[᭒᭔ 24B]
᭒᭔
ᬫᬓᬤᬶᬧᬢᬸᬢ᭄ᬜᬮᬦᬂ᭞ᬘᬢᬸᬃᬧᬺᬯᬺᬢ᭄ᬢᬶᬉᬢᬫᬶ᭞ᬓᬃᬤᬶᬦ᭄ᬳᬶᬤᬵᬲᬗ᭄ᬳ᭄ᬬᬂᬫᬦᬸ᭠ᬤᬸᬓ᭄ᬗᬸᬦᬶ᭟ᬦᬄᬳᬫᭀᬦ᭄ᬢᭀᬫᬓᬧᬯᭂᬯᭂᬄᬲᬢ᭄ᬯ᭞ᬦᬾᬗᭂᬦᬶᬦᬶᬦ᭄ᬘᬢᬸᬃᬯᬃᬡᬶ᭞ᬅᬧ᭄ᬝᬶᬦ᭄ᬩ
ᬧᬦᬦᬓ᭄᭞ᬫᬤᬓ᭄ᬓᭂᬘᬢᬸᬃᬓᬲᬶᬤᬦ᭄᭞ᬜᬮᬦᬶᬦ᭄ᬘᬢᬸᬃᬧ᭄ᬭᬯᬺᬢ᭄ᬢᬶ᭞ᬧᬫᬸᬧᬸᬢ᭄ᬜ᭞ᬫᬸᬕᬶᬲᬫᬶᬫᬗ᭄ᬕᬶᬄᬢᬺᬧ᭄ᬝᬶ᭟ᬩᬾᬜ᭄ᬚᬂᬫᬮᬶᬄᬓᭂᬤᭂᬄᬩᬧᬫᬜᬢ᭄ᬯᬬᬂ᭞ᬘᬢᬸᬃᬧᬭᬫᬶᬢ᭄ᬣᬵ
ᬍᬯᬶᬄ᭞ᬦᬾᬚᬦᬶᬧᬸᬗ᭄ᬕᭂᬮᬂ᭞ᬲᬂᬤᬸᬃᬫ᭄ᬫᬚᬮᬦ᭄ᬢᬸᬮᬓᬂᬲᬂᬲᬶᬦᭀᬫ᭄ᬫᬗ᭄ᬤᬵᬗᬢᭂᬳᬶᬦ᭄᭞ᬳᬦ᭄ᬢᬶᬦ᭄ᬩᬧ᭞ᬫᬤᬓ᭄ᬳᬤᬸᬂᬬᬵᬲᬂᬓᬮᬶᬄ᭟᭚᭜᭚ᬧᬸᬄᬲᬶᬦᭀᬫ᭄᭚ᬲᬂᬲᬶ
ᬱ᭄ᬬᬯᬦ᭄ᬫᬢᬸᬃᬲᭂᬫ᭄ᬩᬄ᭞ᬤᬸᬄᬲᬂᬕᬸᬭᬸᬮ᭄ᬯᬶᬳᬶᬂᬩᬸᬤ᭄ᬤᬶ᭞ᬲᬭᬢ᭄ᬢᬶᬢ᭄ᬬᬂᬫᬦᬸᬦᬲᬂ᭞ᬘᬢᬸᬃᬧᬭᬵᬫᬶᬢ᭄ᬣᬍᬯᬶᬄ᭞ᬤᬸᬭᬸᬲᬂᬢᬶᬢ᭄ᬬᬂᬦ᭄ᬤᬶᬓᬳᬶᬦ᭄᭞ᬇᬢᬫ᭄ᬩᭂᬢ᭄ᬓᬮᬸᬤᬦ᭄ᬧᬸᬗ᭄ᬕᬸᬂ᭞᭠
[᭒᭕ 25A]
ᬳᬶᬗ᭄ᬕᬶᬄᬥᬸᬭᬸᬲ᭄ᬚ᭄ᬯᬵᬫᭂᬤᬮᬂ᭞ᬢᬶᬢ᭄ᬬᬂᬜᬤ᭄ᬬᬫᬦᬫ᭄ᬧᬦᬶᬦ᭄᭞ᬢᬸᬃᬲᬸᬫᬗ᭄ᬕᬸᬧ᭄᭞ᬫᬓᬤᬶᬦ᭄ᬜᬗᭂᬮᬓ᭄ᬱᬦᬬᬂ᭟ᬘᭂᬦᬶᬂᬩᬕᬸᬲ᭄ᬧ᭄ᬬᬦᬓ᭄ᬩᬧ᭞ᬚᬮᬦ᭄ᬓᬾᬓᬯᬶᬢᬂᬚᬦᬶ᭞ᬘ᭠
ᬢᬸᬃᬧᬭᬵᬫᬶᬢ᭄ᬣᬵᬢᬫ᭞ᬳᬕᭂᬫᬦ᭄ᬲᬂᬲᬢ᭄ᬯᬩᬸᬤ᭄ᬥᬶ᭞ᬩᭂᬘᬶᬓ᭄ᬦᬾᬚᬦᬶᬓᬯᬶᬢᬶᬦ᭄᭞ᬩᬘᬓᬦ᭄ᬜᬫᬗ᭄ᬤᬾᬦ᭄ᬢᬳᬸ᭞ᬫᬾᬢ᭄ᬭᬶᬬᬵᬢᭀᬓᬧᭂᬃᬢᬫ᭞ᬓᬭᬸᬡᬦᬾᬓᬧᬶᬂᬓᬮᬶᬄ᭞ᬓᬧᬶᬂᬢᭂ
ᬮᬸ᭞ᬫᬸᬤ᭄ᬥᬶᬢ᭄ᬣᬲᭀᬮᬄᬉᬢ᭄ᬢᬫ᭟ᬉᬧᬾᬓ᭄ᬱᬦᬾᬓᬧᬶᬂᬳᭂᬫ᭄ᬧᬢ᭄᭞ᬕᭂᬦᭂᬧ᭄ᬩᬘᬓᬦ᭄ᬜᬲᬫᬶ᭞ᬩᬮᬶᬓ᭄ᬚᬦᬶᬩ᭄ᬯᬶᬦ᭄ᬓᬯᬶᬢᬂ᭞ᬲᭀᬮᬄᬫᭂᬢ᭄ᬭᬶᬬᬦᬾᬳᬃᬢᬶᬦᬶᬦ᭄᭞ᬧᬲ᭄ᬯᬾᬘ
ᬳᬢᬸᬮᬸᬂᬳᬸᬭᬶᬧ᭄᭞ᬓᬸᬓᬸᬄᬗᬫᭀᬂᬥᬃᬫ᭄ᬫᬲᬥᬸ᭞ᬤᬸᬓ᭄ᬫᬦᬸᬮᬸᬂᬢᬦ᭄ᬚᬗ᭄ᬓᬬᬦ᭄᭞ᬪᬬᬧᬢ᭄ᬯᬶᬢᬦ᭄ᬓᬾᬢᬗᬶᬦ᭄᭞ᬤᬦᬵᬢᬸᬮᬸᬲ᭄᭞ᬲᬤᬦᬦ᭄ᬲᬂᬫᬾᬢ᭄ᬭᬶᬬᭀᬢᬫ᭄ᬫᬵ᭟᭐
Page:Bali-lontar-gaguritan-dharmma-prawreti-350ppi.pdf/25
This page has been proofread.
