[᭔᭖ 46B]
᭔᭖
ᬤᬤᬶᬢᬸᬫᬋᬗᬶᬦ᭄᭟ᬳᬶᬓᬘᬶᬬᬮ᭄ᬫᭂᬧᭂᬲ᭄ᬡᬄᬭᬢᬸᬯᬾᬦ᭄ᬢᭂᬦ᭄ᬩᬩᬾᬤᬦ᭄ᬫᬶᬦᬩᬩ᭄ᬳᬸᬯᬶᬮ᭄ᬢᬓᬾᬦᬶᬦ᭄ᬢᬶᬢ᭄ᬬᬂᬫᬗ᭄ᬮᬸᬃᬫᬯᬶᬦᬦ᭄ᬫᬗᬮ᭄ᬬᬩ᭄ᬓᬢᬓᬾᬦᬦ᭄ᬳᬶᬧᬸᬦ᭄ᬫᬢᬸᬃᬢᬦ᭄ᬧᬳᬸᬦ᭄ᬤᬸᬓ᭄ᬭᬭᬶᬲ᭄ᬢᬶᬢ᭄ᬬᬂᬓᬘᬶᬗᬓᬦ᭄ᬲᬫ᭄ᬧᬸᬦ᭄ᬢᬶᬢ᭄ᬬᬂ
ᬫᬢᬸᬃᬲᬫᬶ᭟ᬧᬋᬓᬦ᭄ᬘᭀᬓᭀᬃᬳᬶᬤᬾᬯ᭄ᬯᬳᬶᬤᬩᬕᬸᬲ᭄ᬗᬸᬭᬄᬭᬭᬶᬲ᭄ᬫᬮᬶᬗ᭄ᬕᬶᬄᬗᬶᬂᬲ᭄ᬯᬩᬯᬵᬕ᭄ᬲᬶᬢ᭄ᬩᬮᬸᬢ᭄ᬓ᭄ᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓᬵᬤᬸᬭᬸᬂᬧᬸᬧᬸᬢ᭄ᬩᬩᬳᭀᬲ᭄ᬕ᭄ᬮᬶᬲᬦ᭄ᬭᬯᬸᬄᬧᬋᬓᬦ᭄ᬘᭀᬓᭀᬃᬳᬶᬤᬾᬯᬵᬤᬤᬾᬅ᭄ᬳᭀᬓᬵᬤ
ᬤᬾᬳᬡ᭄ᬝᬶᬓ᭄᭟ᬗᬸᬦ᭄ᬓᬸᬦ᭄ᬗᬚᬓᬶᬦ᭄ᬗᬚᭂᬗᬂᬤᬕᬸᬲ᭄ᬗᬸᬤ᭄ᬬᬂᬓᬸᬭᬶᬂᬲᬦ᭄ᬫᬲᬲᬶᬭᬶᬄᬲᬸᬩᬓᬾᬧᬶᬘᬕᭂᬃᬢ᭄ᬭᬸᬲ᭄ᬧᬘᬂᬫ᭄ᬩᬳᬦ᭄ᬧᬨᬮᬜᬲᬧᬸᬦᬶᬓᬵᬤᬫᬤᬾᬚ᭄ᬮᬡ᭄ᬝᬶᬓ᭄ᬫᬢᬸᬃᬳᬶᬤ᭄ᬯᬕᬸᬂᬋᬲᭂᬧ᭄ᬫᬶᬋᬗᬂᬫᬢᬓᬾᬦ᭄ᬕᬶᬦᬦ᭄ᬢᬶᬕᬦ᭄ᬢᬶ᭟
᭟᭜᭟ᬲᬸᬩᬓᬧᬶᬤᬃᬢ᭄ᬣᬧᬸᬧᬸᬧᬸᬢ᭄ᬳᬶᬤ᭄ᬯᬕᬸᬂᬗᬦ᭄ᬤᬶᬓᬵᬫᬮᬶᬄᬓᬭᬂᬗ᭄ᬓᬶᬢ᭄ᬮᬶᬓᬶᬦ᭄ᬳᬶᬩᬲᬸᬩᬓᬾᬬᬧᬤᬵᬫᬸᬮᬶᬄᬳᬶᬓᬘᬶᬬᬮᬸᬢ᭄ᬫᬚᬮᬦ᭄ᬲᬸᬩᬵᬢ᭄ᬓᭂᬤ᭄ᬬᬤᬶᬭᬗ᭄ᬓᬶ᭟ᬲ᭄ᬧᬶᬲᬫᬸᬦ᭄ᬢᭀᬦ᭄ᬤᬾᬦ᭄ᬭᬳᬸᬄᬫᬢᬸᬮᬓ᭄ᬗᬢᬸᬭᬂᬕ᭄ᬮᬶᬲ᭄ᬳᬶᬤ
[᭔᭗ 47A]
ᬦᬓ᭄ᬘᭀᬓᭀᬃᬳᬶᬤᬾᬯ᭄ᬯᬤᬸᬭᬸᬂᬭᬯᬸᬄᬲᬋᬂᬲᬫᬶᬳᬶᬤᬾᬯᬕᬸᬂᬧᬸᬢᬺᬗᬦ᭄ᬤᬶᬓᬵᬓ᭄ᬫᬓᬩᬜ᭄ᬘᬶᬗᬄᬳᬮᬶᬄ᭟ᬢᬦ᭄ᬘᬭᬶᬢ᭄ᬣᬲᬸᬩᬭᬯᬸᬄᬭᬚᬧᬸᬢᬺᬲᬋᬂᬲᬫᬶᬢᬦ᭄ᬓᭀᬘᬧᭂᬦ᭄ᬩᬾᬜ᭄ᬚᬂᬲ᭄ᬫᭂᬂᬳᬶᬤ᭄ᬯᬕᬸᬂᬧᬸᬢᬺᬫᭂᬢᬗᬶᬓᭀᬤᬮ᭄ᬫᬗᬓ᭄ᬱᬶᬯᬦ᭄ᬢᬶ
ᬮᬦ᭄ᬭᬶᬗᬮᬸᬦᬮᬸᬦ᭄ᬫᬮᬶᬗ᭄ᬕᬶᬄ᭟ᬩᬳᬸᬤᬦ᭄ᬟᬵᬲᬫᬶᬭᬯᬸᬄᬲᬦᬾᬧᬘᬂᬫᬗᭂᬫ᭄ᬧᭀᬦᬶᬦ᭄ᬳᬶᬤ᭄ᬯᬕᬸᬂᬭ᭠ᬭᬶᬲ᭄ᬢ᭄ᬟᬸᬦᬦ᭄ᬤᬶᬯᬦ᭄ᬢᬶᬮᬦᬾᬫᬮᬶᬗ᭄ᬕᬶᬄᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬩᬸᬓᬵᬫᭂᬫ᭄ᬩᬄᬫᬥᬸᬕᭂᬦ᭄ᬤᬶᬲ᭄᭟ᬳ᭄ᬜᬾᬦᬾᬗᭂ
ᬫ᭄ᬧᭀᬦᬶᬦ᭄ᬢᬂᬗ᭄ᬮᬸᬓ᭄ᬳᬶᬭᬗᬗ᭄ᬕᭀᬦ᭄ᬧᬘᬂᬫᬳᬸᬓᬶᬃᬳᬦᬓ᭄ᬳᬕᬸᬂᬩᬕᬸᬲ᭄ᬓᬭᬂᬫᬢᬸᬃᬚᬕᬫ᭄ᬭᬳᬩ᭄ᬳᭂᬲᬶᬂᬳᬦᬓ᭄ᬳᬕᬸᬂᬩᬕᬸᬲ᭄ᬗᬸᬭᬄᬫᬢᬸᬃᬢᬫ᭄ᬧᬸᬮ᭄ᬫᬗ᭄ᬤᬾᬫᬸᬓᬶᬃ᭟ᬳᬶᬧ᭄ᬕᭂᬕ᭄ᬫᬲᬳᬸᬃᬳᬮᬸᬲ᭄ᬮᬘᬮᬘᬢᬫ᭄ᬩᬕᬧᬸᬢᬶᬄᬢᬶᬢ᭄ᬬᬂᬗᭂᬫ᭄ᬧᭀ
ᬦᬶᬦ᭄ᬧᬸᬦᬶᬓᬵᬲᬗ᭄ᬕᬄᬳᬶᬩᭂᬜ᭄ᬘᭂᬗᭂᬫ᭄ᬧᭀᬦᬶᬦ᭄ᬢᬶᬗ᭄ᬮᬸᬓ᭄ᬳᬶᬩ᭄ᬢᬄᬗᭂᬦᬶᬬᬳᬶᬓᭂᬲ᭄ᬬᭂᬕ᭄ᬗᬮᬾᬧᭀᬲᬫᬶ᭟ᬲ᭠
ᬫ᭄ᬧᬸᬧᬸᬢ᭄ᬫᬧᬘᬸᬓᬸᬄᬤᬳᬸᬄᬢᬶᬕᬩᬸᬤᬮ᭄ᬲᬫᬶᬫᬗ᭄ᬭᬭᬶᬲ᭄ᬳᬶᬤᬵᬫᬲᬶᬭᬫ᭄ᬢᬦ᭄ᬓᭀᬘᬧᬳᬸᬲ᭄ᬫᬲᬸᬘᬶᬫᬢᬶᬃ
Page:Bali-lontar-gaguritan-cokoratu-04-300ppi.pdf/47
This page has been proofread.
