[᭔᭕ 45B]
᭔᭕
ᬮᬸᬤᬾᬦᬶᬂᬓᬳᬸᬢᬸᬲᬸᬩᬢ᭄ᬓᬤᬶᬧᬬᬸᬦ᭄ᬳᬶᬤᬾᬯᬕᬸᬂᬓᬕ᭄ᬬᬢ᭄ᬫᬗᬓ᭄ᬱᬶ᭟ᬫᬲᬶᬄᬫᭂᬗ᭄ᬕᬄᬮᬸᬢ᭄ᬗᬦ᭄ᬤᬶᬓᬵᬳᬗᭀᬩ᭄ᬓᬳᬶᬓᬮᬳᬶᬦ᭄ᬧ᭄ᬢᬂᬰᬰᬶᬄᬳᬫ᭄ᬩᬸᬮ᭄ᬩᬗ᭄ᬓᬮ᭄ᬢ᭄ᬕᭂᬄᬜᬸᬓᬸᬃᬢ᭄ᬯᬭᬫᬢᬸᬭᬄᬢᬸᬭᬄᬩᬶᬦ᭄ᬗᬦ᭄ᬤᬶᬓᬵᬳᬲ᭄ᬫᬭᬢᬸᬦ᭄ᬤᬾᬦᬂ
ᬢᬸᬳᬸᬦ᭄ᬚᬸᬭᬸᬕᬫᭂᬮᬾᬫᬓ᭄ᬚᬂᬲᬫ᭄ᬧᬸᬦ᭄ᬢᭂᬤᬸᬦ᭄ᬱᬋᬂᬲᬫᬶ᭟ᬳᬶᬤ᭄ᬯᬕᬸᬂᬳᬭᬶᬲ᭄ᬗᬦ᭄ᬤᬶᬓᬵᬦᬄᬕᬫ᭄ᬮᬂᬮᬳᬸᬢ᭄ᬳᬶᬯᬶᬲᬭᬰ᭄ᬫᬶᬩᬗᬸᬦ᭄ᬚᭂᬚᭂᬄᬜᬦᬾᬧᬸᬧᬸᬢ᭄ᬤᬤᬶᬳᭂᬗ᭄ᬲᬧ᭄ᬓᬾᬦ᭄ᬢᬶᬦ᭄ᬤᬓ᭄ᬫ᭄ᬯᬂᬧᬳᬶᬍᬄᬭᬾᬄᬫᬓ᭄ᬮᭀᬢ᭄ᬯᬭᬫᬸᬭᬸᬓ᭄ᬳᬶ
ᬤ᭄ᬯᬕᬸᬂᬩ᭄ᬯᬶᬦ᭄ᬗᬦ᭄ᬤᬶᬓᬵᬳᬶᬫᬤᬸᬭᬕᬵᬓᬳᬸᬓᬶᬦ᭄᭟ᬢᬸᬦ᭄ᬤᬾᬦ᭄ᬗᬩᬵᬩᭀᬭᬾᬄᬳᬾᬗ᭄ᬕᬮ᭄ᬳᬶᬓᬘᬶᬬᬮ᭄ᬩᬗᬸᬦ᭄ᬫᬚᬮᬦ᭄ᬕᭂᬮᬶᬲ᭄ᬓᬲᬶᬗᬵᬋᬧᬵᬫᬗ᭄ᬮᬳᬸᬢ᭄ᬫ᭄ᬩᭀᬓ᭄ᬫᬗᬢᬸᬭᬂᬳᭀᬤᬓ᭄ᬫᬃᬕ᭄ᬕᬶᬳᬾᬗ᭄ᬕᬮ᭄ᬳᬶᬫᬤᬸᬭᬕᬵᬫᬲ
ᬳᬸᬢ᭄ᬳᬶᬤᬾᬯᬕᬸᬂᬳᬶᬤᬤᬶᬚᬤᬶᬳᬸᬦ᭄ᬤᬕ᭄ᬳᬸᬦ᭄ᬤᬕ᭄ᬫᬮᬶᬗ᭄ᬕᬶᬄ᭟ᬳᬶᬫᬤᬸᬭᬕᬵᬗᬾᬗ᭄ᬕᬮᬗᬳᬾᬳᭀᬤᬓ᭄ᬳᬘᬯᬦ᭄ᬧᬸᬧᬸᬢ᭄ᬕᭂᬮᬶᬲ᭄ᬫᬯᬤᬄᬩᭀᬓᭀᬃᬫᬧᬳᬸᬢ᭄ᬳᬾᬗ᭄ᬕᬮᬸᬢ᭄ᬣᬫᬚᬮᬦ᭄ᬓᬫ᭄ᬩᭂᬦ᭄ᬜᬦᬾᬩᬢᬶᬓ᭄ᬱᬫ᭄ᬩᬂᬩᬗ᭄ᬲᬵ
[᭔᭖ 46A
ᬳᬸᬫᬸᬃᬲᬗ᭄ᬓᬸᬳᬸᬩ᭄ᬤᬤᬸᬓᬸᬮᬶᬢᬦ᭄ᬫᬲᬩᬸᬓ᭄ᬬᬲᬸᬢᬺᬓᬸᬦᬶᬂ᭟ᬲᬸᬩᬢ᭄ᬓᭂᬤᬶᬧᬬᬸᬦᬦ᭄ᬳᬶᬤᬾᬯᬕᬸᬂᬜᭂᬜᭂᬃᬗᬦ᭄ᬤᬶᬓᬵᬳᬭᬶᬲ᭄ᬦᬄᬩᭀᬭᬾᬳᬶᬦ᭄ᬓᬳᬶᬫᬮᬸᬭᬭᬶᬲ᭄ᬗᭂᬜ᭄ᬚᬸᬳᬂᬢᬗᬦ᭄ᬳᬶᬤᬾᬯᬕᬸᬂᬦᬭᬾᬓᬂᬮᬶᬬᬢᬶᬦ᭄ᬫᬮᬸ
ᬢᭀᬍᬫ᭄ᬳᬍᬫᬦ᭄ᬳᬶᬩᭂᬢ᭄ᬯᬭᬳᬶᬗᭂᬢ᭄ᬓᬾᬦ᭄ᬳᭂᬲᬶᬂ᭟ᬓᬤᬸᬓᬦ᭄ᬕ᭄ᬟᬾᬦᬾᬓ᭄ᬭᬸᬭᬧ᭄ᬟᬲ᭄ᬳᬶᬩᬚ᭄ᬦᭂᬂᬫ᭄ᬮᭂᬢ᭄ᬩᭂᬢ᭄ᬦᬸᬳᬸᬓᬶᬦ᭄ᬳᬶᬫᬤᬸᬭᬕᬵᬫᬗᬸᬦ᭄ᬢᬸᬓ᭄ᬮᬕᬸᬅ᭄ᬕ᭄ᬟᬕᬾᬮᬶᬯᬢ᭄ᬳᬶᬤᬾᬯᬕᬸᬂᬩ᭄ᬯᬶᬦ᭄ᬗᬓ᭄ᬫᬓ᭄ᬱᬶᬦᬾᬫᬳᬸᬭᬸᬓ᭄ᬫᭂᬗ᭄ᬕᬄ
ᬓ᭄ᬫᬕ᭄ᬟᬶᬬᬂᬕᬕᬫ᭄ᬮᬦᬾᬳᬸᬍᬲᬶᬦ᭄᭟ᬳᬶᬤᬾᬯᬕᬸᬂᬭᬭᬶᬲ᭄ᬫᬸᬗ᭄ᬕᬳᬦ᭄ᬜᬭᬸᬜᬭᬸᬫᬦ᭄ᬢᬸᬓᬦ᭄ᬗᬦ᭄ᬤᬶᬓᬵᬳᬭᬶᬲ᭄ᬓ᭄ᬫᬘᬶᬬᬮ᭄ᬗᬮᬧ᭄ᬜᬫ᭄ᬩᬸᬓᬳᬶᬓ᭄ᬩᬸᬲ᭄ᬮᬸᬤ᭄ᬩ᭄ᬤᬓ᭄ᬳᬶᬓᬘᬶᬬᬮ᭄ᬗᬾᬗ᭄ᬕᬮᬂᬫᬗᬮᬧ᭄ᬜᬫ᭄ᬩᬸᬲᬸᬩᬗᬢᬸ
ᬭᬂᬫᬦ᭄ᬢᬸᬓᬦ᭄ᬳᬶᬤ᭄ᬯᬕᬸᬂᬓ᭄ᬜᭂᬫ᭄ᬗᬓ᭄ᬱᬶ᭟ᬩᬶᬄᬲᬸᬩᬳᬶᬩᬜᭂᬓᭂᬦᬂᬜᬾᬦ᭄ᬓᬩᬳᬂᬗᬸᬤᬵᬫᬓ᭄ᬮᭀᬕᬢᬶᬳᬶᬓᬘᬶᬬᬮ᭄ᬫ᭄ᬧᭂᬲ᭄ᬫᬢᬸᬃᬫᬺᬫ᭄ᬟᬶᬩᬮᬾᬓᬨᬮ᭄ᬢᬶᬢ᭄ᬬᬂᬳᬚ᭄ᬭᬶᬄᬗᬶᬗ᭄ᬲᬦᬂᬭᬢᬸᬤᬾᬯᬕᬸᬂᬩ᭄ᬯᬶᬦ᭄ᬤᬶᬓᬵᬜᬾᬦ᭄ᬳ
Page:Bali-lontar-gaguritan-cokoratu-04-300ppi.pdf/46
This page has been proofread.
