[᭗᭐ 70B]
᭗᭐
ᬦ᭄ᬤᬸᬲ᭄ᬳᬶᬤᬵᬚᬮᬦᬗ᭄ᬓᬶᬮᬳᬸᬢ᭄᭞ᬳᬶᬤᬾᬯᬕᬸᬂᬗᬦ᭄ᬤᬶᬓᬩᬦ᭄ᬩᬦ᭄᭞ᬢᬶᬢ᭄ᬬᬂᬩᬸᬤᬮ᭄ᬲᬫ᭄ᬧᬸᬦ᭄ᬭᬳᬸᬄᬭᬶᬂᬩᬢᬯᬶ᭞ᬓᭀᬭᬢᬸᬲᬕᬾᬕᬢ᭄ᬓ᭟ᬫᬩᬭᬗᬦ᭄ᬧᬤᬦ᭄ᬤᬵᬓᬮᬶᬄᬲᬫᬶᬗ᭄ᬮᬶᬲᬂᬫᬶᬮᬾᬤᬂᬜᬫ᭄ᬩ᭄ᬭᬫᬾᬘᬘᬶᬗᬓ᭄ᬓᭀᬭᬢᬸᬳᬤᬾᬂᬳᬢᬸᬭᬾᬦᬸᬦᬲ᭄ᬭᬢᬸᬤᬾ
ᬯᬕᬸᬂᬗ᭄ᬭᬭᬶᬲ᭄ᬫᬸᬗ᭄ᬕᬄᬭᬶᬂᬳᬫ᭄ᬩᬾᬦ᭄ᬮᭀᬚᬶᬳᬶᬤ᭄ᬯᬕᬸᬂᬭᬭᬶᬲ᭄ᬫᬸᬗ᭄ᬕᬄᬲᬫᬶᬫᬩ᭄ᬭᬶᬬᬸᬓ᭄ᬳᬶᬤᭀᬤᬕ᭄ᬮᬶᬲ᭄ᬓᬳᭀᬤᬮ᭄ᬧᬚᬸᬫᬢᬦ᭄ᬓᭀᬭᬢᬸᬫᬢᬸᬃᬳᬭᬶᬲ᭄ᬬᬾᬗᬸᬤᬗ᭄ᬭᬧ᭄ᬚᬸᬫᬳᬦ᭄᭟ᬳᬦᬓᬕᬸᬂᬩᬕᬸᬲ᭄ᬓᬭᬂᬓ᭄ᬜᬶᬂᬮᬸᬢ᭄ᬗᬦ᭄ᬤᬶᬓᬵᬳᬭᬄᬧᭂᬗᬧᬶᬲᬦ᭄ᬩᬶᬲᬜ᭄ᬚᭂᬢᬦ᭄ᬤᬲ᭄ᬢ᭄ᬬᬂ
ᬗᬾᬓᭀᬭᬢᬸᬳᬤᬾᬂᬫᬢᬸᬃᬦᬧᬶᬤ᭄ᬯᬕᬸᬂᬓᬃᬬ᭄ᬬᬦᬂᬫᬗ᭄ᬓᬶᬦ᭄ᬳᬶᬤᭀᬤᬩ᭄ᬘᬢ᭄ᬦᬶᬫ᭄ᬩᬮ᭄ᬦᬾᬦ᭄ᬢᭂᬦ᭄ᬳᬶᬮᬂᬲᬫ᭄ᬧᬸᬦ᭄ᬳᬲᬓ᭄ᬱᬡᬲᬕᬾᬢ᭄ᬓᬧᬗ᭄ᬯᬾᬤᬗᬦ᭄ᬋᬦ᭄ᬤᬂᬲᬓᬯᬦ᭄ᬳᬍᬧ᭄ᬢᬵᬲ᭄ᬭᬶᬓᬫ᭄ᬧᬸᬄᬫᬯᬶᬚᬶᬲ᭄ᬯᬂ᭞ᬢᬦ᭄ᬓᭀᬘᬧᬲᬫ᭄ᬧᬸᬦ᭄ᬳᬸᬲᬦ᭄ᬗᭀᬧᬶᬲᬶᬦᬫ᭄ᬬᬦ᭄
ᬳᬶᬤᬾᬯᬕᬸᬂᬧᬸᬢ᭄ᬭᬳᬤᬾᬂᬳᬮᬸᬲ᭄ᬯᬘᬦᬦᬾᬩ᭄ᬮᬶᬭᬭᬶᬲᬂᬤᬸᬫᬸᬦ᭄ᬱᬋᬂᬲᬫᬶᬫᬗ᭄ᬓᬶᬦ᭄ᬕ᭄ᬦᬳᬶᬦ᭄ᬳᬶᬕᬾᬬᭀᬃᬲᬸᬳᬸᬂᬧᬶᬲᬦ᭄ᬦᬯᬶᬯᬾᬦ᭄ᬢᭂᬦ᭄ᬭᬳᬸᬄᬢᬶᬢ᭄ᬬᬂᬫᬧᬶᬢ᭄ᬓᭂᬚᭂᬧᬶᬲᬦ᭄ᬫᬧᬼᬲᬶᬭᬦ᭄ᬧᬤᬦ᭄ᬤᬵᬫ᭄ᬧᭂᬲᬳᬶᬭᬶᬂᬩ᭄ᬭᬶᬬᬸᬓ᭄ᬫᬧᬫᬶᬢ᭄ᬱᬫ᭄ᬧᬦ᭄᭟ᬳᬶᬤᬾᬯᬕᬸᬂᬓ᭄ᬜᭂᬫ᭄ᬗᬦ᭄ᬤᬶ
[᭗᭑ 71A]
ᬓᬳᬭᬶᬲ᭄ᬳᬶᬩᬕᬶᬦ᭄ᬤᬲ᭄ᬫᬭᬓᬘᬶᬗᬓᬦ᭄ᬢᬸᬦ᭄ᬤᬾᬦ᭄ᬫᬲᬸᬯᬂᬚᬭᬦᬾᬫ᭄ᬧᭂᬲ᭄ᬜᬸᬫ᭄ᬩᬄᬮᬳᬸᬢ᭄ᬗᬚᬬᬂᬦ᭄ᬤᬳᬸᬳᬂᬕ᭄ᬮᬶᬲ᭄ᬳᬶᬤ᭄ᬯᬕᬸᬂᬭᬭᬶᬲ᭄ᬓᭀᬤᬮ᭄ᬗᬶᬭᬶᬂᬫᬩᬭᬶᬬᬸᬓ᭄ᬧᬋᬦ᭄ᬭᭀᬩᬦ᭄ᬱᬫ᭄ᬬᬦ᭄ᬧᬢᬶᬄᬭᬢ᭄ᬣᬳᬶᬤᬾᬯᬕᬸᬂᬭᬭᬶᬲ᭄ᬓᭀᬤᬮ᭄ᬗᬶᬭᬶᬂᬓᬕ᭄ᬮᬶᬲ᭄ᬫᬸᬗ᭄ᬕᬳᬶᬂᬫᬕ
ᬮᬫᬦ᭄᭟ᬫᬕ᭄ᬭᬤᭂᬕᬦ᭄ᬧᬗᬶᬭᬶᬗᬾᬲᬫᬶᬳᬶᬤᬾᬯᬕᬸᬂᬗᬭᭀᬃᬫᬩ᭄ᬤᬮᬦ᭄ᬢ᭄ᬯᬭᬤᬚᬄᬧ᭄ᬭᬳᬸᬳᭀᬫᬾᬄᬲᬫ᭄ᬧᬸᬜ᭄ᬚᬕᬢ᭄ᬤᬸᬦ᭄ᬭᬶᬂᬩᬜ᭄ᬘᬶᬗᬄᬗ᭄ᬭᬭᬶᬲ᭄ᬓᬧᬸᬭᬶᬜᬸᬚᬸᬃᬓᬩᬮᬾᬤᬦ᭄ᬢᭂᬓ᭄ᬮᬫ᭄ᬩᬸᬭᬫᭂᬢ᭄ᬥᬸᬦ᭄ᬲ᭄ᬧᬶᬤᭂᬦ᭄ᬤᭂᬦ᭄ᬲᬫᬸᬦ᭄ᬱᬸᬦ᭄ᬬᬲᬓᬾᬯᬮᬵᬧᬋᬓᬦ᭄ᬘ᭄ᬭᬶᬓ᭄ᬫᬗ᭄ᬧᬶᬮ᭄ᬦ᭄ᬕ
ᬓ᭄ᬤᬶᬲᬫ᭄ᬧᬶᬂᬳᬸᬦ᭄ᬤᬕ᭄᭟ᬳᬶᬤᬳᬦᬓᬕᬸᬂᬩᬕᬸᬲ᭄ᬚ᭄ᬮᬦ᭄ᬢᬶᬓ᭄ᬱᬶᬋᬧᬶᬲᬦ᭄ᬫᬺᬫᬭᬩᬸᬲᬦ᭄ᬢᬦ᭄ᬱᬄᬗ᭄ᬮᬸᬢ᭄ᬕᬕᬸᬮᬶᬗᬾᬭᭀᬫᭂᬲᬸᬲᬄᬗ᭄ᬭᬋᬫᬸᬦᬶᬕᬍᬗᬾᬲᬫ᭄ᬩᭂᬅ᭄ ᬳᬯᬶᬮᬶᬲ᭄ᬳᬗ᭄ᬕᬵᬫ᭄ᬭᭀᬲ᭄ᬳᬗᬮᬸᬗ᭄ᬕᬂᬯᬲ᭄ᬢ᭄ᬭᬜ᭄ᬭᭀᬦ᭄ᬢᬸᬳᬸᬦ᭄ᬤᬶᬩᬩᭀᬓᬾᬫᬧᭂᬮ᭄ᬧᭂᬮᬦ᭄ᬗᬯᬾᬭᬕᭂᬳᬧᬦ᭄
ᬫᬸᬮᬩᬕᬸᬲ᭄ᬕᭂᬜ᭄ᬚᬶᬂᬲᬶᬂᬭᬭᬲ᭄ᬗᬯᬾᬭᬶᬫᬂ᭟ᬳᬶᬤᬾᬯᬕᬸᬂᬧᬸᬢ᭄ᬭᬩᬸᬫᬭᬗᬓ᭄ᬱᬶᬮᬶᬢᬂᬳᭀᬮᬲ᭄ᬧᬦ᭄ᬫᬸᬍᬲᬬᬂᬩᬶᬲᬫᬦᬸᬚᬸᬓᬬᬸᬦᬾᬳᬶᬤ᭄ᬯᬕᬸᬂᬫ᭄ᬗᬮᬸᬢ᭄ᬤᬶᬲᬫ᭄ᬧᬶᬗᬾᬫᬗᬓ᭄ᬱᬶᬢᬸᬮᬶᬲ᭄ᬳᬧᬦᬸᬫᬮᬫ᭄ᬩᬭᬦ᭄ᬳᬶᬤ᭄ᬯᬕᬸᬂᬫᬜᬫ᭄ᬩᬸᬢ᭄ᬫᬗ᭄ᬭᬳᬶᬲ᭄ᬤᬶᬚ᭄ᬭᭀ
Page:Bali-lontar-gaguritan-cokoratu-05-250ppi.pdf/71
This page has been proofread.
