[᭒᭕ 25B]
᭒᭕᭞
ᬲᬂᬗᬫᭀᬂᬚᬶᬯᬫᬾᬢ᭄ᬭᬶᬬᬵ᭞ᬢᬦ᭄ᬓᭀᬗ᭄ᬕᬸᬳᬦ᭄ᬲᬶᬕᬸᬕ᭄ᬩᭂᬭᬂᬢᬶ᭞ᬚᭂᬕ᭄ᬦᬭᭀᬲ᭄ᬫᬗᬃᬤᬶᬮᬾᬤᬂ᭞ᬧᬗ᭄ᬭᬱᬦ᭄ᬜᬚᬢ᭄ᬣᬶᬢᬸᬗ᭄ᬕᬶᬮ᭄ᬫᬭᬶᬂᬇᬲᬵᬃᬯ᭄ᬯᬫᬳᬸᬭᬶᬧ᭄᭞ᬧᬢᬸᬄᬳᭂᬦ᭄ᬢᭀᬬ
ᬓᬤᬸᬮᬸ᭞ᬳᬢᭂᬧ᭄ᬬᬵᬢᬦ᭄ᬓᬯᬃᬦᬵᬦ᭄᭞ᬦᬾᬩᬾᬤ᭄ᬥᬯᬦ᭄ᬢᬄᬤᬶᬲᬶᬲᬶ᭞ᬓᬸᬮᬶᬢ᭄ᬧᬮ᭄ᬲᬸ᭞ᬬᬢᬦ᭄ᬢᬢᬲ᭄ᬗᬯᬾᬲᬕ᭄ᬰᬕ᭄᭟ᬓᬾᬢᭀᬚᬢ᭄ᬣᬶᬲᬂᬫᬾᬢ᭄ᬭᬶᬬᬵ᭞ᬧᬢᬸᬢ᭄ᬢᬶ
ᬭᬸᬲᬋᬂᬲᬫᬶ᭞ᬚᬵᬢ᭄ᬣᬶᬧᬭᬕᬬᬦ᭄ᬥᬃᬫ᭄ᬫ᭞ᬢᭂᬓᭂᬓ᭄ᬗᬫᭀᬂᬩᬸᬤ᭄ᬥᬶᬳ᭄ᬦᬶᬂ᭞ᬅᬪᬬᬥᬦᬵᬢᬦ᭄ᬫᬭᬶ᭞ᬓᬗ᭄ᬕᬾᬦ᭄ᬲᬵᬥᬦᬵᬧᬓᬸᬓᬸᬄ᭞ᬗᬯᬾᬳᬤᬸᬂᬓᬸᬮᬵᬕᭀᬢ᭄ᬭ᭞ᬳᬚᬓ᭄
ᬗᬮᬶᬄᬦᬾᬲᬸᬚᬢ᭄ᬣᬶ᭞ᬲᬶᬦᬄᬧᬗ᭄ᬕᬸᬄ᭞ᬬᬦ᭄ᬕᭂᬫᭂᬢ᭄ᬗᭂᬫᬶᬢ᭄ᬤᬶᬫᬦᬄ᭟ᬩᭂᬘᬶᬓ᭄ᬩᬧᬫᬜᬢ᭄ᬯᬬᬂ᭞ᬲᬂᬅᬪᬬᬤᬦᬵᬚᬦᬶ᭞ᬬᬦᬶᬂᬫᬦᬸᬢ᭄ᬲᬫᬸᬱ᭄ᬘᬬᬵ᭞ᬓᬃᬤᬶᬦ᭄ᬯᬭᬵᬭᬹᬘᬶ᭠
[᭒᭖ 26A]
ᬗᬸᬦᬶ᭞ᬲᬂᬅᬪᬬᬵᬥᬦᬵᬚᬢ᭄ᬣᬶ᭞ᬢ᭄ᬯᬭᬦᬳᬦ᭄ᬗᬯᬾᬭᬸᬰᬸᬄ᭞ᬯᬦ᭄ᬢᬄᬳᬰᬶᬄᬓᬫᬃᬕ᭄ᬬᬂ᭞ᬲᬳᬶᬗᬍᬕᬦᬶᬦ᭄ᬯᬃᬕ᭄ᬕᬶ᭞ᬫᬢᭂᬢᬸᬮᬸᬂ᭞ᬳᭂᬦ᭄ᬢᭀᬓᬗ᭄ᬕᬾᬦ᭄ᬫᬱᬥᬦᬵ᭟ᬲᬂᬗᬫᭀᬂᬅ᭠
ᬪᬬᬵᬤᬦᬵ᭞ᬬᬦ᭄ᬩᬦ᭄ᬤᬶᬗᬂᬩᬗᭂᬢ᭄ᬮᬸᬯᬶᬄ᭞ᬭᬶᬂᬲᬂᬗᬫᭀᬂᬤᬺᬯ᭄ᬬᬤᬦᬵ᭞ᬓᬾᬢᭀᬓᬲᬶᬦᬳᬂᬘ᭄ᬦᬶᬂ᭞ᬲᬗ᭄ᬓᬦ᭄ᬓᬯᬶᬢᬶᬦ᭄ᬦᬾᬚᬦᬶ᭞ᬅᬪᬬᬵᬤᬦᬵᬦᬾᬤᬸᬮᬸᬄ᭞ᬳᭂᬦ᭄ᬢᭀᬕᬭᬧ᭄ᬬ
ᬧᬱ᭄ᬝᬶᬓ᭞ᬬᬤ᭄ᬬᬦ᭄ᬢᬶᬯᬲ᭄ᬚ᭄ᬭᭀᬦᬶᬂᬳᬸᬭᬶᬧ᭄᭞ᬳ᭄ᬤᬵᬩᬸᬯᬸᬂ᭞ᬗᬭᬧ᭄ᬳᬦᬾᬫᬤᬦ᭄ᬥᬃᬫ᭄ᬫᬵ᭟ᬯᬶᬭᬾᬄᬲᬸᬩᬓᬲᬶᬦᬳᬂ᭞ᬲᬂᬤᬸᬃᬰᬶᬮᬵᬚ᭄ᬭᭀᬦᬶᬂᬳᬸᬭᬶᬧ᭄᭞ᬚᬢᬶᬧᬯᬓᬦ᭄ᬲᭂᬗ᭄ᬓᬮ᭞ᬢ
ᬦ᭄ᬧᬾᬦ᭄ᬤᬄᬓᬤᬶᬲᬂᬲᬓᬶᬢ᭄᭞ᬦᬸᬚᬸᬓᬦᬾᬰᬦᬾᬕ᭄ᬭᬶᬢ᭄᭞ᬲᬶᬦᬄᬢᬫ᭄ᬩᬦᬾᬢᬦᬵᬧᬗ᭄ᬕᬸᬄ᭞ᬦᬾᬧᬗ᭄ᬕᬶᬄᬯᬦ᭄ᬢᬄᬓᬮᬭᬦ᭄᭞ᬲᬓᬶᬢ᭄ᬳᬢᬶᬦ᭄ᬜᬫᬢᬶᬦ᭄ᬤᬶᬄ᭞ᬓᬾᬢᭀᬦᬕᬸᬲ᭄᭞
Page:Bali-lontar-gaguritan-dharmma-prawreti-350ppi.pdf/26
This page has been proofread.
