[᭓᭙ 39B]
᭓᭙
ᬗ᭄ᬱᬶᬢ᭄ᬫᭀᬢᭀᬃᬳᬶᬗᬦ᭄ᬓᬭᭀᬩᭂᬮᬄᬫ᭄ᬯᬢ᭄ᬧᬦᬗᬶᬭᬶᬗᬾᬲᬫᬶᬳᬢᭂᬧᬤᬫᬭᬶᬭᬶᬕ᭄ᬳᬤᬾᬂᬧᬚᬮᬦᬾᬳᬮᬸᬲ᭄ᬳᬶᬲᬸᬧᬶᬃᬧᬤᬢᬗᬃᬜᭂᬚᭂᬳᬶᬦ᭄ᬧᬂᬗ᭄ᬤᬗᬮᬶᬮᬶᬕ᭄ᬘᭀᬓᭀᬭᬢᬸᬭᬶᬂᬳᬬᬸᬦ᭄ᬫᬦᬫᭀᬢᭀᬃᬩ᭄ᬱᬃ᭟
ᬤᬶᬧᬸᬗ᭄ᬓᬸᬃᬗ᭄ᬥᬶᬮ᭄ᬫ᭄ᬯᬂᬫᬫᬲ᭄ᬫᭀᬢᭀᬃᬓᭀᬭᬢᬸᬫᬫᬃᬕ᭄ᬕᬶᬫᬧᬫᬸᬘᬸᬓ᭄ᬱᬸᬭᬾᬂᬧ᭄ᬭᬂᬲᭀᬭᭀᬄᬦᬾᬩᬦᬶᬗᭂᬫᬲᬶᬦ᭄ᬮᬶᬬᬸᬳᬤᬳᬗ᭄ᬓᭂᬩᬗ᭄ᬲᬦᬾᬦᬾᬢ᭄ᬕᬸᬄᬢ᭄ᬕᬸᬄᬧ᭄ᬭᬓᭀᬧᬢᬜ᭄ᬚᬗ᭄ᬓᬬᬦ᭄ᬕᭀᬩᬦᬾᬗᬺᬱᬂᬳᬢᬶᬫᬗᬶᬓ᭄ᬗᬶᬓᬦ᭄ᬓᬤᬶᬭᬸᬧᬦ᭄ᬬᬫᬩᬮ᭞ᬫ
ᬭᭀᬄᬧᬤᬚᬮᬦ᭄ᬲᭀᬭᭀᬄᬦᬾᬍᬗᬃᬫᬸᬘᬸᬓᬶᬦ᭄ᬳᬓ᭄ᬭᬮ᭄ᬧᬤᬓᬩᬶᬦᬯᬧᬤᬳᬗᬺᬱᬻᬲᬗᬢᬶᬧᬳᬸᬢ᭄ᬫᬲᬶᬗ᭄ᬲᭂᬢ᭄ᬲᬫᬶᬦᬶᬓᬸᬮ᭄ᬫᬫᬲ᭄ᬳᬚᬓ᭄ᬱᬶᬬᬸᬗᭀᬳᭀᬧᬤᬫᬲᬸᬃᬬ᭄ᬬᬓ᭄ᬓᬤᬶᬫᬸᬩᬸᬭᬂᬧᬺᬣᬶᬯᬶᬧᬤᬚᭂᬭᬶᬄᬳᬲᬶᬗᬢᭀᬦᬂᬫᬓ᭄ᬚᬂ᭟ᬤᬶ
ᬤᭀᬭᬶᬦ᭄ᬜᬦᬾᬧᬸᬦᬶᬓᬲᭀᬭᭀᬄᬦᬾᬦᬾᬓᬧᬾᬂᬩᭂᬭᬶᬲ᭄ᬓᬶᬫᬶᬲ᭄ᬚᬾᬗ᭄ᬕᭀᬢ᭄ᬱᬫᬄᬲᬫᬄᬫᬩᬸᬮᬸᬯᬗ᭄ᬓᬄᬫ᭄ᬯᬂᬕᬶᬕᬶᬃᬕᬶᬕᬶᬦᬾᬧᬤᬧᬸᬢᬶᬄᬳᭂᬩᭀᬓᬾᬓᬶᬜ᭄ᬘᭂᬂᬫᬳᬶᬚᬸᬓ᭄ᬧᬤᬢᬦ᭄ᬗᬗ᭄ᬕᭀᬤᬲ᭄ᬢᬃᬫᬩᬸᬗᬧᬤᬲᬫᬶᬧᬸᬘᬸᬓ᭄ᬩᬭᬓ᭄ᬫᬓᬫ᭄ᬩᭂᬦ᭄ᬕᭀᬲᬾᬫ
[᭔᭐ 40A]
ᬓ᭄ᬚᬂ᭟ᬗᬩᬩ᭄ᬥᬶᬮ᭄ᬧᬤᬲᬫ᭄ᬬᬦ᭄ᬗᬭᭀᬕᭀᬄᬢᬸᬃᬤᭂᬗ᭄ᬓᬓ᭄ᬤᭂᬗ᭄ᬓᬶᬓ᭄ᬫᭀᬦ᭄ᬢᭂᬦ᭄ᬳᬚᬓ᭄ᬧ᭄ᬢᬂᬮᬓ᭄ᬱᬵᬧᬢᬸᬄᬱᬶᬂᬳᬤᬗᬵᬬᭀᬲᬶᬦ᭄ᬕᬮᬓ᭄ᬧ᭄ᬭᬵᬕᬮ᭄ᬩᬦᭂᬮᬶᬓ᭄ᬫᬢᬦᬾᬫᭀᬮᬄᬫᬯᭂᬮᬸᬫᬮᬢᬸᬓ᭄ᬫᬸᬜ᭄ᬘ᭄ᬭᬢ᭄ᬲᬶᬤᬸᬫᭂᬍᬓᭂᬢᬶᬧ᭄ᬤᬓᬶᬦᬾᬧᬸᬗ᭄ᬓᬸᬭᬦ᭄ᬯᬵᬢᭂᬓ᭄ᬦᬾᬫᬕᭂᬕᬫᭂᬮ᭄᭟ᬦᬾᬦᬾ
ᬗᭂᬕᭀᬂᬳᬚᬓ᭄ᬤᭀᬫᬲ᭄ᬧᬘᭂᬕᬶᬃᬕᬶᬃᬦᬩᬸᬄᬢᬶᬢᬶᬃᬫᬸᬳᬸᬕ᭄ᬢᭀᬂᬩᬓᬢ᭄ᬤᬶᬗᭂᬳᬂᬢ᭄ᬓᬗ᭄ᬭᬸᬤᬸᬕ᭄ᬢᬦ᭄ᬧᬕᭂᬦ᭄ᬤᬶᬂᬓᭂᬦ᭄ᬤᬗᬾᬬᬗᭂᬫ᭄ᬧᭂᬗᬶᬦ᭄ᬧᬤᬸᬕ᭄ᬤᬕ᭄ᬫᬸᬳᬸᬕ᭄ᬳᬸᬫᬸᬂᬲᬮᬶᬂᬢᬶᬫ᭄ᬩᬵᬮ᭄ᬭᬫ᭄ᬬᬫ᭄ᬬᬂᬦᬸᬳᬸᬢ᭄ᬫᬃᬕ᭄ᬕᬶᬧᬤᬲᬫᬶᬳᬶᬦᬩ᭄ᬳᬚᬸᬃᬳ᭄ᬜᬕ᭄ᬕᬸᬫᬶᬦᬾᬫᬓ᭄ᬚᬂ᭟ᬢᬫ᭄ᬩᬸᬃᬳᬫ᭄ᬬᬂᬤᬶᬧᬸᬗ᭄ᬓᬸᬭᬦ᭄ᬳᬶᬗ
ᬦ᭄ᬳᬚᬓ᭄ᬱᬫᬲ᭄ᬤᬶᬭᬶᬤᬸᬕ᭄ᬥᬕ᭄ᬥᬸᬕ᭄ᬧᬸᬂᬢᬦ᭄ᬓᬃᬯᬦ᭄ᬓᬾᬯᬮᬲᬸᬩᬫᬫᬸᬜᬶᬳᭂᬫ᭄ᬧᭂᬂᬫᬫᬘᭂᬓᬸᬧᬶᬂᬩᬦ᭄ᬭᬫᭂᬲᬾᬳᬮᬄᬍᬩᬸᬃᬩᬾᬢᬾᬮ᭄ᬓᬯᬶᬱ᭄ᬡᬸᬮᭀᬓᬯᬢᭂᬓ᭄ᬤᬾᬯ᭄ᬯᬵᬕᬾᬯᬃᬲᬫᬶᬫᬶᬦᬓᭂᬳᬂᬭᬶᬂᬫᬤ᭄ᬬᬧᬤᬯᬸᬲ᭄ᬭᬸᬲᬓ᭄᭟ᬤᬶᬧᬸᬗ᭄ᬓᬸᬭᬦ᭄ᬳᬗ᭄ᬓᬸᬂᬲᬶᬤᬦ᭄ᬗᬋᬜᬗᭃᬩᬕᬂᬳᬢᬶ
ᬗᬗ᭄ᬓ᭄ᬮᬸᬂᬳᬚᬓ᭄ᬢᬶᬕᬂᬳᬢᬓ᭄ᬫᬢᭂᬩᭂᬳᬦ᭄ᬧᬤᬲᬫᬶᬧ᭄ᬭᬕᬶᬦᬦ᭄ᬜᬦᬾᬳᬮᬶᬫ᭄ᬯᬵᬢᭂᬓ᭄ᬱᬦᬾᬩᬕᬸᬲ᭄ᬩᬕᬸᬲ᭄ᬘᬮᬶᬭᬶᬂᬧᬤᬩᬾᬢᬓ᭄ᬫᬘᬸᬘᬸᬦ᭄ᬤᬸᬓ᭄ᬧᬢᬸᬄᬲᬫᬶᬓᬺᬢᬲ᭄ᬯᬶᬮᬶᬲ᭄ᬓᬢᬸᬢ᭄ᬤᭀᬦ᭄ᬳᬓᬸᬧᬓ᭄ᬗ᭄ᬭᬦᬂ᭟ᬤᬶᬧᬸᬗ᭄ᬓᬸᬭᬦ᭄ᬩ᭄ᬯᬶᬦ᭄ᬫᭀᬫ᭄ᬩᬓᬦ᭄ᬢᬢᬩᬸᬳᬦ᭄ᬳᭂᬜ᭄ᬘᭂᬧ᭄ᬱᬫᬶ
Page:Bali-lontar-gaguritan-cokoratu-05-250ppi.pdf/40
This page has been proofread.
