[᭑᭙ 19B]
᭑᭙
ᬗᬶᬂᬧᬘᬸᬅ᭄ᬩᬦ᭄ᬫᬦᬩᬸᬄᬬᬦ᭄ᬧᬤᬾᬢᬶᬬᬂᬓ᭄ᬫᬵᬚ᭄ᬦᭂᬂᬤ᭄ᬫᭂᬦᬦ᭄ᬫᬩᬮᬶᬄᬳᬶᬤᬾᬯᬕᬸᬂᬭᬳᬶᬓ᭄ᬜᭂᬫ᭄ᬫᬗᬦ᭄ᬤᬶᬓᬵ᭟ᬳᬭᬄᬗᬸᬤᬢᬯᬄᬢᬯᬄᬫᬦᬕᬶᬄᬓ᭄ᬫᬵᬫᬩᬮᬶᬄᬳᬯᬓ᭄ᬚ᭄ᬮᬧ᭄ᬓᬳᬸᬦ᭄ᬤᬗᬦ᭄ᬧᬘᬂᬫᬳᬾᬤᬗᬶᬦ᭄ᬧᬸᬢ᭄ᬭᬶᬤᬶᬢᬸᬮᬳᬸᬢ᭄ᬳᬧᬶᬓᬶᬦ᭄ᬢᬗ᭄ᬓᭂᬧᬾᬳ
ᬧᬗᬧᬳᬸᬢ᭄ᬭᬭᬲᬂᬫᬗ᭄ᬤᬾᬦᬾᬫ᭄ᬮᬄᬳᬶᬤᬾᬯᬕᬸᬂᬧᬸᬢ᭄ᬭᬓ᭄ᬜᬶᬂᬫᬗᬦ᭄ᬤᬶᬓᬵᬩᬸᬓᬵᬗᭂᬘᭀᬃᬤᬂᬤᬂᬕᬸᬮᬵ᭟᭜᭟ᬳᬭᬄᬳᬾᬫᭂᬂᬳᬾᬫᭂᬂᬕᬢᬶᬕᬢᬶᬫᬃᬫ᭄ᬫᬤᬳᬢ᭄ᬢ᭄ᬬᬂᬫᬗ᭄ᬦᭂᬳᬂᬢ᭄ᬓᬾᬦ᭄ᬢᭀᬧᬭᬧᬸᬢ᭄ᬭᬶᬦᬾᬧᬘᬂᬧ᭄ᬲᬸᬜᬮᬸᬓ᭄ᬱᬸᬓ᭄ᬧᬢᬶᬲᭂᬳᭂᬩ᭄ᬗ
ᬯᬲ᭄ᬗ᭄ᬮᬶᬬᬢᬶᬦ᭄ᬦᬾᬧᬘᬂᬳᬗ᭄ᬕᭀᬲᭀᬫᬄᬢᭀᬲᬶᬗ᭄ᬓᬾᬬᬳᬶᬩᬸᬓ᭄ᬫᬓᬤᬶᬦ᭄ᬜᬦᬾᬮᬚ᭄ᬚᬶᬢᬧᬘᬂᬫᬧᬲ᭄ᬧ᭄ᬭᬭᬢᬸᬧᬘᬂᬧᬤᭂᬗ᭄ᬓᬶᬓ᭄ᬫᬗᬓᬸᬓ᭄ᬭᬸᬭᬓᬭᬵ᭟ᬳᬶᬤᬾᬯᬕᬸᬂᬭᬳᬶᬫᬢᬸᬭᬭᬶᬲ᭄ᬗᬸᬤᬓᬾᬦ᭄ᬢᭂᬦ᭄ᬬᬦ᭄ᬫᬦᬳᬂᬢᬶᬢ᭄ᬬᬂᬳᬦ᭄ᬢᬸᬓ᭄ᬓᬮᬶᬦ᭄ᬢᬗ᭄ᬳᬚ᭄ᬭᬶᬄ
ᬳᬾᬳᬶᬤ᭄ᬯᬕᬸᬂᬮᬦᬂᬦᭂᬫ᭄ᬩᬸᬂᬢ᭄ᬓᬩᬦᬶᬢ᭄ᬬᬂᬦᬶᬤᭀᬗᬶᬦ᭄ᬬᬦ᭄ᬢ᭄ᬯᬭᬕᬕᬢ᭄ᬭᬦ᭄ᬢ᭄ᬮᭂᬩ᭄ᬧᬘᬂᬘᬸᬫ᭄ᬧᬸᬓᬳᬸᬦ᭄ᬤᬗᬂᬧᬭᬭᬢ᭄ᬯᬦᬓᬾᬦ᭄ᬓᬾᬦᬾᬧᬬᬸᬗᬸᬦ᭄ᬤᬂᬢ᭄ᬓᭂᬤ᭄ᬫᬳᬶᬳᬶᬓ᭄ᬬᭂᬕ᭄ᬫᬜᭂᬩᬾᬭᬂ᭟ᬜᬾᬦ᭄ᬲᬶᬧᬜ᭄ᬚᬓᬮ᭄ᬳᬮᬶᬄᬗ᭄ᬮᬶᬧᬭᬄᬓᬲᬸᬫ᭄ᬦᭂᬧ᭄ᬳᬾᬗ᭄ᬕᬮ᭄ᬳᬶᬬᬲ᭄ᬢ᭄ᬭᬓᬵᬮᬶᬲ᭄ᬢᬗ᭄ᬓᭂ
[᭒᭐ 20A]
ᬧᬾᬜᬸᬫ᭄ᬩᬄᬫᬚᬮᬦ᭄ᬮᬳᬢ᭄ᬳᬲᬓ᭄ᬱᬡᬲᬕᬾᬢ᭄ᬫᬫᬯᬮᬶᬫ᭄ᬧᭂᬲ᭄ᬜᬸᬫ᭄ᬩᬄᬗᬢᬸᬭᬂᬓᭀᬘᬧ᭄ᬘᭀᬓᭀᬭᬢᬸᬳᬶᬤᬲᬶᬋᬧ᭄ᬯᬯᬸᬧᬶᬲᬦ᭄ᬭᬚᬧᬸᬢ᭄ᬭᬫᬩ᭄ᬭᬶᬬᬸᬓ᭄ᬧᬘᬂᬫᬧᬫᬶᬢ᭄ᬮᬶᬬᬸᬗ᭄ᬮᬄᬧᬦᬮᬃ᭟ᬲᬸᬩᬧ᭄ᬢᭂᬂᬳᬶᬗᬦ᭄ᬤᬳᬸᬄᬓᬮᬶᬄᬘᭀᬓᭀᬭᬢᬸᬫᬭ
ᬫᬗ᭄ᬮ᭄ᬬᬩ᭄ᬦᬓᭀᬦᬂᬧᬢᬶᬄᬭᬢ᭄ᬣᬦᬾᬳᬶᬢ᭄ᬭᬸᬧ᭄ᬳᬤᬾᬂᬫᬳᬢᬸᬃᬳᬶᬧᬸᬦ᭄ᬓᬭᬶᬲᬫᬶᬳᬶᬭᬶᬓᬶᬓᭀᬭᬢᬸᬳᬤᬾᬂᬦᬶᬫ᭄ᬩᬵᬮ᭄ᬢᬸᬦ᭄ᬤᬾᬦᬫᬸᬮᬶᬄᬫᬮᬸᬧᬗᬤᬫᬤᬩ᭄ᬤᬩᬦ᭄ᬭᬾᬄᬤᬤᬓᬦ᭄ᬧᬚᬮᬦᬾᬗᬦ᭄ᬢ᭄ᬬᬂᬫᬸᬮᬶᬄᬳᬶᬢ᭄ᬭᬸᬧ᭄ᬫᬦ᭄ᬤᬵᬳᬸᬳᬂ᭟ᬧᬢᬶᬄᬭᬢ᭄ᬣᬩ᭄ᬭᬶᬬᬸ
ᬓ᭄ᬩᬸᬤᬮ᭄ᬲᬫᬶᬕᬕᬗ᭄ᬲᬭᬦ᭄ᬍᬕᬦ᭄ᬜᬦᬾᬮᬶᬯᬢ᭄ᬢᬦ᭄ᬓᭀᬘᬧ᭄ᬬᬤᬶᬫᬃᬕ᭄ᬕᬦᬾᬳᬶᬤᬕᬸᬂᬓᬂᬯᬶᬦᬸᬯᬸᬲ᭄ᬳᬶᬗᬸᬄᬩᬸᬗ᭄ᬲᬂᬫᬶᬦᭂᬄᬤᬶᬋᬤᬶᬧ᭄ᬟᬲ᭄ᬢᭀᬂᬤᬤᬶᬚᭂᬧᬢ᭄ᬩᬦᬾᬫᬸᬮᬩᬸᬤᬸᬄᬢ᭄ᬯᬭᬦᬯᬂᬤᬸᬃᬕᬩᬬᬳᬶᬤᬾᬯᬕᬸᬂᬓᬾᬢᭀᬫᬶᬦᭂᬄᬤᬶᬋᬤᬶᬲᬓ᭄ᬱᬡ᭄ᬦᬵ
ᬓᬩᬮᬾᬫᬲ᭄᭟ᬕᭂᬩ᭄ᬬᬸᬕ᭄ᬫᬺᬫ᭄ᬤᬶᬭᬜ᭄ᬚᬗᬾᬲᬃᬯ᭄ᬯᬶᬦᬯᬂᬢᬶᬗᬮ᭄ᬢᬦ᭄ᬮᬾᬦ᭄ᬳᬶᬓ᭄ᬘᬶᬬᬮ᭄ᬫᬗᬶᬭᬶᬂᬢ᭄ᬯᬭᬩ᭄ᬮᬵᬲᬾᬳᬶᬤ᭄ᬯᬕᬸᬂ᭠ᬗᬦ᭄ᬤᬶᬓᬮᬸᬲ᭄ᬘ᭄ᬬᬮ᭄ᬩ᭄ᬘᬢ᭄ᬳᬶᬩᬫᬢ᭄ᬮᬶᬓ᭄ᬓᬲᬸᬫ᭄ᬦᭂᬧ᭄ᬤᬲᬂᬦᬸᬓᬾᬬᬤᬶᬢᬸᬳᬶᬓ᭄ᬘᬶᬬᬮᬸᬢ᭄ᬫᬚᬮᬦ᭄ᬕᬕᬗ᭄ᬲᬭᬦ᭄ᬫᬗ᭄ᬭᬜ᭄ᬚᬶᬂᬓᬩᬮᬾ
Page:Bali-lontar-gaguritan-cokoratu-03-250ppi.pdf/20
This page has been proofread.
