[᭖᭑ 61 B]
᭖᭑
ᬓᬮᬯᬫ᭄ᬓᭀᬧᬶᬫᬶᬯᬄᬕ᭄ᬩᭀᬕᬦ᭄ᬓᭀᬭᬢᬸᬮᬾᬤᬗᬓ᭄ᬱᬶ᭟ᬳᬶᬩᬦ᭄ᬤᬾᬲᬫᬭᬢ᭄ᬓᭂᬤᬶᬚᬩᬬᬦ᭄ᬳᬶᬘᬫ᭄ᬘ᭄ᬬᭀᬗᬯᬸᬓᬶᬦ᭄ᬳᬦ᭄ᬢᭀᬲ᭄ᬤᬸᬫᬸᬦ᭄ᬢ᭄ᬬᬂᬦᬶᬓᬶᬯᬾᬦ᭄ᬢᭂᬦ᭄ᬧᬳᬶᬘᬳᬶᬩᬦ᭄ᬤᬾᬲᬵᬦᬶᬫ᭄ᬩᬮ᭄ᬳᬭᬶᬲ᭄ᬢ᭄ᬬᬂᬫᬫᬶᬢᬂᬮᬯᬸᬢᬫᬚᬮᬦ᭄ᬫᬸᬮᬶᬄ᭟ᬘᭀᬓᭀᬭᬢᬸᬓ᭄ᬜᭂᬫ᭄ᬩᬸ
ᬓᬫᬫ᭄ᬩᬄᬕᬸᬮᬜᭂᬜᭂᬃᬗᬦ᭄ᬤᬶᬓᬳᬭᬶᬲ᭄ᬮᭀᬅ᭄ᬳᬾᬦᬗ᭄ᬮᬄᬳᬸᬫᬄᬲᬸᬩᬕᬳᬾᬦᬂᬢ᭄ᬬᬂᬚᬮᬄᬓᬾᬚᬦᬶᬤ᭄ᬮᭀᬓᬶᬦ᭄ᬮᬳᬸᬢ᭄ᬫᬚᬮᬦ᭄ᬫᬤᬦ᭄ᬤᬦ᭄ᬫᬓᬓᬮᬶᬄ᭟ᬲᬸᬩᬢ᭄ᬓᬤᬶᬲᬓᬤᬲᭂᬗᬦ᭄ᬤᬶᬓᬮᭀᬅ᭄ᬚᬾᬦᭀᬗᭀᬲᬶᬦ᭄ᬤᬶᬦᬶᬳᬚᬓ᭄ᬤᬤ᭄ᬯᬗ᭄ᬕᬮᬳᬂ
ᬳ᭄ᬬᬂᬲᬸᬩᬦᬸᬦ᭄ᬤᬾᬦᬂᬫᬗᬮᬶᬄᬚᬮ᭄ᬫᬫᬸᬮᬶᬄᬲᬕᬾᬢᬦ᭄ᬢ᭄ᬓᭂᬳᬶᬘᬫ᭄ᬘ᭄ᬬᭀᬢᬸᬃᬩᬓ᭄ᬢᬶ᭟ᬭᬢᬸᬩᬾᬜ᭄ᬚᬂᬓᬾᬦ᭄ᬓᬾᬦᬂᬢᬶᬢ᭄ᬬᬂᬫᬸᬧᬸᬢᬂᬧᬕ᭄ᬥᭀᬕᬦᬾᬲᬫᬶᬬᬦ᭄ᬫᬦᬳᬂᬢᬶᬢ᭄ᬬᬂᬫᬮᬶᬄᬓᬮᬶᬄᬭᬳᬶᬦᬵᬦᬧᬓ᭄ᬳᬶᬧᬸᬦ᭄ᬢ᭄ᬤᬸᬦ᭄ᬲᬫᬶᬤᬶᬚᬕ᭄ᬦᬳᬂ
ᬓᭀᬭᬢᬸᬦᬶᬫ᭄ᬩᬮ᭄ᬳᬭᬶᬲ᭄᭟ᬦᬄᬓᬗ᭄ᬕᬾᬜᬘᬫ᭄ᬘ᭄ᬬᭀᬢᬸᬢᬸᬕᬂᬧᬶᬲᬦ᭄ᬢᬺᬱ᭄ᬡᬦᬾᬫᬗᭀᬮᬲᬶᬦ᭄ᬳ᭄ᬬᬂᬚᬤ᭄ᬫᭂᬲᬲᬃᬳᬶᬘᬫ᭄ᬘ᭄ᬬᭀᬫᬜᬸᬫ᭄ᬩᬄᬢ᭄ᬓᬳᬶᬧᬗᬶᬚᭂᬂᬤᬸᬭᬶᬗᬩᭂᬳᬳ᭄ᬬᬸᬦᬦ᭄ᬧ᭄ᬢᭂᬂᬢᬦ᭄ᬓᭀᬘᬧ᭄ᬫᬗ᭄ᬓᬶᬦ᭄᭟ᬧᬲ᭄ᬫᭂᬗᬦ᭄ᬳ᭄ᬚᬶᬫᬾ
[᭖᭒ 62 A]
ᬲᬸᬩᬫᬤᬾᬕ᭄ᬤᬕ᭄ᬗ᭄ᬕᬳᬾᬧᬕ᭄ᬥᭀᬕᬦ᭄ᬕ᭄ᬮᬶᬲ᭄ᬫᬦᬶᬘᬭᬶᬢ᭄ᬣᬬᬂᬧᬢᬶᬄᬭᬢ᭄ᬣᬦᬾᬢ᭄ᬓᬦᬗᬶᬂᬫᬗᬫ᭄ᬩᬳᬶᬦ᭄ᬧᬲᬶᬄᬦ᭄ᬕᬓᬶᬦ᭄ᬓᬨᬮ᭄ᬳᬧᭂᬓ᭄ᬭᬡ᭄ᬦᬬᬕ᭄ᬮᬶᬲ᭄᭟ᬩᬩ᭄ᬯᬢᬗᬵᬩᬩᬦ᭄ᬤᬭᬦ᭄ᬲᬃᬯ᭄ᬯᬧᬾᬮᬕ᭄ᬧ᭄ᬢᬶᬦ᭄ᬕᬸᬫᬶᬦᬾᬲᬫᬶᬦᬾᬦᬾᬤᬶᬫᬤᬸᬭᬭᬢᬸᬗᬸᬭᬄᬜ᭄ᬚ
ᬮᬦᬂᬫᬶᬦᬓᬤᬶᬋᬦᬋᬦᬶᬓᬨᬮ᭄ᬳᬤᬲᬵᬲᬭᬢ᭄ᬫᬫ᭄ᬯᬢ᭄ᬲᬫᬶ᭟ᬓᬘᬭᬶᬢ᭄ᬣᬧᬮᬬᬭᬾᬕᬕᬗ᭄ᬲᬭᬦ᭄ᬲᬸᬩᬦᬦ᭄ᬤᭂᬲ᭄ᬓᬲᬶᬲᬶᬢᬦ᭄ᬮᬾᬦᬾᬚᬸᬭᬸᬭᬧᬲᬶᬲᬶᬦ᭄ᬢᬜ᭄ᬚᬸᬂᬓᬭᬂᬲᬸᬩᬧᬤᬦᬦ᭄ᬤᭂᬲᬫᬶᬳᬶᬤᭀᬓ᭄ᬗᬾᬗ᭄ᬕᬮᬂᬫ᭄ᬮᬲᬢ᭄ᬓᬫᬰᬺᬗ᭄ᬕᬶ᭟ᬫᭂᬗᬢᬸᬭᬂ
ᬤᬾᬦᬶᬂᬳᬶᬧᬸᬦ᭄ᬲᬸᬩᬦᬧᬓ᭄ᬤᬶᬢᬜ᭄ᬚᬸᬂᬓᬭᬂᬕ᭄ᬮᬶᬲ᭄ᬓᭀᬭᬢᬸᬗᬦ᭄ᬤᬶᬓᬦᬄᬢᬸᬦ᭄ᬤᬾᬦᬂᬦᬩ᭄ᬤᬩᬂᬳᬶᬘᬫ᭄ᬘ᭄ᬬᭀᬳᬢᬸᬃᬩᬦ᭄ᬢᬶᬓ᭄ᬜᭂᬫ᭄ᬗᬦ᭄ᬤᬶᬓᬵᬓᭀᬭᬢᬸᬫᬢᬸᬭᬸᬄᬕᭂᬦ᭄ᬤᬶᬲ᭄᭟ᬳ᭄ᬬᬂᬚᬦᬶᬫᬚᬮᬦ᭄ᬓᬢᬜ᭄ᬚᬸᬂᬓᬭᬂᬢᬸᬦ᭄ᬤᬾᬦᬂᬫᬫᬧᬕᬶᬦ᭄ᬜᬸᬯᬂ
ᬩᬩᬦ᭄ᬤᬭᬦ᭄ᬳᬶᬘᬸᬶᬘᬫ᭄ᬘ᭄ᬬᭀᬦ᭄ᬤᬯᬸᬳᬂᬓᬾᬦ᭄ᬳᭂᬚᬶᬫ᭄ᬢᬸᬧ᭄ᬢᬸᬧᬦ᭄ᬳᬶᬦᬶᬓᭀᬭᬢᬸᬫ᭄ᬤᬮ᭄ᬧᬢ᭄ᬧᬢ᭄ᬲᬦᬾᬫᬗᬶᬭᬶᬂ᭟ᬢᬦ᭄ᬮ᭄ᬬᬦ᭄ᬋᬓᬾᬧᬲᭂᬓ᭄ᬩᬦ᭄ᬤᬾᬲᬵᬢᬦ᭄ᬧᬲᬄᬫᬓᬤᬶᬕᬭᬾᬂᬕᬭᬶᬢ᭄ᬗᬩᬧᬘᬦᬗᬦ᭄ᬫᬫᬃᬕ᭄ᬕᬶᬕᬕᬗ᭄ᬲᬭᬦ᭄ᬭᬦ᭄ᬓᭀ
Page:Bali-lontar-gaguritan-cokoratu-02-250ppi.pdf/62
This page has been proofread.
