[᭕᭗ 57 B]
᭕᭗
ᬢᬦ᭄ᬓᭀᬘᬧ᭄ᬭᬶᬂᬳ᭄ᬦᬸᬤᬶᬦᬕᬭᬵᬘᬭᬶᬢᬬᬂᬧᬭᬵᬫᬜ᭄ᬘᬵᬫ᭄ᬓᬤᬶᬧᬭᬲᬸᬮᬶᬗ᭄ᬕᬶᬄᬓᭀᬤ᭄ᬥᬵᬧᬸᬭᬶᬓᬗᬶᬦᬦ᭄᭟ᬤᬾᬦᬶᬂᬲᬸᬩᬳᬶᬗᬦ᭄ᬤ᭄ᬥᬸᬄᬲᬶᬗᬶᬢ᭄ᬫᬸᬮᬜᬩ᭄ᬭᬦ᭄ᬦᬗ᭄ᬓᬶᬮ᭄ᬓᬲᬸᬫ᭄ᬦᭂᬧ᭄ᬳᬶᬤ᭄ᬯᬕᬸᬂᬳᬚᬶᬓᭀᬘᬧᬵᬭᬶᬂᬩᬮᬾᬘᬶᬦᬵᬫᬮᬸᬗ᭄ᬕᬸᬄᬢᬗᬗ᭄ᬓᬶᬮᬦᬾᬫ
ᬗᬫ᭄ᬩ᭄ᬬᬃᬢᬶᬢᬶᬩ᭄ᬧᬋᬓᬦ᭄ᬫᬶᬯᬄᬭᭀᬩᬦ᭄ᬳᬗᬤ᭄ᬧᬾᬂᬍᬩᬸᬢ᭄ᬯᬭᬳᬤᬧᬗ᭄ᬮᬮᬾᬤᬂᬲᬫᬶᬤ᭄ᬬᭂᬫ᭄ᬢ᭄ᬯᬭᬳᬤᬵᬩᬦᬶᬗᬸᬯᬶᬢ᭄ᬮ᭄ᬯᬶᬃᬲᬶᬦᭀᬫ᭄ᬓᬧᬦᬲᬦ᭄᭟ᬲᬶ᭟ᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵᬳᬶᬩᬸᬂᬫ᭄ᬩᬂᬧᬭᬦᬶᬂᬳᬓ᭄ᬱᬶᬳᬶᬧᬭᬄᬩᬶᬦ᭄ᬧᬶᬤᬦ᭄ᬢᭂᬓᭂᬧᬲᭀ
ᬩᬬᬜᬓᬾᬦ᭄ᬘᬳᬶᬳᬶᬩᬸᬂᬫ᭄ᬩᬂᬫᬳᬢᬸᬭᬭᬶᬲᬦ᭄ᬫᬫᬗ᭄ᬓᬶᬦ᭄ᬭᬢᬸᬤ᭄ᬯᬕᬸᬂᬳᬦ᭄ᬢᭀᬫᬮᬶᬄᬳᬚᬳᬦ᭄ᬬᬦ᭄ᬢᬦ᭄ᬭᬯᬸᬄᬦᬾ ᬫᬗ᭄ᬓᬶᬦ᭄ᬭᬢᬸᬢ᭄ᬬᬂᬫᬧᬫᬶᬢ᭄ᬚᬕᬦᬢᬲᬂ᭟ᬚᬕ᭄ᬓᭀᬭᬢᬸᬲᬕᬾᬢ᭄ᬓᭂᬓᭂᬲ᭄ᬬᬃᬢᬗ᭄ᬓᬶᬮᬦᬾᬲᬫᬶᬘᬋᬫ᭄ᬫᭂᬦ᭄ᬤᬓ᭄ᬘᬘᬶᬗᬓ᭄ᬫᬦᬶᬲ᭄ᬜᭂᬜᭂᬃᬫ
ᬥᬸᬕᭂᬦ᭄ᬤᬶᬲ᭄ᬳᬶᬤ᭄ᬯᬕᬸᬂᬳᬚᬶᬗᬓ᭄ᬱᬶᬮᬾᬤᬂᬓᬬᬸᬦᬾ ᬓᬤᬸᬭᬸᬲ᭄ᬓ᭄ᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓᬵᬫᬳᬶᬓᬾᬬᭀᬯᬳᭂᬓᬂᬤᬶᬦᬶᬘᭀᬓᭀᬃᬭᬢᬸᬦᬸᬦᬲ᭄ᬮᬸᬕᬺᬭᬭᬸᬲ᭄ᬫᬸᬗ᭄ᬕᬄ᭟ᬦᬄᬓᬾᬫᬮᬸᬫᬢᬸᬢᬸᬭᬦ᭄ᬘᬳᬶᬗᬸᬤ᭄ᬬᬂᬓᬧᭀᬄᬕᬤᬶᬂᬳᬧᬵᬦᬾᬦᬾᬲᬤ᭄ᬬᬬᬂᬓᭀ
[᭕᭘ 58 A]
ᬭᬢᬸᬫᬳᬢᬸᬃᬳᬭᬶᬲ᭄ᬭᬢᬸᬯᬾᬦ᭄ᬢᭂᬦ᭄ᬲᬯ᭄ᬬᬓ᭄ᬢᬶᬧᬳᬸᬦᬶᬗᬦ᭄ᬢᬶᬢ᭄ᬬᬂᬭᬯᬸᬄᬲᬓᬶᬂᬧᬸᬮᭀᬓᬦ᭄ᬘᬦᭂᬗᬺᬋᬄᬢᬶᬢ᭄ᬬᬂᬭᬢᬸᬫ᭄ᬭᬶᬓᬶᬓᬮᬶᬄᬳᬶᬧᬸᬦ᭄ᬱᬸᬫᬗ᭄ᬕᬸᬧ᭄ᬫᬸᬤᬮᬂᬢᭀᬜ᭟ᬩᬾᬦ᭄ᬚᬂᬢᬶᬢ᭄ᬬᬂᬫᬦ᭄ᬤᬯᭂᬕᬂᬫᬧᬫᬶᬢ᭄ᬚᬕᬵᬜᬋᬗᬶᬦ᭄ᬳᬶᬧᬸᬦ᭄ᬚᬕᬵᬫᬗᬺᬭᬸᬯᬓ᭄
ᬫᬗ᭄ᬤᬾᬲᬶᬤ᭄ᬥᬧᬸᬧᬸᬢ᭄ᬕᭂᬮᬶᬲ᭄ᬳᬶᬧᬸᬦ᭄ᬚᬕᬵᬗᬃᬬ᭄ᬬᬦᬶᬦ᭄ᬭᬯᬶᬂᬧᬮᬓᬭᬦ᭄ᬧᬸᬧᬸᬢ᭄ᬳᬶᬧᬸᬩ᭄ᬲᬫᬶᬗ᭄ᬯᬾᬦ᭄ᬢᭂᬦᬂᬳᬶᬤᬾᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄ᬤ᭄ᬧᬂᬯ᭄ᬯᬫ᭄ᬩᬳᬂᬧᬘᬂᬧᬲᬸᬜ᭟ᬓᬶᬧᬢᬶᬄᬢᬸᬦ᭄ᬤᬾᬦᬩ᭄ᬤᬩᬂᬩᬳᬲ᭄ᬓᬸᬢᬸᬲ᭄ᬓᭀᬬᬦ᭄ᬩᬳᬂᬧᬶᬧᬶᬲ᭄ᬳᬬᬸᬢ᭄ᬣᬩ
ᬳᬂᬳᬶᬧᬭᬄᬓᭀᬭᬢᬸᬫᬳᬢᬸᬃᬳᬭᬶᬲ᭄ᬭᬢᬸᬲᬫ᭄ᬧᬸᬭᬵᬳᬸᬕᬶᬢᬶᬢ᭄ᬬᬂᬢᬦ᭄ᬲᬓᬭᬶᬂᬮᬸᬘᬸᬚᬕᬵᬦᬸᬮᬓᬂᬧᬳᬶᬘᬵᬳᬶᬧᬸᬦ᭄ᬲᬫ᭄ᬧᬸᬦ᭄ᬫᬓ᭄ᬢᬵᬯ᭄ᬬᬓ᭄ᬢᬶᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫ᭄ᬫᬫ᭄ᬩᬄᬕᬸᬮᬵ᭟ᬧ᭄ᬢᭂᬂᬮᬸᬭᬶᬂᬢᬗ᭄ᬓᬶᬮᬦ᭄ᬳᬶᬤ᭄ᬯᬕᬸᬂᬫᬍᬩ᭄ᬯᬶᬂᬧᬸᬭᬶᬢᬗ᭄ᬓᬶᬮᬦᬾᬲᬫᬶ
ᬩᬸᬤᬮ᭄ᬓᭀᬭᬢᬸᬓᬩᬮᬾᬩ᭄ᬲᬶᬳᬶᬩᬸᬫ᭄ᬩᬂᬢᬦ᭄ᬲᬄᬗᬶᬭᬶᬂᬩᬋᬂᬢ᭄ᬓᬾᬦᬶᬢ᭄ᬭᬸᬧ᭄ᬳᬶᬕᬸᬦ᭄ᬢᬂᬢ᭄ᬯᬭᬧᬲᬄᬫᬸᬮᬮ᭄ᬕᬵᭂᬳᬤᬸᬂᬕᬢᬶᬧᬤᬵᬜᬸᬫ᭄ᬧᬸᬫᬗ᭄ᬭᬯᭀᬲ᭄ᬫᬲᬲᬯᬢᬦ᭄᭟ᬧᬲ᭄ᬫᭂᬗᬦ᭄ᬱᬸᬩᬵᬩᬸᬤᬮ᭄ᬓᭀᬭᬢᬸᬳᬸᬮᬶᬤᬶᬧᬸᬭᬶᬫᬗ᭄ᬮᬯᬸᬢ᭄ᬓᬫᬬᬰᬺᬗ᭄ᬕᬵ
Page:Bali-lontar-gaguritan-cokoratu-02-250ppi.pdf/58
This page has been proofread.
