[᭗ 7B]
᭗
ᬦ᭄ᬕ᭄ᬮᬶᬲ᭄ᬳᬶᬚᬯᬵᬭᬕᬵᬓᬯᬸᬯᬸᬲ᭄ᬲᬸᬩᬫ᭄ᬦᬾᬓᬓᬨᬮ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬫᬗᬓ᭄ᬱᬶᬫᬗᬸᬫᬗᬸᬫᬗᬤᭂᬕ᭄ᬲᭀᬭᬶᬂᬓᬢᬧᬂ᭟ᬓᬨᬮᬾᬲᬸᬩᬫᬮᬬᬃᬲᬸᬗᬸᬦ᭄ᬜᬦᬾᬗᭂᬫ᭄ᬩᭀᬜᭂᬭᬶᬢ᭄ᬜᭂᬍᬃᬧᬮᬬᬭᬾᬕᬗ᭄ᬲᬃᬩ᭄ᬘᬢ᭠
ᬦ᭄ᬢ᭄ᬓᬾᬦᬶᬂᬳᬗᬶᬦ᭄ᬳᬦ᭄ᬤᬸᬲᬾᬜᭂᬍᬕ᭄ᬧᬸᬢᬶᬄᬫᬧᬫ᭄ᬩᬸᬭᬸᬗᬦ᭄ᬳᬓᬸᬢᬸᬲ᭄ᬜᬸᬚᬸᬃᬢᬸᬩᬦ᭄ᬓᭀᬭᬶᬧᬦ᭄ᬩ᭄ᬘᬢ᭄ᬦᬘ᭄ᬤᭂᬲ᭄ᬓᬧᬲᬶᬳᬶᬚᬸᬭᬕᬦ᭄ᬫᬸᬮᬂᬫᬗ᭄ᬕᬃᬮᬸᬢ᭄ᬫᬘᬂᬘᬂ᭟ᬓᬢᬸᬯᭀᬦ᭄ᬓᬮᬗᬦ᭄ᬲᬜ᭄ᬚᬢ᭄ᬯᬭᬲᬶᬤᬵᬢᬸᬳᬸᬦ᭄ᬚᬦᬶᬫᬗᬶᬦᭂᬧ᭄ᬳᬶ
ᬧᬸᬦ᭄ᬤᬶᬓᬨᬮ᭄ᬧ᭄ᬢᭂᬂᬢᬦ᭄ᬓᭀᬘᬧ᭄ᬦᬾᬫᬗ᭄ᬓᬶᬦ᭄ᬩᬸᬫᬭᬩᬳᬕ᭄ᬓᬗᬶᬦ᭄ᬳᬶᬚᬸᬭᬕᬦ᭄ᬧᬤᬫᬸᬳᬸᬕ᭄ᬦᬸᬳᬸᬦᬂᬲ᭄ᬦᬸᬳᬸᬦᬂᬲ᭄ᬢᬸᬫ᭄ᬩᬕᬲ᭄ᬚᬸᬓᬸᬂᬧᬗᬸᬜ᭄ᬚᬮ᭄ᬚᬮ᭄ᬫᬓᬤᬶᬮᬳᬸᬢᬸᬳᬸᬦ᭄ᬩᬩᬦ᭄ᬤᬭᬦᬾᬫᬓ᭄ᬚᬂ᭟ᬫ᭄ᬓᬤᬶᬳᬶᬚᬶᬯᬵᬭᬕᬵᬩ᭄ᬘᬢ᭄ᬲᬸᬩᬤᬶᬧᬲᬶᬲᬶᬫᬭᬾ
ᬭᬾᬦ᭄ᬧᬤᬵᬫᬦ᭄ᬕᬓ᭄ᬳᬶᬯᬶᬭᭀᬤᬬᬗᬸᬮᬧᬶᬦ᭄ᬦᬾᬗᬤᬾᬦᬶᬦ᭄ᬧᬲᬶᬲᬶᬫ᭄ᬦᬕᬶᬄᬚᬮᭂᬫᭂᬮᬳᬸᬢ᭄ᬓᬮ᭄ᬗᬩ᭠ᬩᬩᬦ᭄ᬤᬭᬦ᭄ᬳᬶᬓᬮ᭄ᬬᬂᬫᬗᬭᬳᬶᬦ᭄ᬭᬾᬜ᭄ᬘᬂᬮᬶᬬᬸᬤᬶᬧᬲᬶᬲᬶᬲᬸᬩᬗᬫ᭄ᬩ᭄ᬬᬃ᭟ᬢᬦ᭄ᬓᭀᬘᬧ᭄ᬲᬸᬩᬫᬚᬮᬦ᭄
[᭘ 8A]
ᬳ᭄ᬦᭂᬗᬂᬫᬮᬸᬤᬶᬫᬃᬕ᭄ᬕᬶᬓᭀᬭᬢᬸᬚᬦᬶᬳᬸᬘᬧᬂᬤᬶᬳᬫ᭄ᬩᬾᬦ᭄ᬮᭀᬚᬶᬫᬮᬶᬗ᭄ᬕᬶᬄᬧᬢᬶᬄᬭᬢ᭄ᬣᬦᬾᬦᬗ᭄ᬓᬶᬮ᭄ᬦᬾᬦᬾᬤᬤ᭄ᬯᬩᬋᬂᬤᬶᬢᬸᬧᬤᬗᬤᭂᬧᬾᬍᬫᬄᬤ᭄ᬬᭂᬫ᭄ᬢ᭄ᬯᬭᬩᬦᬶᬗᬸᬯᬶᬢ᭄ᬘᭀᬓᭀᬭᬢᬸᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶ
ᬓᬵ᭟ᬚᬦᬶᬓᬳᬶᬗᬦ᭄ᬢ᭄ᬬᬂᬮᬸᬯᬲ᭄ᬓᬦᬕᬭᬧᬘᬂᬦᬗ᭄ᬓᬶᬮ᭄ᬓ᭄ᬫᬗᬮᬶᬄᬲᬶᬲᬶᬕ᭄ᬳᬾᬗ᭄ᬕᬮ᭄ᬧᬲᬳᬦᬾ᭠ᬳᬩᬫᬳᬶᬧᬢᬶᬄᬭᬢ᭄ᬣᬗᬬᬳᬶᬦ᭄ᬓᭀᬭᬢᬸᬓᬩᬾᬚᬶᬲᬫ᭄ᬧᬸᬦ᭄ᬮᭀᬅ᭄ᬳᬤᬾᬜ᭄ᬫᬓ᭄ᬯᬲ᭄ᬢ᭄ᬭᬮᭀᬅ᭄ᬗᬄᬫᬲᬸᬯᬂ
ᬍᬗᬶᬲ᭄ᬧ᭄ᬢᬶᬦ᭄ᬤᬲ᭄ᬢᬃᬳᬮᬶᬳᬮᬶᬮᬦ᭄ᬓᬯᬘ᭟ᬓᭀᬭᬢᬸᬲᬸᬩᬫᬲᬶᬭᬫ᭄ᬓᬳ᭄ᬩᬾᬦ᭄ᬮᭀᬚᬶᬫᬲᬸᬭᬶᬫᬕᬶᬮᭀᬦᬧ᭄ᬢᬧᬂᬭᭀᬫᬓ᭄ᬜᭂᬫᬗᬦ᭄ᬤᬶᬓᬵᬳᬭᬶᬲ᭄ᬓᬫ᭄ᬩᭂᬦᬾᬳᬩᬫᬳᬶᬮᭀᬅ᭄ᬳᬤᬾᬗᬢᬸᬭᬂᬲᬫ᭄ᬧᬸᬦ᭄ᬯᬲ᭄ᬢ᭄ᬭᬕ
ᬕᬸᬮᬸᬂᬕᬤᬂᬫᬓᬓᬬᭀᬦᬦ᭄ᬗᬾᬤᬦᬶᬦ᭄ᬲᬸᬩᬧᬳᬸᬢ᭄ᬫᬧᬧ᭄ᬓᭂᬓ᭄ᬩᬢᬶᬓ᭄ᬲᬸᬢ᭄ᬭ᭟ᬫᬓᬫ᭄ᬧᬸᬄᬧᬧᬳᬸ᭠ᬢᬦ᭄ᬕᬕᬸᬮᬸᬂᬤᬤᬸᬫᬢ᭄ᬮᬸᬓᬶᬫᬳᬸᬫ᭄ᬧᬮ᭄ᬓᬸᬦᬶᬂᬲᬸᬢ᭄ᬭᬲᬮ᭄ᬓᬯᬘᬵᬩᬶᬮᬸᬤ᭄ᬭᬸᬢᬗᬶᬫᭀᬤ᭄ᬭᬾᬩᬶᬦ᭄ᬢᬂᬩᬄᬦ
Page:Bali-lontar-gaguritan-cokoratu-04-300ppi.pdf/8
This page has been proofread.
