[᭘ 8B]
᭘
ᬭᬶᬳᬗ᭄ᬕᬯᬾᬭᬕᬵᬓᬸᬂᬮᬸᬮᬸᬢ᭄ᬭᬕᬫ᭄ᬭᭀᬲ᭄ᬕᬮᬸᬗ᭄ᬕᬂᬢᬗᬦᬾᬳᬮᬸᬲ᭄ᬗᬾᬤᬦᬶᬦ᭄ᬚ᭄ᬭᬶᬚᬶᬭᬸᬭᬸᬲ᭄ᬳᬮᬶᬳᬮᬶᬫᬫᬦᬶᬲᬦ᭄᭟ᬫᬜᬸᬗ᭄ᬓᭂᬮᬶᬢ᭄ᬳᬶᬚᬬᬮᬩᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬭᬶᬲ᭄ᬘᬫ᭄ᬘ᭄ᬬᭀᬚᬭᬦᬾᬳᬩᬧᬘᬂᬳᬢᬸᬭᬂ
ᬓᬧᬸᬭᬶᬳᬶᬕᬭᬾᬂᬗᬩᭂᬧ᭄ᬢᬶᬳᬶᬕᬭᬶᬢ᭄ᬓᬫ᭄ᬧᬾᬓᬾᬢᬶᬓᬸᬮ᭄ᬧᬢᬶᬄᬭᬢ᭄ᬣᬦᬾᬲᬫ᭄ᬬᬦ᭄ᬧ᭄ᬭᬬᬜᬧᬘᬂᬫ᭠ᬗᬶᬭᬶᬂᬘᭀᬓᭀᬭᬢᬸᬗᬦ᭄ᬤᭂᬕᬂᬭᬭᬶᬲ᭄ᬫᬫᬃᬕ᭄ᬕᬵ᭟ᬚᬗ᭄ᬕᭂᬮᬂᬳᭂᬦᬸᬤᬶᬚᬮᬦ᭄ᬳᬶᬚᬶᬯᬵᬭᬕᬩᬮᬶᬓᬶᬦ᭄ᬲᬸᬩᬢ᭄ᬓᭂ
ᬤᬶᬦᭂᬕᬭᬳᬶᬤᬳᬶᬤᬾᬯᬕᬸᬂᬳᬚᬶᬭᬶᬂᬲᬸᬫ᭄ᬦᭂᬧ᭄ᬓᬢᬗ᭄ᬓᬶᬮ᭄ᬳᬢᬧ᭄ᬚᭂᬚᭂᬮ᭄ᬳᬰ᭄ᬭᬶᬮᬗᬸᬧᬤᬵᬦ᭄ᬟᬕᬸᬲ᭄ᬢᬶᬗᬸᬭᬄᬫᬓᬤᬶᬘᭀᬓᭀᬤ᭄ᬟᬵᬭᬳᬶᬧᬺᬧᬸᬗ᭄ᬕᬯᬵᬭᭀᬩᬦ᭄ᬤᬶᬦᬢᬳᬾᬗᬫ᭄ᬩ᭄ᬬᬃ᭟ᬳᬶᬚᬶᬯᬵᬭᬕᬳᬸᬘᬧᬂᬗ᭄ᬮᬳᬸᬢ᭄ᬓᬲᬸᬫᭂᬦ᭄ᬟᭃ
ᬧ᭄ᬕᭂᬮᬶᬲ᭄ᬫ᭄ᬧᭂᬲ᭄ᬫᬢᬸᬭᬂᬲᬸᬭᬵᬢ᭄ᬳᬶᬤᬾᬯᬕᬸᬂᬳᬚᬶᬗᬓ᭄ᬱᬶᬮᬾᬤᬗᬾᬢᬦ᭄ᬱᬶᬦᬶᬧᬶᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬮᬸᬲ᭄ᬧᬶᬤᬦ᭄ᬳᬶᬩᬫᬚᬮᬦ᭄ᬕᬸᬲ᭄ᬢᬶᬦ᭄ᬩᭂᬗᬶᬦ᭄ᬧᬶᬤᬦ᭄ᬫᬸᬮᬶᬄᬫ᭄ᬧᭂᬲ᭄ᬜᬸᬫ᭄ᬩᬄᬫᬢᬸᬃᬳᬶᬚᬶᬯᬵᬭᬕᬵ᭟ᬲᬦᬾᬳᬶᬩᬶᬗᬮᬶᬗ᭄ᬱᬶᬭᬂ
[᭙ 9A]
ᬭᬶᬂᬓᬨᬮ᭄ᬢᬶᬢ᭄ᬬᬂᬳᬯ᭄ᬗᬶᬳᬶᬤᬵᬦᬓ᭄ᬘᭀᬓᭀᬃᬳᬶᬤᬾᬯᬢᬦ᭄ᬯᬾᬦ᭄ᬢᭂᬦ᭄ᬓᬶᬘᬦ᭄ᬫᬧᬫᬶᬢ᭄ᬳᬯᬶᬦᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄ᬗᬢᬸᬭᬂᬲᬸᬭᬢ᭄ᬓᬳᬸᬢᬸᬲ᭄ᬬᬦ᭄ᬧᬚᬯᬶᬦᬶᬂᬲᬸᬭᬢ᭄ᬢᬶᬢ᭄ᬬᬂᬓᬧᬶᬢ᭄ᬮᬲᬫᬶᬳᬶᬤᬾᬯᬕᬸᬂᬳᬚᬶᬭᬭᬶᬲ᭄ᬫᬳᭀᬲ᭄ᬲᬸᬭᬢ᭄᭟ᬲᬕᬾᬢ᭄ᬳᬶ
ᬤ᭄ᬟᬵᬩᬕᬸᬲ᭄ᬗᬸᬭᬄᬭᬯᬸᬄᬓᬲᬸᬫ᭄ᬦᭂᬧ᭄ᬕᭂᬮᬶᬲ᭄ᬳ᭄ᬩᭀᬦᬾᬫᬶᬬᬸᬃᬳᬶᬬᬸᬃᬭᬦ᭄ᬘᬦᭂᬕ᭄ᬢᬗ᭄ᬓᬶᬮᬦᬾᬲᬫᬶᬘᬋᬫ᭄ᬧᬤᬫᬗᬓ᭄ᬱᬶᬫᬓᬤᬶᬜᬳᬶᬤᬾᬯᬕᬸᬂᬜᭂᬜᭂᬃᬩᬸᬫᬭᬜᬶᬗᬓ᭄ᬮᬸᬢ᭄ᬫᬳᬯᬾᬫᬓᬳᬸᬓ᭄ᬫᬳᬶᬳᬾᬗ᭄ᬕᬮ᭄ᬦᬾᬢᬸᬮᬶᬲ᭄ᬧᬘ
ᬬᬂᬳᬸᬯ᭟ᬓᭀᬭᬢᬸᬫ᭄ᬧᭂᬲ᭄ᬫᬜᬸᬫ᭄ᬩᬄᬫᬶᬫᬶᬢᬂᬲᬸᬭᬢ᭄ᬢᬸᬫᬸᬮᬶᬫᬫᬳᭀᬲ᭄ᬢᬩᬸᬳᬾᬕ᭄ᬢᬃᬫᬸᬜᬶᬦ᭄ᬢᬸᬮᬶᬲ᭄ᬗᬶᬚᬲ᭄ᬗᬢᬶᬄᬲᬫ᭄ᬧᬸᬦ᭄ᬓᬯ᭄ᬤᬃᬲᬫᬶᬳᬶᬤᬾᬯᬕᬸᬂᬗᬦ᭄ᬤᬶᬓᬵᬳᬮᬸᬲ᭄ᬯᬍᬲ᭄ᬘᬳᬶᬮᬳᬸᬢᬂᬩᬶᬦ᭄ᬫᬦᬶᬭᬜ᭄ᬘᬗᬂᬢᬸᬮᬶᬲ᭄ᬘᭀᬓᭀᬭᬢᬸ
ᬫ᭄ᬧᭂᬲ᭄ᬗᬶᬭᬶᬂᬧᬓᬬᬸᬦᬦ᭄᭟ᬳᬶᬚᬶᬯᬵᬭᬕᬵᬓᬯ᭄ᬗᬦ᭄ᬩᬳᬦ᭄ᬢᬸᬫ᭄ᬩᬾᬦᬾᬫᬦ᭄ᬧᬸᬓᬶᬦ᭄ᬫᬯᬗ᭄ᬲᬶᬢ᭄ᬳᬚᬓᬧᬢ᭄ᬧ᭠ᬢ᭄ᬗᬸᬦ᭄ᬢᬸᬓ᭄ᬧᬲᬮᬾᬂᬢᬭᬾᬓᬶᬦ᭄ᬩᬸᬲᬦ᭄ᬩᬸᬲᬦ᭄ᬗ᭄ᬮᬶᬬᬢᬶᬦ᭄ᬦᬾᬚᬳᬦᬓ᭄ᬩᬕᬸᬲ᭄ᬦᬸᬮᬸᬲ᭄ᬳᬭᬄᬗ᭄ᬜᬕᬂᬚᬚᬄᬲᭀ
Page:Bali-lontar-gaguritan-cokoratu-04-300ppi.pdf/9
This page has been proofread.
