[᭔᭗ 47B]
᭔᭗᭞
ᬱᬵ᭞ᬳᬕᭂᬢᬂᬢᬸᬃᬬᬵᬳᬧᬶᬓᬶᬦ᭄᭞ᬲᬢ᭄ᬫᬓᬚᬦ᭄ᬗᬫᬸᬗ᭄ᬕᬳᬂ᭞ᬫᬦᬸᬜ᭄ᬘᬧ᭄ᬰ᭄ᬯᬃᬕ᭄ᬕᬵᬦᬾᬍᬯᬶᬄ᭞ᬫᬗ᭄ᬤᬾᬦ᭄ᬱᬸᬯᬸᬤ᭄ᬲ᭄ᬤᬶᬄᬓᬶᬂᬓᬶᬂ᭞ᬫᬜ᭄ᬚᬓᬶᬦ᭄ᬓᭂᬭᬜ᭄ᬚᬂᬳᬸᬯᬸᬕ᭄᭞ᬦᬾᬫᬳᭀᬩᬄ
ᬬᬲᭂᬢᬢ᭄ᬣ᭞ᬩᭂᬘᬶᬓ᭄ᬳ᭄ᬬᬂᬳᬢ᭄ᬫᬵᬧᬢᬶᬢᬶᬲ᭄᭞ᬳᭂᬦ᭄ᬢᭀᬤᬸᬮᬸᬄ᭞ᬳᬗ᭄ᬕᭀᬦ᭄ᬦᬸᬗ᭄ᬕᬶᬮ᭄ᬭᬶᬂᬳ᭄ᬬᬂᬲᬹᬓ᭄ᬱ᭄ᬫ᭟ᬘᭂᬦᬶᬂᬲᬫᬶᬧ᭄ᬬᬦᬓ᭄ᬩᬧ᭞ᬩᬧᬩᬗᭂᬢ᭄ᬫᬸᬚᬶᬘ᭄ᬦᬶᬂ᭞ᬩᬦ᭄ᬓ᭄ᬯᬢ᭄ᬦᬵᬦᬓ᭄ᬫᬦᭂᬕ
ᬓ᭄᭞ᬫᬗ᭄ᬭᬸᬗᬸᬢᬸᬢᬸᬭᬾᬚᬵᬢ᭄ᬣᬶ᭞ᬫᬤᬓ᭄ᬘᭂᬦᬶᬂᬲᬶᬳᬶᬦ᭄ᬯᬶᬤ᭄ᬥᬶ᭞ᬤᬤᬶᬳᬦᬓ᭄ᬥᬃᬫ᭄ᬫᬵ᭠ᬲᬥᬸ᭞ᬯ᭄ᬦᬂᬗᬸᬭᬸᬓ᭄ᬓᬧᬢᬸᬢᬦ᭄᭞ᬯᬶᬪᬸᬄᬲᬶᬱ᭄ᬬᬰ᭄ᬭᬤ᭄ᬥᬪᬓ᭄ᬢᬶ᭞ᬲᬳᬶᬳᬤᬸᬂ᭞ᬗᬯᬾᬓᬭᬳᬃᬚᬵ
ᬦ᭄ᬚᬕᬢ᭄᭟ᬩ᭄ᬯᬶᬓ᭄ᬩᭂᬤᬶᬓ᭄ᬩᬧᬜᬢ᭄ᬯᬬᬂ᭞ᬲᬢᭀᬦ᭄ᬤᬾᬦ᭄ᬘᭂᬦᬶᬗᬾᬳᬭᬶᬧ᭄᭞ᬫᬸᬕᬶᬘᭂᬦᬶᬂᬢᬦ᭄ᬗᭀᬩᭂᬢᬂ᭞ᬩᬧᬗᬯᭂᬯᭂᬳᬶᬦ᭄ᬫᬮᬶᬄ᭞ᬧᬗᭂᬕᬦᬾᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬤᬾᬦ᭄ᬢᭂ᭠
[᭔᭘ 48A]
ᬮᭂᬩ᭄ᬘ᭄ᬦᬶᬂᬜᬸᬂᬲᬸᬂ᭞ᬚᬮᬦ᭄ᬓᬾᬚᬦᬶᬓᬯᬶᬢᬂ᭞ᬧᬶᬓ᭄ᬦᭀᬄᬲᬂᬗᬸᬕᬸᬯᬶᬤ᭄ᬥᬶ᭞ᬤᬤᬶᬕᬸᬕᬸ᭞ᬓᬾᬦ᭄ᬓᬾᬦ᭄ᬓᬧᬶᬦᭂᬄᬤᬶᬫᬦᬄ᭟ᬫᬶᬭᬶᬩ᭄ᬘ᭄ᬦᬶᬂᬲᬸᬩᬧᭂᬤᬲ᭄᭞ᬅᬕᬫᬦᬾᬓᬾᬄᬜᬸ
ᬗ᭄ᬓᭂᬫᬶᬦ᭄᭞ᬦᬰ᭄ᬭᬡᬶᬳᬶᬲ᭄ᬮᬫ᭄ᬮᬦ᭄ᬩᬸᬤ᭄ᬥᬵ᭞ᬓᭀᬂᬳᬸᬢ᭄ᬲᬸᬳᬶᬦ᭄ᬥᬸᬫᬓᬤᬶ᭞ᬲᬫᬶᬗᭂᬕᬭᬶᬂᬳ᭄ᬬᬂᬯᬶᬤ᭄ᬥᬶ᭞ᬯᬱ᭄ᬝᬵᬦ᭄ᬜᬩᬾᬤᬓᬯᬸᬯᬸᬲ᭄᭞ᬗᬶᬂᬦᬾᬓᬧ᭄ᬢᬶᬯᬦ᭄ᬢᬄᬢᬸᬗ᭄ᬕᬮ᭄᭞ᬫᬗ᭄ᬤᬾ
ᬦ᭄ᬮᬦ᭄ᬤᬸᬄᬚ᭄ᬭᭀᬦᬶᬂᬉᬭᬶᬧ᭄᭞ᬢᬸᬃᬓᬧᬸᬗ᭄ᬓᬸᬃ᭞ᬲᬶᬤ᭄ᬥᬦᬸᬗ᭄ᬕᬶᬮ᭄ᬭᬶᬂᬳ᭄ᬬᬂᬢᬶᬝᬄ᭟ᬦᬾᬓᬲᭂᬗ᭄ᬕᬸᬄᬲᬂᬳ᭄ᬬᬂᬢᬶᬝᬄ᭞ᬗᭂᬩᭂᬓ᭄ᬭᬶᬂᬚᬵᬕᬢᬾᬲᬫᬶ᭞ᬳᬶᬤᬵᬗᬸᬢ᭄ᬧᭂᬢ᭄ᬣᬶᬤᬕᬶᬂᬚᬵᬕᬢ᭄᭞ᬜᭂᬢᬶᬢᬶ᭠
ᬧ᭄ᬭᬮᬶᬡᬵᬭᬭᬶᬲ᭄᭞ᬳᬶᬤᬵᬯ᭄ᬬᬓ᭄ᬢᬶᬤᬳᬢ᭄ᬰᬓ᭄ᬢᬶ᭞ᬳᬶᬤᬳᬸᬦᬶᬂᬫ᭄ᬭᬕᬲ᭄ᬬᬸ᭞ᬫᬲᬶᬄᬳᬸᬦᬶᬂᬫ᭄ᬭᬕᬵᬢᬸᬗ᭄ᬕᬮ᭄᭞ᬢᬍᬄᬯᬶᬓᬦ᭄ᬫ᭄ᬭᬕᬵᬢ᭄ᬭᬶ᭞ᬤᬸᬓ᭄ᬧᬸᬦᬶᬓᬸ᭞ᬳ᭄ᬬᬂᬢ᭄ᬭᬶᬫᬹᬃᬢ᭄ᬢᬶᬓᭂᬩ᭠
Page:Bali-lontar-gaguritan-dharmma-prawreti-350ppi.pdf/48
This page has been proofread.
