬩᬮ᭄ᬬᬓ᭄ᬝᬶᬢ᭄ᬬᬂᬲᬳᬶᬲᬳᬶ᭞
ᬤᬶᬢᭂᬢᬭᬸᬩᬾᬗᭂᬧᬶᬮ᭄ᬚᬸᬫᬄᬓᬓᬶᬚᬗ᭄ᬓᬅ᭄ᬜᬶᬦ᭄ᬤᬸᬢ᭄᭞ᬳᬶᬕᬸᬦ᭄ᬢᬂᬮᬳᬸᬢ᭄ᬜᭂᬧᬢ᭄ᬳᬯᬓ᭄ᬢᬳᬶᬢ᭄ᬓᬾᬦ᭄ᬳᭂᬜ᭄ᬘᬶᬢ᭄᭞ᬫᬧᬶᬲᬤᬸᬓᬩᬸᬤ᭄ᬬᬦ᭄ᬧᭂᬲᬸᬳᬸᬯᬩ᭄᭟ᬳᬶᬩᬸᬂᬫ᭄ᬩᬂᬓ᭄ᬜᭂᬫ᭄ᬫᬦᬶᬫ᭄ᬩᬮ᭄ᬳᬶᬧᬶᬤᬦ᭄ᬢ᭄ᬬᬂᬓᬧ᭄ᬭᬶᬲᬶᬲᬶᬧ᭄᭞ᬫᬧ᭄ᬚᬂᬤᬶᬧᬫᬸᬢᭂᬭᬦ᭄ᬢ᭄ᬓᭂᬚᬗ᭄ᬓᬵᬩ᭄ᬭ
ᬕ᭄ᬳᬮᬶᬂ᭞ᬢ᭄ᬯᬭᬓ᭄ᬦᬵᬳᬶᬗᭂᬢᬶᬦ᭄ᬳᬶᬚᬶᬯ᭄ᬯᬭᬕᬵᬦᬾᬩᬕᬸᬲ᭄᭞ᬚᭂᬗ᭄ᬓᭂᬫᬳᬶᬭᬶᬩ᭄ᬲᬾᬢᬦ᭄ᬳᬶᬕᬸᬦ᭄ᬢᬂᬫᬲᬳᬸᬢ᭄ᬓᭂᬜᬶᬂ᭞ᬳᬭᬄᬩᬸᬤᬸᬄᬤᬢ᭄ᬣᬤᬢ᭄ᬣᬮᬓᬃᬲᬫ᭄ᬩᬢ᭄᭟ᬓᭀᬭᬢᬸᬫᬮᬶᬄᬫᬦᬶᬫ᭄ᬩᬮ᭄ᬜᭂᬜᭂᬃᬘᬘᬶᬗᬓᬾᬫᬦᬶᬲ᭄᭞ᬜᬾᬦ᭄ᬫᬤᬦ᭄ᬳᬶᬚᬶ
ᬯ᭄ᬯᬭᬕᬵᬧᬦ᭄ᬢᭂᬲ᭄ᬢ᭄ᬯᬄᬢᬭᬸᬡ᭄ᬦᬵᬮᭀᬚᬶ᭞ᬳᬭᬄᬦᬄᬳᭀᬭᬳᬂᬗ᭄ᬕᬶᬄᬮᬧᬂᬢ᭄ᬬᬂᬧ᭄ᬤᬲ᭄ᬢᬳᬸ᭞ᬭᬾᬄᬢ᭄ᬬᬂᬗᬦ᭄ᬢ᭄ᬬᬂᬮᬫᬵᬫᬋᬓᬦ᭄ᬫᬓ᭄ᬮᭀᬤᬶᬦᬶ᭞ᬲᬶᬜᬶᬢ᭄ᬧᬸᬓ᭄ᬳᬧᬂᬤᬓᬧᬭᬗ᭄ᬕᬸᬳᬦ᭄᭟ᬳᬶᬩᬸᬂᬫ᭄ᬩᬂᬧᬘᬸᬅ᭄ᬫᬶᬤᬃᬢ᭄ᬣᬧᬢᬸᬢ᭄ᬳᬶᬧᬸᬦ᭄ᬢ᭄ᬭᬸᬡ᭄ᬦᬵᬮᭀᬚᬶ᭞ᬓᬮᬶᬄᬲ
Page:Bali-lontar-gaguritan-cokoratu-02-250ppi.pdf/44
This page has been proofread.
