[᭑᭘ 18B]
᭑᭘
ᬫᬾᬗ᭄ᬭᬳᭀᬲ᭄ᬲᬮᬶᬂᬢᬶᬫ᭄ᬩᬮ᭄ᬲᭀᬢᬦᬶᬂᬳᬗᬸᬮᬶᬳᬸᬮᬶᬄᬳᬶᬤ᭄ᬯᬕᬸᬂᬳᬚᬶᬗᬦ᭄ᬤᬶᬓᬵᬧᬭᬄᬓᬾᬦ᭄ᬓᬾᬦ᭄ᬩᬳᬦ᭄ᬘᬳᬶᬚᬦᬶᬧᬘᬂᬗᬶᬢᬸᬗᬶᬦ᭄ᬫᬦ᭄ᬤᬾᬜᬦᬾᬢ᭄ᬯᬭᬧᬬᬸᬫᬳᬶᬧᬘᬂᬫᬗᬸᬦ᭄ᬤᬂᬘᭀᬓᭀᬭᬢᬸᬫᬢᬸᬭᬭᬶᬲ᭄ᬭᬢᬸᬤ᭄ᬯᬕᬸᬂᬤᬗ᭠
ᬦ᭄ᬫᬦᬳᬂᬢᬶᬢ᭄ᬬᬂ᭟ᬭᬢᬸᬢᬶᬢ᭄ᬬᬂᬫᬦᬯ᭄ᬕᬂᬫᬧᬫᬶᬢ᭄ᬚᬕᬜᬕ᭄ᬚᬕᬶᬦ᭄ᬫᬦ᭄ᬢᬸᬓ᭄ᬗᬬ᭄ᬬᬦᬂᬍᬗ᭄ᬓᬭᬵᬢᬫ᭄ᬩᭂᬢᬶᬢ᭄ᬬᬂᬗᭂᬫᬦᬳᬶᬦ᭄ᬲᬫᬦ᭄ᬤᬾᬲᬶᬮᬶᬗ᭄ᬲᬶᬫ᭄ᬧᬶᬃᬳᬶᬤ᭄ᬯᬕᬸᬂᬳᬚᬶᬫᬲᬳᬸᬃᬢᭀᬩ᭄ᬦᭂᬄᬧᬶᬲᬦ᭄ᬧᬶᬲᬦ᭄ᬯ᭄ᬯᬗᬢᭂᬫ᭄ᬧ᭄ᬯᬦᬶᬦ᭄ᬘᬳᬶᬫᬗ᭄ᬤᬾᬧᬢᬸᬢ᭄ᬳ
ᬧᬗ᭄ᬤᬫᬗ᭄ᬕᬳᬾᬚ᭄ᬗᬄ᭟ᬧᬘ᭄ᬩᬾᬃᬧᬲᬮᬶᬂᬢᬶᬫ᭄ᬩᬮ᭄ᬫᭂᬲᬸᬯᬂᬳᬸᬧᬬᬲᬦ᭄ᬤᬶᬫᬓᬤᬶᬜᬕᬸᬲ᭄ᬢᬶᬗᬸᬭᬄᬧᬦ᭄ᬧᬢᬶᬄᬳᬫᬗ᭄ᬓᬸᬕᬸᬫᬶᬫᬸᬮᬢᭂᬧᭂᬗ᭄ᬭᬶᬂᬦᬶᬢᬶᬓ᭄ᬫᭂᬢ᭄ᬩᬩᬳᭀᬲᬾᬫᬸᬧᬸᬢ᭄ᬯᬢᬭᬤᬯᬸᬄᬮᬶᬫᬵᬳᬶᬤ᭄ᬯᬕᬸᬂᬗ᭄ᬳᬚᬶᬗ᭄ᬮᬸᬯᬭᬶᬦ᭄ᬭᬚᬧᬸᬢ᭄ᬭᬫᬦ᭄ᬢᬸ
ᬓ᭄ᬢᬗ᭄ᬓᬶᬮᬦᬾᬩᬸᬩᬃ᭟ᬓᭀᬭᬢᬸᬓᬩᬮᬾᬓᬧᬮ᭄ᬢᬸᬗᬸᬭᬄᬫᬩ᭄ᬭᬶᬬᬸᬓ᭄ᬗᬶᬭᬶᬂᬳᬶᬤ᭄ᬯᬕᬸᬂᬓᬲ᭄ᬫᬭᬩᬯᬵᬲᬸᬫ᭄ᬮᬂᬧᬘᬂᬫᬧᬫᬶᬢ᭄ᬦᬸᬗᬦ᭄ᬢᬶᬓᬮᬤᬾᬰᬶᬳᬶᬤᬾᬯᬕᬸᬂᬕ᭄ᬟᬾᬫᬗᬸᬢ᭄ᬯᬭᬫᬗ᭄ᬮᬄᬓᬦ᭄ᬤᬫᬺᬫ᭄ᬓᬸᬫᬺᬩᬶᬂᬳᬕᬸᬮᬶᬂᬲᬧ᭄ᬗᬯᬾᬤᬂᬮᬸᬧᬸᬢ᭄ᬫᬓ᭄ᬚᬂ᭟ᬦᬾᬢᬢ᭄ᬮᬸ
[᭑᭙ 19A]
ᬢ᭄ᬯᬭᬩᬶᬦᬵᬲ᭄ᬟᬶᬄᬧᬘᬂᬫᬦᬶᬗ᭄ᬕᬮᬶᬦ᭄ᬮᬮᬶᬭᬶᬂᬧᬸᬘᬶᬸᬭᬤᬓ᭄ᬱᬶᬦᬵᬧᬦ᭄ᬳᬲᬶᬄᬧᬲᬶᬮᬶᬄᬳᬲᬶᬄᬭᬩᬓᬢ᭄ᬓᭂᬦᭂᬳᬶᬦ᭄ᬤᬤᬾᬓᬧ᭄ᬕᬢᬦ᭄ᬮᬸᬮᬸᬢ᭄ᬳ᭄ᬦᭂᬗᬂᬜᬭᬶᬢᬬᬂᬳᬶᬤ᭄ᬯᬕᬸᬂᬧᬸᬢ᭄ᬭᬩᬮᬶᬓᬶᬦ᭄ᬤᬶᬦᬢᬳᬾᬲᬤ᭄ᬭᬶᬧᬸᬤᬶᬢᬸᬫᬓ᭄ᬚᬂ᭟ᬫᬓᬤᬶᬳᬶᬤ᭄ᬯᬕᬸᬂᬮᬦᬂ
ᬢᬦ᭄ᬧᬲᬄᬳᬶᬤ᭄ᬯᬕᬸᬂᬭᬳᬶᬭᬫᬾᬗ᭄ᬭᬳᭀᬲᬮᬾᬂᬢᬶᬫ᭄ᬩᬮ᭄ᬢᬦ᭄ᬮᬾᬦ᭄ᬲᬦᬾᬫᬩᬳᭀᬲᬶᬦ᭄ᬩᬳᭀᬲᬾᬳᬶᬓᬢᬸᬦᬶᬧᬤᬵᬳᬸᬮᬢ᭄ᬢᬦᬶᬘᬸᬫ᭄ᬧᬸᬓ᭄ᬟᭂᬂᬚᬳᬶᬮᬾᬲᬫ᭄ᬬᬦ᭄ᬢ᭄ᬯᬭᬤ᭄ᬟᬩᬓᬢ᭄ᬧᬶᬮᬶᬳᬶᬦ᭄ᬳᬦᬓᬵᬕᬸᬂᬩᬕᬸᬲ᭄ᬓᬭᬂᬫᬢᬸᬃᬕ᭄ᬢᬃ᭟ᬗ᭄ᬕᬶᬄᬢᬓᭂᬄᬳᬚ
ᬓ᭄ᬫᬓ᭄ᬚᬂᬓᬾᬦ᭄ᬓᬾᬦ᭄ᬲᬶᬚ᭄ᬦᭂᬗᭂᬚᬦᬶᬧᬋᬓᬵᬦ᭄ᬘᭀᬓᭀᬃᬳᬶᬤᬾᬯᬳᬦᬓ᭄ᬫᬸᬮᬫᬸᬮᬓᬮᬶᬲ᭄ᬓᬤᬸᬂᬩᬸᬭᬸᬄᬳᬶᬧ᭄ᬕᭂᬕ᭄ᬕ᭄ᬢᬃᬫᬦᬶᬫ᭄ᬩᬮ᭄᭟ᬚᬦ᭄ᬢ᭄ᬬᬂᬚ᭄ᬦᭂᬗᭂᬮᬸᬯᬲ᭄ᬮᬶᬬᬸᬦᬦ᭄ᬫᬩ᭄ᬓᭂᬮ᭄ᬳᬶᬲᬶᬦ᭄ᬤᬶᬢ᭄ᬯᬭᬦᬾᬫᬜᬶᬤᬬᬂᬳᬓᬸᬤᬚ᭄ᬗᬄᬢᭂᬧᬸᬓᬶᬦ᭄ᬳᬶᬩᭂᬩ᭄ᬘᭂᬂᬫᬜᬳᬸᬢᬶᬦ᭄ᬧ
ᬓᬮᬶᬲᬶᬦ᭄ᬢ᭄ᬓᭂᬤ᭄ᬤᬶᬢᬸᬤᬫᬲᬶᬄᬘᬕᭂᬭᬂᬩᬚᬸᬩᬕᬸᬲ᭄ᬩᬗ᭄ᬰᬵᬮᬸᬯᬶᬄᬤᬤᬶᬓ᭄ᬜᭂᬫ᭄ᬳᬶᬩ᭄ᬢᬄᬳᬤᬾᬂᬫᬦᬶᬫ᭄ᬩᬮ᭄᭟ᬢᭀᬬᬢᬶᬢᬄᬫᬗᬸᬤᬸᬳᬂᬲᬭᬓᬃᬫ᭄ᬫᬦᬾᬳᬶᬗᬸᬦᬶᬢᭀᬂᬤᬤᬶᬳᬸᬮᬄᬓ᭄ᬮᬶᬤᬂᬳᬶᬓᭂᬲ᭄ᬬᭂᬕ᭄ᬤᬤᬾᬓ᭄ᬜᬳᬸᬢᬶᬦ᭄ᬲᬤᬫᬲᬯᬂᬚᬳᬶᬮ᭄ᬦ
Page:Bali-lontar-gaguritan-cokoratu-03-250ppi.pdf/19
This page has been proofread.
