[᭖᭙ 69B]
᭖᭙
ᬲᬶᬋᬫᬭᬭᬯᬸᬄᬳᬶᬤ᭄ᬯᬕᬸᬂᬮᬸᬢ᭄ᬫᬲᬶᬭᬫ᭄ᬕᬕᬗ᭄ᬱᬭᬦ᭄ᬢᬦ᭄ᬓᭀᬘᬧ᭄ᬫᬢᬶᬃᬢ᭄ᬣᬲᬫ᭄ᬧᬸᬦ᭄ᬫᬧᬕᬶᬮᬸᬢ᭄ᬕᬕᬗ᭄ᬱᬭᬦ᭄ᬢ᭄ᬯᬭᬮᬶᬬᬸᬲᬦᬾᬗᬶᬭᬶᬂ᭟ᬳᬲᬓ᭄ᬱᬡ᭄ᬦᬭᬳᬸᬄᬤᬶᬢᬫᬦ᭄ᬓᬘᬶᬗᬓᬦ᭄ᬳᬶᬓᭂᬲ᭄ᬬᭂᬕ᭄ᬫᬺᬫ᭄ᬧᬤᬶᬤᬶᬳᬶᬤ᭄ᬯᬕᬸᬂᬫᬸᬗ᭄ᬕᬳᬦ᭄ᬱᬫ᭄ᬧᬸᬦ᭄ᬳ᭄ᬜᬕ᭄ᬓᬬᬸᬦᬾᬜᬶᬗ
ᬓ᭄ᬫᬦᬫ᭄ᬧᭂᬓᬂᬫᬗᬸᬲᬧᬸᬲᬧ᭄ᬫᬳᬸᬭᬸᬢ᭄ᬗᬦ᭄ᬤᬶᬓᬵᬲᬤᬵᬗᬤᬾᬂᬗᬂᬩᬶᬄᬲᬶᬗᬸᬤᬵᬫ᭄ᬥᭂᬫ᭄ᬤᬶᬦᬶᬦᬶ᭟ᬩᬶᬄᬩᬗᬸᬦ᭄ᬓᬾᬗᬮ᭄ᬬᬩ᭄ᬳᬵᬦᬓᬕᬸᬂᬩᬕᬸᬲ᭄ᬫᬤᬾᬫ᭄ᬢᬗᬶᬗᬮ᭄ᬬᬩ᭄ᬍᬄᬳᬶᬤᬾᬯᬕᬸᬂᬧᬸᬢ᭄ᬭᬫᬗᬸᬲᬧ᭄ᬳᬸᬲᬧ᭄ᬳᬦᬓᬕᬸᬂᬩᬕᬸᬲ᭄ᬫᬤᬾᬫᬢᬸᬃᬳᬮᬸᬲ᭄ᬬᬾᬓᬮᬶ
ᬦᬧᬶᬲᬾᬢ᭄ᬓᬵᬜᬾᬦ᭄ᬗᬢᬸᬭᬂᬢ᭄ᬬᬂᬤᬶᬦᬶ᭟ᬳᬶᬤ᭄ᬯᬕᬸᬂᬧᬸᬢ᭄ᬭᬫᬦ᭄ᬤᬶᬫ᭄ᬩᬮ᭄ᬫᬲᬶᬄᬳᬲᬶᬄᬯᬘᬦᬵᬭᬸᬫᬫᬦᬶᬲ᭄ᬦᬄᬳᭀᬭᬳᬂᬳᬓᬕᬸᬂᬳᬧᬵᬫᬯᬶᬦᬦ᭄ᬧᬸᬲᬄᬤᬵᬫᬗᬸᬩ᭄ᬥᭂᬭᬾᬄᬩᬋᬂᬧᬘᬂᬦᭂᬫᬸᬳᬶᬓᭂᬲ᭄ᬬᭂᬕ᭄ᬳᬤᬾᬂᬫᬦᬶᬫ᭄ᬩᬮ᭄ᬯᬘᬦᬵᬓᬲᬼᬓᬶᬂᬢᬗᬶᬲ᭄
᭟ᬫᭂᬕᬢ᭄ᬫᬕᬢ᭄ᬳᬫ᭄ᬮᬤ᭄ᬧ᭄ᬭᬡ᭄ᬦᬵᬗᬲᬶᬳᬰᬶᬄᬫᬗ᭄ᬢᬸᬲ᭄ᬳᬸᬮᬸᬦ᭄ᬳᬢᬶᬤᬾᬯᬕᬸᬂᬓᬮᬶᬦ᭄ᬢᬂᬮᬘᬸᬃᬢ᭄ᬬᬂᬗᬢᬸᬭᬂᬫᬾᬭᬂᬫᬾᬄᬚ᭄ᬦᭂᬂᬗᭂᬳᬾᬳᬗ᭄ᬕᬮ᭄ᬫᬢᬶᬢ᭄ᬬᬂᬤ᭄ᬯᬕᬸᬂᬧᬸᬢ᭄ᬭᬫᬦᬶᬫ᭄ᬩᬮ᭄ᬯᬘᬦᬵᬤᬗ᭄ᬤᬂᬕᭂᬦ᭄ᬤᬶᬲ᭄᭟ᬤᬂᬤᬂ᭟ᬫᬾᬦᬓᬕᬸᬂᬳᭀᬧᬮᬶᬮᬬᬂᬕᬢᬶᬤᬵᬦᬸᬳᬸᬓᬂ
[᭗᭐ 70A]
᭞pᬳᬶᬢᬸᬗᬦᬾᬩᬸᬗ᭄ᬱᬂᬧᬶᬦᭂᬄᬧᬶᬦᭂᬳᬂᬓ᭄ᬦᭂᬳᬾ᭞ᬤᬵᬦ᭄ᬤᬾᬦ᭄ᬤ᭄ᬭᭀᬧᭀᬦ᭄ᬓᬢ᭄ᬮᬜ᭄ᬚᬸᬃ᭞ᬭᬶᬗᭂᬭᬶᬗᭂᬲᬫᬗ᭄ᬤᬾᬲᬶᬫ᭄ᬧᬶᬃ᭞ᬫᬲᬵᬢ᭄ᬯᬭᬜᬶᬤᬬᬂ᭞ᬳᬫᬾᬢ᭄ᬱᬓᬾᬂᬳᬮᬸᬲ᭄ᬳᬓᬾᬢᭀᬧᬓ᭄ᬦᭂᬄᬩᬧᬵᬤᬤᬶᬳᬜ᭞ᬫᬓᭂᬲ᭄ᬬᬃᬫᬭᬰᬵᬳᭂᬢᬶᬲ᭄ᬳᬾᬗᬸᬤᬵᬲᬂᬓᬅᬦᬯᬂ᭟
ᬜᬾᬦᬸᬢᬸᬭᬂᬓ᭄ᬭᬡᬵᬢᬢᬲ᭄ᬳᬸᬦᬶᬂ᭞ᬳᬶᬤᬾᬯᬕᬸᬂᬓ᭄ᬜᭂᬫᬗᬦ᭄ᬤᬶᬓᬵ᭞ᬳᬧᬶᬦᬾᬳᬗ᭄ᬕᭀᬜ᭄ᬘᬶᬭᬶᬦᬾ᭞ᬓ᭄ᬤᬶᬓᬧᬦ᭄ᬢ᭄ᬯᬭᬫᬳᬦ᭄ᬤᬸᬲ᭄᭞ᬜᬾᬦ᭄ᬱᬶᬬᬸᬯᭀᬕ᭄ᬬᬗ᭄ᬭᭀᬗᬶᬦ᭄ᬳᬗᬶᬦ᭄᭞ᬳᬓᬾᬢᭀᬳᬸᬧᬫᬶᬜ᭞ᬳᬶᬓᭂᬲ᭄ᬬᭂᬕ᭄ᬫᬳᬢᬸᬃ᭞ᬓᬾᬦ᭄ᬓᬾᬦ᭄ᬱᬶᬳᬶᬤ᭄ᬯᬕᬸᬂᬮᬦᬂ᭞ᬳᬶᬤᬾᬯᬕᬸᬂᬗ
ᬦ᭄ᬤᬶᬓᬵ᭞ᬚᬮᬄᬤ᭄ᬗᭀᬓᬶᬦ᭄ᬳᬲᬓ᭄ᬱᬡ᭄ᬦᬵᬲᬕᬾᬢ᭄ᬓᬵ᭟ᬫᬩᬭᬗᬦᬓᬕᬸᬗᬾᬓᬮᬶᬄᬩᬕᬸᬲ᭄ᬳᭀᬓᬵ᭞ᬩᬕᬸᬲ᭄ᬭᬳᬶᬢᬦ᭄ᬱᬄᬕᭂᬲᬶᬢ᭄ᬗᬫᬸᬓ᭄ᬱ᭄ᬯᬩᬯᬦᬾ᭞ᬧᬶᬦ᭄ᬤᬦᬶᬂᬗᬸᬩ᭄ᬤᭂᬮᬸᬬᬸ᭞ᬳᬶᬤᬾᬯᬕᬸᬂᬫᬃᬫᬵᬳ᭄ᬫᬗᬓ᭄ᬱᬶ᭞ᬓ᭄ᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓᬵᬩᬸᬓᬵᬫᭂᬫ᭄ᬩᬄᬫᬥᬸ᭞ᬳᬸᬓᬸ
ᬓᬸᬄᬜᬦᬦ᭄ᬢᬸᬦ᭄ᬤᬾᬦ᭄ᬩᬧᬵᬗᬮᬶᬄᬳᬶᬤ᭄ᬥᬵ᭞ᬲᬗ᭄ᬓᬮᬶᬄᬮᬸᬢ᭄ᬓᬢᬫ᭄ᬧᭂᬓᬶᬦ᭄ᬢᬸᬃᬩᬶᬦᬶᬲᬶᬓ᭄ᬩᬶᬲᬶᬓᬦ᭄᭟ᬧᬤᬕᬶᬗᬦ᭄ᬫᬗ᭄ᬤᬾᬧᬤᬵᬗᬮᬶᬄᬫᬮᬶᬮᬬᬂ᭞ᬘᭂᬦ᭄ᬤᭂᬢᬂᬳᬸᬘᬧᬂᬭᬾᬄᬲᬸᬩᬵᬧᬸᬓᬸᬮ᭄ᬢᬶᬕᬦᬾ᭞ᬧᬶᬗᬦᬜ᭄ᬚᬕᬵᬢ᭄ᬥᬸᬄ᭞ᬳᬶᬤᬾᬯᬕᬸᬂᬗᬦ᭄ᬤᬶᬓᬵᬳᬭᬶᬲ᭄᭞ᬦᬄᬧᬤᬵᬫ
Page:Bali-lontar-gaguritan-cokoratu-05-250ppi.pdf/70
This page has been proofread.
