[᭔᭐ 40B]
᭔᭐
ᬳᬸᬫ᭄ᬬᬂᬋᬦᭂᬲ᭄ᬱᬮᬶᬂᬢᬶᬫ᭄ᬩᬵᬮ᭄ᬳᬸᬮᬶᬓᬸᬢ᭄ᬣᬫᬫᬸᬃᬯᬦᬶᬦ᭄ᬳᬶᬮᭀᬢ᭄ᬭᬶᬂᬦᬾᬢᬦ᭄ᬫᬭᬶᬗ᭄ᬮᬶᬬᬗᬶᬦ᭄ᬕᬫ᭄ᬮᬦ᭄ᬤᬶᬢᬸᬲ᭄ᬭ᭄ᬬᬓ᭄ᬱ᭄ᬭ᭄ᬬᬸᬓ᭄ᬫᭀᬫ᭄ᬩᬓᬦ᭄ᬓᭂᬲ᭄ᬬᬗ᭄ᬓᭂᬲ᭄ᬬᬩ᭄ᬢᬩᬸᬄᬚᬯᬶᬯᬾᬦ᭄ᬢᭂᬦ᭄ᬳᬶᬗᬦ᭄ᬱᬋᬂᬢᬶᬕᬂᬢᬮᬶᬲᬫ᭄ᬬᬦ᭄᭟ᬳᬸᬮᬶᬩᬤᬸᬂᬫᬓ᭄ᬚᬂᬲᬲ᭄ᬮᬶᬓᬦ᭄ᬧᬤᬗᬫᭂᬮᬶᬦ᭄ᬓᬸᬫ᭄ᬧᬸᬓᬦᬾ
ᬢᬫᬾᬂᬭᬭᬲ᭄ᬩᬦᬶᬫᬗ᭄ᬤᭀᬦᬂᬢᭀᬳᬶᬦ᭄ᬳᬧᬂᬳ᭄ᬤᭂᬫᬜᭂᬗᬳᬶᬦ᭄ᬲ᭄ᬫᬭᬧᬕᬸᬮᬶᬗᬦ᭄ᬤᬶᬢᬸᬳᭂᬦ᭄ᬢᭀᬓ᭄ᬭᬦᬜ᭄ᬮᬶᬓᬂᬗᬸᬦ᭄ᬤᬗᬂᬓᬩᬤᬸᬂᬲᬫᬶᬘᭀᬓᭀᬭᬢᬸᬮᬾᬤᬂᬧᬶᬲᬦ᭄ᬫᬫᬶᬋᬗᬂ᭟ᬫᭂᬗᬺᬤᭂᬕ᭄ᬫᬕᭂᬕᬗ᭄ᬱᬭᬦ᭄ᬚᭀᬄᬲᬯᬢ᭄ᬫᬗ᭄ᬮᬶᬦ᭄ᬢᬗᬤ᭄ᬭᬶᬲᬂᬰ᭄ᬭᬩᬦᬸᬲᬸᬩ
ᬳᬶᬮᬂᬕᬶᬦᬦ᭄ᬢ᭄ᬬᬦᬶᬂᬧᬚᬂᬰᬰᬶᬄᬫᬾᬄᬦᬸᬗ᭄ᬓᬧ᭄ᬭᬶᬗ᭄ᬕᬯᬶᬱ᭄ᬝᬶᬫᬭᬃᬬᬜ᭄ᬚᬗ᭄ᬕᭂᬮ᭄ᬤᬶᬫᬮᬸᬭᬤᬾᬦ᭄ᬓᬮᬶᬄᬓ᭄ᬱᬾᬗᬦ᭄ᬕᭂᬮᬶᬲ᭄ᬗᬧᬸᬗ᭄ᬓᬸᬭᬂᬓᬮᬶᬄᬘᭀᬓᭀᬭᬢᬸᬜᬶᬗᬓ᭄ᬫᬢ᭄ᬭᬸᬄᬕᬸᬮᬤ᭄ᬭᬯ᭟ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓ᭄ᬓᬵᬩᬸᬓᬫᭂᬫ᭄ᬩᬄᬫᬤᬸᬕᭂᬦ᭄ᬤᬶᬲ᭄ᬩ᭄ᬮᬶᬳᬶᬗ᭄ᬕᬶᬄᬓᬾᬢᬸᬢᬸᬭᬂᬳᬫ᭄ᬩᬸᬮ᭄ᬦᬧᬶ
ᬚᭀᬄᬦ᭄ᬕᬭᬶᬫᬢᬸᬃᬭᬳᬤᬾᬦ᭄ᬓᬮᬶᬄᬭᬢᬸᬫᬮᬶᬄᬓᬮᬶᬄᬤᬳᬸᬄᬭᬳᬸᬄᬭᬶᬂᬰᬺᬗ᭄ᬕᬧᬸᬭᬓᬩᬕᬾᬦ᭄ᬤᬵᬤᬸᬫᬸᬦ᭄ᬗ᭄ᬭᬭᬶᬲ᭄ᬫᬾᬳᬶᬂᬗᬚᭂᬂᬳᬶᬭᬶᬓᬲᬫ᭄ᬧᬸᬦ᭄ᬤᬦ᭄ᬢᭀᬲᬂ᭟ᬦᬾᬫᬗ᭄ᬓᬶᬦᬶᬦᬲ᭄ᬫᬫᬃᬕ᭄ᬕᬫᬸᬗ᭄ᬧᬸᬂᬤᬬᬸᬄᬕᬮᬂᬰᬰᬶᬄᬫᬩ᭄ᬭᬶᬬᬸᬓ᭄ᬫᬕᭂᬕᬗ᭄ᬲᬭᬦ᭄ᬦ᭄ᬤᬢᬦ᭄ᬓᬯᬃᬦᬤᬶᬫᬃᬕ᭄ᬕᬶᬦ᭄ᬤᬸᬗ᭄ᬓ
[᭔᭑ 41A]
ᬧ᭄ᬰᬺᬗ᭄ᬕᬧᬸᬭᬶᬗ᭄ᬮᬶᬦ᭄ᬢᬂᬚ᭄ᬩᬵᬕ᭄ᬳᬰ᭄ᬭᬶᬮᬗᬸᬫᬤᬫᬃᬩᬶᬮᬂᬤᬗ᭄ᬓᬵᬫᬗᬧᬶᬢ᭄ᬧᬸᬯᬗᬦ᭄ᬲᬫᬶᬮᬫ᭄ᬧᬸᬲᬸᬮᬶᬦ᭄ᬜᬸᬦ᭄ᬤᬭᬶᬦ᭄ᬕᬮᬂᬫᬮᬶᬮᬂ᭟ᬕᬮᬗᬾᬢᬦ᭄ᬧᬾᬦ᭄ᬤᬄᬮ᭄ᬫᬄᬭᬳᬤᬫᬦᬯᭂᬗᬶᬦ᭄ᬫᬃᬕ᭄ᬕᬦᬾᬓᬢᭀᬦ᭄ᬫᬓ᭄ᬚᬂᬓᬢᭀᬦ᭄ᬧᬤᬫᬂᬬᬸᬬᬸᬦᬶᬦ᭄ᬧᬚᬮᬦᬾᬲᬤ᭄ᬤᬕ᭄ᬮᬶᬲ᭄ᬫᬢ
ᬓᭀᬦ᭄ᬲᬫ᭄ᬩᬶᬮ᭄ᬫᬚᬸᬚᬸᬓ᭄ᬲᬓᬶᬂᬦ᭄ᬤᬶᬧᬦᬗ᭄ᬓᬦ᭄ᬳᬶᬯᭀᬂᬫᬥᬸᬭᬜᬳᬸᬢᬶᬦ᭄ᬢ᭄ᬬᬂᬫᬗᬶᬭᬶᬂᬩᬝᬵᬭᬤᬾᬯᬕᬸᬂᬧᬸᬢ᭄ᬭ᭟ᬲᬓᬶᬂᬦ᭄ᬕᬵᬭᬫᬫ᭄ᬦᬂᬲᬤ᭄ᬬᬓᬧᬶᬦᬂᬫᬭᬶᬓᬶᬳᬶᬯᭀᬂᬰ᭄ᬭᬗ᭄ᬕᬧᬸᬭᬳᬾᬕᬃᬍᬕᬦ᭄ᬜᬦᬾᬢᬦ᭄ᬲᬶᬦᬶᬧᬶᬩ᭄ᬗᭀᬂᬧᬤᬫᬩᬮᬶᬄᬓᬕᬯᭀᬓᬦ᭄ᬢᬫ᭄ᬭᬸᬢᬸᬢᬸᬂᬕ᭄ᬮᬶᬲ᭄ᬓᬢᬸᬃ
ᬓᬚ᭄ᬭᭀᬲᬂᬧ᭄ᬭᬩᬸᬕ᭄ᬮᬶᬲ᭄ᬗᭂᬲᬾᬗᬶᬦ᭄ᬧᬋᬫᬜ᭄ᬘᬧᬸᬗ᭄ᬕᬯᬮᬦ᭄ᬩᬳᬸᬤᬦ᭄ᬤᬵ᭟ᬕᬗ᭄ᬲᬃᬧᬤᬫᬭᬦ᭄ᬢᬩᬦ᭄ᬓᬚᬩᬢ᭄ᬗᬄᬫᬗ᭄ᬭᬜ᭄ᬚᬶᬂᬓᬤᬳᬸᬄᬧᬘᬂᬫᬫᭂᬦ᭄ᬤᬓᬮᬶᬄᬫᬗᬢᬸᬭᬶᬦ᭄ᬗ᭄ᬭᬭᬶᬲ᭄ᬓᬧᬲᬗ᭄ᬕ᭄ᬭᬳᬜ᭄ᬚᬦᬶᬳᬢᬸᬭᬂᬢ᭄ᬬᬂᬲᬶᬂᬗ᭄ᬤᬫᬫ᭄ᬧᬸᬄᬚᬮᬦ᭄ᬯᬶᬭᬾᬄᬢ᭄ᬯᬧᬺᬩ᭄ᬓᭂᬮ᭄ᬫᬜᬸ
ᬫ᭄ᬩᬄᬲᬫᬶᬫᬩᭂᬭᬶᬬᬸᬓ᭄ᬫᬚᬮᬦ᭄ᬫᬕᬕᬗ᭄ᬱᬭᬦ᭄᭟ᬘᭀᬓᭀᬃᬭᬢᬸᬲᬸᬩᬦᬧᬓ᭄ᬭᬳᬸᬄᬭᬶᬂᬩᬕᬾᬦ᭄ᬤᬵᬲᬭᬶᬢ᭄ᬥᬸᬦ᭄ᬱᬓᬶᬂᬫᭀᬢᭀᬃᬲᬫ᭄ᬬᬦ᭄ᬧᬗᬶᬭᬶᬗᬾᬳᬢᬧ᭄ᬢᬶᬢᬶᬩ᭄ᬫᭀᬢᭀᬃᬧᬤᬫᬫᬸᬜᬶᬲᬮᬶᬂᬳᬶᬫ᭄ᬧᬲᬶᬦ᭄ᬧᬕᭂᬭᬸᬂᬫᬯᬗ᭄ᬲᬶᬢ᭄ᬱᬮᬶᬂᬢᬶᬫ᭄ᬩᬵᬮ᭄ᬳᭂ
Page:Bali-lontar-gaguritan-cokoratu-05-250ppi.pdf/41
This page has been proofread.
