[᭖᭒ 62 B]
᭖᭒
ᬘᬧ᭄ᬳᬶᬤ᭄ᬥᬵᬤᬶᬫᬃᬕ᭄ᬕᬳᬶᬧᬢᬶᬄᬭᬢ᭄ᬣᬢᬸᬳᬸᬦ᭄ᬲᬸᬩᬤᬶᬲᬶᬲᬶ᭟ᬗᭂᬦᬄᬗᬫ᭄ᬩ᭄ᬬᬃᬤᬶᬩ᭄ᬬᬲᬾᬧᬤᬦ᭄ᬕᬓ᭄ᬳᬤᬫᬲᬤᬄᬗᭂᬢᬲ᭄ᬳᬶᬧᬸᬩ᭄ᬫᬢᭂᬕ᭄ᬢᭂᬕᬦ᭄ᬍᬗᭂᬄᬮᬦ᭄ᬳᭀᬬᬕ᭄ᬓᬨᬮ᭄ᬓᬫ᭄ᬩᭂᬦ᭄ᬜᬦᬾᬧᬢᬸᬄᬲᬫᬶᬤᬤᬸᬓᬸᬮᬶᬢᬦ᭄ᬲᬧᬸᬢ᭄ᬱᬢᬫ᭄ᬩᬸᬮ᭄ᬓᬸᬦᬶᬂ᭟ᬫᬸᬤᬶᬂ
ᬩᬢᭂᬓ᭄ᬧᬤᬫᬓᬸᬮᬫ᭄ᬩᬶᬓᬲᬫᬲᬸᬮᬫ᭄ᬢᬸᬭᬄᬚᬦᬶᬧᬧᭀᬢᭀᬗᬦ᭄ᬳᭂᬚᬲ᭄ᬲᬸᬓᬸᬲᬸᬓᬸᬫᭀᬤ᭄ᬭᬾᬜᬫᬩᬸᬗ᭄ᬓᬸᬂᬲᬸᬫᬢ᭄ᬳᬶᬓᬘᬶᬂᬢᬕ᭄ᬢᬢ᭄ᬫᬍᬜᬤ᭄ᬧᬧᬭᬲᬦᬾᬳᬶᬗᬶᬤ᭄᭟ᬘᭀᬓᭀᬭᬢᬸᬩᬸᬜᬶᬗᬓ᭄ᬫᬗ᭄ᬥᭀᬂᬕᬸᬮᬗᬦ᭄ᬤᬶᬓ᭞ᬭᬸᬫᬫᬦᬶᬲ᭄ᬳᬶ
ᬧᬶᬤᬦ᭄ᬫᬮᬬᬃᬧᬤᬗᬶᬲᭂᬮᬂᬢ᭄ᬕᬓ᭄ᬫᭂᬧᭂᬲ᭄ᬬᬫᬩ᭄ᬭᬶᬬᬸᬓ᭄ᬲᬫᬶᬗᭂᬳᭂᬤ᭄ᬫᬜᬸᬫ᭄ᬩᬄᬳᬶᬚᬫᬃᬫᬢᬸᬭᬭᬶᬲ᭄᭟ᬭᬢᬸᬤ᭄ᬯᬕᬸᬂᬢᬢ᭄ᬬᬂᬳᬶᬓᬮᬶᬄᬳᬸᬶᬭᬳᬶᬦᬵᬓᭀᬭᬢᬸᬗᬦ᭄ᬤᬶᬓᬳᬭᬶᬲ᭄ᬮᬶᬬᬸᬧᬧᬓ᭄ᬳᬩᬳᬶᬲᬤᬍᬲᬄᬜᬸᬫ᭄ᬩᬄᬧᬓᬬᬸ
ᬦᬦ᭄ᬳᬶᬤᬵᬭᬳᬶᬜ᭄ᬘᭀᬓᭀᬃᬳᬶᬤᬾᬯ᭄ᬯᬲᬶᬭᬧᬸᬭᬸᬦ᭄ᬫᬶᬯᬮᬶᬦ᭄᭟ᬘᭀᬓᭀᬭᬢᬸᬓ᭄ᬜᭂᬫ᭄ᬩᬸᬯᬶᬦ᭄ᬫᬗᬦ᭄ᬤᬶᬓᬵᬚᬭᬦᬾᬢᬸᬦᬂᬚᬦᬶᬩ᭄ᬮᬶᬲᬸᬩᭂᬫᬸᬜ᭄ᬚᬮ᭄ᬳᬶᬘᬫ᭄ᬘ᭄ᬬᭀᬬᬢ᭄ᬓᬫᬢᬸᬢᬸᬢᬦ᭄ᬭᬾᬜ᭄ᬘᬂᬳᭂᬚᬶᬫ᭄ᬗᬶᬂᬢ᭄ᬯᬭᬳᬤ᭄ᬥᬳᬦᬓ᭄ᬫᬦᬯᬂᬳᭂᬚᬶᬫ᭄
[᭖᭓ 63 A]
ᬘᭀᬓᭀᬭᬢᬸᬓ᭄ᬜᭂᬫ᭄ᬗᬸᬓᬫᬫ᭄ᬩᬕᬸᬮᬯᬢ᭄ᬭᬧᬤᬓᬓ᭄ᬱᬶᬦᬾᬳᬶᬩᬫᬓ᭄ᬚᬂᬧᬤᬕᭂᬦ᭄ᬢᬶᬦᬶᬦ᭄ᬩᬲᬵᬘᭀᬓᭀᬭᬢᬸᬢᬾᬓᭀᬚᬦᬶᬳᬧᬂᬤᬲᬮᬄᬫᬫᬤᬵᬫᬤᬵᬤᬶᬦᬶ᭟ᬳᬶᬩᬦ᭄ᬤᬾᬲᬵᬳᬶᬧᬲᭂᬓ᭄ᬳᬾᬫᭂᬤᬶᬫᬦᬄᬫᬫᬸᬜᬶᬬᬤᬶᬳᬢᬶᬓᬮᬶᬗᬦᬾᬳᬦᬓ᭄ᬳ
ᬕᬸᬂᬫᬗ᭄ᬮᬄᬧᬜ᭄ᬚᬓ᭄ᬧᬘᬸᬅ᭄ᬲ᭄ᬩᭂᬗᬾᬢᬦ᭄ᬲᬶᬧᬶᬗᬓᬸᬩ᭄ᬭᬳ᭄ᬫᬡ᭄ᬦᬩᬬᬳᬧᬦᬾᬚᬦᬶ᭟ᬳᬶᬫᬃᬫ᭄ᬫᬬᬫ᭄ᬧᭂᬲᬗ᭄ᬕᬫᬢᬸᬃᬜᬸᬫ᭄ᬩᬄᬭᬢᬸᬲᬫ᭄ᬧᬸᬭᬳᬸᬕᬶᬢᬶᬢ᭄ᬬᬂᬫᬗ᭄ᬮᬸᬗ᭄ᬲᬸᬭᬂᬧᬸᬦᬶᬓᬶᬲᬧᬲᬶᬭᬓᭀᬭᬢᬸᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬓ᭄ᬜᭂᬫ᭄ᬗᬦ᭄ᬤᬶᬓᬦᬾᬳᬸᬮᬶᬤᬶᬧᭀᬄᬕᬤᬶᬂ᭟ᬧᬤᭂ
ᬩᬓᭂᬄᬤᬶᬓ᭄ᬦᭂᬳᬚᬓ᭄ᬫᬓ᭄ᬚᬂᬓᭀᬭᬢᬸᬗᬦ᭄ᬤᬶᬓᬳᬭᬶᬲ᭄ᬚᬭᬭᬾᬦᬾᬳᬾᬗ᭄ᬕᬮᬂᬢᬢ᭄ᬮᬸᬤᬾᬄᬧᬳᭂᬓᬂᬧᬢᬶᬄᬭᬢ᭄ᬣᬮᬸᬢ᭄ᬓᬳᬓ᭄ᬱᬶᬦᬄᬫ᭄ᬦᬾᬓ᭄ᬧᬤᬳᬚᬓ᭄ᬳᬶᬕᬭᬾᬂᬳᬶᬕᬭᬶᬢ᭄᭟ᬳᬶᬩᬭᬶᬤᬶᬦ᭄ᬗᬯᬸᬓᬶᬦ᭄ᬫᬳᬶᬧᬳᭂᬓᬂᬩ᭄ᬮᬶᬫ᭄ᬦᬾᬓᬂᬘᬳᬶᬳᬶᬕᬭᬾᬂᬫᬭᬾᬗᬂᬫᭂᬦ᭄ᬤᭂᬧ᭄ᬢ᭄ᬯ
ᬭᬫᬧ᭄ᬤᭂᬳᬶᬕᬭᬶᬢ᭄ᬩᬶᬱᬜᬯᬸᬢᬶᬦ᭄ᬢ᭄ᬬᬂᬩ᭄ᬬᬦᬦᬤᬂᬳᬤᬬᬦ᭄ᬤᬫ᭄ᬮᬳᬶᬩ᭄᭟ᬳᬶᬩᬭᬶᬤᬶᬦ᭄ᬫᬲᬶᬄᬓ᭄ᬤᭂᬄᬮᬸᬢ᭄ᬫᭂᬦᬾᬓᬂᬦᬾᬩᬜ᭄ᬘᬂᬩ᭄ᬮᬶᬦᬾᬕᬶᬲᬶᬲᬸᬩᬓᬋᬾᬓᬂᬳᬶᬕᬭᬾᬂᬳᬭᬩ᭄ᬳᬭᬩ᭄ᬓᭀᬭᬢᬸᬢ᭄ᬬᬂᬢᬸᬮᬸᬗᬶᬦ᭄ᬫ᭄ᬓᭂᬮᬾᬳᭀᬓᬵᬢᬸᬳᬸᬦᬂᬢᬶᬢ᭄ᬬᬂᬫ᭄ᬭᬶᬓᬶ᭟
Page:Bali-lontar-gaguritan-cokoratu-02-250ppi.pdf/63
This page has been proofread.
