[᭙᭕ 95 B]
᭙᭕
ᬢ᭄ᬫᬦᬶᬫ᭄ᬩᬮ᭄ᬗ᭄ᬕᬶᬄᬫᬃᬕ᭄ᬕᬄᬫᬲᬶᬭᬫ᭄ᬚᬦᬶ᭟ᬢᬦ᭄ᬓᭀᬘᬧ᭄ᬲᬸᬩᬫᬲᬶᬭᬫ᭄ᬳᬶᬤᬾᬯᬕᬸᬂᬗᬶᬮᭀᬤᬶᬳᬫ᭄ᬩᬾᬦ᭄ᬮᭀᬚᬶᬲᬶᬭᬢ᭄ᬫᬬᬦᬾᬫᬍᬘᬸᬢ᭄ᬳᬦᬸᬢ᭄ᬫᬦᬶᬲ᭄ᬦᬶᬂᬤ᭄ᬭᬶᬬᬵᬮ᭄ᬯᬶᬃᬢᬸᬫᬾᬢᬾᬲ᭄ᬓᬶᬮᬂᬫᬳᭀᬃᬫᬤᬸᬚᬸᬭᬸᬄᬯ᭄ᬬᬓ᭄ᬢᬶᬓᬤᬶᬲᬂ
ᬩ᭄ᬬᬂᬲ᭄ᬫᬭᬳᬫᬶᬦ᭄ᬤᬾᬂᬩᬸᬫᬶ᭟ᬫᬯᬲ᭄ᬢ᭄ᬭᬕᬕᬸᬮᬸᬂᬕᬤᬂᬩᬗ᭄ᬲᬵᬳᬮᬶᬫ᭄ᬲᬧ᭄ᬓᭂᬓ᭄ᬩᬢᬶᬓ᭄ᬓᬸᬦᬶᬂᬢᬦᬄᬧᬲᬶᬃᬳᬸᬫᬸᬃᬲᬢᬸᬲᭀᬭᭀᬄᬚᬶᬤᬲᬵᬮᬾᬬᬃᬢ᭄ᬓᭂᬧᬕᬸᬢ᭄ᬫᬓᬫ᭄ᬧᬸᬄᬕᬕᬸᬮᬸᬂᬤᬤᬸᬫᬮᬫ᭄ᬩᬾᬳᭂᬩᬸᬦ᭄ᬳᭂᬩᬸᬦᬦ᭄ᬳᬸᬫ᭄ᬧᬮᬾᬲᬸᬢ᭄ᬭᬲᬮ᭄ᬓᬸ
ᬦᬶᬂ᭟ᬳᬮᬶᬳᬮᬶᬫᬫᬦᬶᬲᬦ᭄ᬜᬸᬂᬓ᭄ᬮᬶᬢ᭄ᬓ᭄ᬭᬶᬲ᭄ᬫᬮᬦ᭄ᬤᬾᬬᬦ᭄ᬕᬭᬦ᭄ᬢᬶᬫ᭄ᬲ᭄ᬮᬸᬢ᭄ᬫᬬᭂᬂᬗᭂᬦ᭄ᬤᬶᬄᬫᬸᬭᬸᬩ᭄ᬘᬾᬦᬂᬜᬦᬾᬫᬩ᭄ᬗᬤ᭄ᬮᬶᬓᬶᬂᬧᬓᬸᬫᬚᬚᬯᬦ᭄ᬫᬶᬭᬄᬫᬸᬭᬸᬩ᭄ᬫᬤᬲ᭄ᬢᬃᬩᬢᬶᬓ᭄ᬳᬳᬾᬮᬫ᭄ᬫᬘᬘᬸᬦ᭄ᬤᬸᬓ᭄ᬳᬗ᭄ᬕ᭄ᬭᬾᬓ᭄ᬰᬰᬶᬄ᭟
ᬭᬭᬶᬲ᭄ᬫᬗ᭄ᬥᭀᬭᬂᬳᬫ᭄ᬩᬃᬍᬗᬶᬲ᭄ᬫᬶᬳᬶᬓ᭄ᬢᭂᬓᬾᬦ᭄ᬚ᭄ᬩᬤ᭄ᬓᬲ᭄ᬢᬸᬭᬶᬳ᭄ᬩᭀᬦᬾᬫᬗᬮᬸᬩ᭄ᬫᬶᬬᬸᬭᬦ᭄ᬤᬶᬚ᭄ᬭᭀᬧᬸᬭᬵᬲᬕᬾᬢ᭄ᬭᬯᬸᬄᬯᬢᭂᬓ᭄ᬭᬗ᭄ᬓᬶᬦᬾᬫᬩ᭄ᬭᬶᬬᬸᬓ᭄ᬢᬦ᭄ᬧᬾᬦ᭄ᬤᬄᬕᬦ᭄ᬤᬃᬯ᭄ᬯᬭᬚᬳᬧ᭄ᬱᬭᬳᬫᬶᬦ᭄ᬤᬾᬂᬩᬸᬫᬶ᭟
[᭙᭖ 96 A]
ᬳᬶᬤ᭄ᬯᬕᬸᬂᬧᬸᬢ᭄ᬭᬫᭂᬦ᭄ᬤᬓ᭄ᬩᬦ᭄ᬘᬘᬶᬗᬓ᭄ᬜᭂᬜᭂᬃᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬓ᭄ᬜᭂᬫᬗᬦ᭄ᬤᬶᬓᬵᬳᬮᬸᬲ᭄ᬚᬮᬄᬚᬦᬶᬫᬗ᭄ᬦᬄᬮᬸᬢ᭄ᬫᬫᬃᬕ᭄ᬕᬶᬲᬂᬓᬤᬶᬳ᭄ᬬᬂᬲ᭄ᬫᬭᬢᬸᬭᬸᬦ᭄ᬳᬶᬦᬶᬭᬶᬗᬶᬂᬲᬸᬭᬧ᭄ᬱᬭᬵᬕᬸᬫᬺᬩᭂᬕ᭄ᬓ᭄ᬯᬾᬄᬳᬶᬂᬳᬗᬶᬭᬶᬂ᭟ᬧᬫᬃᬕ᭄ᬕᬶᬦᬾᬢ
ᬢ᭄ᬭᬸᬲᬦ᭄ᬫᬧᬗᬜ᭄ᬚᬃᬩᬦ᭄ᬳᭂᬩᭀᬍᬗᭂᬫᬶᬳᬶᬓ᭄ᬤᬶᬲᬸᬫ᭄ᬦᭂᬧ᭄ᬱᬸᬩᬵᬗᬮᬸᬩ᭄ᬫᬶᬳᬶᬓ᭄ᬫᬶᬬᬸᬭᬦ᭄ᬢᬗ᭄ᬓᬶᬮᬦᬾᬲᬾᬗᭂᬄᬳᬾᬗ᭄ᬕᬮ᭄ᬧᬘᬂᬭᬯᬸᬄᬳᬶᬤ᭄ᬥᬵᬲᬂᬮ᭄ᬯᬶᬃᬫᬦᭀᬤᬯᬵᬳᬗ᭄ᬲᭀᬦ᭄ᬳᬗ᭄ᬲᭀᬦᬾᬗ᭄ᬭᬶᬳᬶᬦᬶᬦ᭄᭟ᬢᬗ᭄ᬓᬶᬮᬦᬾᬲᬫᬶᬩᬶᬩᬃᬲ
ᬦᬾᬫ᭄ᬘᬓ᭄ᬤᬶᬤᬸᬳᬸᬃᬢ᭄ᬤᬸᬦ᭄ᬱᬫᬶᬲᬂᬓᬤᬶᬳ᭄ᬬᬂᬲ᭄ᬫᬭᬭᬯᬸᬄᬫᭂᬦ᭄ᬤᬓ᭄ᬱᬫᬶᬢᬸᬃᬲᭂᬫ᭄ᬩᬄᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫ᭄ᬗᬦ᭄ᬤᬶᬓᬵᬳᬮᬸᬲ᭄ᬫᬳᬶᬗ᭄ᬮᬳᬸᬢ᭄ᬫ᭄ᬦᬾᬓᬦ᭄ᬫ᭄ᬧᭂᬲ᭄ᬜᬸᬫ᭄ᬩᬄᬲᬋᬂᬲᬫᬶ᭟ᬓᭀᬭᬢᬸᬓᬫᬢᭂᬗ᭄ᬕᭂᬗᬦ᭄ᬗᬸᬘᬧᬶᬂᬢ᭄ᬯᬲ᭄ᬢᬸᬳᬸ
ᬮᬶᬂᬦᬶᬂᬳᬫᬸᬚᬶᬢᬦ᭄ᬧ᭄ᬕᬢ᭄ᬫᬭᬦᬶᬂᬤᬸᬮᬸᬗ᭄ᬦᭂᬂᬗ᭄ᬦᭂᬂᬮ᭄ᬯᬶᬃᬢᬦ᭄ᬧᬚᬶᬯ᭄ᬯᬵᬓᬗᭂᬦᬶᬂᬢ᭄ᬯᬲ᭄ᬮᬶᬦᬶᬮᬮᬶᬮᬾᬂᬲ᭄ᬯᬢᬦᬸᬫ᭄ᬦᭂᬂᬦᬯᬂᬦᬯᬂᬳᬸᬮᬢ᭄ᬘᭂᬢ᭄ᬳᬾᬮᬶᬂᬭᬶᬂᬓᬯ᭄ᬮᬲᬰᬶᬄ᭟ᬯᬢᭂᬓ᭄ᬭᬗ᭄ᬓᬶᬦᬾᬫᬜᬶᬗᬓ᭄ᬓᬕᬯᭀᬓᬦ᭄
Page:Bali-lontar-gaguritan-cokoratu-02-250ppi.pdf/96
This page has been proofread.
