[᭕᭘ 58 B]
᭕᭘
ᬫᬶᬭᬶᬩ᭄ᬳᬶᬚᭂᬓ᭄ᬕᬢᬶᬕᬢᬶᬧ᭄ᬢᭂᬗᬾᬓᬧᭀᬄᬕᬤᬶᬂᬤᬾᬦᬶᬂᬳᬸᬫᬄᬧ᭄ᬭᬕᬢ᭄ᬫᬮᬸᬤᬶᬩᬮᬓᬂᬳᬸᬘᬧᬂᬕ᭄ᬥᭀᬂᬧᬢ᭄ᬧᬢ᭄ᬧᬘᬕᬶᬃᬕᬶᬃᬫ᭄ᬘᬢ᭄ᬳᬮᬸᬲ᭄ᬧᬘᬂᬳᬸᬫᬄᬧᬢᬶᬂᬭᬢ᭄ᬣ᭟ᬮᬾᬦ᭄ᬢᭀᬩ᭄ᬯᬶᬦ᭄ᬳᬤᬵᬢᬫᬦ᭄ᬮᬗᭂᬦᬾᬢᬦ᭄ᬲᬶᬧᬶᬲᬧᬶᬓᬓᬬᭀᬦᬦ᭄ᬫ᭄ᬮᬄᬫᬶᬲᬶ
ᬩᬸᬗᬵᬫᬶᬳᬶᬓ᭄ᬫᬶᬳᬶᬓ᭄ᬫᬧᬢᬸᬜ᭄ᬚᬸᬗᬦ᭄ᬲᬫᬶᬩᬳᬕ᭄ᬥᬳᬾᬫᬢᬸᬭᬸᬢ᭄ᬓ᭄ᬦᭂᬳᬂᬢ᭄ᬯᬶᬢᬫᬦ᭄ᬳ᭄ᬚᬶᬫ᭄ᬰᬓ᭄ᬢᬶᬦᬗᬶᬂᬲᬶᬦ᭄ᬤᬸᬢᭀᬗᭀᬲᬾᬧᬸᬗ᭄ᬓᬸᬭᬶᬂᬢᬫ᭟ᬧᬂ᭟ᬦᬾᬤᬶᬩᬢᬯᬶᬳᬸᬘᬧᬂᬳᬤᬕ᭄ᬥᭀᬂᬤᬤ᭄ᬯᬫᬗᬧᬶᬢ᭄ᬓᭀᬭᬶᬦᬾᬲᬶᬓᬗᬶᬦ᭄ᬕᬮᬂᬢ᭄ᬭᬸᬲ᭄
ᬫᬢᬾᬫ᭄ᬩᭀᬓ᭄ᬩᬳᬦ᭄ᬕ᭄ᬥᬄᬫ᭄ᬭᬳᬩ᭄ᬳ᭄ᬲᬶᬂᬢᬫ᭄ᬧᬸᬮᬾᬧᬸᬢᬶᬄᬓᬬᬸᬦ᭄ᬬᬸᬦ᭄ᬓᭀᬭᬶᬦᬾᬫᬲᬶᬄᬫᬳᭂᬘᬢ᭄ᬗᬸᬮᬾᬮᬫᬵᬧᬃᬤᬧᬸᬢᬶᬄ᭟ᬤᬶᬢ᭄ᬗᬄᬫᬓ᭄ᬚᬂᬢᬶᬗ᭄ᬕᬃᬫᬓᬮᬫ᭄ᬩᬸᬫᬲᬶᬄᬩᬦ᭄ᬲᬸᬢᬺᬧᬸᬢᬶᬄᬫᬶᬲᬶᬲᭀᬭᭀᬄᬮᬸᬳᬸᬂᬮᬸᬳᬸᬂᬧ᭄ᬢᬶᬢᬸᬭᬸᬦ᭄ᬢᬸᬭᬸᬦᬦ᭄ᬮᬾ
ᬦ᭄ᬢᭀᬩ᭄ᬯᬶᬦ᭄ᬍᬫ᭄ᬩᬭᬶᬫᬚᬚᬃᬳᬦᬸᬢ᭄ᬫᬶᬲᬶᬦᬾᬫ᭄ᬮᬄᬫ᭄ᬮᬄᬍᬄᬢᬶᬗ᭄ᬕᬃᬳᬸᬮᬶᬲᬶᬲᬶ᭟ᬦᬾᬤᬯᬸᬄᬓᭀᬭᬶᬧᬫᬺᬫᬦ᭄ᬗᬭᬵᬓ᭄ᬜᬮᬂᬧᬓᬓᬲᬾᬗᬾᬤᬦᬶᬦ᭄ᬫᬢᬾᬫ᭄ᬩᭀᬓ᭄ᬕᬫ᭄ᬩᬃᬫᬢᬸᬭᬸᬢ᭄ᬢ᭄ᬧᬶᬦᬾᬫ᭄ᬘᬢ᭄ᬜᬭᬩ᭄ᬫᬧᭂᬭᬤᬳᭀᬃᬢᬾᬦᬦ᭄ᬧᬢᬺᬕᬸᬫᬸ
[᭕᭙ 59 A]
ᬮᬸᬂᬭᬋᬗ᭄ᬕᬵᬧᬓᬓᬲ᭄ᬚᬯ᭄ᬯᬵᬢᬦ᭄ᬧᬾᬦ᭄ᬤᬄᬮ᭄ᬯᬶᬃᬕᬸᬦᬸᬂᬳᬧᬶ᭟ᬫᬓᬮᬫ᭄ᬩᬸᬲᬸᬢᬺᬩᬭᬓ᭄ᬓ᭄ᬭᬦᬗᭂᬦ᭄ᬤᬶᬄᬢ᭄ᬯᬭᬳᬤᬵᬦᬦ᭄ᬤᬶᬗᬶᬦ᭄ᬧᬕᬫ᭄ᬩᬸᬳᬦ᭄ᬫᬲᬶᬄᬫᬸᬭᬸᬩ᭄ᬓᬸᬦᬶᬂᬩᬳᬦ᭄ᬧᬭᬤᬵᬦᬾᬤᬶᬢ᭄ᬗᬄᬩᬮᬾᬩᬸᬦ᭄ᬤᭂᬃᬗᬶᬗ᭄ᬕᬶᬮ᭄ᬮᬗᬸᬫᬳᬸᬓᬶᬃᬕᬾᬫ᭄ᬧᬾᬮ᭄ᬫᬧ᭄ᬭ
ᬤᬵᬗᬭᬾᬤᬾᬧ᭄ᬗᬸᬮᬾᬮᬫ᭄ᬓᬸᬦᬶᬂ᭟ᬩ᭄ᬥᬗᬶᬦ᭄ᬮᭀᬚᬶᬜᬮ᭄ᬩᬢ᭄ᬕ᭄ᬥᬾᬜᬸᬓᬸᬃᬧᬓᬓᬲ᭄ᬢᬸᬭᬄᬳᬗ᭄ᬕ᭄ᬭᬶᬲ᭄ᬚᬯᬶᬕᭀᬩᬦ᭄ᬜᬦᬾᬳᬦᬸᬢ᭄ᬫᬶᬲᬶᬓᭀᬃᬲᬶᬩᬍᬲᬦ᭄ᬩᬮᬾᬭᬜ᭄ᬚᬂᬧᬗᬢᬶᬲᬦ᭄ᬲᬤᬵᬮᬗᬸᬫᬓᬮᬫ᭄ᬩᬸᬲᬸᬢᬺᬚ᭄ᬜᬃᬤᬶᬢᬾᬫ᭄ᬩᭀᬓᬾᬕᬫ᭄ᬩᬃᬳᬶ
ᬗ᭄ᬕ᭄ᬭᬶᬲ᭄᭟ᬤ᭄ᬮᭀᬤ᭄ᬮᭀᬚᬶᬲᬓᬤᬰᬵᬫ᭄ᬭᭀᬤ᭄ᬯᬳᬰ᭄ᬭᬶᬩᬸᬓᬵᬤᬶᬢᬸᬮᬶᬲ᭄ᬓᭀᬭᬶᬦ᭄ᬜᬦᬾᬫ᭄ᬘᬢ᭄ᬤᬤᬸᬧᬢᬸᬄᬧᬤᬫᬧ᭄ᬭᬤᬵᬫᬶᬲᬶᬭᬜ᭄ᬚᬂᬫᬶᬤᭂᬃᬭᬶᬤᭂᬃᬫᬸᬢᬾᬳᬦᬸᬢ᭄ᬫᬓᬮᬫ᭄ᬲᬩᬸᬓᬲᬫᭀᬕᬵᬧᬢᬸᬄᬲᬶᬓᬗᬶᬦ᭄᭟ᬤᬶᬲ᭄ᬫᬭᬮᬬᬵᬳᬸᬘᬧᬂᬮᭀᬚᬶᬓᭂᬫ᭄ᬩᬃᬫ
ᬧ᭄ᬭᬤ᭄ᬥᬵᬫᬸᬭᬸᬩ᭄ᬗᭂᬦ᭄ᬤᬶᬄᬫᬢᬾᬫ᭄ᬩᭀᬓ᭄ᬕᬫ᭄ᬩᬃᬓᬬᬸᬦ᭄ᬬᬸᬦ᭄ᬭᬋᬗ᭄ᬕᬵᬢᬸᬭᬄᬚᬯᬵᬮᬦ᭄ᬢᭀᬩ᭄ᬯᬶᬦ᭄ᬕ᭄ᬥᭀᬂᬧᬫᬺᬫᬦᬾᬫᬸᬭᬸᬩ᭄ᬍᬃᬳᬮᬸᬲ᭄ᬫᬢᭂᬫ᭄ᬩᭀᬓ᭄ᬕᬫ᭄ᬩᬃᬋᬫᬫᬧᬓᬓᬲ᭄ᬚᬯᬶ᭟ᬤᬶᬢ᭄ᬗᬄᬳᬤᬵᬫ᭄ᬜᭂᬮᬕ᭄ᬧᬕᬫ᭄ᬩᬸᬳᬦ᭄ᬕᬮᬂᬫᬧ᭄ᬭᬤᬵᬗᭂᬦ᭄ᬤᬶᬄ
Page:Bali-lontar-gaguritan-cokoratu-02-250ppi.pdf/59
This page has been proofread.
