[᭔᭖ 46B]
᭔᭖᭞
ᬓᬯᬶᬢᬦ᭄ᬚᬕᬢ᭄᭞ᬲᬂᬳ᭄ᬬᬂᬩ᭄ᬭᬳ᭄ᬫᬵᬧ᭄ᬭᬚᬵᬧᬢ᭄ᬣᬶ᭞ᬉᬕᬶᬫᬲᬥᬦᬵᬲᬵᬦ᭄ᬢᬸᬦ᭄᭞ᬲᬢ᭄ᬱᬢ᭄ᬕᬸᬭᬸᬬᬵᬕᬓᬢᬸᬃ᭞ᬭᬶᬂᬳᬶᬤᬵᬳ᭄ᬬᬂᬧᬶᬢ᭄ᬣᬫᬳᬵ᭞ᬦᬾᬓᬲᭂᬗ᭄ᬕᬸᬄᬩᬧᬅᬕᬸᬂ᭞ᬫᭀ
ᬖ᭄ᬕᬵᬮᬾᬤᬂᬗᬦᬸᬕ᭄ᬭᬳᬵ᭞ᬓᬚᬕ᭄ᬭᬦ᭄ᬭᬶᬂᬲᬵᬃᬯ᭄ᬯᬫᬯᬓ᭄᭟ᬢᬸᬫᬸᬲᬂᬲᭂᬫ᭄ᬩᬄᬓᬧᬶᬂᬘ᭠ᬢᬸᬃ᭞ᬓᬯᬗᬾᬦ᭄ᬧᬸᬱ᭄ᬧᬦ᭄ᬜ᭞ᬓᬢᬸᬃᬭᬶᬂᬤᬾᬯᬵᬤᬾᬯᬢᬶ᭞ᬫᬓᬤᬶᬭᬶᬂᬳ᭄ᬬᬂᬲᬶᬦᬸᬯᬸᬦ᭄᭞
ᬦᬦᬸᬢ᭄ᬮᬶᬗ᭄ᬕᬶᬄᬳ᭄ᬬᬂᬓᬲᬸᬗ᭄ᬲᬸᬂ᭞ᬳᬦᬾᬓᬢᬸᬭᬦ᭄ᬧ᭄ᬬᭀᬤᬮ᭄᭞ᬫᬸᬕᬶᬧᬶᬦᬸᬦᬲᬾᬢᬸᬫᬸᬲ᭄᭞ᬫᭀᬮᬶᬄᬲᬸᬓᭂᬃᬢ᭄ᬣᬭᬳᬵᬃᬚ᭞ᬚᬕᬢ᭄ᬓᬮᬯᬦ᭄ᬤᬕᬶᬂᬜ᭟ᬭᬶᬂᬧᬫᬸᬧᬸᬢ᭄᭠
ᬩ᭄ᬯᬶᬦ᭄ᬲᭂᬫ᭄ᬩᬄᬧᬸᬬᬸᬂ᭞ᬦᬾᬫ᭄ᬯᬢ᭄ᬯᬶᬭᬱ᭞ᬧᬫᬦ᭄ᬢᬸᬓᬦ᭄ᬤᬾᬯᬵᬤᬾᬯᬶ᭞ᬫᬢᬶᬗ᭄ᬕᬮᬦ᭄ᬢᭂᬤᬸᬄᬮᬦ᭄ᬥᬸᬄ᭞ᬫᭂᬦ᭄ᬢᬶᬓ᭄ᬬᬵᬲᬃᬯ᭄ᬯᬢᬶᬦᬦ᭄ᬥᬸᬃ᭞ᬯᬶᬪᬸᬳᬶᬂᬲᬵᬦ᭄ᬤᬂᬮᬦ᭄ᬧᬗᬦ᭄᭞
[᭔᭗ 47A]
ᬓᬳᬶᬘᬮᬦ᭄ᬲᬵᬃᬯ᭄ᬯᬮᭂᬢᬸᬄ᭞ᬧᬫᬸᬯᬸᬢ᭄ᬜᬫᬗ᭄ᬤᬾᬦ᭄ᬲᬶᬤ᭄ᬥ᭞ᬦᬶᬃᬖ᭄ᬕᬵᬬᬸᬱᬵᬧᬭᬶᬧᬹᬃᬡ᭄ᬦᬵ᭟ᬧᬜ᭄ᬘᬲᭂᬫ᭄ᬩᬳᬾᬦᬵᬦᬓ᭄ᬯᬸᬲ᭄ᬧᬸᬧᬸᬢ᭄᭞ᬮᬦ᭄ᬚᬦᬶᬮᬦ᭄ᬢᬸᬭᬂ᭞ᬲᬕᬺᬳᬦ᭄ᬗᬢᬸᬭᬂᬕᬸᬭᬶᬢ᭄᭞
ᬬᬦ᭄ᬲᬵᬫ᭄ᬧᬸᬦ᭄ᬕᬸᬭᬶᬢᬾᬧᬸᬧᬸᬢ᭄᭞ᬮᬳᬸᬢᬂᬦᬸᬦᬲ᭄ᬓᬓᬸᬮᬸᬄ᭞ᬫᬧᬶᬚᬵᬫᬶᬯᬄᬫᬲᭂᬓᬃ᭞ᬬᬦᬶᬂᬳᭂᬦ᭄ᬢᭀᬲᬸᬩᬧᬸᬧᬸᬢ᭄᭞ᬚᬮᬦ᭄ᬫᬢᬗᬶᬇᬦᬵᬦᬓ᭄᭞ᬦᭂᬕᬓ᭄ᬤᬶᬩᬮᬾᬧ
ᬭᬸᬫᬵᬦ᭄᭟ᬦᬾᬫᬗ᭄ᬓᬶᬦ᭄ᬲᬫᬶᬲᬕᬺᬳᬦ᭄ᬱᬫ᭄ᬧᬸᬦ᭄᭞ᬯᬾᬦ᭄ᬢᭂᬦ᭄ᬭᬶᬂᬧᬭᬸᬫᬵᬦ᭄᭞ᬲᬫᬶᬲᬵᬫ᭄ᬧᬸᬦ᭄ᬫᬲᬂᬮᬶᬗ᭄ᬕᬶᬄ᭞ᬧᭂᬤᭂᬓ᭄ᬫᬗᬶᬭᬶᬂᬲᬂᬫ᭄ᬧᬸ᭞ᬲᬂᬫ᭄ᬧᬸᬭᬭᬶᬲ᭄ᬳᬫᬸᬯᬸᬲ᭄᭞ᬘᭂᬦᬶᬂᬦᬓᬶᬸᬦ
ᬓ᭄᭞ᬧ᭄ᬬᬦᬓ᭄ᬩᬧᬵ᭞ᬫᭂᬮᬳᬂᬚᬦᬶᬫᬗ᭄ᬭᬸᬗᬸ᭞ᬳᬸᬧᬦᬶᬱᬤ᭄ᬯᬶᬤ᭄ᬥᬶᬢᬢ᭄ᬯ᭞ᬦᬦᬵᬓ᭄ᬲᬶᬦᭀᬫ᭄ᬫᬫᬸᬧᬸᬳᬂ᭚᭜᭚ᬧᬸᬧᬸᬄᬲᬶᬦᭀᬫ᭄᭚ᬇᬤᬸᬧᬾᬤᬤᬶᬫᬦᬸ
Page:Bali-lontar-gaguritan-dharmma-prawreti-350ppi.pdf/47
This page has been proofread.
