[᭙᭖ 96 B]
᭙᭖
ᬫᬡ᭄ᬦᭂᬃᬫᬡ᭄ᬦᭂᬃᬤᬶᬋᬤ᭄ᬥᬶᬲᬬᬦᬾᬤᬸᬫᬶᬮᬄᬫᬸᬭᬸᬩ᭄ᬳᬲᬶᬦ᭄ᬢ᭄ᬯᬄᬭᬵᬚᬧᬸᬢ᭄ᬭᬕᭀᬩᬵᬫ᭄ᬮᬄᬧᬦ᭄ᬢᭂᬲ᭄ᬧ᭄ᬭᬢᬫᭂᬳᬶᬂᬭᬸᬫ᭄ᬭᬸᬫ᭄ᬳᬶᬤᬾᬯᬵᬕᬸᬂᬧᬸᬢ᭄ᬭᬜᬶᬗᬓ᭄ᬓᬲᬭᬶᬓᬶᬂᬳᬲ᭄ᬢᬲᬭᬶ᭟ᬮᬶᬦᬶᬮᬮᬶᬮᬾᬂᬳ᭄ᬭᬤ᭄ᬥᬬᬵᬦᬤᬵᬓ᭄ᬳᬤᬵᬳ
ᬗ᭄ᬕᭀᬦ᭄ᬳᬮᬶᬳᬦ᭄ᬭᬸᬡ᭄ᬝᬶᬓ᭄ᬳᬶᬩᬶᬢ᭄ᬯᬭᬫᬧᬕ᭄ᬮᬳᬸᬢ᭄ᬚᬦᬶᬢ᭄ᬯᬭᬓᬶᬲ᭄ᬮᬦ᭄ᬲ᭄ᬩᭂᬂᬩᬗ᭄ᬕᬵᬦᬭᬾᬓᬂᬳᬯᬓᬾᬧᬳᬸᬢ᭄ᬤᬤᬶᬧᬋᬦ᭄ᬤᬶᬳᬢᬲ᭄ᬤᬶᬲᬸᬫ᭄ᬦᭂᬧ᭄ᬗᬤᭂᬕ᭄ᬯᬓᬶᬮ᭄᭟ᬳᬓᬾᬢᭀᬧᬧᬶᬦᭂᬄᬳᬶᬤ᭄ᬥᬵᬘᭀᬓᭀᬭᬢᬸᬫᬮᬾ
ᬦᬶᬂᬮᬶᬭᬶᬂᬓᬧᭂᬦ᭄ᬤᬓ᭄ᬘᬶᬗᬓ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬋᬗᬸᬗᭂᬮᬾᬦᬂᬘᭀᬓᭀᬭᬢᬸᬘᬦᭂᬕ᭄ᬮᬳᬸᬢ᭄ᬜᬭᬸᬜᬭᬸᬩᬦᬾᬢ᭄ᬯᬭᬦᬯᬂᬓᬓ᭄ᬥᬦ᭄ᬥᬵᬳᬶᬤ᭄ᬯᬕᬸᬂᬗᬸᬦ᭄ᬢᬸᬓ᭄ᬢᬸᬃᬚ᭄ᬗᬶᬲ᭄᭟ᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵᬲᬘᬘᬶᬗᬓ᭄ᬫᬢ᭄ᬭᬸᬄᬫᬥᬸᬕᭂᬦ᭄ᬤᬶᬲ᭄ᬦᬄ
ᬢᬸᬢᬸᬭᬂᬓᬾᬦ᭄ᬓᬾᬦ᭄ᬤᬶᬢᬸᬢᬶᬗ᭄ᬓᬳᬾᬫᬓᭂᬓᭂᬜ᭄ᬘᬦ᭄ᬜᬓ᭄ᬱᬫᬧ᭄ᬢᬵᬕᬕ᭄ᬮᬂᬫ᭄ᬯᬂᬲᬶᬗᬲᬦ᭄ᬢᬸᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬢᬸᬃᬲᭂᬫ᭄ᬩᬄᬭᬢᬸᬧᬢᭂᬄᬳᬤᬸᬂᬲᬫᬶ᭟ᬳᬚᬶᬦ᭄ᬥᬫᬮᬶᬄᬗᬦ᭄ᬤᬶᬓᬵᬢᭀᬳᬶᬤᬾᬬᭀᬃᬓ᭄ᬫᬡ᭄ᬦᬲᬶᬧᬬᬸᬫᬳᬶ
[᭙᭗ 97 A]
ᬳᬦᬓ᭄ᬥᬵᬫ᭄ᬧᭂᬲ᭄ᬫᬢᬸᬃᬭᬢᬸᬳᬶᬧᬸᬦ᭄ᬱᬗ᭄ᬓᬮᬳᬶᬤ᭄ᬥᬵᬭᬳᬶᬦ᭄ᬘᭀᬓᭀᬃᬳᬶᬤᬾᬯᬤᬾᬯᬕᬸᬂᬯᬾᬦ᭄ᬢᭂᬦ᭄ᬤᬯᬸᬄᬫᬗᬦ᭄ᬤᬶᬓᬵᬚᬕᬵᬗᬢᬸᬭᬂᬳᬶᬭᬶᬓᬶ᭟ᬯᬢᭂᬓ᭄ᬭᬗ᭄ᬓᬶᬓᬘᬶᬗᬓ᭄ᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬓᭂᬜᭂᬫ᭄ᬗᬦ᭄ᬤᬶᬓᬵᬳᬭᬶᬲ᭄ᬢᭀᬳᬧᬓ᭄ᬮ
ᬗᭂᬦᬾᬤᬶᬢᬸᬓ᭄ᬚᬓ᭄ᬚᬫᬜ᭄ᬚᬚᬄᬳᬦᬓᬕᬸᬂᬩᬕᬸᬲ᭄ᬫᬤᬾᬜᭂᬫ᭄ᬩᬄᬫᬢᬸᬃᬭᬢᬸᬢᬶᬢ᭄ᬬᬂᬳᭂᬫᭂᬤ᭄ᬧᬶᬲᬦ᭄ᬢᬦ᭄ᬯᬾᬢᭂᬦ᭄ᬫᬤ᭄ᬭᬸᬯᬾᬕᬸᬤᬶᬂ᭟ᬧᬸᬧᬸᬢ᭄ᬗᭂᬓᭀᬂᬲᬋᬂᬲᬫ᭄ᬬᬦ᭄ᬳᬶᬤᬾᬯᬕᬸᬂᬦᬤᬓ᭄ᬫᬧᬧᬲ᭄ᬩ᭄ᬯᬶᬦ᭄ᬘᬘᬶᬗᬓ᭄ᬳᬚᬓ᭄ᬓᭀᬭᬢᬸᬜ᭄ᬩᭂᬂ
ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗ᭄ᬮᬾᬦᬂᬳᬶᬤ᭄ᬯᬕᬸᬂᬫᬜᬭᬸᬗᬭᬸᬫᬧᬫᬶᬢ᭄ᬫᬢᬸᬃᬜᭂᬫ᭄ᬩᬄᬚᬕᬵᬓᬧᬸᬭᬶᬫᬦᬗ᭄ᬓᬶᬮ᭄᭟ᬭᬚᬧᬸᬢ᭄ᬭᬫ᭄ᬧᭂᬲ᭄ᬜᬸᬫ᭄ᬩᬄᬫᬩᬭᬶᬬᬸᬓ᭄ᬫᬧᬫᬶᬢ᭄ᬱᬋᬂᬲᬫᬶᬓᭀᬭᬢᬸᬗ᭄ᬮᬶᬲᬂᬢ᭄ᬥᬸᬦ᭄ᬦᬓᬕᬸᬂᬳᬕᬸᬂᬲᬫ᭄ᬬᬦ᭄ᬤᬤᬶ
ᬓ᭄ᬜᭂᬫ᭄ᬫᬩ᭄ᬭᬶᬬᬸᬓ᭄ᬜᬶᬗᬓ᭄ᬤ᭄ᬥᬵᬩᬕᬶᬲ᭄ᬓᭀᬭᬢᬸᬫᬢ᭄ᬭᬸᬄᬓᬶᬮᬂᬳᬶᬤ᭄ᬯᬕᬸᬂᬢ᭄ᬥᬸᬦ᭄ᬫᬗ᭄ᬭᬭᬶᬲ᭄᭟ᬳᬶᬘᬶᬮ᭄ᬬᬤᬤᬶᬫᬧᬧᬲ᭄ᬓᬾᬦ᭄ᬓᭀᬭᬢᬸᬤ᭄ᬯᬕᬸᬂᬧᬸᬢ᭄ᬭᬳᬸᬦᬶᬂᬕ᭄ᬥᭂᬕ᭄ᬓᬬᬸᬦᬾᬓᬮᬗ᭄ᬓᬸᬂᬤᬤᬶᬫᬳᬦ᭄ᬤᬮᬶᬳᬦ᭄
Page:Bali-lontar-gaguritan-cokoratu-02-250ppi.pdf/97
This page has been proofread.
