[᭒᭓ 23B]
᭒᭓᭞
ᬋᬤ᭄ᬦᬗᬸᬦ᭄ᬓᬾᬃᬢ᭄ᬢᬶ᭞ᬭᬶᬂᬧᬬᬸᬤᬦ᭄᭞ᬦᬾᬗᬃᬤᬶᬭᬳᬃᬚᬦ᭄ᬕᬸᬫᬶ᭟ᬲᬂᬪᬸᬧᬢ᭄ᬣᬶᬲᬚᬯᬶᬦᬶᬂᬗᬫᭀᬂᬚᬕᬢ᭄᭞ᬢᬍᬃᬢᬦ᭄ᬢᭂᬮᬤ᭄ᬫᬓᬾᬭᬵᬢ᭄ᬣᬶ᭞ᬗᬃᬤ᭄ᬥᬶᬤᬦᬵᬧᬸᬡ᭄ᬬ᭞ᬫᬬᬚ᭄ᬜᬫᬰᬶᬄᬢᬦ᭄ᬓᬶ
ᬭᬂ᭞ᬦᬾᬲᬶᬦᬄᬫᬗᬯᬾᬢᬺᬧ᭄ᬢᬶ᭞ᬓᬜ᭄ᬘᬦ᭄ᬯᬤ᭄ᬯ᭞ᬫ᭄ᬭᬱᬲᬫᬶᬓᬳᬸᬭᬶᬧᬶᬦ᭄᭟ᬓᬾᬢᭀᬘ᭄ᬦᬶᬂᬰ᭄ᬯᬥᬃᬫ᭄ᬫᬦ᭄ᬲᬂᬦᬵᬣ᭞ᬳᬩᭀᬢ᭄ᬦᬗᬶᬂᬤᬳᬢᬼᬯᬶᬄ᭞ᬬᬦ᭄ᬢᭀᬓᬲᬶᬤᬦ᭄᭞ᬲᬶᬦᬄ
ᬚᬕᬢᬾᬲᬵᬦ᭄ᬢᭀᬱ᭞ᬯᬤ᭄ᬯᬦᬾᬲᬫᬶᬲᬸᬢᬶᬦ᭄ᬤᬶᬄ᭞ᬗᭂᬫᬃᬕ᭄ᬬᬂ᭞ᬲᬓᬜ᭄ᬘᬦ᭄ᬧ᭄ᬭᬾᬦ᭄ᬢᬳᬾᬲᬫᬶ᭟ᬓᬾᬢᭀᬦᬦᬓ᭄ᬰ᭄ᬯᬥᬃᬫ᭄ᬫᬦ᭄ᬓᭂᬲᬢ᭄ᬭᬶᬬᭀᬢᬫᬵ᭞ᬦᬾᬚᬦᬶᬩᭂᬘᬶᬓ᭄ᬢ᭠
ᬢᬲᬶᬦ᭄᭞ᬰ᭄ᬯᬥᬃᬫᬦᬶᬂᬯᬾᬱ᭄ᬬᬵ᭞ᬧᬢᬸᬢ᭄ᬗᬃᬤᬶᬚᬕᬢ᭄ᬤᬶᬢᬵ᭞ᬲᬦ᭄ᬤᬂᬧᬗᬦ᭄ᬯᬶᬪᬸᬄᬲᬫᬶ᭞ᬗᬃᬤᬶᬲᬸᬓ᭞ᬓᬜ᭄ᬘᬦ᭄ᬯᬗ᭄ᬯᬦ᭄ᬲᬂᬪᬸᬧᬢ᭄ᬢᬶ᭟ᬮᬦ᭄ᬢᬸᬃᬫᬮᬶᬄᬰ᭄ᬯᬥᬃᬫᬦ᭄ᬲᬂᬲᬸᬤ᭄ᬭᬯᬗ᭄ᬲ
[᭒᭔ 24A]
᭞ᬢᬍᬃᬢᬦ᭄ᬢᭂᬮᬤ᭄ᬗᬱ᭄ᬝᬶᬢᬶ᭞ᬗᬃᬤᬶᬓ᭄ᬭᬳᬃᬚᬦ᭄᭞ᬫᬮᬭᬧᬦ᭄ᬤᬃᬫ᭄ᬫᬓ᭄ᬭᬶᬬᬵ᭞ᬗᬃᬬ᭄ᬬᬦᬶᬦ᭄ᬢᭂᬕᬮ᭄ᬮᬜ᭄ᬘᬭᬶᬓ᭄᭞ᬧᬓᭂᬩᭀᬦᬦ᭄᭞ᬫᬗ᭄ᬤᬾᬦ᭄ᬫᭀᬮᬶᬄᬳᬲᬶᬮ᭄ᬪᬸᬫᬶ᭟
ᬤᬸᬮᬸᬃᬫᬮᬶᬄᬰ᭄ᬯᬥᬃᬫᬦ᭄ᬲᬂᬲᬸᬤ᭄ᬭᬵᬯᬗ᭄ᬲᬵ᭞ᬧᬢᬸᬢ᭄ᬧ᭄ᬭᬦᬫ᭄ᬬᬢᬦ᭄ᬫᬭᬶ᭞ᬫᬋᬧ᭄ᬭᬶᬂᬲᬂᬢᬶᬕᬵ᭞ᬩ᭄ᬭᬳ᭄ᬫᬵᬡᬵᬓ᭄ᬱᬢ᭄ᬭᬶᬬᬵᬯᬾᬱ᭄ᬬ᭞ᬦᬾᬲᬶᬦᬄᬢᬦ᭄ᬗᬮᬾᬫ᭄ᬧᬲᬶᬦ᭄᭞ᬧᬳ
ᬫᭀᬗᬦ᭄᭞ᬫᬦᬸᬢ᭄ᬲᬲ᭄ᬢ᭄ᬭᬵᬮᭀᬓᬤᬺᬱ᭄ᬝᬶ᭟ᬦᬄᬧᬫᬸᬧᬸᬢ᭄ᬲᬂᬓᭂᬘᬢᬸᬃᬧᬢᬸᬮᬶᬸᬢ᭄ᬮᬾᬤᬂ᭞ᬲᬮᬶᬂᬢᬸᬮᬸᬂᬲᬮᬶᬂᬳᬩᬶᬄ᭞ᬢ᭄ᬯᬭᬵᬤᬤᬶᬧᬮᬲ᭄᭞ᬧᬢᬸᬢ᭄ᬳᬤᬸᬂᬗᬃᬤᬶᬫ᭄ᬮᬄ᭞ᬫ
ᬗ᭄ᬕᬾᬦ᭄ᬚᬕᬢᬾᬲᬸᬢᬺᬧ᭄ᬢᬶ᭞ᬳᬧ᭄ᬢᬶᬦ᭄ᬩᬧᬵ᭞ᬫᬤᬓ᭄ᬳᬤᬸᬂᬫᬓᬲᬫᬶ᭟ᬓᬾᬢᭀᬩᬕᬸᬲ᭄ᬫᬤᬓ᭄ᬘ᭄ᬦᬶᬂᬲᬶᬤᬵᬦ᭄ᬭᬶᬫ᭞ᬦᬾᬓᭂᬩᬯᭀᬲ᭄ᬘᬢᬸᬃᬯᬃᬡᬶ᭞ᬫᬦᬸᬢ᭄ᬱ᭄ᬯᬥᬃᬫ᭄ᬫᬦ᭄ᬜ᭞
Page:Bali-lontar-gaguritan-dharmma-prawreti-350ppi.pdf/24
This page has been proofread.
